|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
|
|
LinkBack | أدوات الموضوع |
التقييم: 
|
طرق العرض |
04-04-2011, 09:38 PM
|
#81 | ||||
|
:
4 أسباب بالتحديد خلتنى أرجع أدوّن من جديد رغم انى كنت ناوي أعتزل الملاعب خلاص واسوي حفل الاعتزال بحضور فرقة طيور الجنه ,  الأول \ مدري وشهو ,  الثاني \ أحب هالمكان ..,  الثالث \ طلب كم عضو ومايرد الكريم الّا اللئيم يالوافين ..,> بخصوص انى شخصيه مهمه وخنفشاريه ,> آآوت  الرابع والأهم \ رجلي مكسوره بعيد عنكم وصرت أقعد ع النت واجد فا قلت ما بدهاش خخخخ , أيوووه قآآآآي ,  > صفّيرة غلاية الماي تناديني بنّزل أضبط الشاي وراجع لكم اللي فيه خير بس يتحرك من مكانه  > يالله عونك  > يستلم العكاز ويستعد للنزول , > اللي بيتشمت بدعي عليه بهالمغربيه يجيه تمزق بعضلة الحاجب الأيمن ,  >شرير  بررب ,
|
||||
|
04-05-2011, 12:32 AM
|
#82 | ||||
|
:
> ياخذ له رشفه من الشاي ,ولهت عليكم وقصم  وولهت علي يا انا هنا بعد .., خنفشارياتي >كم اشتقت لكي ايضاً , >لا ترحل يا ببيرو > شطحه خلاص ما عاد فيه خنفشاريات ! غيرنا الأسم والحاقات يا حضرات , الحين صارت يومياتي , لي ولكم و(للمطــرْ) > يناظر بالغيوم من البلكونه وياخذ له نفس عميق , > يقالى رومنصصي خخخ  طبعا هالإسم مستَوحى من قلب بلكونة غرفتي , كانت السماء متلبده بالغيوم , وزخات المطر تنزل على خشتي وانا قاعد أبلع بالكرسون نمبر 2 خخ , في البدايه كان الجو إبداعي ويفتح الشهيه , بس يوم بدا المطر يشد شقلبت اللاب وتركت الكرسون فوق الطاوله وحطيت رجلي خخخ ,مالها داعي تتبلل ملابسي ومن هازا القبيل , * الساعه 11 جيت من الجامعه , كانت عندي محاضرتين بس سحبت عليهم بضمير , تعرفون رجلى مكسوره ولازم أعيش الدور خخ , قعدت أكمل الاسايمنت اللي عندي والأفلام , لين بدا التفتيش ! وما ادراك ما التفتيش , من أجل غد > وش تحسين فيه ! ترا فيه كم نقطه حست فيها انا وقروبي البطل , > نويّر وبيننا عهد الوفا , تذكرون سؤال القوته خخخخ أقدع قروب بالحياه ..,  المهم عاد ترا ان ما طلعنا بالمركز الأول سيحدس مالا يحمد عقباه وقد أعزر من أنزر ,> بنسوي إضراب عن استخدام الوجيه التعبيريه , وبنوقف بواجهة ألم الرئيسيه نطالب بحقوقنا الخنفشاريه , يعني عندكم خيارين مالهم ثالث , يا تعطونا المركز الأول وفوقهم تخلوني نائب المدير العام ,أو تعطونا المركز الأول وتخلوني مشرف مجلس التراث بدال بن عبيد خخخخ , وأهم شي يصير لوني أخضر وبن عبيد عطوه اي لون ثاني , وحبذا لو تعطونه لون بنكي أو شي كذا يخليه يحس انه فراشه خخخخ ,  > يا لبى قلبك يا بن عبيد تخيل نفسك عاد بلون بنّكي ! بيقصبك عبيد طال عمره وبيعلقك من كراعينك عند بوابة قوقل خخخ , > بتصير عبره للرايح والجاي , > لا أستطيع خخخ > يا لبى قلبك بص يا بن عبيد ,  على طاري رجلى المكسوره سلمكم الله , نصيحه لكل شاب ولكل فتاه , لحد يلعب كوره بفريق فيه عبود الدب لانه بيتعرض لإصابات يمكن تنهى مستقبله المهني بالحياة !  هالدب ما تقولون الا داخل حلبة مصارعه يخرب بيت عدوه , ياهو حفر الملعب حفر ذاك اليوم ..,  روّع العالم ! في الويكند اللي طاف يوم السبت , قررنا بعد وجبة غداء دسمه , وبما ان الشباب متجمعين وفيه عدد , قررنا نلعب كوره !  عاد فيه كم واحد من الأجانب دايم ألعب معاهم بملعب الجامعه وتسذا , يوم شفت الشباب متحمسين وفيهم شَدّه قلت خل أكلمهم ونضبط لنا مباراه ! وفعلاً كلمت واحد استرالي معاي بالكلاس وقالي قدام , ولو تبون على الساعه 5 حنا بنكون بالملعب وحياكم , عاد انا يوم كلمته كان وقتها على الساعه 2 او 3 العصر , المهم الشباب كانو متحمسين حدهم والريوس عندهم مفصول , كل من راح يجهز نفسه , وما جات الساعه 5 الا وحنا بالملعب ,  لا وجايين معانا ناس ما يبون يلعبون ولا شي جايين بقهاويهم وحلاهم وفرشتهم بيتكون هناك خخخ  عاد بما ان حنا عددنا كبير وشباب الجامعه عددهم أقل , تقسمنا لأربع فرق كل فريق من 7 , وانا معاي واحد من الشباب جداوي , و5 اجانب واحد منهم شاينيز بارد ويفقع القلب يشبه جاكي شان ,  عاد فريقنا لعب أول مباراه ضد فريق فارس , وفزنا عليهم وجا فريق عبود , تخبرون عبود وفارس ونايف ؟ > اللي انا ساكن معاهم بنفس الشقه المهم فريق عبود فيه واحد أمريكي دب بعد واضخم من عبود خخخ  تعرفون الدبب المصارعين اللي مدري وش يلبسون ويلعبون لعبة السومو ؟ تقريباً هم يصلحون بشكل مثالي لهاللعبه خخخ ,وانا قلتلهم من البدايه انتم ما يصير تكونون بفريق واحد بس محد سمع كلامي خخخ , عاد الأمريكي ذا كان الحارس , وعبود دفاع .., الحاصل , بدت المباراه , وفريقنا بصراحه كان خطير بمعني الكلمه , ما تقولون الا فريق المجد حق الكابتن ماجد خخ , يعني بصراحه تشكيلتنا كانت مثاليه  , بس الأمريكي يخرب بيته حارس من الطراز الرفيع ماشاء الله عليه ,طبعًا بما انه ماخذ نص مساحة المرمي فا كان مطفشنا شوي خخخ , جاتهم هجمه , وبعّد الامريكي عن منطقة الجزاء , قطع الجداوي الكوره ودردب > أرسلها لي وجيتكم منطلق لبابهم بهجمه مرتده , طبعا انا ماصدقت خبر شغلت التيربو وأنفلّت من نص الملعب وتوني بشوت الكوره يوم شفت ان الحارس متقدم عن الباب , الا الطعس عبود يخرب بيته نازل على رجلى من ورا ! والله لا يوريكم ! تعرفون صوت الحوار " صغير الناقه " > للي ما يعرفونه يوم تعزلونه عن امه ويطّلع ذاك الصوت اللي مدري وش يبي انا بذيك اللحضه من قوة الألم طلّعت نفس الصوت  > وش رايكم بالتشبيه خخخ > وش احس فيه وانا مشبه نفسي بحوار ! > لا تعليق خخخخ  : المهم اني حسيت ان القدم بجهه , والساق بجهه ثانيه , وطبعاً ألم قوي الله لا يوريكم , لا واللي قاعدين يتقهوون من ربعنا كانو متين ضحك على شكل عبود وهو متزحلط ع قول دنّحي , على رجلي يخرب بيته ,  المهم انهم شالوني انا ورجلي المتدلدله للأقرب مستشفى , ولا أحكيلكم يوم سوولي الأشعه وردّو القدم لوضعها الصحيح ! > يا ويل حالى بص !  عطوني شي أعضّه عشان الألم , وربي من قوة العضّه حسيت ان أسناني بتتكسر ,خخخ عساكم ما تجربون هالألم لا إنتم ولا من يعز عليكم ,  المهم انهم الحمد لله رجعو القدم لوضعها الطبيعي , والجبيره بتقعد لمدة 6 اسابيع , نقول تكفير ذنوب , > هذا اللي مصبرني , طبعاً عبود كان معانا بالمستشفى هو وخشته خخخ ومسوي حزين , ورغم انى كنت حاقد عليه وودي أفقع وجهه وقايلهم مابي اشوفه , بس جاني وحب راسي ووالله يا عساف ما قصدت ويحلف هو ووجهه على اساس يبرّأ نفسه خخ, وانا داري انه ما كان يقصد ابد لبى قلبه , بس قلتله لا عاد تلعب كوره يا زلابه ! ولي الحين يومين بهالجبيره , صح مطفشتني واحس اني منيب قادر اتنفس منها خخخ , بس الحمد لله انها جات على كذا ,  والشباب بالشقه أنواع الدلع لي,  اليوم نايف مسويلي شوربه فيها شي زي المكرونه صغير عرفتوه , وقصم طعمها خطير , وعبود دعَك الشقه دعْك لأول مره بالتاريخ , خليته ينظف المطبخ , وغرفتنا وغرفة فارس ونايف والحمامات عزكم الله خخخ , لا وبعد غسل ملابسي وسفط الهدوم بالدولاب ,  وربي استغليته شر استغلال خخخ ,  والحلو بالموضوع انه كل ما طلبته شي ما يناقش , يقول سم وآمر وينفذ عالفور  خخخخ ,وربي لا أطلّع عينه بس اصبرو عليّ , خخخ  قبل لا انسى , فيه كم شغله موهيمه قدن قدن , بيان رقم واحد : اللي يختلفون معاي بالراي , أو ما يعجبهم اللي أكتبه وحابين ينقدوني او يوجهوني , حياهم وعلى قلبى زي العسل .., بس النقد لا يتعدى حدود اللباقه والإحترام والاختلاف لا يفسد للود قضيه دامه في حدود الأدب ., \ الأعضاء دون سن الــ20 ,لحد يدخل يوميتي الا ومعه تصريح من ولي أمره لو سمحتو , \الغرض من هاليوميه , فلّة الحجاج والوناسه , ومقابل هالوجيه الطيبه , لحد ينبرش علينا عرض ويحرّف بالنيّات عشان لا يتفقع وجهه .,  وش باقي بعد , اممم ايه لا جيتو طالعين سكرو البيبان واللمبات وراكم لو سمحتو ., >> بريك غير محدد الزمن ,  > ترا عطست وانا طالع قولولي يرحمك الله خخخ > جعلها تبطي سنينكم ., ,
التعديل الأخير كان بواسطة : عسآف محمد بتاريخ 04-05-2011 الساعة 12:40 AM |
||||
|
04-05-2011, 01:20 PM
|
#83 | ||||
|
[ وَحدك ] أنت لا من قلت : " يسعد لي صباحك " .. الشوارع تبتسم ْ , والبرد يدفى ! رح بـ / سُفني .. وين ماتجري , رياحك كل أرض مابها ( ضحكتك ).. " منفى " ! منفى ، و أنت نآايم .. بين { صحوك } .. و النعــآآس .. جيتك [ اول ] وآحــد ~ يصبح عليك ..، ليه \ نآيم . .! و البلد مليآنه نآاس .., حتى هي لو مآ تعرفك .. { تحتـريك } .! صباحكم منعش ومنعننش ’ تدرون وش اشين شي بالحياة ! النوم المتقطع , نومي صاير خايس ! انام ابو ساعه , واصحى شوي وبعدين ارد انام .., وتدرون وش ثاني اشين شي بالحياه ! انك تنام بغرفه فيها واحد يتكلم وهو نايم , او يشاخر ! > ولو الله رزقكم بواحد بعزف سنفونيات وهو نايم + يحكي بمواضيع ما تدري وش تبي وهو نايم تأكد ان حياتك بخطر !  وانك انسان مقرود بالحياة الدنيا .., ومالك حل الا انك تسوي زي افلام الكرتون وتحشي أذانيك بقطن ! تدرون ., عام الف و400 وحطبه , بأحدى الجرايد او المجلات , او كتاب الجغرافيا > وش دخل كتاب الجغرافيا يابو , لا اذكر انها يا جريده او مجله , كان فيها قسم للاستشارات وحاجات من هالنمونه , ووقتها انا اذكر كنت ان ما خاب ظني بالمتوسط , بس استانس على صفحة الاستشارات خخخخاللي تشتكي من زوجها ما يوديها عند أهلها , واللي تقول ان أم زوجها قشره ومطلعه عينها , واللي واللي , بس انا اذكر انى قريت عن وحده مشنكيه ان زوجها صوت شخيره مسبب لها أزمه بحياتها الزوجيه ! وكنت اقول ذيك الايام , ياخي بعض الحريم من جد تافاهات ! تدرون عاد الحين , بعد كل هالمعاناه مع عبود , اكتشفت ان الشخير ممكن فعلاً يسبب أزمه بالحياة الزوجيه ! الا بيسبب أزمه بوظائف الأنف والأذن والحنجره , والعظام بعد > بخصوص ان رجلى مكسوره خخخ اعوذ بالله بس , > قلتلك يا عبود سو عملية اللحميه منت راضي , قعدت افكر توي , كم وحده بالكره الأرضيه ما تهنت بحلو المنام بسبة شخير زوجها ! لكم الله معشر النساء ,  > واذا بي وانا اقول.. لكم الله معشر النساء , تطري على بالى هالفكره ! .. طيب يا عساف لو عكسنا الآيه ؟؟ كم زوج بالكره الأرضيه قاعد يعاني من شخير زوجته ! > فركت عيني 3 مرات احداهن مع الحواجب لا جد ! فيه حريم يشاخرون ؟؟ > منيب متخيل المنظر ! اذكر وحده من العجز بالنعيريه الله يرحمتها برحمته اذا انها فطست , ويطول بعمرها اذا انها للحين على قيد الحياه كنت يوم اروح المزرعه وانا بزر , اروح اشتري من عندها دندرمه !> عرفتوه ؟ عاد هي في بيتها فاتحه زي البقاله خخخ , تبيع خبز وبساكيت وحلويات واشياء خنفشاريه , يا لبى قلبها ’ المهم انى اذكر مره رحت مع واحد من عمّال المزرعه بشتري من عندها حلويات , ماخذ من ابوي الله يرحمه قروش وداز لها بهالقايله , عاد لقيت الباب مفتوح درعمت ما تقولون الا بيت ابوي , خاله صالحه خاله صالحه , > اسمها صالحه خخ يوم دخلت الحوش , الا والقاها منسدحه لبى قلبها وشعرها الأورنج يلفح به الهوا , عاد انا بثر وانا صغيّر , وللحين مستمره فيني البثاره بس خفّت عن قبل خخخخ لو يصير اللي يصير اسوي اللي ابيه خخخ , قعدت فوق راسها اقولها قومي بشتري معاي 10 ريال , > 10 ريال بذاك الوقت كنها شيك على بياض خخخ , المهم انى قعدت اهز فيها وهي نايمه لين ما صحت ,وما انسى صوت شخيرها !! عليها شخير على وزن مفاعيل فعِلٌ مفاعيل , تحسونها قبل لا تنام تراجع النوته الموسيقه عشان تكون جاهزه للعرض , ومن يوم ما تتمكن من النومه يبدأ العزف خخخ ,يالله انك تعطيها الجنه من غير حساب ولا عذاب يا كريم ., عاد اذكر انى كنت استنذل معها , اشتري منها كل البساكيت اللي ابيها , ولا جيت احاسب اقعد اكاسر فيها خخخخ , وما ارضى الا يوم تنزل لي نص السعر خخخ , عاد كانت طيبه فديتها , وما تعصب بسرعه .., بس عندها خدامه قشره اسمها مفيده > و انا اشهد ان الفايده بسيد وهي بسيد , مغير كانت تدربي براسها وتكوش علينا هي وخشتها الدائريه ! اييييه يا ذيك الايام , وش فيني شطحت ! ايه نرجع لمحور حديثنا , خاله صالحه أول نموذج يمر عليّ من الحريم اللي يشاخرون ! وبعدها واجهت كم نموذج , وفي الغالب يكونون كبار بالسن , الله يشفيهم , عاد الله لا يرزقني وحده تشخر وهي نايمه , لانها من ثاني ليله بتلقاني خانقها بالمخده وكاتم انفاسها خخخخ , > كانت عادتي من اصحى من النوم أدخن , صارلي بالضبط اسبوعين مخفف دخان حيل , واليوم كانت هذي اخر زقاره بالبكت وكسرتها .., وناوي أبطّل بحول الله وقوته , دعواتكم ان الله يقويني , واتركه لأنى بجد كارهه ! قال رسول الله صلى الله عليه وسلم "من قال حين يصبح وحين يمسي، حسبي الله لا اله إلا هو عليه توكلت وهو رب العرش العظيم سبع مرات كفاه الله تعالى ما أهمّه من أمر الدنيا و الآخرة"
التعديل الأخير كان بواسطة : عسآف محمد بتاريخ 04-05-2011 الساعة 01:29 PM |
||||
|
04-06-2011, 02:59 PM
|
#84 | ||||
|
هذا أنتي ..! ماتغيرتي كثير .. تاخذين ' الصبح ' من كفه ! ومن كفه أطير ! وتقلبين الريح مشهد : من مواويل وعبير ! وهذا أنتي تسأليني : صح أنا وحدي ( الأميرة )..؟ وانت لي وحدي .. (الأمير) ؟؟ ماتغيّر أي شي ! ' بس أنا أحبك كثير ' كثر ماهي سوّرت هاك المواني .. / هالأماني ! كثر ماغنت بك اعروق ومحاني ! كثر ماقلت لغيابك .. ' بس ثواني ' ! كثر ماناحت على الأغصان .. ورقه! وكثر ماقلت بخفوقك : ' لازم ابقى ' ! كثر دمعي كثر جرحي.. ../ كثر ماني فيك أشقى ! كثر ماحسك وانا غايب .. معايا ! كثر مانمتي .. ورى هاك ( الحنايا )...! كثر ماني أنكسر عند ... الزوايا ! كثر ماني أبتسمْ لاجيت (اضمكْ) .. وكثر ماني أنطوي .. لاعشتْ (همّك) وكثر ماني آتشتت ..! لاجل ألمّك .. كثر ماغنيت لك .. ' يالله تعالي ' .. نوريني .. سود بعدك .. هالليالي ..! كثر ماهزيت لك غصن الشعور .. كثر ~ ليل ).. وكثر~ نور ) .. وكثر ماقلتي : ' تجي مره نطير '؟؟ نرسم الدنيا مواويل وعبير .. وآنا بس وحدي ' الأميرة ' وأنت وحدك لي ' أمير ' وكثر , ما 'احبك كثير ' ..!!! يااااه , > يتمغط وقصم الجو خقق ورايق للثماله , قاعده تمطر عندنا , بس مطر مهوب قوي هتان , والجو مو بارد حيل , نص ونص , شي خنفشاري ودميييل , ودي انزل لأقرب ساحه خضرا , ومعاي سلّه فيها جبنة كيري وعيش شامي فرررش توه طالع من فرن ابو بشير اللي في باب الحاره خخخ , وعصير برتقال اهم شي , وليز حار > جوك يا معلم خخ واقعد هناك وافطر بروحي مابي احد معاي غير العصافير والبلابل والفراشات , > متأثر بدعاية جبنة بوك خخخ + عندي كم شغله لازم أخلصها اليوم , صحيح ان القروب اللي معاي غاثيني , بس وش نسوي بعد , خل نخلص اشغالنا .. + عادتاً اخذ لي شاور من يوم اصحى الصبح , على اساس اتنشط واحس بالانتعاش , ومن يوم جبرت رجلي وانا صرت ما اتهنى بالترويش , صحيت قبل شوي , لفيت كراعي بكيس وخذيت لي شاور ماله طعم غير انى حسيت انه ودي اجيب منشار كهرباي واقص هالجبيره اللي خانقتني ! , عاد انا من النوع اللي لا دخلت الحمام عزكم الله عشان اتروش , أستكّن , وانواع الطرب والشيلات ,  وهالطبع رغم انه شين بس فيني من زمان الشكوى لله خخخ , اذكر في ما مضى من سنين كان يوم خميس , ويوافق عرس اخو واحد من اخوياي > بدت الشربكه .., دخلت البيت عالمغرب , ودزيت لغرفتي دايركت على اساس ازهب عمري واكشخ , وطبعاً تعرفون لازم الواحد يدعك عمره ومن هالحكي , المهم دخلت اتروش ,وبدت الحفله استنزلت بالجاكوزي خخخ , وفي عز السونق اللي كنت قاعد أأديها بضمير , ما دريت الا اللي يخبط على الباب بعنف , > قصّر صوتك فضحتنا يا .. طووط طووط طووط > ان الهاتف المطلوب لا يمكن الاتصال به الان نرجو معاودة الاتصال في وقت لاحق , > عااااش مصرّف خخخ عاد ماشاء الله اخوي ذا صوته وهو يحكي معك عادي يخليك تحس انه باقي شوي ويقوم يكفّخك او انك مسوي شي غلط ! شلون وهو معصب أجل ! صوته كارثه خخ , حنا بشكل عام اصواتنا ضخمه وجهوريه , يعني اخواني وعيالهم وتسذا , بس اخوي خالد عليه صوت الصلاة على محمد , مركب أوفر طبيعي ماشاء الله خخ , خرب أوم جوي ساعتها , بس صرت اغني بشويش خخخ , وعاد الله رزقني هنا فارس نفس النظام . اذا سمع صوتي بالحمام عزكم الله رجني . , ودايم يقولى انت عاشقتك جنيّه ولا وش خخخ . لا والحلو بالفلم . عبود نفس نظامي خخخخ . انا وعبدالله فينا صفات مشتركه واجد خخخ , باستثناء الوزن بلا ادنى شك خخخ .. وبعدين عبود بعد لا خش جو وهو يتروش وخرو عنه , وربي احس جيرانا يوم بيغتالونه خخخ . يغني اوبرا وانواع الصراخ خخخخخ , المهم اننا مسببين ازمه بالمجتمع الدولى .., على طاري هالجو الجميل اللي انا فيه , ذاك اليوم قاعد مع الشباب تحت بالحديقه القريبه من مجمعنا , وهالهابيب تهلّ علينا من شمال ومن يمين , والقعده بعد رايقه .., على اخر الليل , ومتكيّن ومستانسين .., كنت انا وعبود ونايف وفارس ومعانا كم واحد , وسوالف وعلومٍ غانمه , إلاّ واحد من الشباب ينبرش علينا بسؤال , لانه كنا نحكي بموضوع يخص البنات والصفات اللي يكرهها الرجل بالمرأه وهالشغلات , الموهيم , انبرش علينا الرجال وقال انا بستلمكم واحد واحد وبسوي عليكم مذيع , بموضوع الارتباط والزواج > تعرفون عزوبيه وكل من متشفق يبي يعرس خخخ ابتدينا من اليمين بفارس بما انه أكبرنا سناً  , فارس مملك عسى ربي يسعده , فا كانت اجاباته مختصره , بس بعد أدلى بدلوه بهالموضوع , يقول يوم قلت لأهلى على الصفات اللي ابيها تكون بالانسانه اللي برتبط فيها , ما كنت مركز على الشكل بالدرجه الأولى , بقد ما كنت مركز على الأخلاق والطبايع والرتابه والتنظيم ,لانه فارس معروف انه منظم ماشاء الله عليه والفوضويه تزعجه بحياته , وترفع ضغطه خخخ , فا كان حريص باختياره وانه يبين لأهله قد ما يقدر الصفات الللي تتعارض مع شخصيته على اساس يكون فيه توافق بالموضوع ,بما ان خطوبته تمت بشكل تقليدي , واحد من الشباب بعد ,كان ضد فكرة الزواج التقليدي .. اللي هي انه يروح لأمه او اخته ويقولها اخطبيلي وحده فيها كيت وكيت ,ويقول بالاخر انا اللي بتزوج وانا اللي لازم اختار .! حاول يبرر وجهة نظره اللي انا متوافق معه بجزء منها واللي هو انه فعلاً بالاخر هو اللي بيتزوج وهو اللي لازم يختار مو اي احد ثاني , وكنت ضد طريقة الاختيار ! يعني مافيها شي اذا الواحد أهله مهدو له الخط وشافوله بنيه على المواصفات اللي يبيها وبعدين يجي دوره , انه يشوفها هل هي بتناسبه , وبالاخر فيه فتره خطوبة ويا يتوافق معها او لا ., بما ان هذا مجتمعنا وهذا سلمنا , وانا استغرب من الناس اللي يحاولون خرق عُرف المجتمع , المجتمع حاط قواعد معينه صارت بتركيبة الجميع , طبعاً انا ما احكي عن قواعد المجتمع المتعنته واللي مالها داعي بالحياه , انا اقصد قواعد المجتمع المتعارف عليها بالزواج وطريقة الخطوبه البعيده عن كل شوائب العادات والتقاليد الخارجه عن الدين , يعني اذا الواحد بيخطب المتعارف عليه انه عن طريق أهله , ليش يلف ويدور ويحاول يكسر القاعده ., ومع هذا فيه ناس تحصل لهم أمور من غير مسعى منهم لها تخلي حالتهم تشذّ شوي عن القاعده , وبعد خوينا ذا الشكل يهمه بالدرجه الأولى , على اساس انه يبي وحده تملى عينه على قوله , واهم الصفات اللي ركز عليها ان ركبتها تكون بيضا خخخخ , بعدها اسلتمنا عبود الدووب خخخخ , عبود عليه صفات فقع بطووونا من الضحك , أول صفه تهمه قبل الاخلاق وقبل الشكل وكل شي , الطبخ ! يبي وحده طباخه من الدرجه الاولى , تصبحه بطبق غير شكل وتمسيه بطبق غير شكل , ويبي وحده متينه ! على اساس ما تعايره انه دب > خخخخخخ واهم شي انه تكون عندها عزيمه انها تنحف على اساس ينحفون مع بعض > الدب يبيها تحمسه عالدايت خخخخ , ويبيها تكون فلاويه وما تحب الحنه ولا الحزن وخفيفة طينه , > اللي تشوف نفسها بهالصفات تقولي بالتقييم على اساس نخطبها له بصفه رسميه خخ ., بعدين جا دور المحروس > انا وانا يهمني الجوهر قبل المظهر , ومن ناحية الشكل ما كان يهمني الا ان طولها ما يقل عن 180 خخخخ على اساس يصير فيه تناسق بيني وبينها ,الحمد لله اللي رزقني القناعه والرضا وعطاني اكثر من اللي كنت ابيه , مير الله يتمم لي على خير قولو امين , والله يرزق كل من حاط عينه على وحده او كل من حاطتن عينها على واحد دامهم قلوبهم صافيه و ماخالفو شرع الله خخخ , الخلاصه غالبيتنا كنا متفقين على نقاط محدده , وهي ان الدين والأخلاق والشخصيه , تأتي بالمقدمه , وانا استغرب من الأمهات اللي من تكبر بنتها وتبدأ وتصير بسن زواج قامت تكشخها وتلبسها , تبيها تلبس احسن من فلانه وعلانه .., وبنتها لا تعرف لا أدبيات الحوار , ولا أصول الحياه الزوجيه , ولا حقوق زوجها عليها ويمكن ما تعرف حتى حقوقها هي ! وهالنوعيه بالذات احسها منتشره بكثره بمجتمعنا للأسف ولا ما كان حالات الطلاق بهالكثره , وبنات هاليومين بصراحه يفقعون القلب , الوحده يجيك شكلها بيرفكت وتشق الوجه ., ولا جيت تشوف منطوقها حامت تسبدك !  محد يقول لا تهتمون بشكلكم , المنظر واللبس وكل هالبهرجه الخارجيه مهمه , والعين تعشق قبل القلب ,بس موب معناته انك تكونين شكل خارجي ومن داخل ولا شي, واحد من الشباب القريبين مني , خطب له وحده الله يستر عليها , كانت ماليه عينه من ناحية الشكل , وقعد معها ابو 6 شهور خطوبه , اخر شي فسخ الخطوبه وتركها , مل منها ! يقول بزر وش ابيبها لا هي محتويتني ولنيب قادر اتفاهم معاها ما همتها غير هالخلاقين !! وهو صادق بصراحه خخخ , لازم بنياتنا يكونون على قد المسؤوليه جامعين حلاة الشكل وحلاة الروح , وعارفين ان مسألة الزواج موب فستان أبيض وليلة عمر وشهر عسل وبس , الزواج شراكه وبناء اسره ومستقبل يا بنياتي , اللي ما تعودت تطبخ , اوتقوم بأمور البيت ومعتمده على هالجاويات والفلبينيات من الخدم , تبدأ من اليوم عيونى > فوزه الدريع خخخخ تدخل المطبخ وتاخذ كتاب الطبخ ابو 400 صفحه اللي ذاك اليوم حمّلته > وكان تبونه بنزله لكم خخخخخ لانى قبل اسبوع وشوي نزل كتاب الطبخ وسويت منه كم شغله انما ايييهه حاقه يعني ما حصلتش خخخ , بالغسيل والطبخ والكوي > معاي شهادة خبره 3 سنين غربه خخ , فا يعني اللي مسويه فيها بنت دادي اللي ما تدخل المطبخ وياااي , وتهايط على صديقاتها على اساس يعنني ما اطبخ و ياااي دلوعه هي وخشتها , هالنوعيه تنرفزني وتجيب لي حكه بالركبه اليسرى , وعسى كل وحده من هالنوع تطيح في يد بدوي طعس ,وجهه مشهّب من قوة الشموس , وغالبية وقته عند الابل , يعني تعامله مع النياق اكثر من تعامله مع بنى ادم خخخ , هذا عزا الله اللي بيشكمها ويعلمها ادارة البيت على اصوله خخخ , > وفي المقابل ترا يا بنيات , الرجل وش يبي بالحياه ؟ يبي وجه صبوح . ولقمة سنعه . ووحده تقبله بزينه وشينه مهتمه بنفسها بالدرجه الأولى وقايمه فيه وببيته وبعياله ,على اساس لحد يفهم الموضوع ان المره لازم تكون كنها موظفه عند زوجها ومن غير شخصيه ,تلبى أوامره وطلباته ,وهو سي السيد المتسلط ! لا السالفه ميب كذا , سواء الزوج او الزوج كل واحد له حقوق ع الثاني , وكل من لازم يعرف دوره ومسؤولياته , مهوب الرجال يكون اشين خلق الله ولا من زين تعامله ولا من زين خشته , وفوق ذا يقعد يرجّ المره الضعيفه على اساس انها مقصره ., وهو كله عذاريب ! يعني زي ما هالحكي يمشى على المره , لازم يمشي على الرجل .., مثلا , وانااستغرب مثلا من بعض الرجال اللي يشتكون ان حريمهم كبرو وما عادو يهتمون بشكلهم ولبسهم مثل قبل , ولا ناظرت فيه لقيته خايس لبسه مهتمل شعره اشعث ,او مو بنظافته و ضروسه , يابوي رح ضبط شكلك انت اول شي ثم تعال تكلم , اجل تبي المره تكشخ لك وانت بهالمنظر الخايس ! مثل ما الرجل يبي زوجته تكون بأبهى حله , بعد الزوجه تبي تشوف زوجها كاشخ لها ومتضبط ! وان ما كشخو لبعض بيكشخون لمن اجل . سحقاً لأبليس خخخ . >احس انى بتبقّس , فاصل ونواصل , تريّونا ,
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
