زواج الخليجيين .. !!

هــاي صبايا وشباب

شلونكم شخباركم



.
.
.

..

.
.


اول شي ودي اسأل الاماراتيين شلون يعرفون

ان احنا كويتيات لما نسافر ديرتهم لووول شنو مكتوب على يبهتنا

والله معني ما اتحجى شباب الامارات يقولون هلا والله بالكويتيه كاااك

شلون مادري والهبله بنت خالتي من تشوف اماراتي يلحفنا تقول وااي ابي

اماراتي لوول مينونه اقولها يا شقول اهما ما يحبون جذي لازم عبايا وشيله

المهم اندش بموضوعنا

ودي تناقشوني كثرت هالايام زواج الخليجيين من اجانب

و واايد اثر على تفكك المجتمع وغيره حتى عيالنا ما قاموا يتحجون عدل كله مكسر

ترى ماقامت تسير آفه على مجتمعنا والله

تتوقعون هل اجيالنا راح ينسون تراثنا وحجينا القديم
وشنو اسباب زواج الخليجيين من برا ؟؟

وشنو اسباب زواج الخليجيين من برا ؟؟


والله ما بعرف

سؤالك للشباب

لا شدعوه :P

خو انا ماقلت السؤال حق الشباب

يعني انتاي من نفسج تتوقعين ليش يزوجون من برا

ويا ويوهم مو تارسين عينهم ولا شنو هاع :P

والله اييلج واحد شكبره يتحجى مكسر ويييييع يفشل جنه حليمه لووول

صج صج قمنا مانعرف اذا هذا خليجي ولا لا

لا شكر على واجب يا اختاه لوووول

خو احنا الخليجيات نشبه بعض والله ما تميزين كلنا نفس الملامح بس الي يختلف طريقه الحجاب

لوول لا يمه حبيبتي اخذي راحتج ماطلعتاي برا الموضوع :P

بس مو الكل يطلقها انا اعرف ناس والله مايتحجون عربي كله انجليزي واذا تحجت عربي تعفس الدنيا

وفي وحده تخيلاي بيت يدتها تتحجى غير وبرا غير
كوز يدتها ما تتحجى عربي لا اكملت السالفه كلهم ساروا جتوري آآمو خوبي لوووووووول لا والله اتغشمر حدي احبهم

وااي فديتهم حبايبنا

اي شسمونه وين وصلت شسمه انتاي تقولين يزوجون بنات ديرتهم ولي سلمج الحين بناتنا يعرفون عاداتهم وتقاليدهم

لووول هذاك اول الحين ماتعرف من كوعها ومن بوعها ودي اعدل حنجها العوي عشان تتعدل

يلا الله كريم

مشكوره حبيبتي على الرد الحلو مثلج

شكراً أخت كويتيه على الموضوع المهم
أنا أتوقع السبب نفس اللي ذكره الأخ رإاّحيل
لكن من جد بيتأثر في العادات والتقاليد حقت الأجانب
وبيصير جيل ماصخ وبعدين بيمتلي الخليج بنات من يأخذهم والا يعنسون
تحياتي للجميع

ممكن اتكلم بلهجتي البحرينية العادية ... عشان اكون اقرب الى قلوب اخواني واخواتي هني


اختي كويتية
انت تسألين ليش ان الخليجين يتزوجون من خارج بلدهم ؟؟ وانا أسألج هل تتوقعين ان ماعندنا المميزات اللي عند البنات اللي بالخارج ؟؟؟

لا خيووتي الا عندنا اعظم وأدهى منهم لان المرأة هي هي بكل العالم

" ان كيدهن عظيم " يعني لو تتبع اسلوب صح بتحصل اللي تبيه مهما كان ولو أعند زمانه

المهم خيوووتي ـ الخليجي ما بيفكر يتزوج من برى ديرته الا اذا شااف بنت بلاده تتطلب وايد لمن يتقدم لها
ارحموا الريايل عشان لا تعنسوون وتطبون بجبد اهاليكم
خخخخخخخخخخخخخخخخ

طرح حلو اتوقع تغيير ولا على قولتهم ارخص هههههههه

بالنهايه هم خسرانين لان الزوج من الاجانب مشاكل واعرف وحد تزوج اجنبيه وطلقها ورفضت تعطيه الاولاد والا الحين برا
فااااااااااياليت اي شاب قل مايتزوج بااجانب يفكر ماليوووووون مره
ويسلموووووووووووو على الطرح لاخلا ولاعدم

مالت عليهم ليش مو مالين عيونهم؟؟؟

ملاحظة هالموضوع زاد عن حده, لأن بعض الرجال يكون متزوج ويأخذ الأجنبية على زوجته الأولى وهي وش حليلها معاه أدب وتعامل وذوق, ماأدري إيش لاقي في الأجنبية..

من وجهة نظري ماألاقي أسباب مقنعة تخلي الرجال يتزوج أجنبية, وإذا صار واتزوجها يخلف الله على عيالهم في الكلام والعادات وحتى في الأخلاق لأنهم أكيد بيتأثرون بأمهاتهم..

مشكورة ياحلوة على هالموضوع..

الله يعطيك العافيــــة..

عندي اخ اصغر عني متزوج لبنانيه ، ف البدايه كانت المعارضه كبيره لكن امي من عرفت البنت


حبتها ورحبت فيها خاصه انها لحآلها دون اهلها من تزوجت اخوي ، الحمدلله اهتمينا فيها

والحين قارب موعد ولادتها


البنات لكويتيات استايلهن معروف بالكشخه والاهتمام بانفسهن بأحلا حله والابتسامه

الي ماتفارقهن =)


زواج الخليجين ممكن اذا تواجدت النظره الي تمشي على كلام نبينا المصطفى عليه الصلاة

والسلآم من اتاكم من ترضون خلقه زوجوه بما في هذا المعنى

شكرا على فتح النقاش في هالمسأله المهمه ماظن فريج او بيت يخلا منها .