|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
| كلمات البحث |
| أبيض جدّاً |
|
|
LinkBack | أدوات الموضوع |
التقييم: 
|
طرق العرض |
02-07-2010, 01:30 AM
|
#81 | ||||
|
فلتكُن غنوة ..
لا تَعزفُ ألحانك اِمرأةٌ غيري و لا يسمعك إلا أنَا !
|
||||
|
02-07-2010, 01:55 AM
|
#82 | ||||
|
مسَاء الطّمأنينة  بحاجة للفضفضة طُوال الليل , أنصحكم بحبّتين بندُول قبل المُجازفة : ) داخلي يصيح و بقوّة ، لدرجة تألّم وتذوّب الصّخر أحسني مختنقة , ما أتنفّس غير الهواء المليء بكربون ذكريات و مواقف حزينة كئيبة , و أشخاص وجودهم مُهم في حَياتي, لكنّه يبعث على مقدار كبير من الألَم  إحنه دايماً نقول، كل شي يجّينه من أحبابنه حلُو مهما كان قاسي وطعمه مر ! مُشكلتي أرهق نفسي على أشياء سخيفة, أخلّيها تأثّر علي نفسيتي ويومي وحياتي بشَكل سَلبي .. توها نوفاني مأنبتني على هالسّالفة  أحسّ بفراغ مو طبيعي تدرون إنّ الأصوات العالية والضّجيج و كل النّاس اللي حولي الحين يخلّوني أحس بغُربة وفراغ أكبَر ! .. هههه صرت أضحك على حركات أسوّيها أحياناً تصيدني دقّات بنات يكلمُوني في المسن أعطيهم السّين أو أخلّيه أبير , لأنّ مزاج نور ما يتحمّل أبداً أي حرف من أي أحّد ، باِستثناء ناس معيّنين  حتى من شوي خوخة اِنقتلت على موقف ذكرته لها , اِتقولي كل هذا يطلع منّج  ..وايد نَاس يجوني ويعاتبوني " إييه لو ما إحنه نجي هي ما تتوطّى تسأل .. ولو ولو ولو " "الكبر لله / الله يالدّنيا / شفيهم مغترّين علينّا " أحسّ بمرارة , أحس إنّ مافيني خير رغم إنّي أحاول ما أقصّر حتى مع الناّس اللي علاقتي معاهم سطحية جدّاً ، بس يا ناس ما سألتوا نفسكم هالبنت شنهي نفسيّتها شنهي أوضاعها، مزعجين لدرجة هالأوادم  وبعد شنُو يا نور ! إيه, طحت على قصّة ظريفة في ألم , قلت ع الأقل أضيّع وقتي فيها  :: صُوتي مسبّب أزمة في البيت، أنَا إنسانة في البيت هادئة وأحبّ السكوت، واِختي تعكّر علي مزاجي ستّة وستين مرّة في الثانية بسبب ربشتها وحركاتها .. و حزّة اللي أصارخ عليها أحس صُوتي مخيف لدرجة, توّه الوالد يتحلطم ع صوتي  .بس شسوّي، أتنرفز بسرعة .. وإهيه تتعمّد تثير أعصابي أحسها تشعر بلذة هههه  أقولها يا بنت النّاس أبي أقعد بروحي أبي هدُوء ما تتعبين اِنتي أحبالج الصّوتية حرام عليج ! ما اِنسحبت إلا لما عيني دمّعت منها  إيه .. ربكم كريم : )
التعديل الأخير كان بواسطة : نور المنتدى بتاريخ 02-07-2010 الساعة 01:59 AM |
||||
|
02-08-2010, 04:01 PM
|
#83 | ||||
|
* كاظم السّاهر
:
فُرشَت رمل البحر .. و نَامت وتغطّت بالشّمس , وصَارت مثل النّار أعصَابي .. إمتى الحلوة تحِس ؟ طيُورك يا بحر تغازلها و تشرَب من إيديها ، وأمواجك تركض فرحَانة وُ تبوّس رجليها .. والرّمل يذو و ب من الغيرة يحضنها يغطّيها , وأنَا مثلك يا بحر وأكثر ، مُعجب جدّاً بيها ! ياصاحبة الجسد الخَمري , رمل البحر أدفى أو صَدري ؟! .. , من عمري لعمرك ياعُمري اِنتِ اتمني وبس  .
التعديل الأخير كان بواسطة : نور المنتدى بتاريخ 02-08-2010 الساعة 04:16 PM |
||||
|
02-09-2010, 02:39 AM
|
#84 | ||||
|
:
الأمنياتُ تغفو على رمش ِ حضُورك يا أنت !
التعديل الأخير كان بواسطة : نور المنتدى بتاريخ 02-09-2010 الساعة 02:46 AM |
||||
|
02-10-2010, 02:25 AM
|
#85 | ||||
|
نجحت وبتفوووووووق : )
أنَا لم أهديكَ قلبي .. لتُهديني قلبَك ،
إنّي أحبّك فقط , وهذا يكفيني : ) . :: مسَاؤكم رضا أحس الحين بإمكاني أتنفّس براحة .. انزاح عنّي حِمل كبير كنت وايد أحاتي النّتيجة , بس الحمد لله ما خيّبت ظن أحبّتي  أوّل يوم وزّعوا الشهايد كنت غاطسة في عاشر نُومة .. والدّنيا عندي عيد ! اِنصدمت لمّا فتحت عيني أجيّك الساعة مسج من مدرستنه المُوقّرة " اليُوم سيتم اِستلام الشهايد لاب لاب لاب " وبنفس الوقت اِتصال من ميرو  أحس قلبي حزّتها يرقع يرقع حسبي الله عليه رعب مُو طبيعي السّاعة 1 يا نُور , وين تروحين المدرسة هالحزة خلاص ماكو أمَل  قمت أركض ع الدرج وييت جيّكت ع المنظومة طبعاً ما حطّوا شي , برطمت ودّمعت عيوني هههه المكفهرّات قعدوا يتطنزون علي , شوفوا D شتقولّي D : -قلنا لش مابيحطونهم الااي Me : - والله قلتون بيحطونهم عيايرة ! D : احسّ براحه نفسيه خدووج موو؟ Me : مو فن الحركة  D : يا الله (..) مالت أول تحاتي النتايج احنا افتكينا K : ههههههههههههههههههههههههه D : وه وه بث Me : الحمد لله والشكر الشرهة ع اللي يقابلكم ههههه أنذال ربعي لاه < اِسم الله عليج يالبريئة  المُهم, أمس ماغطت عيني الا الفجر .. ما صارت السّاعة 10 ونص إلا اوتعيت، كان فيني النّوم بس قلبي مقبوض وخايفة أحاتي ركيض للتلفون واِتصلت للبابا خو لا سلام ولا شخبار سيدة هجمت عليه - بابا هذا أنه , خذيت شهادتي ؟ - إي - كم ! - اممممم  - بااااباااا كم قول ! في الثمانين !!  لماااا قال لييي النسبة شيّرت خمس دقايق .. هههه مع إنّ النسبة مو لذيك الدّرجة بس عن جد ما توقّعت , خبّصتنه تخبيص في الامتحانات حضّنت كلشي قدامي حتى الخدّامة بغيت أروح أحضنها هههه رحت اتصلت للماما وُ هدرت هدرت عبرت عن مشاعري وسكّرت .. ووييينك يا السرير و ZzzzzzzZz . البنات كانوا يتحلطمون علي هم يحاتوني وأنا حضرتي أشاخر , دعاء سبتني سب ههههه اتصلت لها أصالحها يازعم .. والله كنت تعبَانة ما نمت كم ليلة زيّ العالم الحمد لله ربّ العا ا ا ا لمين أكثر شي أسعدني لما كنت نازلة من الدرج والماما توها ياية من الشغل هههه قعدت أستعرض قدامها وأدور مثل المجانين وأنا أضحَك حضنتني وباستني .. وبعدها البابا وأخوي .. كانت لحظة دافية مادري شلون أوصف :: أبّي أترك وايد أشياء مسببة لي ضيق , أحسني هالفترة صرت أتصرّف بطريقة غريبة .. صرت ما أعرفني أوّلهم "البليارد" مابي أدخله مرة ثانية بس مو قادرة .. أحس إدمان هاللعبة ! هذا غير الأشخاص اللي أعرفهم منها , مابي أقطعهم وما أسأل عنهم أساساً قلبي ما يطاوعني طلع عندي قلب تصدقون تصبحون على فرح
|
||||
|
02-10-2010, 02:57 AM
|
#86 | ||||
|
أحسني علّة على جبدكم  بس أحبكم شسوّي, و القمر يشهد هالوقت عادة ً أقضيه أسمَع موسيقى أو أي شيء هادي .. و أظل أقرأ لين ما يغلبني النّوم وأقوم : ) بس أحس فيني طاقة كبيرة أبّي أكتب ! ماعندي غيركم في ناس يقولون عن نُور إنّها غامضة , و مغرورة وُ ناس يقولون إنّها صفحة بيضَا ما يشُوبها أي غموض , ومتواضعة لأبعَد الحدود < بينهدّ السّقف تدرُون , إذا يقولون عني مغرورة وأنَا أدري وواثقة إنّي مو جذي هالكلَام يصدر طبعاً من ناس ما يعرفُون نُور من تكُون .. لكن أتضايق بشكل مُو طبيعي ماحب أحد ياخذ عني فكرة سيئة مخالفة تماماً للوَاقع , وبنفس الوقت ماحب النّاس التي تحكم على غيرها وإهيه تجهله . أنَا أقعد أبتسم والحياة حلوة .. يظنّون إنّي ما تأثّرت بس اِتييني الصّيحة في داخلي , ماحب أحّد يكلمني بهالطريقة ساعات أقول لنفسي نور أهمه يضايقونج بحركات كريهة , ليش ماتسوين لهم نفس الحركة يمكن يحسّون على دمهم ؟ بس ما أعرف والله العظيم ربكم كريم : ) . اليُوم أنا وخوخة قمنه نتكلّم عن شي يُسمّى بالحُب أحسني صرت وايد أتكلّم عن هاللي مادري شيسمّونه في يوميتي ! ضحكت لمّا قلت لها " أنا بقفّل على باب قلبي " صايرة أفكر بوايد أشياء في الثانية الوحدة , ومُخي تعبَان يبيلج تسترخين يا نُور هههه بس تدرُون ؟ سَاعات أتخيّل نفسي أرد ياهلة صغنونة لابسة فستان أبيض وشباصة ورديّة .. و ضامّة بحضنها دبدوب وردي توني أقولهم خاطري في دبدوب أبييي أرد طفلة .. همها لعبها و بس .. ما تفقه معنى الحزن والألَم ! بس شنسوي الواحد لازم يكبر .. وكل ما كبر يخوض تجربة ويتعلّم , يوم حلُو ويوم مُر وراضين الحمد لله : ) . صج , لو كانت كل أيامنه سعادة بتبصق السّالفة، لازم يكُون فيه مزيج من الحزن والفرح و اللين والقسوة والحنَان و القرب والجفَاء  ع بالي حَبيبي , ع بالي حَبيبي اِغمرك ما أتِركَك .. اِسرقَك ما رَجعك اِحبسك ما طَلْعك من ألبي ولا يَوْم اِخطف لك نظراتك , ضحكاتك .. حَركاتك .. علّقون بغرفتي ، نيّمُن على فَرِشتي اِحلمُن بغفوتي يحلى بعيني النّوم ! ع بالي حَبيبي ليلة اللي ألبِس لَك الأبيض وُ صِير ملكَك والدِنِي تشهَد وُ جِيب منّك انت طفلك انت متلَك انت ْ . عَ بالي حبيبي ! - أليسا
التعديل الأخير كان بواسطة : نور المنتدى بتاريخ 02-10-2010 الساعة 03:18 AM |
||||
|
02-11-2010, 01:51 AM
|
#87 | ||||
|
خَائفة يا عزيزي , خائفة من الأمنية التّي دسّها ظلّك في شفاهِ الوَجد أن تنطَفئ حالَما تغربُ شمسُك عن نافذتي و النّهارُ يشتعل ! ,
أخشَى أنّ تلك اللحظات الجَميلة و الأيّام القلائل، والسّاعات القُصار .. لا تعدُو كونها محطّة صغيرة في قلبِك , وقد نفثها فاهُ الغياب في آخر ليل ظلمَاء , غارقَة في الدّمع ! :: مسَاء الشّوق ما أتحمّل الرومانطك أنا ! تعبيتي نفسَانة نفسيتي مسدودة عن الأكل و الكلام و كلشي ! اليُوم بالغصب تغدّيت عشان محّد يتحلطم علي , الليل طلبُوا لهم فطاير ما طقت آكل ، هههه بس حسّيتني دايخة و بفقد توازني في أي دقيقة صار لي كم يُوم ما كليت مثل النّاس , تعشّيت بكاكو يازعم يمنحني طاقة  في خاطري وايد أشياء أخاف أقولها و أندَم بعدين , وبيني وبينكم مو قادرة أحددها وأرتّبها في بالي لأنّها متناقضة من شوي كلّمت نوفاني على المسن  قلت لَها اِوصفي نور من الدّاخل .. اِذكري سلبيّاتها فقط بقتبس لكم شويّة من الكلام : p Nofany : انتين مرحة بس نكدية ، اي (..) انتين نكدية ، مو يعني ان اللي يقعد وياش يتنكد ، لا ، بس اللي يقعد وياش يشوف منش صورة شخص مبتسم ، سعيد ، واعي ، بعدين لين فجأة قلبتين ينصدم ، يتضايق إي اِنتين طيبة بعد ، لكن مو طيبة بمعنى ان ينقص عليش , انتين ما ينقص عليش انتين انتين تقصين على روحش ادا ما توثقين بها و ما توثقين بنفسش فيش تشاؤم فيش تشاؤم أكرهه مع انه مو وايد يعني بس انتين عندش قدرات كافية عشان تخليش توثقين بش من جدي أكره تشاؤمش ! تعرفين تدافعين عن روحش بعد لكن رقتش و عدم ثقتش بنفسش تخليش مغلوب على أمرش ساعات , تخليش تصيرين مظلومة في بعض المواقف . بس وايد عليكم !هالإنسانة تقرأني وتفهمني أكثَر من رُوحي , أحياناً تكون فيني أشياء مو عارفة أفضي عنها أو أفسّرها , إهيه بنفسها تقولها لي .. نُوفاني أحمبش أدّ الدّوونيا وأكثَر 
|
||||
|
02-12-2010, 02:37 AM
|
#88 | ||||
|
كل ما نكبر نحلى و نصير أحلى و أحلى : ) لا تخافون مُو أنا اللي احلوّيت عن لا أحّد فيكم يطيح مغشي عليه وبعدين ليش أحْلَو ؟ أخاف أصير أحلى بشوي تصير كوارث في الشّوارع و تتسدّد منافذ الدّيرة من الخطَاطيب لاحظُوا إنّي اليُوم شاربة شي ماعليكم مني , الحلا يشوفني يخاف وُ يشرد  ترى والله اللي يايَة أتكلم فيه ماله شغل في اللي فوق , بس أهوه اِنزلق جي و منكم الدّعاء وعلى الله الاستجابة اليُوم احولّت عيني وأنَا أطالع السّاعة اتصير 12 , وقبل دقيقتين طرشت مسِج لبعض النّاث " باقي دقيقتين "  و 12 بالضبط طرّشت مسجين ورى بعض تهنئة , ميرو يا حياة و قلب و روح صديقتج كل عام و اِنتِ بفرح وبأحسن مَا يكُون ,تدرين إنّي أحبّج ؟ وإنّ اِبتسامتج تمنحني مقدَار كبير من الـ تفا ا ا ا ؤل , تدرين إنّ الدّنيا بدونج ما تسوى فنعشرَانة : ) ههههه كنت بتصل لها وأغنّيلها هابي بيرثداي , بس خفت عليها تحوشها سكتَة ولا شي من صُوتي ! صلّيت ع النبي و قلت بتّ يا نور اِخزي بليس لا تخلينه عيد وفاة بدل مِيلاد < سَاعات أحسني أكثر وحدة تتطنز على روحها ! أحسن شي بيصير إنّها بتخرّف ، و بتجَلود ، و بتركب لها أسنان بدل اللي طاحُوا قبلي . هههه تدرون شنهو بخاطري, إذا فكّرت أتزوج , شوفوا يعني إذااااا فكّرت أقولهم بنَات نبي كلنه نعرّس في فندق أو صَالة وحدة وفي يُوم واحد , بنطرد أزواجنه برّاااا والمعازيم وبنحتفل على مزاجنه وبطريقتنه الخاصّة وأنَا وخوخة متفقين ناخذ توائم , عشان من أوّل ليلة يا إنّ نلاقي جنطنه وروحنه في الشّارع .. أو إنّ بعلي وبعلها و عمتي وعمي يطفر لهم عرق ويتخبّلون بسببنه هههه مادري ليش أنطر عيد ميلادي اللي بيي على أحر من الثلج : p حاسّة إنّه بيكون حليو و سعيد , و الأحلى إنّه بيصادف أول أيّام عيد الفطر , وه بس :: الكمبيوتر قهرني أربع مرّات يمكن يشيّر علي وأنا كنت أهبّب مندمجة في مادري شنهو , من شوي كانت حالتي مُو طبيعية أرجوكم لا تحاولون تتخيّلُوني أخاف منّي إذا أتنرفز أنقلب نُور ثانية !وبعد شنُو ! إيييه .. آآآآبّييييي دبدوووب .. مادري شفيني على الدّباديب أنَا 
التعديل الأخير كان بواسطة : نور المنتدى بتاريخ 02-12-2010 الساعة 02:39 AM |
||||
|
02-12-2010, 04:29 PM
|
#89 | ||||
|
تعال , واِقطف بصوتك زهرة سنيني كل المُواعيد عقبك شمعها طافي ! - فهد المسَاعد :: مسَاء الورد عشّوقي يابتلي دبدوب .. فديتها يا ناثو : ) شكراً عمري راسي مفتر ومعدتي تعوّرني ! شو هالأرف يَا أمس الليل زحفت كأنّي فارة فتحت الثّلاجة حطيت لي تبّولة وحمّص و خلطتهم .. عن لا يقولون إنّي ما تعشّيت , تصدقون لو تتفتّت أمعائي من اليوع و أندفن في مكاني ما أشتهي آكل شي الله كريم أخوي دش علي وأنا في المطبخ قعد شوي يطالع التّبولة وشوي يطالع فيني .. وأنَا خفت فيني شَيْ غلط قعدت أطالع روحي بغباء ! إلا يقُول : نُور ليش جذي .. بتصيرين دراااااام يخرب بيت خشمك وأنَا عبّالي عندك سَالفة اليوم صحيت ع السّاعة 2 إلا ربع .. أنَا يبيلي نص سَاعة بس أتأمّل السّقف وأفكّر لين ما أتعب وايد تفكّر هالفتاة حبّيت الماما وصبّيت لي شاي وييت هني رزّيت الفيس : ) دعائي عيد ميلادها بيصير بداية شهر 3 , وميرو اليوم عيد ميلادها .. فقرّرنه نسوي لهم حفلة عيد ميلاد في مطعم، فديتهم أهم شي يستانسون أحس زهقت , أبّي أغير فيني لا تخافون ما بنفخ براطمي ولا بحط لي غمّازات ولا ولا ولا , بس حالياً أتناقش مع شعري ( أقصّك ولا لاء )  أهوه مو طويل لذيك الدّرجة , أقل من نص ظهري بشوي .. البنات يقولون قصّيه لتحت كتفج بيصير لايق عليج .. هههه أخاف أقصّه وبعدين أصيح وأسويلهم مصرع في البيت أمس تحسّنت نفسيتي وايد لمّا طلعت من البيت , تقريباً من قبل ما تبدأ الإجازة ما شفت الطّريق وإذا يقُولون لي تعالي أقولهم لا .. خدّامتنه أوّل ما يت بيتنه صار لها شي قتلني , طبعاً توني سامعته أمس لمّا الوالد تكلّم يحليلها حاطّة الهمبرجر في الفرن .. و خبّصت مادري شهبّبت فيه وأبوي في المجلس مندمج ويا الأخبار , وما يسمع إلا صوت شي ينفجــــر يت ليه تراكض و حجابها مليان ريش وقطع لحم وشكلها تحطيييم , حزّتها يقول أنَا خفت أضحك وأحرجها بس ماقدرت أيوّد نَفسي ههههه مسكينة عوّرت قلبي أذكر مرة كنت أذاكر .. واهيه معَاي تسمعني شلون أشرَح للجدران صكيت الكتاب وقعدت أتأفأف : زمزم ذاكري عنييي وأنااا بكويي الثياااب .. عااد أنا قلتها بعفوية ونسيت إنّها أساساً أُميّة ما تعلّمت هزت لي راسها وحسيتها بتصيح بمعنى أنا ماعرف ! سبّيت روحيييييي حسّيتني جرحتها .. والله ناس يتمنّون يتعلّمون و ناس مثل حالتي بيدهم النّعمة ويتحلطمون بعد !  : التقييمات شاب شعر راسهم وما ردّيت عليهم , في أقرَب فرصة برد لا تزعلُون منّي ,آه لو تدري بعـذابي ما ا ا تخلــــّيني !
|
||||
|
02-13-2010, 05:28 PM
|
#90 | ||||
|
مسَاء الخير على أطْعَم ناس شُوفوا أدري إنّي إنسَانة كريهة وأستاهل التّكفيخ , هاذي جزء من تقييماتكم , والجزء الثاني برد عليه بُكرة .. أحبكم ( ذكريات الطفولة من اجمل ايام العمر .. نتمنى ان تعود دوما .. هكذا هي اللحظات الجميلة تأتي وتنتهي بسرعة .. بوركت يمناك ووفقك الرحمن :: يوميات رااائعة .. شذى الإيمان ) ~ لأنها مُفعمة ببراءة بيضاء و شقاوة لذيذة تمتزج بقلوبنا : ) . يا عمري , أسعدتّيني يارب اِحفظها ( كم أُحبْ قرائتكِ يـا نور ؛ \\ همساتْ M.a ) ~ همّوس بقولّج اِنتي حالَة خاصّة, لمّا أقرأج أحسّ براحة كبيرة , أحسّج قريبة من نُور وجودك ِ بهجة كبيرة , لا حُرِمنا ( ربي يوفقك و يسهل أمرك , كلها فترة شدّة و تعدي ان شاء الله , هونيها و تهون , سٌمُوْ الأَمَلْ . ) ~ ربّي يعطيج على قد نيّتج , و يوفّقج وين ما كنتي : ) الله يخلّيكم لي  ( وناسة اذا تسوين مفأجاة لاحد نبي تقرير بالتفصيييل الممل عاد...موفقة باجر هلا هلا بالاختبارات يا نعناعةهههههه..جريحة الليالي ) ~ هههه كانت أحلَى مفاجأة . أنا نعناعة ؟ حويو أحبّه ريحته خنينة هههه جرّووح اِنتين أجمل قربوعة في قلبي .. تدرين ولا ما تدرين  ( ويلي عليش يا مكفهرة,اهئ اهئ تعالي خلف شبدي بنوآسي بعض , انتين مسحي دموعي و أني بمسح دموعش,حاسة فيش لأني أعآني مثلـش , ربنا يعــين .. الله يوفقش عمري و هذآ مو شي جديد الظلم ! لاحقنا لاحقنـا .. ما كأنهم كانوا بمكانّا .. الله بيراويهم ..{يملكني غرور ) ~ يا حياتي , هاج كلينكس !  والله كانت أيّام عصيبة , هالكُورس أخذ منّي كلشي ما بقت دمعة ولا ضلع ولا عظمة إلا وأخذه إلى الله المُشتكى يختي .. الله يبعد عنج كل ظلم .. وآسفة لأنّي قلبت المواجع عليج .. يلا اِبتسمي و اعرضي الشّنص > ( يا حياتي يا نور .. الله يبعد عنج الضيج والغصة .. ذكرتيني بأيام المدرسة أحياناً كنا نحس بظلم في الدرجات.. الله يعينج ع هالأبلة وربي ييسر لج أمورج وين ما كنتي // *قلب دبي* ) ~ والله لما شفت تقييمج نسيت الضّيق والغصّة ,مليُون شكراً ما تكفي (: ربّي يفرّح قلبج ( يوميات رائعة جداً ، مُتابعة لكِ دوماً .. يعجبني الجنون والإكفهرار وحبيت جمعتكم ومفاجئتكم كانت حلووة ، وأتوقع طلعتوا كل الشحنات والطاقات الجنونية قبل محرم ^^ moon dream ) ~ مُونيي ، مسَاء الطّعامة  فديتها بس , والله أفرح إذا أشُوفج , وأتشرّف بمتابعتج يا قمرة الله لا يحرمني من هالطلّة : ) ! ( الله يخليكم على طول مع بعض و لا يفرقكم أبد علاقتكم مع بعض ذكرتني بعلاقتي مع صديقاتي لما كنا فسنكم // كل عام وألم البحرينين بخير :S !! موزة ) ~ آآآمييين  الله يخلّيج وسَط أحبابج ولا يفرّقكم عن بعض , واِنتي بخير ! موزة هاذي لج < ( الله يفرج عنه سمعت ان اليوم طلعوه من المستشفى ولو كل حاكم اتصف بصفات الحاكم الشرعي جان ما خربت البلد..جريحة اللياليد ) ~ الله يشَافي كل مريض , ويفرّج عنّا وعن جميع الأمّة الإسلامية ويفتّت روسهم تفتيت < أحسّ بلذة وأنا أتخيّل سالفة التفتيت جرّوح يا بعدي منوْرة ( وجهة نظر سليمـة رايي من رآيـش, و العلاقآت الاخوية ع قولش في المسن هو يمكن صدق فيه بس شدرآش فجأة تتحول لشي ثاني لأن الشيطآن فوق رآسهم فـ ماأأيدهـا / تقريباً مثل الهذرة الطويلة الي هذرتها بيوميتي عن الحُب *مأجورة نوروه و وحشتينا/يملكني غرور ) ~ إي , هالشي صار نادر جداً ! مُثابة يا عيون نور , عسى ما يوحشج غالي الله يسعدج ( ان اصبح الانسان غير الانسان وانعدمت المشاعر في قلبه وقتها نحرم الحب ، لكن الحب في هذا الزمن للأسف اصبح شماعه يعلق فيها أصحاب النزوات والتفاهات أغلاطهم وتفاهاتهم ويبررونها ، الا ما رحم ربي .. بوحمد ) ~ الحُب أطهر شيء و أنقى وأجمل شيء , لكن في نَاس يدنسُون هاذي الطّهارة باسم ( الحُب ) ! وجودك شَرف ، منوّر يا خوي ( صدقتين يا نور ما ادري وش فيهم البنات متصرقعين ع الزواج حتى بنات في ثالث اعدادي هدويش ع الاقل حارسي روحي جامعة سنتين تالي فكري مو سيدة خبط لزق وعلى قولتش اللي يحسون اهلها مي مالت دراسة يزوجونها بدال لا تخترب..عاد نورو كل مرة هدري وفضفضي جريحة الليالي ) ~ معليه , بنقُول مخهم صغير تفكيرهم على قدهم , عندهم الزواج حصان أبيض وأحلام ورديّة و تعرفين سوالف البنات ! , بس في هالسن البنت المفرُوض تتمتع بطفولتها وبشبابها , ليش تلقي على كاهلها هالمسؤولية , وتترك دراستها أو تهملها وتوّ الناس عليها الشّرهة على أهاليهم بصراحة ! , بس صج في بنات ما يمسكهم إلا العرس .. هههه يا عمري , عادي يعني ما أعوّر راسكم ؟ خلف جبدي انتين ! ( أحياناً ،نحتاج لمتنفسنا الخاص ،-و رايي من رايج ..حلاتها الوحدة تكون مستقبلها اول..وبعدهم صغار خلهم يعيشون كل مرحلة بوقتها..كل شي بوقته حلو - مميزة بكل تفاصيلج يا نور ، وادري مو أول وحدة اتقولها..بس عقلج اكبر منج بواجد ما شاء الله عليج*لوست ) ~ إي , نحتاج مسَاحة معيّنة تكون بعيدة عن عيُون الناس اللي تعرفنه و ننفّس فيها همومنه زيّ محنه عايزين : ) ! الله يبعد عنج كل هَم المُميّز هو حضورك ِ أفحمتيني ! لروحك ِ بنفسجة ( f ) . ( كل سنه و انتِ طيبة سنه سعيده. إن شاء الله التلفون يتصلح . بسمة ) ~ للحين أتذكر لما شفت تقييمج قلت في رُوحي " أيّه عليها وحشتني تقييماتها هالبنت " واِنتي أطيَب وأسعَد يَارب , شكراً مليار مرّة اِستوى فديييييت روحه كل هذا من دعواتج .. فديتج أنا ( و هل لنا صديق وفي غير القلم ، يكتبنا قبل ان نكتب فيه ..يعيد تشكيل القلوب فيرسم فرحا ويشطب حزنا وهكذا .. نور المنتدى تملكي شخصية جميلة .. لك ودي / الشرف .. ) ~ القلم هُو السّبيل الوحيد الكفيل بأن يشطر وجعي ويرسم هموم و أحلام نُور , و يبعث كذلك على راحة نُور : ) . كنتُ أتمنّى وجودك ِ مذّ زمن , كم أنَا محظوظة يا شرفي  ود و ورد ( f ) . ( وايد اشيا كتبتيها حسيتها توصفني بس نسيتي صفه....قلبج ابيض.. نسيتي هالصفه..وكل كلمه كتبتيها تثبت هالشي... الله لا يعير عليج..اتمنى لج كل خير..ام هباش ) ~ أحرجتينّه خيتو ! , أتمنّى أكُون فعلاً جذي .. الشّي الحلو إنّي أشابهج مثل ما قلتي اِسعدها يارب : ) ! ترى حتى ما كمّلت ربع التقاييم .. بس تعبت أبي أحّد يعطيني power
أحسّ كل هذا وايد علي !أ..ح..ب..ك..م : )
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
