|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
| كلمات البحث |
| أبيض جدّاً |
|
|
LinkBack | أدوات الموضوع |
التقييم: 
|
طرق العرض |
01-21-2010, 12:45 PM
|
#61 | ||||
|
أنا هكذا
اِعتدتُ أن يُغادرني من أحب ، حينها أكادُ أغادر نفسي بعدد إيماءات الوَداع ، و دمع الخذلان ، وَ بعدد حبّات الحنين [ كانوا كالبيضاء، كالتّي قالُوا بأنّي أشبهها في حبّها ] وكأنّ القدر قد مزجنا في نقاء واحد ، و روح واحدة تسع عالم ً ينبضُ بحكاياتنا ، بأحلامنَا ، بشقاوتنا و براءتنا ، وعندما أيقنَ أنّ كلّي خُلق بجزء ٍ منكم ، وأنّ نقصاني يكمنُ في غيابكم .. قصم ظهري برحيلكم. تلك الصغيرة التّي تشبهُ الياسمين ، التّي تلتحف بقطرة نَدى وفي المسَاء ، تشعلُ الليل بعُود كبريت قَد ذبَلت ملامحها , والياسمينة ماتت !
|
||||
|
01-21-2010, 05:18 PM
|
#62 | ||||
|
المُكان اللي هنا مليان
ضحكات وأغاني .. والكلام اللي بغيت أقوله يحتاج لـ سَكينة ، شوفي الرّكن البعييد هنا ا ا ك كنّه صدر حاني ، هذا هو اللي يليق بشاعر ٍ وبنت حزينة !, اِنسي الشّارع ، وعتمات الزّوايا و المبَاني هاتي يدينك .. نلفّ الغيم ونشكّل مدينة !  :: الله ! دخل قلبي هالمقطع ، دغدغ مشاعري ع قولت ربعي  تسلم يدك شاعرنا فهد بن مسَاعد. شخباركم ؟ ما وحشتكم سوالفي البعيدة عن الجوّ المشحون بأرق الامتحانات ؟ أنَا حتى لو ودّي أتكلّم ، كمبيوتري قلالة حياه زايدة وهاذي المرّة الثانية أكتب فيها هالرَد لأنه بكل بساطة يشيّر علي حزتها اليُوم امتحاني ، شاقُولكم أحسني لخبطت فيه طلعت من القَاعة متنرفزة , ومالي بأرض شي بس بنفس الوقت أضحك على شكلي  البابا شافني عند المدرسة فهمني من ملامحي ، في السّيارة .. - بابا شتبين أشتريلج ريوق ؟ - مابي شي ! < تستاهل بوكس  وطُول الطريق يقولي يتراوى لج إنج مخبصة ، أكيد سويتي زين بس أنا مو مقتنعة، منقهرة على التعب اللي بذلته، بس اللهمّ لا اِعتراض أنا أخذت بالأسباب والمكتُوب بيصير  وصل المسكول عاد الظاهر للماما هههه فاتّصلت ع البيت ورديت عليها بصوت وحدة تحتضر يا دافع البلا والبلوى  قالت : بل ، شفيج ليكون نايمة ؟ - لا مو نايمة . - هي بضحكة : زين شخبار الامتحان؟ حزّتها صمت دقيقتين .. و صياح هي كانت تدري إنّي أصيح وإنّي مسوية لهم فاتحة في البيت ههههإلا تسوي لي : "شوفي أنا مو متحملة كل يوم أشتريلج قوطي كلينكس طول الامتحانات، راحت على الميزانية" خلتني أضحك طمأنتني لما قالت لي بس أنا حاسة إنج سويتي زين , مع إن انا اللي مقدمة الامتحان بس بتفاءل وبستند على إحساس أمّي .. براويكم شي بس لا تتطنزون  Me : كنت بسألكم شلون راح تصير حياتنه بدون بعض تصوّروا ؟ Duaa : احلى Me : اِنتين اكلي هوا  ويه البمبر Koko : مفل السلطه بدون ملح مفل الجاي بدون شكر Me : مفل القدو بدون تتن Koko : مفل البطيخه بدون حب Me : مفل الهوا بدون أكسجين مفل الخشم بدون خنفرة Duaa : مفل البعره بلا بعيرة هههههههه يا الله مجانين ! راويتكم جزء لأنّ الباقي مأساة من قلب ترى حرف الفاء "مفل" < يعني مثل بس احنه ناس نحافظ على عراقة التراث هالمجانين من أشوفهم أضحك , شخانت الدنيا بدون ربع مكفهرين   متحيرة أقعد الليل أذاكر ثقف ولا أروح بيت يدي .. أحسني لو دفنت روحي هني ما بطيق أفتح كتاب ونفسيتي بتتعب أكثر , هذا اليُوم الوحيد اللي أطلع فيه وأشم هوا نقي ! بس محتاجة أفهَم وايد أشياء وأركّز عليها بُكرة ، فلازم أخلص جزء اليوم انصحُوني (:
التعديل الأخير كان بواسطة : نور المنتدى بتاريخ 01-21-2010 الساعة 05:26 PM |
||||
|
01-22-2010, 01:33 PM
|
#63 | ||||
|
لأن اِبتسامتك
كفيلة بأن تبثّ لقلبي شعاع نُور كـ الّذي يعبرُ أحلامي في كلّ ليلة. أنتَ وحدك من تُبدد أسودَ الذّكريات ، و تُولد مع فرحة ِ حضورك ملايينَ اِبتسامات ٍ ، و أطفالً يشبهُونك يحملُون رائحتك ، ملامحك الطّفولية ، و ذات اللمعة البريئة التّي تطفحُ على عينيك ! ، و لكَم تمنّيتُ أن يرزقني الله بطفل ٍ يشبهك , لألثمه ، أضمّه .. و أشمّـك فيه !:: مساء الاطمئنان (: ماخذلتي بريك عن المذاكرة ، إذا أنجز شي بسيط أتخيّب أروح أكمّل هههه بروح أذاكر شوي و برتاح لي ساعة ونص والليل إن شاء الله أكمّل الجزئيّة اللي أبّيها  راجعتلكم قاعدة ع قلبكم اليوم
|
||||
|
01-24-2010, 09:24 PM
|
#64 | ||||
|
أحلامي ضاعت بالفضا ..
مجرُوح ما عندي حدَا !
|
||||
|
01-24-2010, 10:15 PM
|
#65 | ||||
|
مساء الفرح (:
شخباركم ؟ اممم , اذا قلت لكم إنّي " ما أنَام " تصدقوني ؟ تصوّروا .. مواصلة من أمس تقريباً بالغصب نمت لي 3 ساعات وشوي بالليل .. و صحيت السّاعة 4 الصّبح ذاكرت، طبعاً رحت قدّمت اِمتحاني والحمد لله كان سهل ردّيت البيت نمت بالضبط "نص ساعة" ، وطبعاً هذا مو كفاية لأنّ صار لي أسبوع كامل محتاجة نوم < لا ومستانسة بعدالعصر كله ضيّعته وأنا أتقلّب ع السرير يا بنت الحلال نامي اِنخمدي .. وهي أبداً السّين شفتون اذا الواحد صار له كم ليلة مو نايم وتعبان و بنفس الوقت ما تغط عينه , إرهاق من خاطر من كثر التّعب يجافيني النّوم  كل دقيقة أتّصل لنوفاني أتحلطم عندها وهي تقولي : الحال من بعضو بس يا ستّي انتوا تنامون .. أنا ما أنام .. حالتي مستعصية بعدين قرّرت آخذ لي مذكرة للأجا ، يقولون عنها خوش نفرة ومفيدة و بنت أياويد فـ ليش لأ خل نستفيد  أنا ع فكرة اذا علي اِمتحان ، الأوراق مال التلخيص تكون أكثر من أوراق الكتاب هههه فغصب اتييني حالة إحولال اتصلت للبابا عشان أقوله يوديني المكتبة, اهوه كان رايح إييب أخوي من المطَار "الحمد لله ع السّلامة بعد عيني" - بابا يصير توديني المكتبة بعد ما تيي ؟ - والله مادري ، احتمال أتأخر والمكتبة تسكّر .. قولي لأخوج عاد هني ياني إحباط ! أنا ماعرف أطلب من أخوي العود طلب .. مع إنّه مسكين ما يردني بس أحسّه مرهق من الشّغل قلت للماما - عاد قولي ليه .. عاد عاد ! - ما بقول ، عندج إياه في المطبخ .. اِنتي روحي قولي مافيها شي حزتها تصوّروا دمّعت عيوني < ما أتحمّلني ! قعدت أصيح ههههه ولما رديت رحت لها قالت لي ماما لازم تكون عندج شخصية .. مافيها شي هذا أخوج ما بياكلج, روحي قولي ليه دخلت عليهم المطبخ منخشة عند البَاب كأني فارة يازعم مستحية و سألته وقال أوكا و ابتسامة عريضة تكسو فيسه < يخرب بيت أم التعبير. شريت لي و لدعّوي مذكّرة , عاد لما يات بيتنه هي وأمها عند الباب عشان أسلّمها المذكّرة مدت لي البيزات , وانا قايلة لها في التلفون بيزات ما باخذ .. ويلا اتلحّقيها  عاد كان قدام أمها ماتقدر تتعلف فيني وتعاندني, قلت لها نو واذا نور قالت نو يعني نو < زين فهمنه لما طلعوا خزّت فيني ع صوب وأنا أأشر عليها وأضحك تهلكني نظراتها الدّوبة ! المُهم بكرة علي أقعد من صباحة الله خير ، و أذاكر 16 درس أجَا .. وكم خريطة ما بقُول عنه طويل , لأنّي مابّي أحبط روحي أكثر أهوه مردّه بيخلص كفاية اللي يتصلون لي ويدخلون علي المسن كل شوي يتحلطمون علي .. والله يابوا لي الصيحة هههه تصبحون على إشراقة أمل (:
التعديل الأخير كان بواسطة : نور المنتدى بتاريخ 01-24-2010 الساعة 10:21 PM |
||||
|
01-26-2010, 01:09 PM
|
#66 | ||||
|
ههههههه
فيني ضحكة < زين اِنتي شقاعدة تسوين الحين يالمدمّغة ؟ أمس ما نمت إلا 11 وكان باقي علي 3 درُوس لكن قلت بتّ يا نور روحي اِنخمدي وباجر يحلها ألف حلال , لأن مخّي تسكّر مو قادرة أستوعب شي من اللي أقرأه حطّيت المنبه ع الـ 3:40 و الصّبح صراع نفسي ع ما أقوم .. لمّا صارت أربع سوّيت رنّة طويلة لـ دعّوي عشان تصحى و تذاكر, عبارة وصّتني أمس وكنت بصير نذلة وبسوّي رنة لميرو وبصحّيها من نومتها هههه لأن أدري فيها خايبة وما بتقعد إلا متَى , صلّيت ع النبي و خزيت بليس .. أخاف ما أتوفّق < طالع التفكير الشّنيع بس !هههه تصوّروا والله خمس مرات يمكن أروح الحمام عزكم الله من التفكير, ههههه ! والماما تقولي قومي نامي لج شوي قبل الامتحان ما بتقدرين تركزين لكن صج درست بضميييييييير  أوّل مرّة أحس إنّ عندي ضمير صراحتن وفي الامتحان .. يانه "زهايمر" بس شفنه الورقة إلا كل المعلومات و الأرف راحوا مع مهبّ الريح ريح في جبدهم تقريباً سؤالين هريت فيهم من عندي .. بس أنه واثقة من هراري صراحة فردت الشنص ولا افتكرت .. لأن صج تعبت و أخذت بالأسباب ما أهمَلت, لكن هذا المكتُوب وأنا واثقة الله بيعطيني ع قد تعبي, إن شاء الله اللي يصحّح ورقتي إنسان جميل أوّل شي سويته لما ركبت السّيارة - بابا يوعانة : p هالمرّة انا قلت ليه بدون ما يسألني , صج صج نفسيتي مفتوحة كانت .. من اليُوع أكلي طول هالإسبوعين يقتصر على جبس وكاكو و عصير , تنسد نفسج غصب من مقابل الكتب  والضّحية الوحيدة لهالأزمات الخنفروشيّة - شعري + صحّتي هههه أحسني من زمان ما مشّطت شعري عدل , صاير يطيح بالهبَل ! راحت أيامك يالحرِير < لحظة بلقف السّقف ما عليكم منّي, هاذي حالة طبيعية جرّاء الضّغط الإكفهراري اللي أعيشه (: صاير في خا ا ا طري أسوّي أشياء مجنوووونة و أجنّن حد أحس بكبت مش طبيعي  تمسُون على خير
التعديل الأخير كان بواسطة : نور المنتدى بتاريخ 01-26-2010 الساعة 01:14 PM |
||||
|
01-26-2010, 05:02 PM
|
#67 | ||||
|
مسَاء الخير (: شوفوا شيايبة لكم , هاي في اِمتحان الريض .. إبداعات طلّاب البحرين استمتعوا يابويي .. وقبل البدء صلّوا ع النبي ثلاث مرات منعاً للحسد أدري عينكم حارّة !  قال لكم إنّ أستاذه غايب ! ما هكذا التفاهم   الله على الفن  بس كان ناقص يرفق العذر الطبّي على قلبي هالولَد "اِرحموا من في الأرض يرحمكم من في السّماء "  متأثر الأخ وهاذي إجابة طالب ثاني على نفس السّؤال :  هههه تعبت وأنا أحاول أفهمه شكاتب .. بس والله حماس أحس اللي صحّح الورقة عاش الوضع .. بس ما يندرى شجّع أي فريق < فجّج عاد وهذا سؤال مقررنه (151) اللي جرح القلوب و حطّم المشاعر الرهيفة .  يخرب بيته !   أحسنت أخي المؤمن والله قتلوني
تحسّونهم حلّوا بكل ذمّة وضمييير رايحين عشان يلعبون .. الله يهدينه وإياهم
التعديل الأخير كان بواسطة : نور المنتدى بتاريخ 01-26-2010 الساعة 05:06 PM |
||||
|
01-26-2010, 09:44 PM
|
#68 | ||||
|
ب ر د
مسَافات طويلة تفصلُ بين قلبي و قلبَك ,
و الطّريق تكتنفه عثرات خيبة , و همسُ بَارد يرتجفُ خلف شفاهي ! أصبحت الكتابة عنك تُشكّل عبئاً ثقيلاً، والحكايات تتحدّث وحدها و تُرتّب بعثرتي على أوراق ِ عينيك.
|
||||
|
01-29-2010, 09:43 AM
|
#69 | ||||
|
عندي الليلة كلام و صمت ، و أخاف الثّواني .. تظلمه وُ تظلم اللي فيه كَم ضاعت سنينه ! :: لظروف جويّة في بيتنه قل تواجدي على النّت ، لهيك ييت أقولكم مشتاقتلكم ما صار لي فترة طويلة , بس إذا حسّيتوا بفراغ يكون الوقت طويل والدّقايق كسلانة صاير بخاطري وايد أشياء , بخاطري أظل بروحي يوم ولا يُومين ما أقابل حد و لا أسمَع صوت حد عادة ً إذا أحسّ بفوضى و ضغط طول يومي , قبل لا أنام أشغّل لي موسيقى هادئة و أستمتع أحس أعصابي ترتخي وأبتسم بدون وعي (: و اذا حسيت بخوف أشغل "دعاء الأمن" بصوت أبا ذر .. شي عجيييب أحسّ الموسيقى أفضل علاج للحالة المُستعصية اللي أعيشها بهالفترة ، لأنّ انت ما تبي شي غير إنّك ترتاح ولو لبرهة .. صايرة وايد أشرَب ماي لأنّي اذا اذاكر صُوتي يوصل للفريق الثاني ، حماس وطاخ وطيخ و بالزّور المعلومة تدخل ويتسكّر عليها هالقوطي  ..اليُوم صحيت من وكت عشان أذاكر أحياء , أحلى مادّة في العالم المنهج جديد وصاير ممتع و خفيف ع القلب مثلكم < ليش مستحية !بالفطرة وأنا اِختكم  بس صادتني حالة اِكتفاء , بحيث مخي ما يستقبل أشياء زود .. ويمكن لأنه آخر اِمتحان فالواحد يتخيّب ! تيك كير حبايبي : ) * فهد المسَاعد
التعديل الأخير كان بواسطة : نور المنتدى بتاريخ 01-29-2010 الساعة 09:46 AM |
||||
|
01-30-2010, 09:13 PM
|
#70 | ||||
|
الواحد أحياناً يحاول يكون أحسَن من غيره ،
لما ينجرح يسامح حتّى بدون ما الطّرف الثّاني ينطق كلمة آسف .. لأن ببسَاطة الحياة ما تستحق ذرّة زعل نشيلها بقلبنه على غيرنه . لمّا أحّد يتجاهلنه يشُوفنه يطالعنه وكأننا غُرباء ما كان بيننا عيش وملح, نصير أفضل منه ونسأل عن أحواله ع الأقل نحسّسه إنّنا ما نسينه اللحظات الحلوة و ساعات يصادف ناس يحتقرونك ويعاملونك كحشرة ، أو يتعمّدون يغيضونك مادري ليش لو نعاملهم باِحترام نكسب محبّتهم لنه (: في ناس حياتها كلها تحلطم ع فلان و كره يكنّونه لعلّان و أشياء مالها داعي وما تسوى أبداً، وأبداً ما يحسّون براحة لأن هالأحاسيس تعتمل فيهم .. على عكس الشّخص اللي قلبَه أبيض وصافي ع الكل < صافي لو جنعد؟فجج عاد بحبكّو أوي
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
