|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
| كلمات البحث |
| ايام من حياتي |
|
|
LinkBack | أدوات الموضوع |
التقييم: 
|
طرق العرض |
01-07-2011, 11:36 PM
|
#61 | ||||
|
وحشتيني يا دبة
السلام عليكم ورحمة الله وبركاته
كيف احوالكم جميعاً؟؟؟ وحشتوني واللي شاغلني الشديد القوي على رأي المثل وفي وسط الزحمة...جاتلي صديقة قديمة تزورني... واتوهقنا نقدم ايه؟؟؟ اختي يعطيها الف عافية قامت وشمرت عن ساعديها وشرفتني بثلات انواع حلا اجمد من بعض طبعا كلنا اتهبلنا عليهم لإن الطعم والشكل ماشاء الله وااااااااااو وبما إن فيه واحدة دبة عارفة نفسها وعارفة هي أد ايه واحشاني قررت اغيظها واوريها الصورة...عشان تعرف ان عندي اللي يعمل لي قهوة وحلا...استخبي براحتك بأه وأنا كلتهم كلهم ومش خليت لك ولا واحدة زعنونة  اكلنا العقيد ابو شهاب  وسينابون  وتورتة التمر بالتوفي  حياكم بأه مع القهوة  ها؟؟؟؟ لسة حتفضلي مستخبية؟؟؟ انتي الخسرانة على فكرة بس اعمل ايه في قلبي الطيب...برضه واحشاني طمنيني يا ددددددددبببببببببببة  ياعالم ياهووووووووووووو محدش معبر فريقي في مسابقة الطبخ ليه؟؟؟ خلاص انا زعلت  سلام 
|
||||
|
02-02-2011, 04:31 PM
|
#62 | ||||
|
شكر وعرفان
السلام عليكم ورحمة الله وبركاته
رجعت بيتي في ألم الامارات بعد غياب اضطراري كلكم ادرى بظروفه وقدر سعادتي بعودة النت كانت سعادتي أكبر بتواصلكم وقلقكم عليا بجد حسيت بنعمة الاخوة بيننا كعرب رغم اننا مشفناش بعض وجها لوجه بس ارواحنا تلاقت وتآلفت وامتزجت، وهو دا الأهم في البداية أنا بخير والحمد لله وأهلي وكل معارفي...بس لسة جنبي السكينة والاسبراي للحفاظ على الامن<<<حابقى احكي موضوع السكينة دا بعدين أما الشكر اللي بجد ماقدرش اوفيه فلكل اللي سالوا عليا عالمسن او الفيس بوك او على المنتدى شكراً لشروفة ورباب انجل اللي سالوا عليا على فيس بوك وبنت اختي طمنتهم وشكراً لخوخة وبروقة اللي سالوا على المسن وبنت اختي التانية طمنتهم وشكراً لأخي الصمت الحزين وأخي علي آل زين على سؤالهم ودعواتهم وشكراً ليتيمة زايد وبائعة الزهور على سؤالهم عني بالتقييم وشكراً لبلاك ويدو اللي سالت برسالة خاصة على المنتدى شكر خاص بأه للي كلموني عالموبايل بمجرد عودة الخطوط...شكراً لهناء الوكيلي اللي نقلت لي مشاعر الاخوة في المغرب، وشكراً لمتفائلة دوماً اللي نقلت لي مشاعر الاخوة في السعودية...مكالماتكم فرقت معايا بجد شكراً مليار لا تكفيكم..ربنا يحفظكم ويحميكم ويسعد قلوبكم زي ما اسعدتوا قلبي بالسؤال عليا وعلى اهلي...هو دا العشم في اخواتنا في العالم العربي  دعواتكوا معانا لإن لسة المشوار طويل
|
||||
|
02-07-2011, 01:18 AM
|
#63 | |||||||||||||||||
|
شكر وعرفان<<<كلاكيت تاني مرة
السلام عليكم ورحمة الله وبركاته
الحمد لله انا وأهلي وأصحابي بخير....ويارب تفضل مصر بخير ونخرج من الأزمة دي سريعاً ولأن الشدائد بتعرفنا فعلا الاصدقاء..بجدد الشكر لكل اللي سألوا عني بتقييماتهم ورسايلهم ألف شكر لget over it، وقلب دبي، ومس أبل، ولولا، وبائعة الريحان على تقييماتهم وسؤالهم عني وعن اخوانهم في مصر اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
...وآآآآآآآميييييييييين ربنا ييسر أمورنا جميعاً ويوحد كلمة جميع المسلمين أينما كانوا لما فيه الخير بحبكم يا أجمل أخوات
|
|||||||||||||||||
|
02-12-2011, 05:44 PM
|
#64 | ||||
|
مصراااااااااااوية وأفتخررررررررر
السلام عليكم ورحمة الله وبركاته
المصريين أهمه فى الدنيا أول أمه متحضرين ومؤمنين المصريين أهمه حيوية وعزم وهمه جيل بعد جيل متقدمين المصريين المصريين المصريين قلبى وياكو يا مصريين فين ما تكونوا إنتو أفراح القلب وهمـه وشجـونـه ومادام قلبنا كده على بعضنا نرضى ربنا والخير ح يزيد وتعيشى يا مصر ف عزة ونصر مرفرف فوقنا علم ونشيد المصريين المصريين المصريين فرحااااااااااااااااااانة وبجد فخووووووووووووورة ببلدي فرحان بمصر واهلهاااااااااا وفي كل ثاااااانية بقولها دا المصري من أده يا ناس..مليان حماس يهتف لها مش عارفة اتكلم...حاسة الاغاني بتعبر احسن ههههههه بس بجد هي مشاعر جديدة علينا...حاسة اني فخورة بجد بس برضه لازم اعترف اني كنت بحب رئيسنا وكنت باعتبره ابويا لإنه فعلا كان يستحق المكانة دي رئيسنا مكانش وحش يا جماعة، زي الملك فاروق برضه...الاتنين خدموا البلد...بس جه وقت مكانش ينفع يفضل اي منهما في منصبه الثورة المصرية كرمت الملك سنة 52 وضربوا له 21 طلقة تحية عسكرية تليق بكونه ملك مصر...ودا لإنه احترم شعبه ورغبة شعبه وخاف عليهم عشان كدا قامت ثورة يوليو بدون دماء وكان نفسي ثورة 25 يناير تبقى برضه بدون دماء ويخرج الرئيس بقيمته وتكريمه...بس هو اللي اختار النهاية دي على اي حال...شكرا لاولادنا وشبابنا اللي انا فخووووووورة بيهم وشكرا لأخواتنا العرب وعقباااااااااال الباقي وعلى رأي بيت الشعر اللي كتبته من وحي اللحظة إذا الشعب يوماً أراد الحياة...فلابد أن يستجيب الطغاة اسيبكم عشان اروح اغني مصر مصر تحيا مصر 
التعديل الأخير كان بواسطة : رباب فؤاد بتاريخ 02-12-2011 الساعة 05:48 PM |
||||
|
03-02-2011, 09:58 PM
|
#65 | ||||
|
بحبك يا الم الامارات
السلام عليكم ورحمة الله وبركاته
وحشتوني كلكم...وعارفة ان دمي تقييييييل بعد طول الغياب وفيه ناس عايزة تضربني بإيد المقشة...بس والله غصب عني  بس المهم دلوقتي مش اسباب غيابي...المهم اني بحب منتدانا دا جدااااااااااا عايزين تعرفوا ليه؟؟؟ عشان عن طريقه اتعرفت على اخوات بقوا فعلاً اخواتي وباشتاق ليهم واقلق اذا غابوا بنات ربنا يحميهم ويسعد ايامهم ويريح بالهم أينما كانوا في جميييييييع انحاء الوطن العربي اخوات في العراق والكويت والامارات وقطر والبحرين والسعودية واليمن وتونس والمغرب...والترتيب دا جغرافي طبعاًَ واخوات في مصر  والاحلى بأه لما اقابلهم فيس تو فيس  مش حاقول ان اول اخت كلمتها كانت مصرية..اول اخت سمعت صوتها كانت هناء الوكيلي من المغرب، وبعدها متفائلة دوماً من السعودية لكن في مصر...اول واحدة سمعت صوتها كانت نسومة...نسمات حالمة وبعدها وردة حائرة المفاجأة ان وردة حائرة من نفس المحافظة معايا وشغلها في نفس مدينتي...عرفت منها على المسنجر ولإني مغامرة بطبعي قررت ابرشت عليها (يعني اهبط بالبراشوت) في مكان عملها...طبعاً كانت مفاجأة ليها لإني انا نفسي قررت بشكل خاطف اني اعدي عليها قبل ما اروح البيت  اللقاء نفسه كان سريع، بس احنا الاتنين اتبسطنا لإننا شفنا بعض، واتفقنا نتقابل مرة تانية ان شاء الله أما اللقاء المدبر بأه فكان مع عروسة المنتدى نسومة طبعا هي من اسكندرية...وطول الفترة اللي فاتت الاوضاع في اسكندرية كانت غير مشجعة على الاطلاق بس توكلنا على الله وقررنا نتقابل واتقابلنا بالفعل يوم السبت برضه احساس غريب اني اشوف صديقة عرفتها على النت والتليفون فقط، وباشوفها لأول مرة... للاسف برضه وقفنا مع بعض فترة قصيرة حوالي ربع ساعة فقط واضطريت اسيبها عشان موعد القطار كان نفسي نقعد براحتنا، وهي كان نفسها احضر حفل زفافها بكرا..بس للاسف مينفعش بس احنا متفقين اذا سافرت اسكندرية وقعدت فيها كام يوم اكيد ان شاء الله حيبقى لها زيارة مخصوص  ومن يوميتي بابلغكم على لسان نسوم انها كانت عايزة تدخل النهاردة تسلم عليكم وتقول لكم تدعولها بالتوفيق والسعادة، بس للاسف النت فصل عندهم  ومن يوميتي برضه بادعي ربنا يسعدها ويوفقها ويحلي ايامها ويخليها اسم على مسمى ويرزقها الذرية الصالحة هي وجميع بنات المسلمين  نسيت اقول لكم..دعواتكم لوالدة خوخة ربنا يطمننا عليها ويتمم شفاها على خير هي وجميع مرضى المسلمين بناااااااات...بحبكم في الله والله 
|
||||
|
03-08-2011, 09:23 PM
|
#66 | ||||
|
يوم الصداقة
السلام عليكم ورحمة الله وبركاته
الصداقة ربما تكون أسمى المشاعر على وجه الارض... واقول ربما لأن الحب أيضاً اسمى المشاعر قد نختلف وقد نتفق وقد يقول البعض إن اسمى المشاعر شيء ثالث ولكن ما لا خلاف عليه هو أن تكون تلك المشاعر_ بغض النظر عن مسماها_ خالصة لوجه الله بريئة من النفاق او الرياء او المصالح أليس كذلك؟؟ ربما تعجبون من عنوان اليومية...يوم الصداقة وهل للصداقة يوم؟؟ حسناً...عندي لكل شيء يوم احب الاحتفال به ولصداقتنا يوم احب الاحتفال به تعود الذكرى الى 8/3/1997 تاريخ قديم قبل 14 عاماً...كان يوم التقيت فيه باربع فتيات في الجامعة وتوطدت علاقتي بالخامسة وأصبحنا 6 صديقات لا نفترق، ونجلس دائماً متجاورين في جميع المحاضرات من تأتي أولاً تحجز مقاعد مجاورة للباقيات وكنت أنا همزة الوصل بينهم هذا لأن ثلاثة من الفتيات ينتمين الى مدينة والثلاث الاخريات ينتمين الى مدينة أخرى انا الوحيدة التي كنت أنتمي الى المدينتين..ابي من احداها وامي من الاخرى لذا...كانت صداقتنا مثالاً يحتذى به بين من يقولون إن ابناء هاتين المدنتين لا يتفقون المهم إننا اتفقنا أن يكون يوم 8/3 كل عام هو يوم صداقتنا واجمل ذكرى بيننا كانت اول سنة جامعية واستمر الاحتفال سنوياً كل عام...جاتوه وتصوير وربما تناولنا الغداء في الخارج سوياً...قمة الفسق أنذاك  وبعد التخرج...لهت كل منا في طريق منا من تزوجت ومنا من سافرت مع زوجها في بعثة الى الخارج ومنا من سافرت مع والدها وبقيت أنا وهي ظللنا على صلة مستمرة... ربما لأننا من نفس المدينة وربما لأن العمل عاد فجمعنا ثانية وربما لأن ظروفنا متشابهة...فكلانا لا يشغله عن الاخر سوى عمله فقط المهم أننا في كل عام نقضي اليوم سوياً... نتناول الغداء، وربما المثلجات المهم أننا نحيي هذه الذكرى في قلوبنا ولكن السؤال: هل سنلهى عن الذكرى اذا ما تزوجنا؟؟؟ إليك صديقتي في يومنا المميز صنع ايديا يا عنيا  العام الثاني بعد رحيلك، لكني لا زلت اتذكرك فيه
التعديل الأخير كان بواسطة : رباب فؤاد بتاريخ 03-08-2011 الساعة 09:29 PM |
||||
|
03-27-2011, 11:41 PM
|
#67 | ||||
|
الجمال النااااااائم
السلام عليكم ورحمة الله وبركاته
وحشتوووووووني كلكم ووحشتني اليوميات....لقيتها مغبرة في الصفحة التانية فقلت ازيل عنها الغبار شوية كح كح اخر يومية من 20 يوم...مش كتير اوي.. صراحة حاسة بفراغ بعد انتهاء دمعات قلب...حاسة اني معدتش عضو منتج في الم بس اصلا ورايا مليوووون شغلانة...ربنا يقدرني عليهم ويتمهم بفضله المهم السبب في اليومية دي واحدة دبدوبة حبيبتي سألتها على الباجلا والنخي، واختلفنا على الباجلا..اقول لها في الصورة شكله فول اخضر وهي تقول بكل براءة لاااا بني فعشان كدا انتهزت الفرصة وصورت الفول الاخضر قبل ما اكله هم يا جمل، وقلت اوريهولكم هو دا شكل الفول لما بيتزرع يا جماعة  ودا بأه الجمال النااااائم  نصيحة للي يلاقي فول اخضر ياكله مع جبن ابيض ويدعيلي سلاموز باللوز
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
// *قلب دبي*
.. لولا
العرض العادي
