|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
|
|
LinkBack | أدوات الموضوع | تقييم الموضوع | طرق العرض |
|
#1
04-19-2010, 11:05 PM
|
|||
|
|||
.. نبضآت قلم }~
بسمــه تعآلى ~
السلام عليكم .. كيفكم حبوبين ؟؟ اليوم قررت اكتب لكم يومياتي وما يحدث معي ..  حتى اروح عن ما في خاطري شوي دام الاهل موب داريين بحالي ..  بالبدايه رح اعرفكم بنفسي ..  اسمي : فديت عينك .. عمري : 16 سنـــه المرحلة الدراسيه : ثالث متوسط << بصراحه جابوني بآخر السنه ,,  البلد : السعوديه ,, المنطقه : الشرقيه ,, واعطيكم خبر اني اكبر البنات في عايلتي الصغيره .. ,,, اوكي مارح اكمل لاني متشوقه اكتب اللي في خاطري بصراحه هذا الاسبوع صاير ملل ,, مع اني احب الاجازه بس ما ادري اذا جت الاجازه استمل واذا جت المدرسه ابي الاجازه ..<< علاقه عكسيه << متأثره بماده العلوم هههه عاد رح اقول لكم ويش صار معاي يوم الاثنين الاسبوع اللي طاف ..  طبعاً أخذنا المستوى وكل المواد ممتاز ولله الحمد بس جلست اصررررررررخ بالمدرسه  بصراحه وقف قلبي لما شفت بالمستوى في مادتين كلمه مقبوووول  مع اني متاكده من ان علامتي كامله بالاختبار واكيد المعلمه رح تحط لي المشاركه كامله .. من هول الصدمه سالت الاولى ع الفصل واني معصبه حدي : كم حاطه لك المعلمه بالمشاركه ؟ قالت البنت بهدوء : عشره ,, ما تصدقون وش سويت صرخت بوجه البنت واني اقول : انتي ما تشاركين انا اشارك اكثر منج .. البنت مسكينه جلست بمكانها وهي ساكته بعد ما هديت شوي قلت لها بتأسف : اسفه والله كنت معصبه . طبعاً جت حصة النشاط واني قلبي يغلي من المعلمه .. ماني بعارفه كيف اجادلها بدرجاتي وهي هددتنا : لا احد يجني ويقول ليش درجاتي كذا .. البنات اللي معاي بالجمعيه التموا علي: وش فيك حبوبه مو من عوايدك تكشرين وش فيك اكيد عطوك المستوى : قلت لهم اي وسكتت ولا تكلمت .. مر الوقت واني بنفس الحاله حتى من عصبيتي نتفت شوي من الورقه  خلصت الحصه ورجعت للفصل واني احاول اهدي اعصابي .. من حسن الحض كان علينا معلمه المادتين اللي نقصتني فيهم سلمت المعلمه بساني درت ظهري وصرت اطلع الكتب من الجنطه وما رديت .. دخلت المعلمه وهي مستغربه مني قالت : علامك وش فيك .. اني سكت وما رديت .. عطتنا الدرس وبين كل نقطه والثاني تقول لنا كم تعليق والبنات يضحكون .. خلصنا والحمد لله .. واني احاول امسك حالي .. قامت وحده من الطالبات واعترضت على درجاتها .. قلت ما لي الا اقوم انا بعد وقمت توجهت للمعلمه وقلت لها عن الدرجات صارت تناظر بوجهي وتقول : عشان كذا زعلانه .. قلت نعم .. التفتت على موادها ولقت المقبول مسكت قلبها وهي تقول : لاا مستحيل هذي درجاتك فتحت لي السجل وخلتني اجوف درجاتي اللي مسجله هناك .. وقالت لي : في تبادل الاساء بينك وبين فلانه بنت افلان في هذي الحظه تمنيت الارض تنشق وتبلعني .. << بمصطلحنا  تفشلت بقوووووه وقلت : وش الحكمه من اللي صار لي ؟؟ << من عاداتي اني اطلع حكمه لي في كل موقف يحصل معاي ..  وفي آخر الدوام ما نسيت اتسامح من البنت مره ثاني وقلت لها : سامحين واللهِ ما كان قصدي كنت معصبه .. قالت لي وهي مبتسمه : لا عادي قلت لها : تدرين الواحد موب ضامن حاله ما يموت واني ما ابغى اموت واحد حامل لي بخاطره شي علي .. { بعد فتره من التفكير أثبت في نفسي .. قوله تعالى { وكان الانسان عجولا } .. يعني تخيلوا كل الصراخ اللي عملته بالمدرسه والصراخ على البنت المسكينه اخر شي يكون في تبادل بالاسماء .. وهذا اللي ابي اوصله لكم ايها القراء .. لا تستعجلون في الحكم على الغير .. ودي ...
|
|
04-20-2010, 12:21 PM
|
#2 | ||||
|
اللهم صلِ على محمد وآل محمد مرحبآآآآ صبآحكم حب ومَسَــــرهـ ,, كيفكم اليوم ؟؟ اتمنى عجبكم طرحي ,, بصراحه ما ادري بأيش ابدي الحكي << امس كتبت وااايد كلام ..  امممممممم اي رح اقول لكم شي فيني اذا جلست اي مجلس لازم اذكر شي تتوقعون شنو ؟؟  رح اقول لكم لا تخافون بصراحه البعض اللي بالمجلس ينزعجون مني بس اني ما اقدر ما اذكر الموت .. ما ادري ليه يعني كل حديثي عن الموت يمكن لاني ابي اموت  لان حياتي احسها جحيمــ ,, ما ادري بس خلنا الحين من حياتي ,, بكلمكم عن ابوي وامي ,,  بصراحه ابوي وامي شي احبهم بقوووووه بس هم موب حاسين بحبي ولا اني عارفه كيف اخليهم يصدقون اني احبهم .."انا مع امي " بصراحه دائما مثل الاصحاب  بس ما تهتم بي كثير مثل اخوي .. بس هالايام وبسبب نقدي لها الدائم تزعل مني ولا تكلمني ,, مع اني اقول لها الشي الصح بس هي ما تهتم اليي في هذا الشي ,, يمكن بكره تحس فيني ..  تدرون حتى اذا قلت لها اسألي عني بالمدرسه شجعيني ع الاقل تقول لي انا اعرف مستواج واحس اني مقصره معاها وايد .. بس ما ادري كيف تكون راضيه علي تقدرون تخبروني ؟؟  ,,, اوكي خلينا نروح الى ابوي اللي امووووت عليه بس مو معنى ذلك ان اني ما احب امي لا احبهم اثنيناتهم وبقووووووووووووووووووووووووووووووه بعد هههههه " انا وابوي " بصراحه من قبل ما كنت احس بابوي كنت طفله وما همني غير اكل الايسكريم  هههه امزح معاكمبس الحين لما كبرت حسيت بمسؤوليه ابوي بسكين ابوي فديته يشتغل 24 ساعه بس عشان يأمن لنا اللي نبيه << فديتك يا احلى ابو بالدنيا .. ابوي احسه رجل حكيم بصراحه اهوا اللي ينصحني دائماً نصائح تخليني الرقى الى الكمال احسه يعزز الثقه في نفسي و موبس كذا يخليني اتخذ قراراتي بنفسي بعد ما ادري كيف اوصفه بس اقو لكم امووووووووووت عليه مع انه جرحني كثير بس بضل احبه دامه يشتغل ويتعب بس عشانا يمكن البعض ما هو بحاس بابوه يقول انه عادي غير بس يشتغل بس لما تكبرون وتفكرون زين رح تفهمون اللي قلته اتمنى اني راضيه ابوي مو مثل امي اللي احس اني مقصره معاها وااااااجد .. اوكي اتوقع اكتفيتوا من هالكلام ذا كله مع ان في خاطري كلام واااااااايد بس يالله رح اقوله لكم في الايام الجايه بس تدرووون ملل اجازتنا من يوم الثلاثاء بذمتكم مارح تستملون << شكلها ما بتسكت هههههه اوكي خلاص القاكم على الف خير 
|
||||
|
04-20-2010, 01:53 PM
|
#3 | ||||
|
هلا
كأني رجعت  << غفه  ايي كنت ابي اقول شي بس نسيت اممممممم عفر ما وضحت لكم ايش احب وايش ما احب اوكي اللون المفضل : الابيض مع الاسود << يمكن تستغربون اني احب الوان متضاده بس بجد امووووت على هاللونين الابيض احس فيه معنى للطهاره بس الاسود مدري ليه احبه يمكن كذا مزاج اوكي اما بالنسبه لاكلتي المفضله : فهي الورق العنب و الشوربا هههه وطبعاً اي شي من يد الماما رح يكون حلو .. والعصير المفضل : كل نوع عصير طبيعي بس اهم شي ما يكون مشكل ولا ليمون لاني ما احب الحمضيات وايد يعني حتى البرتقال نادراً ما اكله .. اما بالنسبه الى الفاكهه اللي احبها : هي التفاح السكري اموووت عليه .. واحب المانجوا وتقدرون تقولون الموز احبه بس موب بجنون .. اممممممممم عفر خلصت حكي اوكي سي يوو
|
||||
|
04-21-2010, 09:48 AM
|
#4 | ||||
|
صبآحكم خيــــر يآ حلوين ,,
كيفكم عساكم بخير ؟ اليوم جالسه انا بكير صح ؟؟ اي لاني جلست على صرآآآآآخ .. لا تتخرعون ترى صراخ عادي اني تعودت عليه بصراحه ,, لان ما يمر يوم ما يكون في صراخ ,, اوكي ما علينا بقول لكم وش عملت اليوم طبعاً مثل ما انتوا شايفين جلست بكير وكتبت كل واجباتي والحمد لله بس في واجب الى الحين ما حليته هو واجب التفصيل تصدقون ما ني بعارفه الاجابه لو تغششوني شوي ترى هو سؤال واجب موب بمتحان حتى ما تغششوني .. اوكي رح اقول لكم السؤال واللي يعرف ما يبخل علي بالاجابه يقول السؤال : عللي .. سميت غرزة رجل الغراب بهذا الاسم ,, << هو عطونا اياه من زمان بس ما اذكر الاجابه اففف وهذا اللي قاهرني كيف ما اعرف اجاوب على سؤال عطوني اياه ,, اوكي نترك المدرسه شوي وبتكلم لكم عن البارحه تتوقعون وين رحت ؟؟ البحر ,, لا مدينه ملاهي ,, لا ههههه << عجل وين ؟؟ اوكي بخبركم لا تستعجلون رحت بيت خالتي << لا تعصبون بس بجد كان وناسه طبعاً هم موب ساكنين معانا بنفس المنطقه هم بمنطقه ثانيه وحنا رحنا لهم بس موب بسياره لا مشي هههه << حنا رياضيين ما شاء الله علينا المهم وصنا بيتهم وحنا موب قادرين مع ان احنا نمشي دائماً من منطقتنا الى منطقتهم ونرجع بس هالمره كملنا الى بيتهم هههه وصلنا وجلسنا وجتنا الضيافه بأحسن أصولها ,, << اهم شي الاكل هههه بعد كذا اذن المغرب قمنا وصلينا ,, بعد كذا رحنا المركز اللي بجنبهم وشرينا لنا اكـــــــــل << قلت لكم ماهمها الا الاكل هههه اني شريت لي جالكسي و علكه <<  اما اللي معاي شروا لهم ايسكريم و حلآوه << بعد ما تحاسبنا بالمركز رجعنا الى البيت وكملنا جلستنا وضحك مني وسوالف مني ,, وحنا جالسين نطالع اصورنا وحنا بزارين ونضحك على اشكالنا بصراحه كنا تحـــــــــــــفه ههههه << اني مو معاهم ههههه ومعظم الصور كانت جماعيه يعني مخليين البزارين بزاويه ومصورينهم ههههه بعد ما تعشينا وخلصنا على الساعه 8 طلعنا من عندهم ورجعنا الى منطقتنا مشي بعد هههه بس موب الكل بعضهم بسياره واللي بسياره اخذوا اليهال معاهم حتى لا يتعبون من المشي وصلنا منطقتنا على الساعه 10 يعني تقدرون تقولون كذا بس بصراحه كانت الطلعــــــــه مرررره حلوه كان الكل مجتمع ببيت خالتي حنا وبيت خالاتي كلهم وبناتهم اللي متَزوجين وبيت خالي بعد يعني الكل هناك ,, وشفت الحبـــــآيب كلهم وبث لا كاني تكلمت وآآآآيد اليوم <<عفر امممممممم اوكي بتركم الحين وبشارك بالمنتدى شوي ,, سلآمــ }}~
|
||||
|
04-21-2010, 12:02 PM
|
#5 | ||||
|
رجعت لكم لاني تذكرت شي ,,
اني أكتب مذكراتي بكتاب ومحتفظه بيه عندي .. والبارح قبل لا اروح الى بيت خالتي تذكرته فحبيت اكتب شعوري قبل لا امشي بس بذاك الوقت كنت احس بهدوء مو طبيعي بالبيت << متعوده ع الصراخ ..فكتبت الشي اللي يعبر عن اللي بداخلي .. طبعاً دخلت غرفتي وكنت بوحدي وسكرت الباب وكتبت .. " اشعر بالوحده في هذه الاوقات التي تداهمني .. دقات قلبي تتزايد .. صمت من حولي يقتلني ,, وعقارب الساعه في حركة دائمه , هذا هوا الصوت السائد على هذه الغرفه الكأيبه .. وقلمي ينزف في كتاب مذكراتي ازرق اللون .. شعور بالوحده اقاسيه في هذه اللحظات .. قرار امي يندهني : الم تذهبي معنا .. رفعت رأسي لألوح لها بنعم ولكن للحظات .. أكمل كتاباتي واحس بالضيق في صدري .. اغلق الدفتر واتجهز للرحله الاتيه .. لارى ما يخبئ لي القدر من أسرآر ومفاجآت " ولمـــــــآ رجعت من بيت خالتي جلست اقرأ رواية " بيني وبينك حكايه " إلى خوله القزويني .. باقي علي قصتين وأنهيها .. هي عباره عن همسات يعني قصص عن الحياة الزوجيه والمشاكل اللي تحصل بين الزوجين وبالاخير تكون في همسه وهي عباره عن نصائح للمتزوجين .. << للعلم اني موب متزوجه بس احب اتثقف من هذي الناحيه بس بصرآآحه مررره حلوين .. احب روآياتها مووووت .. مره يعجبوني انصحكم تقرأوهم  اني قرأتهم كلهم بس رواية البيت السعيد بعدني ما اقرأها لانها توها نازله يعنو جديده ..  اوكي يمكن هدرتي هذي فاضيه .. بس حبيت ادعي ربي في نهاية كل مشاركه لي { إلهي إن كان ذنبي عظيم فعفوكَ أعظم من ذنبي } ســــــلآم }~
|
||||
|
04-22-2010, 02:48 PM
|
#6 | ||||
|
مســــــآء خير يــآ حلوين
اليوم اني زهــــــقآنه بقوووه جسلت الصباح الساعه 10 ,, و ماعرفت ايش اعمل .. رتبت غرفتي وجلست اكمل الروايه وخلصتها الحمد لله  بس تدرون شعور غريب فيني هالايام احس اني دآآآئماً في صمت ,, أشعر أحيــــآنا بالموت يتسلسل إلى أوقــآتي , فأجلس في صمتي وبلا حراك كانني جثه هامده .. عيناها فقط هي التي تحلق في سماء الغرفه وأصوات الكلام تمتنع عن الخروج فيبقى الحديث في داخلي أتكلم بما هوا حادثٌ لي بعد هذه الحياة أتذكر بعض المناوشات اللتي حدثت معي لاعرف ما هي الحكمة من ذلك فلآ أجد تفسير ؟! ربمآ لان الاحداث تتسلسل متقطعت في ذهني .. وليست كما هي مرتبه .. اغمض عيني لعلي اخرج من هذه الاحداث واتوجه الى صور من ذاكرتي ,, ابتسامة اشخاص و غدرهم لي في هذه الايام مجاملات اناس و لا ادري ما يخبؤن لي مع الايام اقوم لاطرد هذه الذكريات وامشي في حياتي وأرى ما ينتظرني فالطريق طويل امامي لِأُميز بين من يحبني ومن يكرهني ومن يجاملني هذا ما يجول بخاطري اثناء صمتي فقط لآتذكر المـــــآضي ,,  ودي }}~
التعديل الأخير كان بواسطة : Mi$$ Sweet بتاريخ 04-22-2010 الساعة 02:53 PM |
||||
|
04-23-2010, 04:30 PM
|
#7 | |||||
|
اقتباس:
وعليكم السلآم
مرحبا فيك خيتو سمو مشكوره ع التعليق الحلو منك ولا تحرمينــآ هالتوآجد منوره التعليقات كوني معـــي ,, تحياتي// فديت عينك ..
|
|||||
|
04-23-2010, 06:12 PM
|
#8 | ||||
|
في كل يوم أخطو خطوات الى الامام
أحآول أن اصلح ذاتي وأرقى بها إلى العلآ لأرى الناس من حولي يهتفون بإسمي فآكون لهم عونآ .. أساعدهم ليسآعدوني,, بالبارحه كنت مع والدتي وتحاورنا حول ما اشاهده انا في التلفاز دائماً تذمني على ما اشاهد من أفلآم أجنبيه وبصراحه مسلسلاتنا الان اصبحت مثل الافلام الاجنبيه << الا القليل ..  أتقبل رأيها ولكن تزيد على ذلك انها تذم جلوسي على  جهاز الكمبيوتر  مع انني احاول قدر المستطاع ايصال فكره بأن ليس كل ما يوجد بعالم الانترنت يكون مضراً بل هنالك طريقان طريق صحيح وطريق خاطئ ,, وليس ذلك ايضا بل احاول التقليل من جلوسي عليه ايضاً ..  اما بالنسبت لامي فإن كل ما يحتويه خاطئ ومضر جداً وتطلب مني ان اجلس عليه ساعة او ساعتان فقط ,,  هل اقضيها على تحضير مادة الإنجليزي الت تأخذ منب نصف ساعه او اكثر ام بدخول المسن والسؤال عن الاحباب والاصحاب ام بدخول المنتدى ؟؟  إنها تنتقدني دائماً لا تريدني ان ادخل الإنترنت وترفض بشده ما اشاهده في التلفاز فماذا عساي افعل هل اجلس بلا شيء يرفهـ عن النفس ؟؟  حتى خروجي من المنزل لزيارة اصدقائي وأقاربي ترفضه إلا برفقة احد من عائلتي وفي أغلب الاوقات ترفض حتى إن اردت الذهاب مع احدهم ؟  في بعض الاحيان اطفح من ما تقوله لي ولكني إحتراماً لها أقنع نفسي بأنها تعمل ذلكَ لأجل مصلحتي  فهي لم تمنعني إلآ لخوفها علي  فالتزم الصمت واجلس بسكون فقط اقوم عندما تطلب مني ان افعل شيء ما .. ولكن إن وضعتم انفسكم مكاني هل ستتحملون ذلك ؟ << سؤال محرج صح بس مهما يكون هذي الوالده ما يصير ما اطاوعها << هذا مو غرور فيني بس بجد انا توني اشعر بفضل امي وابوي علي ,,{ ربِّ اغفرلي ولوالديّ وارحمهما كما ربّياني صغيراً }
|
||||
|
04-26-2010, 08:16 PM
|
#9 | ||||
|
مرحبا
اخباركم؟ ما اقدر اتكلم وايد لاني داخله اقول لكم اني بعازه لدعواتكم بكره علي ثلاث اختبارات .. اهى اهى رياضيات وتسميع قرآن و تعبير الله يعيني ويوفقني هم انتوا ادعوا لي وبجيكم يوم الاربعاء باللي صار معاي كل ذا الاسبوع هههه عندي لكم اشياء رووعه اتظروني سلآم
|
||||
|
04-27-2010, 05:49 PM
|
#10 | ||||
|
مســآء معطر برآئحه القهوه ممزوجهـ بالزعفران ..
,, في هذا الاسبوع ما قدرت ادخل لان عميمه ما رضيت لي اشبك نت بس ما نسيتكم يالغلآ كله , بقول لكم وش صار معاي بس لحظه اني تعبانه شوي من اختبارات اليوم خلصتهم والحمد لله بس خايفه من التعبير كان الاختبار إلقاء خطبه بين الطالبات واني ما قدرت لما ناظرت برفيجتي جلس اضحك وشكل المعلمه عصبت علي اهى اهى يالله الله يوفقني . . . يوم السبت / 10-5-1431هـ كان يوم عادي جداً وما في ولا درس جالسين ع الكراسي ونسولف وكل بنت تقول وين راحت باسبوع الاجازه .. . يوم الاحد / 11-5-1431هـ بدت الدروس بس هم كانت مواد خفيفه وطبعاً ما خلى هاليوم من الحصص الفاضيه عطونا تدبير درس نقرأ من الكتاب ,, وإملآء فلا كلام في الاملاء << احسه الى البزارين مدري ليه يعطونا وياه وE كان كل فرقه تجيب طبخه وتقول المقادير والطريقه باللغه الانجليزيه .. وحصتين علوم فاضيين غير الحصه الثانيه من التدبير هم جلسنا بلا عمل والفنيه جلسنا نلون التصميم اللي صممناه  . اما بالنسبه الى يوم الاثنين / 12-5-1431هـ كان فيه ضغط بسيط بس هم جلسنا فاضيين ب4 حصص << والله ونآآآآآسه طبعاً كانت حصص الفراغ ورى بعض فجمعنا البنات وجلسنا نلعب ولا كلمه بالفصل وطبعاً ما نسينا نعزم اللي بالفصول الثانيه << اهل الكرم والضيافه هع هع . . .
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
