|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
|
|
LinkBack | أدوات الموضوع |
التقييم: 
|
طرق العرض |
09-19-2010, 11:43 PM
|
#11 | ||||||||
|
اقتباس:
اقتباس:
اقتباس:
اقتباس:
دقايق وارجع ابخ لكم احداث اليوم ....انتظروني
التعديل الأخير كان بواسطة : سهر الليالي 84 بتاريخ 09-20-2010 الساعة 12:00 AM |
||||||||
|
09-20-2010, 12:34 AM
|
#12 | ||||
|
ممم.اليوم 19-9
اول يوم دوام بعد اجازة طويله... اول شي صار لي اسبوع انام 11 واقعد7 علشان اضبط نومي..بس امس لقرادة حظي النوم عيا يجي ..ومانمت الاوحده وشي...وضبطت المنبه على 7.. اول ماقومتني اختي الجسم مكسر مابي اقوم ابي شوي بعد..بس خمس دقايق..والخمس صارت عشر والعشر صاروا 15.. مادري هالخمس دقايق ليش تعوضك عن نوم الليل كله  طبعا لانه اول يوم قلت خل اكشخ..العدسات والمكياج والكعب..وو.. طبعا محاضرتي كانت الساعه 9 وطلعنا من البيت 8 ونص ...طول الطريق يدي على قلبي ماحب اوصل متأخره يعطي انطباع للدكتور انج ماتهتمين..وانا طايره عالمحاضره الا...الدكتور معتذر وحاط اعتذار عالباب..حسسيييييييييييييت بقهههر..الحين شسوي ..اخوي راح..ومحاضراتي الباقيه معتذرين الدكاتره محاضرتي الوحيده الساعه 1الظهر. يهروني الدكاتره في شي اسمه ايمييييييييييل...خبروا الناس بدل لاتتعنى وتجي...قعدت اتكلم مع البنات اطرهم وين قاعدين اللي توها كشتها ماقاعد تنفتح من تسريحه امس وعرس امس..والثانيه في بيتهم فالخور..والثالثه فالوكره مالها جيه لين الساعه 2 والخ والخ..عاد هوون طلعت الدفتر الاحمر..دفتر الطموح والاهداف تذكير .. ملاحظة هو دفتر حطيت فيه كل الاشياء اللي ابي اسويها باذن الله واهدافي عشان اذكر نفسي وبعدين التقيت مع ربعي عال10 وتعالوا شوفوا التنقل بين مباني الجامعه لعن ابو خيري..الكحل ساح والباودر مدري شلون صار والعرق والكعب اتعثر فيه من الحر موشايفه طريقي  المهم رجعت البيت الساعه 3ونص وكنت على اساس ارجع 8 بس دكتور المعمل معتذر..حسيت اني من زمااااااااان مب متحركه كثيره..تعبت...بروح انام واكلمكم قريب .. ملاحظات:بعض الناس فالكورس اللي طاف مادري شفيهم قلبوا علي هالكورس قابلوني بالاحضان والقبلات والوله..استغربت..ابتسمت لكني ابتعدت..عمر المؤمن ماينقرص من جحر مرتين..وهالانسانه بدون لااسوي لها شي اذتني بقوة وانا في عز ضيقتي..بس ماهمني..ادري التسامح زين..بس لما افكر اني ماسويت لها شي..انقهر.. المهم وقت النوم تصبحون على خير 
|
||||
|
01-27-2011, 05:02 AM
|
#13 | ||||
|
صباح الخيــر
احس اشتقت لليوميات واشتقت للمكان من زمااان .. طبعا هالفتره اجازة وتقريبا بقى 13يوم على اجازتنا .. احس مااستانست لاني ماطلعت من البيت ولا حسيت بطعم الاجازه .. اول شي باخر اسبوع احس صج صج انصدمت معنويا ونفسيا ودراسيا بس الحمدالله خلص الكورس .. دايما اقول لنفسي خلص الكوورس .. احلى وقت استانست فيه هالفتره كان البروجكت تعبت عليه لكن حبيت الشغل فيه حسيت اني مهندسه صج (ترى البروجكت بسيط وعادي جدااا ويعتبر مدخل للبلاوي الجايه في الطريق ^^ ) لي عوده قريب .. الحين الضو مبند واختي انزعجت من طقطقتي .. برب ^^
|
||||
|
03-17-2011, 02:13 PM
|
#14 | ||||
|
مســاء الخميس ..
مســاء الخير.. عندي ساعه لين اروح البيت الحين بعد يوم طويل نوعا ما .. اليوم حابه افضفض لكم شوي تعرفون الشعور لما تبون تنامون لين ينتهي كل شي على خيـر وتتصافى القلوب ؟ توقف مخك عن التفكيــر وماتحاتي .. توقف هالالم اللي في قلبك وللاسف ماتقدر تقول شي يريحك وبنفس الوقت ماتقدر تقول شي يريح اللي جدامك ؟؟ لما مشاعرك انتماءك وطنيتك دينك انسانيتك كلها تنطق وانت تسكت فيها لان التصريح ماراح يفيدك اي شي؟؟ طول عمري انسانه عاديه انتمائي لبلادي ووديني واهلي .. لكن لاول مره من فتره طوووويله تمنيت اني انسلخ عنهم كلهم .. هذا شعوري الحين ... هذا شعوري الحين ياساره .. يا ابرار ... ياحور .. ياكل صديقاتي البحرينيات .. اللهم احفظ البحرين واحفظ اهلها وابعد عنهم الشر والفتن يارب العالمين .
|
||||
|
03-17-2011, 02:25 PM
|
#15 | ||||
|
فـــاطــمه ..
تم عقد قرآنها منذ فتره على حب حياتها .. وابتديت اصدق ان قصص الحب ليست خرافيــه .. كنــا صغار . .. كانت اعمارنا تقريبا عدد احادي .. كنت اشوف شي غريب بين هالاثنين ... اشوف انهم مايجتمعـون في مكان الا شي غريب يوصل .. احساس .. ماكنت اعرف ان ارواحهم عشقت بعض عشق اطفال .. كــبرنا وفرقونـا .. وفرقوهــم وسموا له انسانه ثانيه ..واكتمت فاطمه عشق الاطفال ..وحاولت تنسى وتكوي روحهـا بالنسيــان .. وسموا لها انسان .. وقالوا هذا نصبيج .. والنصيب يصيب .. لو ربـي كاتبه .. وحاول نصيبها لكن كان كل شي ضده .. امه ..اهله .. كل شي .. وغير رايه ..ان هالبنت مب مكتوبه لي ... وتوكل وتزوج وحده ثانيه وكل شي في الدنيا قسمه ونصيب .. ولكن .. المفاجأه الاكبــر .. عشق الطفوله خطبها في نفس الوقت .. وفاجأ الكل .. وانكشفت الاوراق .. وانكشفت الدفاتر ..وطلع كل شي للسطح ... ومشاعر طفلين صغار ..كانت مشاعر حقيقه مافيها اي زيف.. وكان هو نصيبها .. وكانت بالنسبه له حلم ..ماكان يقدر يتكلم ويقول ابيها لانها كانت مسميه لشخص ثاني ..وهالشخص هو اخوه .. وكان يتعذب كل يوم .. كل يوم .. لكن رب العباد اعلم بالفؤاد .. وتسهلت امورهم بشكل سحري .. والحين ناطرين فرحتهم الكبيره .. اللي بيتوجون فيها هالعشق .... ربي احفظهم واسعدهم .. ربي ابعد عنهم العذال .. ربي انت العالم ..هم قلبين لايعيشون من دون بعض .. ربي ..انت الرزااق قارزقهـمها السعاده وراحه البال .. الحمدالله جابك الله .. إنت وينك من زمان ؟ جيت في وقتك .. ياغالي إشتقت لك !! منت ضيف القلب يا راعي المكان لك ضلوعي عرش ،واجلس يا ملك " في غيابك .. غاب ويّاك الامان !! وفي حضورك ، قِمت أغنّي : كلّي لك الماضي لك .. وبكره لك.. وبعدو لك ياللي قربك لي يحسسني بـ أمان ودّي .. طول العمر .. بس ، أقابلك ، خِذهَا منّي كلمه وإحْسِبها ضَمان فدوه لك ، عيني .. وقلبي ، فدوه لك سَمَّه عِشْق كْبير أو سمَّه ادمان حبي لك حته أكبر من هَلِك ، ما أخونك ياحبيبي .. مهما كان ولو تفكّر في ( الخيانه ) ، ل أقتِلِك ..! ماقدر انسى اللحظة اللي غنت فيها شمس وهم يد بيد و بينهم نظره مايعرف سرها الا القلوب الواعيه ... فعــلا .. وقف شعر جسمي من قوة المنظــر .. ..
التعديل الأخير كان بواسطة : سهر الليالي 84 بتاريخ 03-17-2011 الساعة 02:31 PM |
||||
|
03-19-2011, 10:01 AM
|
#16 | |||||||
|
اقتباس:
اقتباس:
اقتباس:
فديت هالطلة ... وويبارك لج حبيبتي ويوفقج ان شاء الله امس...للاسف ..اكتشفت لاول مره اني يتيمه ..وان الانسان الوحيد ..اللي كان فاتح صدره لي للاسف ..توفى ... الحمدالله على كل حال ...
|
|||||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
