الأمل زهره

لي قرت فنيانيه بيّن صدقها
يوم إنها تنبأت لي بالعذاب

قالت خيولك بتتعب في سبقها
بتّعثّر لأنّها تتبع سراب

كم (م) الأبواب لي قلبي طرقها
وللأسف محّد فتح لي أي باب

درت كل الأرض مغربها وشرقها
كم قعطعت بحور وجبال وهضاب

نفسي تدوّر وتبحث عن عشقها
تسأل وتنشد ولا تلقى جواب

دنيتي غضبت وأبدت لي حمقها
وعيّشتني بهم دايم واغتراب

اركضت خيلي ويأسي قد لحقها
وصادها يوم إن جاها لإرتياب

حطّها في السبي عنده ما عتقها
ولا عطاها مول قوت ولا شراب

كم لأجلها الموق دمعاتي دفقها
مثل غيثٍ هلّ من مزن السحاب

ناحت الأشعار مثلي مع ورقها
ترجمت بحروفها كل المصاب

الأمل زهره ويأسي قد سرقها
منّيه وآنا في ريعان الشباب

ماخذه دنياي منّي كل حقها
ما لها باقي معايه أي حساب

جلّ رب الناس من طينه خلقها
وحده القادر يفكّك هالصعاب

الله الضيقات بيفكّك غلقها
هو بيرشدني إلى درب الصواب

لي قرت فنيانيه بيّن صدقها
دنيتي هذي عذابٍ في عذاب