كن لله كما يريد يكن لك فوق ما تريد

السلام عليكم ورحمة الله وبركاته
صباحكم ومساءكم مليئه بطاعة الرحمن ....




هنا أنا أفتتح مدونتي بكل ود واحترام لأعضاء منتداي الغالي , وإن شاء الله أكون على حسن ظنكم .....




بسم الله أبدء






نكي : رنآد

مواليدي : 13_10 _1985

داري : رأس الخيمه

هواياتي : الانترنت و التصميم من ناحية الملابس و......الخ

ألواني المفضله : الزهري والأحمر






بحفظ الرحمن

مــــــــــــرحبا اللي نــــــــــور صفحــــتِ
بوجــــــــــــودكم تكتــــــــمل مــــــدونتِ
فيها دهاليــز حياتي مابين اليوم والأمـسِ
أنثر فيها يومياتي الى أعضاء ألم الاماراتِ






طبعا أنا عندي روتين يومي لأني بطاليه خخ رقاد وأكل ^^, وأرمس ربيعاتي ....
سلمكم هالأيام كله تقريبا طلعات لأنه إختي تتزهب على عرسها والكل معزوووووم حياكم ^_^.
وأنا قفلت خلاص ماني طالعه قلت باخذ بريك في البيت بخلي اليهالوه عندي وأمهاتهم يطلعن مع العروووس ....
اليوم رحت الصالون الحمد لله ماشي زحمه بس نقعنا ^^ باباتي تأخر علينا , وبعدها رحنا نشتري عشا حدي كنت يوعاااااانه عصافير بطني تغرد ^_*....
وأحينه الوقت متأخر بسولف وياكم بوقت ثاني ان شاء الله .



{اللهم إنك أنت التواب الرحيم تب علي }






بحفظ الرحمن ....

السلام عليكم ياعيال ألم الامارات
استغفر الله الذي لاإله إلا هو الحي القيوم ,,,



كل الشكر من زار مدونــــــــــــتي المتواضعه ....



عندي كتابات وخواطر إن شاء الله أنزلها حقكم وأتمنى تنال إعجابكم , وأحصل تشجع ^_^,






اليــــــــــــــــوم :
أنقهر واااايد من عقب صلاة الفجر يروح عني الرقاد , أتم مده أتقلب ^^, وعقبها أقوم ساعه 12 قبل آذان الظهر , عاد تعالي عند الغدا ماأشتهي العيش وأميه كله تهزبني ^_*, عاد أنا أخمس بالسلطه كل هذا وعندي فقر دم مع إني أحب السلطات ,


إنــــــــــــــزين :
أختي تباني أروح وياها السوق وأنا خلاص ملييييت , بس شكلي بروح محد بروح وياها , بس حرااام يوم بتعرس بتم بروحي في البيت أغمض خخخخ ....




همســـهـ


سبحان الله والحمد لله ولا إله إلا الله والله أكبر ولا حول وقوة إلا بالله .....

الســــــــــــــلام على من أتبع الهدى ....



شذى الإيمان تسلمين عزيزتي على التقيم رفعتي معتوياتي , استانست ^_^.



حيـــــــــــاكم : شـــــــــعري المتواضع

هنــــــــي تحت

رساله الى كل بشر من سواياك



دمتم بحفظ الله ورعايته ....

مــــــــــرحبا مليون للي نور يومياتي ^_^



السلام عليكم ورحمة الله وبركاته

سما راك تسلمين عزيزتي على التقيم ^^, فرحتيني ^__*




أمس كنت مشغوله ماحدرت لـــيومياتي , لأنه خواتي كانوا عدنا ومسوين زوبعه , فديت باباتي البارحه تعب عدنا مرتفع الضغظ عنده وعيونه إستوت شرات الضباب مايشوف منها الله يشفيك يانور البيت ,


واليوم عكس أمس هدووووء البيت , يقولكم عندي بغرفتي صينيه ككاو فواله ومن يومين قلت خلاص ماأباها باقي شوي منها خلصت مصلحتي وياها خخخ , رايحه أحطها بالمطبخ , فالت لي إختي وين مودتنها هذي الصينيه مطلايه بذهب , إستغربت محد قالي هع , قلت حقهم ماعندكم سالفه خخخخخ ,





الجــــــــــــــو بارد عدنا ومن يومين كان حــــــــــــــر , انقلب ماشاء الله الطقس ,




وبــــــــــــــــــس ^_____________^.....






بحفظ الرحمن

السلام عليكم , إشحالكم إن شاء الله مرتاحين ....



يوم الجمعه يوم رائع ^_^, فيه تجمع الأهل بس للأسف استوت حادثه اليوم , أثنين من عيال إختي تصادموا واحد في أسنانه والثاني في جبهته , اللي في جبهنه الدم لــ عيونه المنظر كان مخييييييييف , وأمه تصارخ ورحت أنا وماقدرت أتحمل ماعرفت شو أسوي غير أصيح وماسكتنه , والثاني أسنانه مخضره وفيها دم بسم الله شو استوى عليكم , بس الحمد لله واحد خاطوا له جبهته والثاني نظفوا أسنانه ,




وهذي أنا , قاعده بروحي وملانه ^____^, وأتونس ويااااكم ......




وشكرا للي خطف على يومياتي تسلمووووووووون وااااايد ,





بحفظ الرحمن .

السلام عليكم عربان ألم الإمارات



تعبــــــــــــانه؟, وااايد ماشيه اليــــوم ^_^, رحت السفير مول من محل لــ محل وعلى آخر شي مااشتريت غير غرض واحد خخخ ماعيبني شي , وطبعا كالعاده رنآد ترد البيت ميته يوووع هع , اشتريت عشاي من ماك وخذيت لي بعد باسكن صح بردانه ^^بس بقاوم ^_*..





وأحينه قاعده أشوف مسلسل أول حلقه اليوم بس ماعرفت شو سالفته خخخ ,






بحفظ الله ورعايته ....

إنـــــــــــــا لله وإنا إليه راجــــــــعون

البارحه توفى عم أمايه الله يرحمه يارب وإلى جنات الخلد يارب العالمين .....



ماتنســـــــــــــــون تدعون له وتترحمون له , جزاكم الله خير .



بحفظ الرحمن

سبحان الله والحمد لله ولا إله إلا الله ولا حول ولا قوة إلا بالله




مظايــــــــــــــــــــقه وملل فظيع , أتحوط في النت ومالقيت غير مدونتي المتواضعه .. لأبوح فيها .....



كل الشكر لزوار مدونتي ,






بحفظ الرحمن

السلام عليكم ورحمة الله وبركاته
اشحالكم علومكم



كل الشكر والود لــــ شذى الايمان ويتيمة الشوق للتقيم , وفي حد مقيمني بس بدون نك فيني فضووول أبى أعرف منو , ماتعيدونها مره ثانيه ^^,


البارحهــ :

ماحدرت إنشغلت ورحت القريه العاليمه وكانت شوي زحمه , صح ماشتريت عدل بس غيرت جو
وكليت سمبوسه بالبطاط خخخخخ حلوه هع , شفت العجب الله يهدي البنات في وحده لابسه عباه قصيره أكيد عرفتوها العباه أونه موضه بس عسب البنطلون السكيني يطلع العباه عندهم عاده مب عباده عافان الله ,


اليومــ :


خواتي متجمعات في بيتنا مع عيالهم ازعااااج خخخ , ورحت الصالون أسوي جلسات لــ شعري
أتحسر يوم أشوف بنات يقصووون شعرهم ^_^, انا ممنوع ماماتي ماتخليني خخخ ,,,



وهذي سوالفي ^_________^



بحفظ الرحمن