ღ نہسيہمڪ يہآ بہحہږ ღ

السلام عليكم

فديتكم عالتقييمات بعد قلبي

اقتباس:

يه يه ديكورات الملف الشخصي روووعه لعوزتي العامل اللي بتكساس ليش ؟؟!! تذكريني فيني << لا لا لا ... اي صح مبرووك العطله .. يا حظكم انا بعد 10 ايام ابدا امتحانات المهم استانسوا .. سؤال: انتي اكبر من جروح ؟؟ يلاا سي يو

فديت عنونج من ذوقج

ما ادري بس لانه طفرني انا يوعانه وهو فاضي يقول ما اوصل<<<عذر اقبح من ذنب

لي الشرف قلبي

الله يبارك فيك حبيبتي

بالتوفيق ان شاء الله والله بس تبدين تلقين نفسج خلصتي الله يفتح عليج يارب

الحمدلله

انا احلى فانا اكبر<<بتنام مطقوقه اليوم على كلمه انا احلى

احمم لا صج انا اكبررررر

سي يو فديتج

اقتباس:

يقول أحد الأخصائيين: "أن الحزن رسول الشيطان فكلما شعرت بالحزن من دون مبرر فاعلم أن الشيطان قد اخترق قلبك".طالعي الجانب المشرق من حياتج فالحياة قصيره وحرام نضيعها بالهم والحزن واكثري من ذكرالله والطاعات فبذكرالله تطمئن القلوب،اسعدالله قلبج، خواطر

فديت روحج شكرا على هالكلام حلو والله

احس صج كنت محتاجته

آمين ويسعدج ويارب

حياج الله خواطر نورتي

ويزاج الله خير

سلامي لكم حبايبي

السلام عليكم ورحمة الله

ولهت عليكم شخباركم؟؟

انا الحمدلله بخير<<محد سأل عنج

آآآآ هاذي ثاني مره بكتب

اول مره ضاع الرد

المهم الحمدلله يوم الاربعا باختصار

قومت درر معاي غصب طيب تروح لقرطبه

نييب شهادتي لاني يوم الثلاثا رحت معاها تييب شهادتها

يريتها ير من الفراش ورحنا طبعا نطرنا وقت لين عطوني الشهاده

كنت ناويه ما اعطي جروح شهادتها ليش ما تروح معاي تييب شهادتها بنفسها خلتني مع دروووه ومنّتها

اتصلت على امي ابشرها وابوي

اني الحمدلله نجحت بتفوق

ابي هدياا ترى

المهم خلص اليوم على خير

الخميس..

كانت امي تقول ان المدينه الترفيهيه

حاجزينها الاوقاف

يعني بنات وهدوء

وستر بلا شباب بلا هم خخخ

اتصلت على بيت خالتي ويمين يسار رضت خالتي

وخلاص يوم بنروح

الي صار ان رفيجة امي اتصلت قالت دخلو عوايل

يعني مو بنات يعني ولد خالتي بالاحلام يودي خواته

المهم امي اتصلت عليه ويمين يسار وافق

بس بيقعد

المهم ساعه لين وصلنا لهم ندور عليهم داخل كل ما رحنا مكان يطلعون هم توهم مارينه

لين لقينا بعض صوب المسيد

ممم صوفي قالت

نلعب الدردور وانا اقول برررد وانا بتعب

وهي تقول عطله شوراج خخخ

مم ركبنا انا ودرر وجروح وبنات خالتي

انا يم صوفي
طبعا تقول رفعي ريولج لا صرنا بالماي عشان ما تتغرقين

طعتها من اول شئ رفعتهم خخخ

وهي تقول يا خبلا مو الحين

قلت لها ما علي

المهم

تغرقنا

وكفختها تكفخ

تدرون لما يينا ننزل تحرك القارب مدري شيسمونه

المهم وطحنا على بعض تخيلو

بس الحمدلله ما صار شئ خطير خخخ

وطلعنا و رحنا نصلي وركبت انا وخواتي وسيزي البرق

عقب يوم نزلنا ولا سيزي ملفعها طاير ماكو غير القبعه

اكتشفنا انه متعلق فيها برقبتها من ورى

ممم بعدها رحنا للاعصار

مم صوفي خايفه <<فضحتها

المهم ركبنا بشجاعه

بدون الخوافه خخخ

انا ودرر وسيزي وجروح

طبعا شفنا شباب شكلهم من مدرسه اجنبية

عايشين انهم اجانب كلام ولبس

الله يهديهم ويصلحهم

مع بنات

لانهم يايين مع المدرسه اظن او شئ جذي والله ما ادري

الله يصلح حالهم

ما علينا المهم يوم بدت اللعبه كل شئ اوكي

كلنا عشاق الالعاب الخطره بس الي صار

اني طلعت من عالجمب

طلعت مو بس انا كلهم لما ينقلبون يصيرون على صوب

وتطلع ريولهم مرات

درر يمي

اختي الصغيرونه

تخيلت شكلها اطيح وتخيلت شكلي انا متقبله شكلي بس اهي لاااا

فمسكتها واقولها لا اطيحين درررررر لا اطيحين

يماااااا درر بطيييح لا اطيحين خخخ

سويت فلم هندي

لما نزلنا كنا اوكي بس امي يايه عند اللعبه اهي وبنت خالتي الكبيره وولدخالتي ومرته

تقول سمعت صوت نسووم

طلعت اصرخ من قلب خخخ على اختي

المهم خلصنا شرينا سلااااش

ورحنا القبه عشان صوفي الخوافه تبي عاصفه الصحرا خخخ

ركبناها مرتين

مره انا وصوفي ومره انا ولطوف

الله يسلمكم

اول مره كنا بمركبه وحده كل ثنتين مع بعض

عقب ما لقينا يم بعض

وانا متحمسه ادور لنا مكان مع بعض

من الحماس بغيت اقعد عند واحد الا طليت بويهه قدني بركب استوعبت ان في احد ركضت بعيد بسرعه وركبت

مع بنت خالتي بروحنا

مو مع احد كلش من الفشله

لي الحين ما ادري لو انتبه او لا بس يارب لا لان شكلي مو صج

المهم

عقب طلعنا من القبه رحنا السلاسل

واتصل ولد خالتي قال يلا

على فكره ترى ركب الدردور وطاح عقاله

وغصب مرته تركب الاعصار

قلت لها عادي لو متي بيزوج هو

قالت انه قالت له بموت قال موتي وبتزوج عقبج خخخ

مم خلصنا السلاسل

رحت اشتري ذره انا ودرر

وبعدين طلعنا

ورحنا ليدتي بالمستشفى نمرها

الله يشفيها ادعو لها

بس الحمدلله حالتها اوكي

يعني على كلامهم بتطلع اليوم؟؟

والله المستشفيات اميه راي لهم

يمرضون الصاحي وربي

ما علينا

سلمنا عليها بعد قلبي

شاري لها خالي موبايل يديد

وتقول يلا بصوركم خخخ

فديت راسها

وهي ما تعرف له عدل اصلا

الله يخليها لنا ولا يحرمنا منها

مممم وبعدين ردينا البيت وطلنا

وبس

الا صج سخنت بسبة الدردور خخخ

اليوم حتى قمت من النوم ولا تكلمني بنت خالتي ماكو صوت خخخ وتضحك علي

تقول يا حرااام

سلامتكم

يمكن نسيت اشياء شوفو بيوميات جرووحتي

ادعو لي

وصج ما بنسى ادعي للطلبه الي بدت امتحاناتهم بالسعوديه

موفقين يارب

ادعو لهم انتو بعد

وبعد شنو

احبكم

وسلامة راااسكم فديتكم

{اعشق حسك وهمس كلماتك,..

واهوى روحك وعطر عباراتك,,

كم اهوآاكـ!!
كم اهوآاكـ!!
كم اهوآاكـ!!}

السلاااام عليكم

شخباركم؟؟

علووومكم؟

صراااحه ما عندي ذيك السالفه

بس صراحه باجر عندي رحله مع الحلقه

لبيت السدوو<<عازمتكم

وادعو لي اتم الجدول مال الحلقه وما اتأخر

ممم صراحه مشاركه بمسابقة التكسي

فحبيت انعش يوميتي

ومنها اكتب لكم اخر التطورات<<حلفي

فمان ربي

ღ♥ღ
اموت فيك وفوادي ينبض بكونك
واوقف واحس بغرامي يمشي بدربك
وإن جيت افكر في نفسي كني اخونك
يا كيف افكر في نفسي دامني قربك
ღ♥ღ

ღ♥ღ
احلف بربي احبك موت واصونك
واحس انا بنبض قلبك يحلف بربك
ياكل عمري خلاص افتح عيونك
ماقلتلك شئ واللي قلته لقلبك