|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
| كلمات البحث |
| خطـوتينـ~ والسبـآق يستمـر‘ |
|
|
LinkBack | أدوات الموضوع |
التقييم: 
|
طرق العرض |
03-12-2011, 07:49 PM
|
#181 | ||||
|
مسـآء الخيـر
 ^ ^ ^ *عسـآف شكراً عـ النصيحة بس للأسف لازم أشد حيلي..أكثر مما أفكر بـ الفلة  أما بـ النسبة للاقتراح الجميل ..تبي أخوي يلاقيني بـ مركز الشرطة مثلاً الألمـان ماينمـزح معاهم دمهم ثقيل والله يوفقنـا أجمعين منـور  ^ ^ ^ أمـس كان يوم تحفة أول شي الكـلآس الأهبل..مع الآنسـة مارغيـت..عبدالحميد على قولة غـدي الآنسـة ماسكة مع الكيمياء خط مادري ليه..لهالدرجة تحب الكيمياء!! قالت لنا من البداية اليوم بـ نآخذ تمارين على القاعدة اللي أعطتنا إياها أمس بـ الكيمياء..وبعدين بـ نآخذ فيزياء الكيمياء أخذنا فيه سـآعات..ولما جات بـ تشرح الفيزيـآء ماأخذت أقل من ساعة وفجأة من تأثير ألفا وبيتآ على العناصر..تحولنا إلى العناصر الموجودة في الطبيعة والغير موجودة في الطبيعـة  ^ ^ ^ أمس قررنا أنا وعبير نروح البولينغ..وقالت روان يلا بروح معاكم وفجـأة صاروا الشباب برضو جايين..وتومآ وغدي وابتهال وأبرار  وبعدين طلع البولينغ في اليكسا محجوز كله إلى الساعة 11..و رحنا لـ البولينغ الثاني..اللي شكله تعيس وكورهم عورت أصابعنا بس كان حمـآس اللعب..أنا صحيح كنت بـ المركز الأخير..بس برضو كان اللعب حلو احنا كنا أربع بنات اللي لعبنا..والشباب ستة..هم في جهة واحنا في جهة طبعاً تشوفون لعبنا..وتشوفون لعبهم..تقولون مفروض نستحي على وجهنا ولا نلعب وأخي العزيز عشان يحطمني أكثر طلع كل مهاراته والحمدلله كان في أحمد فاشل فشل ذريع..كـ تعزية لـ كرامتي بعد البولينغ رحنا نتعشآ..طبعاً نصنا كانوا ماكلين من قبل..بس مع الجماعة على قولة روان وعـ العشآ مادري ليه أخي العزيز فتح سيرة بنات السعودية..فـ قلبت السالفة "نقآش سعودي" يعني مايقارب هوشة أهم شي بـ الأخير يقولي حسين روح دافعي عن حقوق المرأة تنفعين..أماااا هذا اللي طلع معاك مادرى إني ضد سخافات تحرير المرأة..لكن لما أحد زي أخي العزيز يجي يتفلسف عن بنات السعودية لازم أسكته  يعني أيش بنات السعودية معقدين..مو شي طبيعي إنهم يطلعون معقدين إذا مجتمعهم معقد!! وإذا البنات معقدات بـ نسبة 50% فـ الشباب معقدين 100% المهم النقآش راح فينا يمين ويسـآر..وإنتهى بـ أن أعلن أخي العزيز إنه في النهآية بنات السعودية مظلومين  بس الصـرآحة أنا ماني من الجزء المظلوم..الحمدلله عشت حيآتي زي ماأبي وأخذت حقوقي وأكثر سواء من أمي وأبوي..ولا أخواني..يعني لا أحد تسلط عليّ ولا أحد فرض رأيه وتحكم بـ حيآتي طول عمري أسوي اللي أبيـه..وحتى لو غلطت أنا بـ النهآية أتحمل أخطآئي بعد الحرية الكاملة والثقة اللي عطوني إياها وعلى عكسي في بنات إنظلموا من جميع النوآحي فـ كريه إن أسمع أحد يتهجم ضد السعوديات وهم مظلومين و مو مآخذين حقوقهم الطبيعية بس انفض النقآش على شي غلط يعني مادري كيف أنتهوا على سـآلفة الشعب العاطفي "الحبيّب" على قولة أبرار وماكان شكلهم ناوين ينتهون أبد..وزين ماانطردنا على الإزعاج اللي مسوينه كان يوم فلـة..وجمعـة ماحصلتش ^ ^ ^ لازم أشغل مخي..ضروري عشان لما يجي وقت الاختبار قبل إجازتنا أكون جاهزة  بس في كسـل سآكن فيني لسـه..لكن سنتين في كسل مو شي طبيعي لازم نرجع نستعيد أيآم المجد ..عفواً الجهد والدرآسة والكرف ^ ^ ^ بما إنو ماعندي سالفـة كما هو واضح بـ أروح أشوف لي شي أسويه..زي أطلع..أو أفتح كتاب مثلاً سـلآم 
|
||||
|
03-12-2011, 09:40 PM
|
#182 | ||||
|
سبحـآن الذي خلقنا معقديـن..متناقضيـن!!
نتمسك بـ المستحيـل..رغم معرفتنا بـ إستحالته نحـآرب عادتنا وتقاليدنـآ..ونحن من وضعهآ نلجأ لـ لوم الآخرين دائماً..رغم إننا نعرف أنه لن يغير شيء نرى الحـلول واضحة أمامنا..لكن نهمشهآ أيوجد ماهو أكثـر تعقيـد من البشـر!! نتظـآهر أننا متمآسكيـن..سعيدين..لكننا في الحقيقة محطميـن..تعيسين نفتخـر أننا نفهم أنفسنـآ..كاذبين بـ كل جرأة فـ من منا يفهم نفسـه..وأعظم العلمآء عجزوا أمام النفس البشرية من يستطيـع أن يفهمهـآ..سوى من خلقهـآ كم نحن متنـآقضين في كـل شيء!! نحـآرب لـ إيجاد السعآدة..ونصلي طلباً لـ الرآحة وفي أول فرصة لـ الفرح..ننزوي في حزن في عـز فرحتنآ بـ المستقبل..نتذكر المآضي ونبكي نظل نردد شعارات عن التفآؤل..لكن لانعمـل بهآ كم نحـن غريبيـن..متى أستطيع فهمنـآ!!
|
||||
|
03-24-2011, 11:23 PM
|
#183 | ||||
|
مسـآء الجو الرآيـق
 ^ ^ ^ وأخيراً اليـوم عندي وقت لـ نفسي شوي  يومياً لما أرجع أقعد أترجم اللي أخذناه وأشرح لـ نفسي بالعربي..لأن مخي يتنح بـ الكلاس الدوام تعذيب..مع إن في Pause وثنتين بعد..بس ملل وتعب بـ شكل مادري ليه  ومهما صحيت بدري..إلا اتأخر عن الكلاس يوم خمس دقايق يوم عشر دقايق!! مادري كيف يمشي الوقت بسرعة..ولا الباص النذل برضو لازم يتأخر خمس دقايق كل يوم ^ ^ ^ طبعاً مابـ تحلطم على كلاساتنا الغبية..ولا بـ أتذمر لأن لسه ما أحس تضبط الوضع..ثلاث أسابيع صح..بس مادري كيف  يعني يـ ماأفهم بـ المرة..يـ أفهم وكل شي تمام فجأة يفصل سلك ولا يطفي شي بـ مخي  ^ ^ ^ الحمدلله تحسنت النفسيـة تحسن قوي  وبدأت أعد خططـي الجديدة..ومرة متحمسـة لـ الربيـع يمدي أطلع بـ الويكند الحين أتمشى بدون ماأتجمد من البرد  الويكند اللي راح طلعنـا الجمعة..وطلعت السبت مع نـور ومشينا من Potsdamer Platz إلى Alexanderplatz  طبعاً هاذي مسافة لايستهان فيها..بس مرة انبسطـت من زمان مامشيت كذا والأحد برضو رحت لـ نـور..رحنـا مطعم عربي عشآن آكل كبـدة أنا كنت مشتهيـة..بس شفتها حسيت شكلها مايشجع..بس نـور أصرت أجربها وكانت لذيذة  بس المشكلة كبدة دجـاج..وأنا أحب كبدة الخـروف ألذ ^ ^ ^ وأنا جداً مفلسـة هـ الأيام بس حبيت أشارككم بـ هالمعلومة تحسون مالها داعي صح ^ ^ ^ عارفين مقهـورة من شبـاب الدفعـة الجديدة بـ شكل بزارين..و وقحين.. ومتخلفين تعرفون الناس اللي تجيها صدمة حضارية هذا هم بالضبط يعني تتخيلون أن في أحد يقول..ياحظكم عندكم بـ الكلاس بنات!!!!  ليه وين قاعدين احنا!! ولا نظـراتهم..مهما كان لبسي عادي ومافيه شي..أحس فيني شي غلط بالأحرى أحس إني مو لابسة شي والله لولا إني محترمة نفسي..و حاطة بـ بالي إنو عيب أتهاوش معاهم..ولا من زمان هزئتهم  شي يقهر بـ جد..إنو ماتدرون هو إستهبال..ولا إستغباء..ولا تحقير يعني هل يستهبلون علينا..ولا يستغبون..ولا محتقريننا ماتدرون!!! بس للأسف..احنا اللي جايبينها لـ نفسنا..لولا تصرفات البعض الله يسامحهم كانوا احترمونا ولو شوي..بس لما يكون منا من لايحترم نفسه..ايش نقول ^ ^ ^ يعني ماودي أتفلسف كذا وأعور رآسكم ورآسي فـ بأروح بـ سلام إلى لقـآء قريـب
|
||||
|
03-28-2011, 01:26 AM
|
#184 | ||||
|
مسـآء التتنـيح
^ ^ ^ ماعليه اليـوم لي شطحـآت..لأن في نـآس قاعدة تصدمني هـ الأيآم بـ شكل غير طبيعي ومهما حـاولت أكون مسالمة وما أزعل أحد..ألاقي نفسي أحترق وما أقدر أمسك نفسي فـ أقل شي ممكن أسويه..إني أطلع حرتي هنـا بالرغم من أني أحب أكون صريحـة..بس برضو ماأحب أجرح..وما أحب أكون عدوة أحد فـ ماأبي أجي أقول لـ كل وحدة ليه سويتي كذا وكذا..لأني عارفتهم مايتقبلون العتب بـ صدر رحب وبـ تصير سالفة..وبـ يحطون حواجز..وكل هذا عشان عتب لا أكثر ولا أقل! الغريـب إنهم لو جاملتهم بـ ينبسطون..بس لو قلت كلمة الحق بـ تقوم الدنيآ ولا بـ تقعد! طيب النـآس اللي كذا ايش أسوي معاهم!! عارفين مشكلتنا احنا البنـات..مقتنعين بـ كل غباء إنو قلوبنا على بعض! وين الصداقـة..و وين اللي قلوبنا على بعض..لما أقول فيك كلام من وراك!! وما أتجرء أجي أقوله قدامك!! وأخبي عليك و أكذب عليك في أشياء تافهة وماتسوى!! وفجـأة أتغير عليك من بعد ماكنا قريبين من بعض..وأسرارنا عند بعض فجـأة تصيرين بـ البلاك لست..ما أرد عليك..وإذا رديت أكلمك من طرف خشمي!! ومابـ أقولكم هاذي الأشياء صارت معاي..لا صارت مع إنسانة تهمني..و زي أختي يمكن ماسوت لي شي عظيـم..لكن..كافي اهتمامها وحبـها لي والمشكلة لما تصير الأنسانة اللي غلطت بـ حقها..هي برضو زي أختي وأحبها وأحترمها شي يقهـر والله أنا لولا إن ربي رزقني نعمـة اللامبالاة ولا كان صارت بلاوي بـ جد شي ينرفز..يعني لما أشـوف شخص يحط بينه وبين شخص ثاني حواجز بدون سبب منطقي! بس عشان شخص ثالث قاله..هذا الشخص مانبغاه معانا!!! يعني غريب كيف نخلي ناس ماكنا أساساً نستسيغهم..يتحكمون في حياتنا!! وفجأة صاروا الناس اللي ماكنت أطيقهم..حبايبي وصديقاتي!!! والله أتعجـب من النـآس..هل العشرة هي اللي تغيرهم!! ولا المصلحـة تغيرهم!! ايش اللي يغيرهم إلى هاذي الدرجـة!! مادري ليه صاروا يشككوني بـ نفسي..وأخاف يكون "من عاشر القوم أربعين يوماً صار منهم" بما إنو للآن أنـا هي أنـا فـ متطمنة..بس أخاف بعد كذا يتغير الوضع بس الحق يقال مهما يكـون مازلت أعز هؤلاء الأشخاص..لأن بيننا عشرة ^ ^ ^ وأنا أعـاني فـ التوفيق بين طرفين أحبهم وأعزهم..وماأبي أخسر وحدة منهم على حساب الثانية ^ ^ ^ الزبـدة مادري وش فيني اليوم متضـآيقة ومتلخبطـة..حتى تركيزي صفر ماعرفت أذاكر ولا أحل الهاوس فقآبا  بدل ما أنكد عليكم بـ أحاول أنام سـلام
|
||||
|
03-30-2011, 04:43 AM
|
#185 | ||||
|
صبـآح التفـآؤل,,رغـم أنف,,التشـآؤم
^ ^ ^ *خيـانة الذكـرى غير إنو مافي أحترام..للأسـف صاروا بـ يطلعون علينا كلام برضو والله يسامح اللي كانو السبب إنهم يآخذون عننا هـ الفكرة ومن جد الشـر يعـم والخيـر يخـص نـورتي خيتو  *عسـاف الله يوفقنا اجمعين الحمدلله بدأ إستيعابي يتحسـن..لكن رجع قفل مع الأحياء قفلـة مو صاحية  والحمدلله الدفعة الجديدة مو معاي بـ الكلاس ولا مت من القهر اللي عندنا بـ النسبة لهم ينحطون عـ الجرح يبرى منـور خيـو ^ ^ ^ جو برليـن بدأ بـ الاستهبال والاستزلاع الظهر شمـس حرقت وجهي وبـ الليل جو بـارد متى بس يجي الربيـع ماأبغـى الصيـف ولا أبغى الشتـآء ^ ^ ^ يوميـن ورا بعض وربما غداً الثـالث من الضيق أطلع أمشي..أمشي..وأنتهي في أماكن جديدة وغريبة اليـوم كان مكان غريب جداً..حي أول مرة أشوفه..ولا فيه آوبان ولا إس بآن!!!  كان الشي الوحيد الحمدلله البـاص..ركبت ومن باص لـ باص إلى أن وصلت إلى آوبان..وسويتش من قطار إلى قطار وصولاً إلى الشقة الحمجلله نفس إحساسي بـ إني ضعت اليوم في برليـن اللي أعرفها جداً هو الأحساس بـ الضياع اللي صار لهم أيام معـآي أول مرة أحس إني مو عارفة سبب ضيقتي..ولا ايش بـ أسوي بعدين يمكن في همين رئيسيين..أولهم السكن عن جد مشغلتني سالفة النقـل..والمكان هنا ماعاد مريحني أحتـاج تجديـد ثانيـهم هرمونـاتي المضروبـة متى سـ تستقر وتريح أم اللي جابني..يوم كـآبة..يوم نذالة وشر..يوم استهبال مزاجات متعـددة في الساعة الوحدة..ويمكن حتى في الدقيقـة الوحدة..شي يقتل تركيزي من جد صفـر..وتايهـة لـ أبعد الحدود و نومـي رجع تلخبط بعد ماتعدل أسبوع..تلخبط مع تغير الوقت وأنا بـ أنفجر قريباً يـارب صبرنـي وريحنـي من غبآئي ^ ^ ^ اليـوم اجتمعنـا بـ آمين..وتيـم آمين تغير جداً..صار كشخة وستآيل أما تيـم للأسـوء أهم شي قاعد يحك في شعره ويحوس في شعره..على قولة منـال فيه جرب ولا الأخت اللي جايبهآ معاه على أساس بارتنر..ياهي سوت فيلم بس كل شي كوم ولا القعدة الغبية كوم ثاني..حسيت كذا أنا و عبيـر ومنـال منفيين لـ الزاوية الثانية يعني مرة ماكانت حلوة الحركة..مفروض إنو لما جينا يصيرون الشباب بـ جهة والبنات بـ جهة بس لا كنا أنا و آمنة و زوجها وعبيـر ومنـال في زاوية..والآخرين في زاوية مع آميـن وتيـم ومارتـن!! وأنا عملـت بـ قاعدة طنش تعش تنتعـش..لأن بعض الناس عليهم حركات سخيفة جداً تعبر عن تفكيرهم السخيف فـ بدل حرق الدم وأنا عندي هموم أكبـر..و دراسـة..مو فـاضية لـ النـاس الجاحدة اللي تنسى العشـرة وتـروح وحدة يجي بـدالها عشر اللي ماتحترمني كـ صديقة..ما أحترمها..مهما كانت تعز عليّ وأحبهـا ^ ^ ^ والحين تعبـت وتأخر الوقـت لازم أنـام وسـوري عـ التنكيد  بس كلمتيـن فـ قلبي لازم أقولهـا..ولا أخليها تحـرق فيني تصبـحون..وتمـسون على خيـر
|
||||
|
04-05-2011, 01:18 AM
|
#186 | ||||
|
مسـاء الخير
^ ^ ^ *.......! حلمانة فيني!!!..والله شي غريب حياك الله دائماً..بس ياليت أعرف مين!! منـورة ^ ^ ^ أحلى أحداث الويكنـد..إن دلال صديقة بنت خالتي جات برلين..مع البنات اللي معاها طلعت معاهم..مشيت مشي عادي متعودة أمشيه لما أطلع..بس مادري ليه هم تعبوا بسرعة بس ماطولنا..وديتهم على بوابة برلين..ومن هناك على مطعم ماروش..وبعدين لـ KaDeWe عشان البيس حق الفيس لـ دلال وكنت بـ أظل معاهم أكثر لولا إني كنت دآيخة..فـ أصرت دلال إني أروح أرتاح وبعدها رجعت للبيت..ماذكر شنو سويت باقي يوم السبت!!..أوه صح سهرت على Arab's got talent من الفضاوة ومانمت إلا 6 يمكن..ويوم الجمعة مانمت إلا 5..مادري ليه فجأة طولت بـ السهر!! ^ ^ ^ مخي مقفـل بـ شكل سيء حتى صار يضايقني إني ماأقدر أركز زي الناس..ولو حاولت أركز أصدع قبل أمس..غليت مآي كالعادة بـ الغلآية..ومسوية دلة..لما كنت أشرب كنت أشوف قطع غريبة بـ الكوب بس طنشت..وماركزت عالموضوع بعدين تفاجأت اليوم الثاني إن القطعة البلاستيك بـ الغلاية..طاحت وذابت..و الدلة كان فيها قطع بلاستيك يومين وأنا أشرب..و مو حـاسة مرة انقهرت من نفسي..لو الحين بالله تسممت..أنا ومخي الغبي هذا ^ ^ ^ أما الدراسة فـ لازال قمة الملل كلاسات الدويتش..وقمة الغباء كلاس الرياضيات مادري ليه الأخ فولفغانغ يشرح لـ نفسه دائماً..واحنا خبر خير الله يعيننـا عليه بس الصراحة مارغيت مغطية عليه في الذكاء هـ الأنسانة فظيعة..مبدعة حسستني إننا أغبياء وعمرنا مادرسنا لا كيمياء..ولا أحياء..ولا فيزياء..توها تدري إنو أخذنا الأشياء اللي قاعدة تشرحها بـ المدرسة مادري شايفين مناهجهم شي عبقري جداً..ولا مستغبين العرب!! يعني صح نفهي وما نفهم..بس عشان اللغة..مو عشان إحنا مانعرف شنو تشرح ^ ^ ^ من يوم مانزلت المكافأة..وأنا جاني هوس Shopping صرت صارفة أكثر من 200 يورو خلال أسبوع..وبرضو اليوم لولا إن نـور دقت وأنا داخلة زارا ولا كنت طلعت بـ شي وشويات يارب أمسك نفسي شوي ^ ^ ^ وبسي تحلطم.. تصبحـون على خيـر
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
