حلۈ نْعــيَش " آلحــبَ " بَقـــلۈبَ آلأطفــآل ,!

سولعية العزبة · #1 01-06-2010, 08:07 PM

~{[[ مدخل ..~

حلۈ نْعــيَش " آلحــبَ " بَقـــلۈبَ آلأطفــآل ,!

ۈأحــلى لۈ إنْ آلعمــر ڪلــهْ { طفــۈلـهْ }

حقا ليس هناك ما هو أطهر من قلوب الأطـــفــــــــــــآل ..~

و ليس هناك ما أسمى من جوهرهم ...~

فهم براءة الدنيآ و هم بلسمها..~

و ليتنا نحمل بداخلنآآ قلوبآ كقلوبهم الصافيه ..~

~{[ أحــــــب الدنـــيــآآ ببرآءة الآطفال ..~

بداية جديدة بين حنآيآ هذى المنتدى الغاآآألي على قلبي ... أسطرها بين أيديكم ... تتعايشون معي جزءآآ من حيآآاتي ...فيـــهآآأ مشاعري .. و كـل شيء جميـل.. ~

آسمــــــي : السولعية ...<<< مآ أعرف ليش اخترته .. يمكن عناد بخواتي ..

عمــــري : ... و تاريخ ميلادي ....\ ..\ 1990 ..~

أي مرحلة دراسية ::في صرح الجامعة .. سنة ثانية صيدلة ..

ماذآ أحب :: كل شيء حلو في الحيــآة ..

من أين أقبلت ..:: من السآحل الشرقي ..

و هـــــــــذه أنــــــــــــــآ في سطور ..~

حبــــيـــت هالمكــآآآأن من كـــل قلبـي و قررت أكتب فيه يوميـــآتي ..

~]]} مخرج ..~

سولعية العزبة · 01-07-2010, 10:24 AM

×مرحبـــــــــآ ×

أول شي أبـــــــــى اشكر × سمو الأمل ، سوزي الكويت ،.... نسيت الاسم الثالث <<< بس شي راك .. بحاول اتذذكره ..×
تسلمون لي يارب ... إن شاء الله تستانسون مع يومياتي ...

تـــــــاريخ~{[ 1-1-2010 ...

اليوم ربشة من الخاطر .. حلو يوم يكون عندنآ عرس ..
أحس باحساس غير <<< يام احساس أنتي ..ههههه

نشيت ع الساعة 8 الصبح ، الله يهديهن خواتي إلا يقومونا من الصبح رغم إني خلاص مخلصة امتحانات وقايلة حقهم بقوم متأخر لاني بسير الصالون متأخر .. بس منو يسمع الرمسة ..

المهم قمت وتريقت وقعدنا سوالف لين قامت العروس <<< أختي ...

جهزت أغراضي وحايتي لأني كنت مقرررة ما أرجع البيت .. المهم انطلقنا للصالون و سوينا شعورنا و الميكب و عقب قلت مالي حايه أقعد أحسن لي أررد البيت ...و ردينا أنا و أمي و أختي ..
و الساعة 5 كنت جاهزة و قاعدة أحن فوق راس أبويه أبى أسير القاعة ... خلاص مليت من البيت محد فيه إلا أنا و أخواني الشباب و اختي و امي ..

و الساعة 5:30 ظهرنا من البيت و كان أمطار .... الجو و لا أروع ..
و عقب وصلنا القاعة ... و تمينا نتصور وبعدها نزلنا تحت في الاستقبال .. شفت بنات عمي اللي هن خوات المعرس و سلمت عليهن ... وشفت بنات عمتي و قعدنا أنا وياهن سوالف ..

المهم بدوا الوفد يوفدون علينا و بدينا في استقبال المعازيم ... أنا ميته تعب ..<< هب من شي من الكعب اللي لابستنه ...

و أمايه كل شوي مطرشتني أسوي شي ، و الله حسيت حيلي انهد ... وشوي اتصلت فيني العروس ...
العروس : ألو هلا ...
أنا :أهلين ، ها شو تبين ؟؟<<< ما أسمع شي من الأغاني .
العروس : أقولج محد ياب الباقه مالتي ..
أنا في خاطري " توج تذكرتي " : خلاص أوك بقول حق واحد من اخواني اييبها حقج ، بس وين الفاتورة ؟؟
العروس : عندي تعالي اخذيها ..
أنا : أوك ..
و رقيت عندها فوق وخذت الفاتورة ... دقيت حق أخويه حبيبي ..

أنا : مرحبـــــــآآ << باسلوب دلع ..
أخويه : مرحبتين ..
أنا : حبيبي بقولك شي ..
أخويه : أحين مشغول ، شو تبين ؟؟
أنا : هب انا اللي أبا هذى العروس ..
أخويه : خير ؟؟
أنا : شوف بقول و لا تعصب ..
أخويه: ها شو تبن أنتي وياها صدعتيني ..
أنا : العروس محد ياب باقتها ... و تباك تييبها ..
أخويه : أحين تذكرتن ..؟
أنا : ها أحين بتيبها و إلا لا ؟؟
أخويه : خلاص بييبها ، بس ييبي الفاتورة ..
أنا : خلاص بس ترياني عند الباب ..
اخويه : أوك لا تطولين ..

و طلعت و عطيته الفاتورة ، ويابها مسكين حقها ...

و الساعة 9:40 نزلت العروس ... حسيت باحساس غير ، خلاص بتفارقنا بتسير عنا ... هب حلو الاحساس هذا <<< صح كنت مستانسة بس عقب تضايجت ..

و زفينا العروس ... بسم الله عليها قريت عليها عن الحسد هههههههههههههه<< عيوز ..

في البداية نزلت بروحها الدري لين وصلت للتحت ...و عقب دخلوا إخواني إثنينه الثالث ما رضى يدخل قال بيقعد ايول ..<<< الصغيرر ..

كان واحد على يمينها و الثاني عن شمالها ... بس كانت حركة حلوة منهم .. و مشوا وياها لين بداية الممر و أحين بترقى درري .. عاد أخوي خقاق ما خلاها شل باقة الورد و مسكها و الثاني ما قصر قعد يشل الفستان مالها و يعدله حقها <<<< و الله انهم حركات ..

و بعدها تصورنا وياها ... انا عاد هاك يا حركات الدلع ..و ما خليت حد ما عزمته ع التصوير ...
<<< أكثرر شي ضحكنا اليهال جنهم أول مرة يشوفون عروس ههههههههههه..

و بعدها دخل المعرس و أنا طايحة فيهم تصوير ، مع إنه في تصوير بس جيه أبى أخبل فيهم ...
شوي و بدوا يخلصو المعزيم و محد تم غيرنا ..

و انتهى العرس علر خير <<< مع وجود بعض الأشياء اللي ضايجتني ... بس المهم وناسة المعاريس ...

سولعية العزبة · 01-07-2010, 03:21 PM

[[

]]× فــــــــــــــــــــــــــــــــلم رعـــــــــــــــــــــــــــــــــــب ×

6-1 - 2010 ..~

أمس كنا رايحين الشارجة عسب نودي حمود ولد أخويه المستشفى ،،، رحنا المستشفى الملكي ...
وايد عيبني .. كل شغلهم أوك بنظام و ترتيب ... أحس أني بمستشفى من مستشفيات برع ... و المكان بقمة الهدوء ...

بس للأسف يهالنا كانوآ بقمة الحشرة و الله كان خاطري أعطي لك واحد منهم كف أخليه يبلع لسانه<<<< ما يهونون عليه فديتهم ...
المهم خذوا الكشوفات و سووآ التحاليل ... و رجعنا لأراضينا ...

شوي و يرن مبابلي ... ربيعتي ...

خير اللهم جعله خير...

شوي و سكت .. رد يرن مرة ثانيه ... ربيعتي حبيبتي ندوش ...
و خليته سايلنت لين نوصل البيت و أشوف لكم 12 مكالمة لم يرد عليها ..
مغصني بطني ...شو اللي صاير كل وحدة من الشلة داقة كم مرة ...* نحن أربع و أنا الخامسة **

شوي اتصلت بربيعتي ..
أنا : ألو هلا ...
رببيعتي .:: أهلين ..شخبارج ..؟؟
أنا : طيبة الحمدلله و من صوبج ؟؟
ريعتي : اسكتي الله يخليج أي أحوال اللي تسألين عنها ..
أنا : ليش شو صاير ..؟؟
ربيعتتي : حبي ظهرت النتايج ...
أنا قلبي طاح في بطني : شو تقولي ؟؟؟
ربيعتي : أقولج ظهرت النتايج ع موقع الجامعة ..
أنا : أزك خلاص .. خلاص .. باي بسير أظهرها ..
ربيعتي : طمنيني أوك
أنا : خلاص أوك ..

و ركضت للاب ..و فتحت موقع الجامعة ..
شوي و فتح اليوزر نيم و الباسورد ..
حطيت اليوزر نيم و الباسورد ضايع ..
قلبت المكتب فوق تحت ... ما تمت ورقة ما طلعتها .. ما تم ملف ما ظهرته ...
و ين سارت ورقة الباسورد ...؟؟

خلاص يا عالم!! ياناس!! يعني وين بتكون مختفيه ..؟؟؟

أنا أدور من جهة و خواتي من جهة و قلبت الحجرة عفيسه ... شو ها ماشي ...

و الله بصيح أنا ميت خوف من النتيجة و أبى اعرفها ..
و الباسورد ماشي ...

خلاص ما في حل الا أسير الجامعة باجر ...

و مرررة ثانية رجع مبايلي يرن و أنا ما لي بارض أرد على حد ... أنا في مصيبة و البنات يسالون ها ظهرتي النتيجة ..
أي ظهرت النتيجة الله يهديكم ... أنا حالتي حالة و أنتو تقولولي نتيجة ..

بعد ربع ساعة من التدوير حصلت الباسورد <<<<<< في الكبت مال الملابس ..
شو اللي وداه الله أعلم و بعد داخل فايل ...

رجعت للاب مرة ثانية ...و يا هي مصيبة النت بند ... الله بغيت أموت شو هالحالة اللي انا فيها ...

ويت وحدة من خواتي ما اعرف شو خبصت فيه ورد النت اشتغل ...

احين اللحظة الحاسمة ... بشوف نتيجتي ...

شفت المعدل أول شي ... صح نزل ... بس الحمدلله بعده في الجيدجدا <<< قولوا ما شاء الله ...

عقب شفت درجاتي ..
لا أوك شكلي بدعت و أنا ما أدري ...ههههههههه

المهم عدى هالكورس على خير و إن شاء الله الكورس الياي أحسن ...

آحبگْ ڷۈ يَصيرّ ‘‘ آڷحبّ ‘‘ ¬> ڜۈگْ .. ۈمَنبتـﮧْ .. قـڷبگْ ¤

¦¦ آحبگْ ڷۈ ؛ نهآيآتيْ ؛ رڛمَهآ آڷۈقتَ فيْ دَربگْ ™ ~

المهم نجدد النيه دايما ...~ ]

[/SIZE

سولعية العزبة · 01-10-2010, 10:39 AM

[7 -8 ] -1- 2010 ...~

الخمـــيس و الجمعــــــة ...
مررحبــــــــــــــــــــــــــآآآاااأأأ ..~

يوم الخميس و الجمعة ،الله لا يراويكم حآآأألتي .. مأساوية من الخاطر ..أول مرة بحياتي أتعرض لوعكة صحية بقوة 7 رختر ...<<<<< أتفلسف بزيادة ههههههههه...

يطول لي بعماركم هذا فايرس منتشر عندنا كله بسبت اليهال ..<<< كرهت حياتي بسبتهم ..الأول ما يصيبنا شر الحمدلله و من يو عيال خواني ع الدنيا اللهم لا حسد بيتنا كل أمراض الدنيا فيه ...
أول شي الرمد و عقب الكحة و الزجام و عقب عوار البطن و أحين هذا الفايرس ...

الأربعاء اختي الصغيرونة انتقلت لها العدوى و أنا و أخوي الصغير نتمصخر عليها ... عاد أنا عوقي و

لا أشوف حد مريض طايح جدامي ... و هي طول الوقت متسدحة لنا بحجرة التيفي .. و أنا خلاص بموت مرتفع ضغغطي منها ... لان شكلها بروحه ييب المرض .. المهم أنا أقول لها قومي نامي

داخل و هي راسها وألف سيف إلا تقعد عندنا ... يا حمة غيري بدلي ، ما شي إلا تقعد .. عاد أنا

مليت منها و جان أتم أتمصخر عليها و لين الساعة عشر و هي منسدحة حذالي أنا اطالع التيفي و
هي صوب الدفاية ... لين خلاص انهد حيلها و ساررت فوق تنام ..

أنا ع الساعة 11:45 سرت فوق .. و بما إنه حجرتي مقر اجتماع خواتي كل يوم أرف بحالهن و

اخليهن يرقدن عندي ... المهم ششوي انسدحت و قمت أقرى المجلة ...لين غفت عيوني ...و ما

حسيت إلا بتقلبات بمعدتي ... و قمت من الرقاد .. و أحس بطني بينفجر .. يعورني و أنا ما قادرة

أتحمل و لايعة جبدي هب طايجة عمري ... و شوي و قاموا خواتي و يسألوني شو فيج و أنا

الدموع اربع أربع ...

لين الفجر ماياني رقاد و بطني يقلب عليه

...كل ما خف شوي قمنا نتمصخر أنا و خواتي اللي تقول شو طبول ببطنج و انا من أضحك يرد لي العوار ...

و ع الساعة 6 الصبح شفت أمي قايمة و خبرتها كل السالفة و عقب سرت ارقد ... وطول يومي

اللي هو الجمعة و أنا حمى و عظامي متكسرة ... المشكلة هب بس أنا ... لا بعد اخوي الصغير

وياي ... أنا منسدحة صوب الدفاية و هو مشغل دفاية ثانية و مسدح حذاها و اللي يدخل بيتنا يتحمد

لنا بالسلامة من عند الباب أونه عن ننقل لهم الفايرس ...و أختي الصغيررة تقول هو المرض يوميين ما يطول ...

و أنا اللي ما اب دوا شربته عسب أتشاوى .. حالة هالامراض اللي تتينا ... بس شو نقول الحمدلله ع كل حال نحن أحسن من غيرنا ..

~{[ اللهم لك الحمد ..~

سولعية العزبة · 01-13-2010, 05:51 PM

× القرية العـــآآآلمية ×

11 - 1 - 2010 ..~

اليوم قررنــااآآآ نسير القرية العالمية

، طبعا استغلينا الفرصة لانه عيال المدارس عندهم امتحانات .. عاد أنا قلت لأمي انه نحن بنسير القرية لانا نبى خواني يذاكروا عدل و قالت بررايكم توكلوا ...

ظهرنـــا من البيت الساعة 2:30 عأساس نطوف أبويه وكالة الرنج لانه بييب سيارته ، المهم وصلنا و طوفنا أبوي المكان اللي يباه و سرنا نييب اختي من كليتها لانها قالت تبى تسير ويانا ..

خطفنا عليها و من بعدها اتجهنا إلـــى >> القريــــــــــــــــــــــــــة العاآآألميــــــــــــــــــة <<..~
وصلنا ع الساعة 4:45 و أخوي يقول شو بنات بتفتتحون القرية و انا أضحك .. مستانسة ...

يوم لفيينا لفة الشارع مال القرية ما قدرت اسكت من الضحك

.. أخوي يقول بنفتتح القرية و أنا أشوف السيايير جدامي ماشاء الله ...

المهم نزلنا من السيارة و عبرنا الشارع ..و قصينا التذاكر و دخلنا القرية ...

أول شي بديينا اللف في القريات و أنا ادخل قرية و اخم منها واطلع ...
بدينا بالامارات ..الهند .. السعودية .. عقب تايلند .. عاد انا و اختي اللي أصغر مني لازم نخم و عقب نطلع ...

تمينا نتمشى لين تعب أخوي و قال .. بس تعبت خلونا نيلس شوي .. و عن خاطرهم قعدت .. و الا أنا الود ودي اكمل مشي ... لاني و لله الحمد ما أتعب بسرعة شراتهم ...

عقب ما ريحوا خواني كملنا مشي ..قلت لهم أبى القرية السوريه أبى سحلب و مسكين اخوي خذ حقي ... و طلعت و شريت لبان عسب نمزمز به و نحن نتمشى ...

و بعدين كان في عرض فلكلوري لجنوب أفريقيا ... قعدناناكل كنافه و نطالعهم ... و يوم خلصوا كملنا مشي لين وصلنا الالعاب و انا أقول لاخوي أبى العب و هو يقول أنا بروحي لايعة جبدي و انتي تقولي ألعاب ...

قلت ..حرام خلنا نلعب و الله ما بنطول ... قال خلاص شوفي إذا وافقت أختج <<< اللي مرينا عليها .. أنا موافق ...

خلاص طنقرت منه .. مرة يقول عادي ، و مرة يقول استأذني من أختج ..أوننه لانها أكبر مني ...

حالة خواني بسرعة يغيرون رايهم ... اطالعته بنص عين عقب سحبت أختي اللي أصغر مني و

قلت اها خليهم يتشاروا مع عمارهم عقب قعدنا نسولف أنا وياها .. هي تضحك و أنا أضحك و

نتمشى صوب الالعاب ... لين ياني أخوي و قال بس عاد وايد ضحكتن اليوم

... وعقب صخيت من

نفسي لاني صدق زودتها من أول ما دخلنا و نحن إلا سوالف و ضحك ... و سرنا دفعنا للالعاب ... و خذنا الكوينز ...

أول لعبة لعبناها هي القطار ... لا يروح تفكيركم بعيد هب القطار اللي ينجلب لاني بروحي خوافة ^-* ... المهم ركبنا اللعبة و أختي العبيطة بدال ما تمسك الحديدة اللي صوبها .. يالسة تمسك

الحديدة مال اللعبة اللي تكون برع ... أنا كنت خايفة بس كنت أضحك ... لانه اختي شكلها يفطس من

الضجك تخيلوا بايد ماسكةالحديدة و باليد الثانية شيلتها ... و تمت ادور بنا اللعبة ... لين وصلنا عند البداية اللي ابتدينا بها ..

و شلت أغراضي و شالت أختي أغراضها ...و نزلنا عند اخواني .. قال أخوي ها خلصتوا ...رديت

عليه لا شو خلصنا ... بعدني أبى ألعب قال خلاص أوك و حنا خذنا كوينز مرة ثانية ... و لعبت لعبة

شرات الاخطبوط ... الله يغربلهم كل ما انجلبت فوق أحس شيلتي بطير من مكانها و ما شي أبى

أتمسك و أبى أمسك شيلتي ..لاني استغبيت هالمرة و لا ربطتها ... و أختي تضحك علي ... و الله

دار راسي من كثر ما دارت بنا هاللعبة ...و شوي تلف يمين و شوي يسار و عاد يوم تلف هب شوي

شوي ، لا بأقوى سرعة عظامي بغت تتكسر .. لين وقفت اللعبة و أنا أصارخ

... أخوي يقولي يوم

انج هب قد الالعاب ليش تركبين .. و قعد يتمصخر أونه ما يسوى عليج كل هالصريخ لانه اللعبة أصلا

ما تخوف .. و انا بنجلط منه ... أنا عظامي بموت منها و هو يقول اللعبة ما تخوف ...

و عقب قلت لهم خلاص ما أبى ألعب بس تكسرت عظامي شكلكم قاعدين دعون عليه ... و خواني

يضحكون و لا هامنهم شي .. ترى العوار فيني هب فيهم ... المهم كملنا لف و قلت لهم أبى أدخل

القرية المصرية ... و دخلنا ولا شريت لي كتابين ..بالعناويين التالية ...لاني أنا مدمنة قصص فلازم أخذ قصص ...

الكتاب الاول× فتيات والذئاب ×... و الكتاب الثاني × أسرار في حياة الفتيات × ... الكتابين حلويين

يتكلمون عن قصص واقعية للبنات لاخذ العظة و العبرة ...الاول خلصته من أول يوم و الثاني اليوم بخلصه ... لاني وايد انشغلت هالفترة ..

و طلعنا من القرية المصرية و قعدنا شوي نشرب شاي كرك ... و نطالع الفلكلور الفلسطيني ...

وايد عيبتني الدبكة ... يمشون ع الايقاع و لا تشوف واحد شق و الثاني غرب ... يعني شي حلو

مرتب

... لين خلص الفلكلور و عقب تحركنا و تمينا نتمشى و خواني كل شوي تعبانين من

المشي ...و مسكين أخوي تعب علينا ..شكله انتقل له الفايرس المنتشر و بطنه قام يعوره

.. قلت

له إذا ما تقدر تكمل عادي خلاص بنروح و تقريبا كانت الساعة 8و شي ... قال لا برايكم كملوا لف و

عقب بنتعشى و بنظهر ... و كملنا لين الساعة 9 و عقب تعشينا و ودعنا القرية العالمية على امل

نلتقى بها بعد امتحانات عيال المدارس ...

و اتجهنا للبوابة اللي دخانا منها و ظهرنا ... و عقب وصلنا أختي السكن .. و رجعنا لأراضينا ... و عودة حميدة لارض الساحل الشرقي ... لكن بعد ما مرض علينا اخوي بحمى و عوار بطنه اللي الله يعينه عليه ..

كـــــان يوم و لا أروع بالنسبة لي .. لاني عن جد استانست من خاطري ... يعني ما شي زحمة و لا دورون و دورون و لا تحصلون باركن بالعكس ..أول مرة نبركن عند البوابة .. طبعا لو ما بركنا في الفي آ بي ..<<< حركات هليه هب هينين ..^-^

سولعية العزبة · 01-15-2010, 03:30 PM

مرآآآأأأحــــــــــــب ...~

اليوم كان عندنا عزيمة غدا في البيت ، طبعا هالعزيمة كان مخطط لها من أسبوع و السبب إننه

أخوي بو حمود قرر يسوي دفعة بلى عن عياله و اللي هم { حمود الجبير : سنة و عشر شهور ‘ و

الأحمدي : 10 شهور } و السبب الامراض اللي أحاطت بنا بالفترة السابقة ..ههههههههه..

نشيت ع الساعة 10 الصبح لانه الغدا بينطبخ في المطعم فماله داعي قومة الصبح ، المهم قلت برتب حجرتيه لاني من زمان مارتبتها و السبب معروف ... انشغالي بالدراسة

... و الخدامة الله يهديها ما أعرف شقايل تنظف ... تخطف خطافي ع الحجرة ...

نزلت تحت و خذت لي كوب جاي و كلت بلاليط وعقب صعدت حجرتي عسب أبدا عملية التنظيف ... بس تذكرت أنه أهلي بشوون سمج برع ... فظهرت عندهم أشوفهم بدوا يحطون الحطبي و يجهزون عدة الشوي ...

الكل مجتمع أمي ، أبوي ، اخواني الشباب ، و البنات استثناء ثنتين منهم اللي هم أختي اللي في الكلية لانه عليها امتحان يوم الاحد ، و العروس لانها بعدها ما شرفت ... و قاعدين سوالف أنا قلت لهم إني برتب حجرتي و سيدة سرت فوق ...

و الله إني زين ما ذبحت الخدامات ، يرفعن الضغط ثنتين و ما منهن فود أبدا ، بديت بالكبت .. فتحت

اللي بالطرف و اللي تكون فيه الشيل و العبي دايما .. الله يغربل خواتي و الخدامات ... يمكن طلعت ثلاثين عباية من الكبت

.. لا تستغربون نحن خمس في البيت و ثنتين معرسات ..
بس المشكلة انه هالعبي اللي ظهرتهن هب لي لثلاث من خواتي اللي أصغرمني .. و

شليت العبي و الشيل ، اللهم زيد و بارك .. ووديتهن لحجرة خواتي ..و حطيت حق م كل وحدة

مالها و رديت حجرتي .. زين إني قدرت أخف من هالعبي شوي ... أحين اللي بقى مالي و مال

أختي اللي في الكلية .لانه حجرتنا انا و هي ...

عقب بديت جرد بكبت الملابس .. بغيت أنفجر و انا أرتب

..صح أنه كان مرتب من قبل

لكن ما يمنع إني أنا أرتب ... و الله أحس الكبت يطفر من كثر الملابس اللي فيه .. هذا طبعا و لا شي .. باقي بعدنه الملابس اللي معلقة بالعلاق و أنا مسويه علاق خاص بالتنانير و البديات لانه الكبت اللي فيه التنانير ما كفى بسبب وجود الجلابيات وياهن ...

المهم رتبت البيجامات و البناطلين و صفدتهن عدل ... و انتقلت للكبت الثالث و اللي معلقه فيه

التنانير و البديات و الجلابيات ... لا الحمدلله أوك كا يباله ترتيب زيادة .. و شوي أشوف اقتحام للحجرة أخواني قرروا يجتمعوا عندي

..
و الله انا بموت من التعب و خواتي ما قصرن يايبات عدة الميكب عسب يتعدلن عندي و أخواني

الشباب بعد دخلوا الحجرة ، و الله لا يراويكم الحجرة مزبلة .. ما تم جيس ما فريته من غير الشنط اللي ما رتبته و من غير النعل و الجواتي " عزكم الله " و كله بكوم و

يوم بطلوا أخواني الباب وكان ابوي خاطف صوب الحجرة و الله إني استحيت

...
كله من اخواني .. حسيت إنه يقول شو هالمزبلة .. و غخواني كل شوي معلقين عليه يعني ما

شفتي ترتبين إلا يوم العزيمة

..قلت لهم يالله أبويه سيروا الصلاة و بلا حشرة زايدة ... و

مساكين قاموا ظهرواعن يتأخرون عاتلصلاة ... أحين باقي خواتي جيف بظهرهن هاذيل لزقة

عنزروت ما يظهرن بسهولة ..قلت و الله لو ما ظهرتن لقفل

الحجرة وأخليكن ترتبنها ... مل وحدة شلت بعمرها و اتجهت للباب ..

و كملت مشوار الترتيب و ررتبت الكفرات اللي خربتهن و لقطت الاجياس و عدلت النعل "عزكم الله " و رتبت الشنط و شوي أسمع هرنات و سوالف إلا العرب وصلوا و أنا بعدني ما سبحت و لاصليت ...
و بسرعة قمت شليت ملابسي اللي مجهزتنهن و سرت أسبح .. و عقب صليت و قمت أتعدل لانه

بنات عمي بيون وقوم عمتي .. نزلت تحت و كنت لابسة مخور تلي لأخضر

و سلمت ع الموجودين ..
و قلت للخدامات يوم يخلصون شغلهم يصعدون حجرتي عسب ينزلون الاشياء اللي ما أباها عندي .. شفت الغد ما شاء الله من الريحة يبين الطعم ... واو ا

للحم

عجيب ، بس ما كلت سمج مع إني أحبه لكن اللحم اليوم لا يفوت ...يمي ..يمي ...

و عقب قعدنا سوالف و أكل حلويات خواتي مسويينها .. ولين قبل شوي كل حد انسحب لبيته ...

ڸـي قڸـب مـآ يحقـد ۈ ڸـآ يحڛـد ۈ ڸـآ يغتـآب
ڸـآن اڸنـآڛ مـن تخطـي ڸهـآ ڕب يجـآزيهـآ
ۈ ڸـآ أندم عڸـى اڸبـآيع ۈ ڸـآ أحزن عڸـى اڸڸعـآب
ۈ نـآڛ مـآ تقدڕنـي . . أطنڜهـآ ۈ أجفيهـآ

سولعية العزبة · 01-16-2010, 11:19 PM

مسآآآكمـ \ صبأأأآآحكمـ ورد جوريـ

{ سمــــآآأ راك } تسلمين يا قلبي ع التقيم ...

و لا تحرميني من مرورج ..

يوميات حلوه الله يعطيج العافيه ...احسن رتبي شغلج بروحج لا تعتمدين تري من تكل على غيره قل خيره هع هع...

تسلمين حبوبة ع المرور و الله لا يحرمني من طلتكم ...

اليوم جدا عادي ..~

الصبح قمت و شفت كل البيت قايم .. نزلت تحت عسب أتريق و سألت عن إخواني الشباب لاني ما شفت حد ... و أمي قالت اللي سار الدوام و اللي سار الفجيرة و اللي سار المزرعة ..

عقب سرت و سبحت .. و تعدلت .. و ظهرت من الحجرة سيدة حجرة أخوي عسب أطالع التيفي .. و جان أشوفه جدامي قلت له عيل أمي تقول أنت بالفجيرة .. قال هيه توني راد ... إلا أنتي شو عندج متعدلة ؟؟ حد بيزورنا؟؟ قلت يعني ما يصير الواحد يكشخ ... جان يقعد يضحك ..قلت خايس واحد .. و سيدة الشردة ..

و بعدين نزلت مرة ثانية تحت شفت أختي يايه و يايبه ولدها { رشودي } فديت قلبه شبيه خالته ...و سلمت عليها .. اللي يشوفنا ما يقول أمس شايفيين بعض

... و بعدها يات العروس .. فديتها اشترت لي كفرات و اكسسوارات للغرفة لانها أمس سمعتني و انا أقول لباباتي إني أبى أغي الكفرات ...

و سيد اتجهت للحجرة و خوزت الجديم و حطيت اليديد .. صدق جنان طالعات فديتها و فديت ذوقها ..
حجرتي لونها ع الزيتوني الذهبي .. و الكفر فيه الون العنابي و الزيتوني و البيج .. طالع خبل ..

عقب نزلت و تغدينا { سمج } .. و رجعت ع الاب أقرى قصة { وحشني شوف أصحابي و ربعي و الغلا مستور } ..~
حلوة عيبتني القصة مع إنه أحس إنه الرومنسية كانت ماخذة حيز أكبر من القصة .. و كان خاطري إنه غلا ما تسامح تركي ...قهرني ..و الله انا لو فكر ريلي يمد يده عليه و الله ما يلست لها في البيت ...

ههههههههه خل أعرس اول ههههههههه...

عقب قعدت أذاكر لاختي الصغيرة{صف تاسع }وآخر العنقود ... عليها علوم و مسكينة مرضت <<< كله تمرض تدلع علينا ..

و عقب سرت أشوف أخوي فديته اليوم سارالشارجة عسب دوام جامعتهم بيبدا ..و قعدت أرتب وياه أغراضه , و نزلت مرة ثانيه و يلست عند عيال أخوي { حمودي و الاحمدي } يعلني ما أخلى منهم ..

و عقب اعتكفت في حجرتي ، ويلست أطررش مسجات لربيعاتي .. وحشوني موت ..

و رديت نزلت و قعدنا سوالف أنا و أخواني و تعشيينا و ع الساعة 9 قمت أطالع مسلسل { أيام السراب } يمكن جيه اسمه ع أم بيي سي ..

و قعدت أرتب أغراضي لانه باجر عندي تدريب في الصيديلة في الفجيرة { صيدلية العائلة } ...~

يلا سياآآ و ادعولي ...~

أسمحلي أشوفيك قبل ماروح
أسمحلي أداوي الجرح وأرتاح
تدر ي بعادك يقتل الروح
حكم الخريف و الورق طاح

هاك عمري خذ منه وتوح
عذب فوادي كان ترتاح
بحفظ الذكرا ووعدك مابوح
لو هل دمعي وكان فضاحرسمتك غلايه فرح وصروح
اسمى من الجواهر طير وجناح
ما لشقا فايظ ومربوح
غير الألم آهات ونواح

سولعية العزبة · 01-17-2010, 01:34 PM

تحيــــهـ معطرة بورد جوري ..~

اليوم كان عندي تدريب في الصيدلية و توني رادة البيت ...

طبعا قمت الصبح و سبحت و تريقت عقب اتجهت أنا و أبويه للفجيرة عسب أسير الصيدلية .. وصلنا ودخلت الصيدلية { صيدلية العايلة } و سلمت ع الموجودين ... بس اليوم الدكتور اللي يدربني هب موجود ... يحليله وايد حبوب ...

المهم قعدت أكتب أسامي الادوية ... لانه الجامعة طالبين منا نعبي الفورم ....
المهم شوي و دخل واحد ... يا صوبي .. طبعا أنا ممنوع عليه أصرف أي دوا إلا باشراف حد ..
قال لي بغيت معجون ..رديت عليه هذاك الصوب و أشرت له .. عقب سار يشوف اللي يبغيه و ما حصله ... قلت له يعني لازم هذا المعجون قال هيه .. و سار سيارته و رد مرة ثانية يايب وياه الكرتون ..
قامت وحدة من الموجودين عندنا بالستاف و دورت حقه و حصلته ... و أنا قعدت أكمل شغلي ، شوي و قال أبى غرغرة ... قلت له أنا متدربة و ما أقدر أعطيك أي شي بدون اشراف حد عليه ...

قال آها عقب قال أنتي ما بتنطالين الادوية اللي فوق .. رديت عليه .. ما يقصرون الشباب الموجودين ... قال أوك طيب ... و قعدت أكمل شغلي .. هالشباب مشكلة منهم طبعا هب الجميع ..... اله يهديهم ..

و بعدين قبل ما يظهر أونه يتوصى فيني قاعد يقول للموجودين حطووا لها كرسي عسب تركب عليه ...

جان أطالعه بنص عين

... يعني أنت شو يخصك ؟؟ طويلة ؟؟ قصيرة ؟؟

زين ما هزأته .. ورد علي بابتسامه

.. كان خاطري أقوم له ذاك الوقت .. لا و اللي قاعدين ما منهم فود غير يتبسمون ...

عقب كملت مرة ثانيه اللي قاعدة أسويه و يووا البيشنات و اللي يعطيني الوصفة أزقر له حد من الستاف اللي عندنا .. و عقب يت ربيعتي مسكينه من زمان ما شفتها .. أنا على بالي ولدها مريض طلعت هي ... الله يشفيها ...

وقعدت أرتب الادوية و أرجعها مكانها .. و شفت المسؤول عني ... يحليه افتقدته اليوم .. و ع الساعة وحدة خلصت اللي علي ... عسب باجر إن شاء الله أبدى بشي ثاني ..

ورديت البيت و صليت الظهر و تغديت .. و أحين قاعدة أكتب لكم شو صار ..~

و يمكن نروح دبي اليوم

... ياي وناسة..

فيڪَ لآيمڪَڹ آغير مۈقفيـــﮯ ≈
آڹت مـבـبۈبيـــﮯ على ڪَل آلظرۈف ๑
ثآبت رآييـــﮯ ۈ مهمآ تـבֿـتفيـــﮯ ≈
لڪَ مڪَآڹـﮧ فآيقـﮧ ڪَل آلۈصۈف ๑
ترבּـميـــﮯ يآ ڍمعتيـــﮯ لـﮧ ۈ آۈصفيـــﮯ ≈
בـآلتيـــﮯ فـﮱ آلـבـب مڪَسۈر آلڪَفۈف

يالله أشوفكم عخير

...

سولعية العزبة · 01-19-2010, 10:07 PM

مــــــــرآآآأأحــب ...~

[18 -1 2010 ] ..~

وحشتوني مرة <<< ع قولت اخوانا السعوديين ..

كنا مقررين نروح دبي يوم الاحد بس أخويه بو حمود طلع عنده شغل فتأجلت السيرة ليوم الاثنين <<< ما أعرف خواني ليش يحبوا يروحوا دبي يوم الاثنين ؟؟ سؤال محيرني ...~

المهم طلعنا من البيت الظهر ، و انطلقنا لوجهتنا دبي..~
قلنا لأخويه اللي في الشارجة يلاقينا هناك .. و نسيبي بعد ... لانه نحن موديين حرمته ، يحليلهم يحتفلون بعيد زواجهم ...

دخلنا دبي مول .. هذي يمكن المرة التاسعة اللي أسير فيها المول ... و كل مرة ندخل من بوابة غير ..

سرنا صوب سيفورا أول شي ... و خذت لي ميكب وعطور و خذت لوشنات ..~
وعقب ظهرنآ و قعدنا نتمشى ... نحن كنا...

انا واختي .. أخويه بو حمود و حرمته و حمودي... نسيبي و أختي و رشودي .. و أخوي الجبير فديت روحه ..

المهم وصلنا صوب مانغو ..لان البنات يبون يتشرون المهم دخلنا ...~

× الموقف الأول×

~{[ إن لم تستحي فافعل ما شئت ..~

توزعنا في المحل .. أناسرت صوب الجينزات عسب أخذ لي و لأختي اللي أصغر مني..و عقب خذت بديات ..و شفت أختي قاعدة تختار و محتارة ..فقعدت أنا وياها نختار .. وخذت لها تنانيرو بديات ..

المهم أنا خطفت صوب تنانير محطينهن بالجهة الثانية.. عسب أختار لي منهن لاني ما أحب شغل السادة ..أحب اللي فيهن شغل ..بس عاد هب لذاك الزود يعني فيه شغل بس هب بوايد ..
المهم أنــأ قاعدة أتطالع التنانير كان فيه وحدة حرير فيها لونين البيج والأسود ...

كنت ماسكة الثنتين و اطالعهن .. قاعدة أختار ... في الجهة الثانية شفت ثنين واقفين يختاروا بديات ..المهم هاذي البديات مال بنات يعني كل شغلها خرز و الخام كان استرتش .. أنا على بالي يختارون لخواتهم ...فطنشت الموضوع ... عقب قربوا صوبي .. أنا بعدني ماسكةالتنانير و أشوف القياسات مالهن ...

واحد منهم مسك نفس التنورة اللي أنا ماسكتنها لونها بيج يعني نفس اللون اللي كنت باخذه ..~
و الثاني يقوله : يا أخي حلوة ..

الأول : ما أعرف أحس إنها بتطلع هب شي ..

الثاني :والله إنها بتطلع طر ..

أنـــــــــــــأآآ الله لايراويكم شكلي ...عيوني ظهرت على برع ..لالا يكون يقصدإنه التنورة حقه ..

الأول : أقولك بتنفع يعني لللبس ..؟؟
الثاني : أكيد حياتي كل شي يطلع عجيب عليكم..
الأول : أوك نقوم نحاسب ..
الثاني : يالله ...

بوصف لكم الأول.. طبعا ثنينتهم لابسين كناديير .. ما أعرف شو الغرض يعني ..

هذا كان لابس تاج و محط بودرة و غلوس و مجحل عيونه ... و الله لايراويكم المشيه.. كلها دلع ..أنا البنيه ما تدلعت كثره

.. و إلاالصوت شقايل رقيق .. صدق كان خاطري أقوم أهزأه .. بس أنا شو يخصني

..

الثاني .. لابس كندورة لونها أزرق و متعصم .. و نفس الشي أرق منه ماشي .. يا أخي يقهرون .. شو خلوا حق البنات

.. و شو هالحركات ؟؟ الله يكافينا الشر

.. يعني بالذمة هاذيل شو خانتهم في البلاد ...؟؟ لا و الخوف لا يكون عندهم حفلة ؟؟

أنـــاآآ سمعت قبل عن هالأشياء بس عمري ما تخيلت إني بشوف بعيني.. الله يهديهم يعني شو خلوا لأهلهم .. خواتهم ..البنات بشكل عام ..

إذا الشباب جيه يسوون .. و لا يشاهرون باللي يسوونه ... بدون لا حيى و لا مستحى

.. يعني عيني عينك .. و الله العظيم قهر ، بعمرري ما حسيت بالاستهتار اللي عايشينه الشباب إلا يوم شفت هاذيل بعيني ..

ما اقول غير الله يهديهم .. و الله يستر على عيالنا ... و الله يبعدكم عن عيال الحررام .. و الله يحفظكم من كل شر ...~ آآآآآمييييييييييييييييييييين ..

×الموقف الثاني ×

~{{[ مغازل عيني عينك ..~

كنا قاعدين بالكوفي شوب نشرب كابتشينو

.. انا و اخويه و اختي ...و حمودي فديت روحه ..
المهم كنا قاعدين نسولف و نضحك على حركات حمود ولد أخوي ...

و نشرب الكابتشينو ، شوي و دخلت وحدة متكشخة ، و متعدلة ..يخزي العين ..

أخوي كان قاعد مجابلنا و هي قعدت بحيث تكون بويه أخويه و حنا عاطيينها ظهرنا .. حمودي كان قاعد يعلب فمشى صوب طاولتها ..

أنا لفيت ويهي أشوفه ، إلا شفت لكم البنت تأشر بمبايلها لأخويه ..

و الله لو لا الحيى جان قمت خربطلها ذيك الكشه اللي مسويتنها ..

قلت لاخويه ..قوم بسنا خلاص شبعنا ..المهم أخوي دفع الحساب ،وأنا لفيت ع البنت و أشرت لها بما معناه غنه هو متزوج و أنا زوجته .. لو شفتوا ويها حرام رحمت حالها ...~

و عقب ظهررنا و أنا ميته ضحك عليها ، و قاعدة أخبرر أختي عن الموقف .. و أخوي يقول طيرتي الطير الله يسامحج و قعد يضحك ويايه ..

قلت لاختي و الله لو ما كنا في مكان عام كان رويتها شغلها ، عيل تغازل أخويه ..

الله يهدي هالبنات ، نحن نظهر السوق أحيانا بروحنا ، بس البنت لازم تكون محترمة في كل مكان لو حد من أهلها موجود أو لأ ..

و الحمدلله ما جد تعرضت لموقف يخليني أتندم عليه ..

الله يبعدكم عن الحرام ، و الله يهدي شبابنا و بناتنا ...~

في مواقف كثيرة منها اللي بتضحكون عليه و منه اللي بتستغربون منه ..~

إن شاء الله المرة اليايه بحط لكم مواقف يهالناآآ في المول ..~

انتظرونــــــــــــــــــي ..~

سولعية العزبة · 01-23-2010, 11:31 AM

مــــرررحبـــآآأأأأأ

مــــــأأآآ صار شي مهم في الويكند ..~

يوم الخميس ..~

اليوم أخوي اللي مودييني الصيدلية .. لانه باباتي مشغول .. فهو تكرم يودييني ..

كان اليوم جدا عادي ... بس اليوم بديت أتعلم كيف اصرف الدوا للكستمر ...

و الحمدلله تعلمت .. حلوة الشغله ..

أخوي الله يهديه تاخر عليه .. المفروض تسكر الصيدلية ع الساعة 1 و أنا يحليلي أتريى أخوي ..

المهم قلت للموجود هناك لا تسكر ن أحينه اخوي بيي .. قال .أوك ..و أنا أترياه وميته خوف .. تصدقون كل القصص اللي في الجرايد يت في بالي

..هههههههههههههه .. و طول الوقت قاعده أقرأ قرآن في سري ...

عقب ردينا البيت و تغديت ... و سرت أرقد .. لانه أخوي يايب لحم و دياي عسب نشوي ...

قمت ع الساعة 4:35 لاني مضبطه المنبه عسب اقوم أصلي .. و أديت فرضي و نزلت تحت ... يلست عند أمي و شوي .. شوي .. اجتمعوا كل اخواني ..و أختي اللي أصغر مني مسويه حلويات لنا ... عسب يلست العصير ..

و عقب أذن المغرب ن الكل قام يصلي .. و بعدين نزلنا عسب نساعد اخويه بالشوي .. بس اكتشفنا إنه الاسياخ مال الشوي ما شي .. أخوي عصب ، عب اتذكر إنه هو بو حمود ما خذينه عزبة واحد من ربعهم .. فسرنا ناخذ الحدايد ، وردينا البيت .. وبدينا الشوي ... من زمان ما شوينا افتقدت هالايام ..

يوم الجمعة ..~

قمت الصبح ، و نزلت عسب اتريق .. بس ما شفت عيال أخويه ، ساييرين عند أهل أمهم { قوم عمي }

.. يلست شوي عند خواتي ، عقب سرت أسبح و أتكشخ .. خواتي كلهم مطقمات اليوم لابسات نفس الكندورة المخورة ، لانه مسويين هالعيد نفس الشي ، بس أنا غيرت لبست تنورة و قميص ..

نزلت حق الغدا ، خواني توهم راديين من الصلاة ، أخوي {س} يوم شافني قال وين بتسيريين ؟؟ قلت ما بسير مكان .. ما أعرف خواني يحسسوني إني ما أتعدل إلا إذا بسير مكان ...

غدانا كان سمج مشوي ، انا من ظمان ما تغديت شرات العالم ، و اليوم أكلت عن سنه ..~
عقب سرت ارقد و قمت العصر ،و فتحت الاب .قريت قصة ..{ القلب ما هو لعبة في يدينك يا فلان } أول مرة أعرف أنه الشباب لهم ميول للكتابه ..

تسلم ألم انسان ،ع القصة كانت حلوة ، بس كنت متوقعه أنها تحلم ...

عقب تعرفت على وحدة في المنتدى...فديتها ياربي ..

من زمان كان خاطري أتعرف عليه ..

كنا مقرريين نسير صوب خورفكان عقب المغرب ، بس أختي العروس قالت تعالوا بيتي ، فسرنا عندها لين الساعة 8:30 و رديت االبيت عسب أتابع الميدان ،أحب أطالع في بيتنا التيفي ..
كنت متوقعة البادي يفوز ، يالله يستاهل ..

و عقب قعدت أتابع التيفي ، و اللي في البيت كل حد قام يسوي له شغله ..

جيت وش جابك حبيبي من بعد طول المغيبي
ولا ناوي يا حبيبي تغرق الغرقـان اكـثر

تقـول اني ما اهمك يا برودة والله دمك
كنت فى عيني اضمك وتغزل بك واسهر

اللي جابك هو حبي ولا شئ مستخبي
يالي ساكن وسط قلبي ليه من حبي تنكر

انت فى دنياك لاهي وعن حبيب القلب ساهي
التغلي مو تباهي حس بشوقي وتذكر

يا دروب الحب صيحي ويا دموع العين طيحي
صرت من بعده جريحي وقلبي عن غيره تسكر

روح يا طاير وقله قلبي فىه ألفين عله
الحياه بعده ممله وحالى من بعده تدهور

أدوات الموضوع
عرض صفحة طباعة الموضوع أرسل هذا الموضوع إلى اصدقائك
طرق العرض	تقييم هذا الموضوع
العرض العادي العرض المتطور العرض الشجري	تقييم هذا الموضوع:

عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف)