|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
|
|
LinkBack | أدوات الموضوع |
التقييم: 
|
طرق العرض |
|
#1
08-30-2010, 05:56 AM
|
|||
|
|||
<<فلم هندي يومي...@@
صباح الخـــير.. احب ابتدي يومـياتي باحلى جمله على قلبي...صباح الخــير.. من زمـان وموضوع اليوميات فبالي...ودي دايم القى لي زاويه اسدح فيها يومي...والمشاكل اللي تصير والمواقف اللي تضحكني..حاولت بمدونه مانفع <<نسيت الباسوورد!  حاولت بدفتر ..مانفع بعد..مشكله لي عندج اخوان شباب يترددون على غرفتج وينبشون باغراضج!!  حاولت افضفض...مانفع..مشكله بعد لما تكون من اهل الرصيد وماعندك بي بي..>>طالبة جامعيه!! فعجبتني هالزاويه من زمان..وانا انسانه واعوذ بالله من كلمة انا دائي النسيان..احيان انسى مواقف وانسى الاحداث...وللاسف يضرني هالنسيان... فاسمحوا لي برحابه صدركم اني اسدح ايامي السوداءوالبيضاء هنــا..وبتنصدمون اغلبها رمادي..لكن احب العظة..واحب اذكر نفسي..فافسحوا لي مكان خل اجلس..!!!!! بدايه عني.: طالبة بجامعه قطـر قسم هندسة الكمبيوتر..احيان انسى الوقت والزمان..حلمت بالجامعه والحمدالله الله حقق لي طموحي بعد سنوات..الحمدالله...ادعوا لي اتخرج وارفع راس اهلي.. العمر...مقبله على اعتاب ال26... تسألون شنو انجازاتج في حياتج..بقول اسألوني بعد اربع سنوات..وان شاءالله اكون حققتها .. وضعي الحين..اطالع الساعه والمسن..صفحـه بنت خالتي قاعده تسب في اختها ههههه<<نمون على بعض ...اليوم الدور على اختها في السحور واختها نايمه ومن النحاسه راحت قعدتها ..فتعالوا شوفوا اختها وطناقرها وتذمرها ..... الحين برب صغيره اصلح بين الاثنين...: اتمنى تتقبلوا يومياتي..
|
|
08-30-2010, 06:10 AM
|
#2 | ||||
|
ليش احب جمـله صباح الخيــر؟؟؟
مادري..بس احب شعوري الصبح لما يبتسم لي حد ويصبح لي بالخـير..اعطيه نور عيوني..احب مسجات صباح الخــير احب فكره كوني خطرت على بال احد من الصبح..فيسعدني الخاطر... اليوم طبعا تصبحت بمفاجأه..كان اخوي قاعد في غرفتي هو واختي ويحشون فيني وانا نايمه رفعت راسي وقمت <<لالاتتأملون انه قال صباح الخير...اول كلمة قالها شالصيام نوم للساعه 1!!!... وطبعا استلامات مانخلى منها والسبب اني انا واختي اخر العنقود... مسكت لاب توبي بعد اداء الصلاه وانصدمت لما شيكت جدولي للكورس الجاي.. لااااااااااااااااااااااااااااااااااااااااااااااااا ااااااااااااااااااااااااااااااااااا.. كانت الصرخه كبيره التفت لي اخوي واختي:شفيج..  باحباط لايسعه صباحي <<صباح الساعه 1الظهر  :معتز ...بيعطينا الدجتال لوجك ديزاين؟؟؟..بكيفهم هال...بكيفهم يغيرون الدكاتره لييييش انا كنت ماخذه عند الفولي لاااااااااااااااااا ...  اخوي:خير ان شاءالله؟؟؟ :هذا دكتور شرحه ولااروع امتحاناته للاسف ولاا اسوء لاااااا ماقدر..ليش؟..ليش ياربي ..هالدكتور له هيبه ماتخليك تتكلم فالكلاس والالعن لو سألت سؤا يحسسك انك اغبى الاغبياء ..لا حثالة الاغبياء فتنطم وتسكت عنده لاااا مااابيه المصيبه مستلم كل القرووووبااات لاااااا مابيه ليش مايغيرووونه!! اخوي يضحك علي وطلع واختي تطالع لي وانا كاسره خاطرها...شافت مأساتي عنده لماطلعت بسي بعد انهيار عصبي... ماانسى انه اعطانا مشروع نخلصه فاسبوعين ويوم الامتحان جاب المشروع نخلصه فساعه ونص ..مستحيييل انسى اني كنت ارجف من قلب بكل اوصالي..ااااخ...ايام لله لايردها..فكان القرار الاول لليوم..الدكتور معتز يشتغل على كبير..شدي حيلج وهيأي نفسج للقوي..والصعب....  بــرب
التعديل الأخير كان بواسطة : سهر الليالي 84 بتاريخ 08-30-2010 الساعة 06:25 AM |
||||
|
08-30-2010, 06:42 AM
|
#3 | |||||
|
باك~... للاسف هالسنه كانت محمله بالخيبات المعنويه والجامعيه والصديقيه<خيبتي في مااسميتهم اصدقائي...ومحمله بكم هائل من الهم...لكن..الحمدالله دامني صحيحه جسديا وعقليا..كلووووو يعدي...ويصير امس.. ترا العنوان مادري ليش حطيته فلم هندي..يمكن لان اليوميه بتحتوي الدمعه والرقصه والابتسامه والدراما والكذب مثل كل فلم هندي<<نو فينس.. فلم هندي<<نون تيكن.. احنا عندنا فالجامعه طلب تعجيزي اسمه توفل وابن عمه اسمه الايلس..الحمدالله ماكانوا عقبه في طريقي لاني مااهملت نفسي من ناحيه الانقلش..لكن كانوا عقبه في حياةاختي وصديقتي رغم ان تخصصهم شريعه.. صديقتي العزيزه ماكان عندها خبر ان هالسنه قرروا يشيلون هالعثرة من طريق طلاب الشريعه لانها بعد سنتين تأسيسي وعشرين الف امتحان فقدت الامل وسحبت عالجامعه فاتصلت فيها.... :هلا عوااش.. :هلا جوجو اخبارج؟؟... :عوا ماسمعتي اخر خبر؟؟ :هلا جوجو اي خبر.. :عواااش شالوا التعسيسي عن كليتكم ومن الكورس الجاي بتنتظمون انتي وفطوم.. :احلفـــــــــــــــــــــــــــــــــــــــــــــ ــــــــــي.. :والله.. :ونااااااااااااااااسه لاجوجو ماصدق ..ماصدق..انزين متأكده..لحظة ابشر ابوي...يبه جوجو تقول انهم شالوا التاسيسي عن الشريعه ..الخ الخ طبعا لكم الصورةة كيف غدا وجهي وانا اسمع سوالفهم..>>ابوها يعرفني بالاسم.. :جوجو برد لج..لحظة .. وغطت البنت وراحت بشرت ابوها وامها وجدها وخدامتهم والجيران<<ماألومها عندي اختي فالبيت سيم سيتويشن... رجعت لي :جوجو اقولج وماتقولين لاحد؟؟<<<طبعا كلمة ماتقولين لاحد هذي عشقي..يعني انشري الخبر لسابع جار.. :قولي حياتي.. :تدرين قبل اجي من امتحان الايلس وعندنا حوض سمج كبير واطالع السمجه واقول ليتني سمجه ماعندي ايلس ولاتوفل ..بس اليوم لااااا الحمدلله ماني سمجه.. :هههههههههههههههآآآآآآآآي..من صجج انتي؟؟.. :اي والله ... طبعا مت من الضحك يومها على عبط حبيبه قلبي عويش... هالموقف ماانساه ابد..مادري ليش لاني شفت فرحه اختي ورفيجتي بانزياح عائق مضيع وقتهم وامتحاناتهم.. والسبب الثاني..هبل عووش..وتمنيها تكون سمجه.. اليوم حسيت بشعورها..شعور العجز..ماحبيته ابد..ليش حسيت فيه؟؟مادري..احس اني ابي اكثر اقدر اعطي اكثر..بس عااائق كبيييير ساد علي طريقي... يالله اني لااسألك رد القضا ء ..انما اسألك اللطف فيــه... ترى ارجع واقول في بعض الاحيان بتستغربون من مواقف تافهه..لكن..هي للتذكــير..لااكثر.. ووو.. بصدم عواش بهالمحادثه باجر خل شوي تتذكر نعمةربي وزوال هم الايلس عن طريقها... دمتم.. اقتباس:
حبيت اذكر شغله تروح وتجي على بالي...اي تذكرت..مره رفيجتي قالت لي ليش ماتكتبين يومياتج في الكمبيوتر؟؟؟.. طبعا يومها تذكر موقف صار لي وانا مت من الضحك مره كنت نايمه(( وانا كمبيوتري خاص فيني ونظام البصمه مايفتحه الا البصمه..))رفعت راسي على ضحك اختي..كان اخوي ماسك صبعي ويحاول يفتح الكمبيوتر..وانا خبر خيــر... والله يومياتي مافيها شي..بس انا احب شي اسمه خصوصيه ..يعني اذا فيني امتعاض او تذمر او استياء..احب ارزة في مكان وارجع له مع الاسباب....ومابي يكون كمبيوتري مخزن اسرار ي لان الفيروسات ماترحم وكل يوم فورمات...^^
التعديل الأخير كان بواسطة : فرحة قلب بتاريخ 08-30-2010 الساعة 11:51 PM السبب: دمج المشاركات ~ يمنع اضافة اكثر من 3 مشاركات خلال 24 ساعه |
|||||
|
08-31-2010, 02:41 AM
|
#4 | ||||||||
|
اقتباس:
منورة بتواجدج الغالي حياتي اسعدتيني بهالتقييم الطيب واسعدني اكثر دعائج والله يوفقج ويسر لج امورج ويكتب لج النجاح دووووم.. اقتباس:
اقتباس:
الله يحييج ويسلمج ويبقييج تسلمين حياتي..  اقتباس:
|
||||||||
|
08-31-2010, 03:10 AM
|
#5 | ||||
|
ممم اليوم..صج انا دخلنا يوم ثاني بس اعتبره اليوم لين اللحظة اللي اخلد فيها للنوم..
شيكون شعوركم لما تكتشفون ان بعض الناس مجرد اقنعه؟؟ماقدر اعبر..الشعور كافي.. اليوم بتكلم لكم عن اجواء بيتنا..طبعا احنا اختين بين خمس شباب ماشاء الله..وانا واختي اصغر العنقود..<<ادري قلت لكم قبل.. اختي اصغر مني بسنتين وتعتبر ملكة جمال العائلة والدلوعه والاكثر تميزا.. طبعا انا ..القيك..الي تحب الدراسه والكمبيوتر والجينيس فالعايله..الجينيس فالدراسه لكن فالحياة الاجتماعيه ..للاسف كتله غباء.. طبعا عندي اخوين متزوجين وعندهم اولاد..والباقي بين خطاب وعزابيه..ليش لحد يسـالني.. ابي اعرف متى نظرة اخواني تتغير؟؟.شيكون شعورك لما اخوك يعاملك كانك مراهقه 16 وانتي عمرك 26 سنة..صراحه عمري 25 ...بقى لي شهر عال26!! هذا للاسف عيب انك تكون اخر الابناء..في ناس تقول لي هذي عقدة الطفل الوسط بس صدقوني ..صفات عقده الطفل الاوسط ماتنطبق ... سألت اخوي اليوم وقلت له لي متى بتنظرون لنا على اننا مراهقات؟؟؟..قال للابد..والله لواشوف شعرج اشيب بتمين صغيره.<<فلحت..في ناس تفرح بس انا مافرحت!! المأساة..انا اعز صديقاتي وضعهم العكس..هم اكبر فرد فالعائلة والكل اصغر منهم...وحالتهم عجيبه عندهم قوة تحكم غير طبيعيه..بس يحسدوني عالثقه في نفسي بعض الاحيان..وانا احسدهم على مرتبتهم فالعايله..وناسه لما تجيك امك وتشاورك بامور مهمه..<<مب اخر واحد تعرف!!... نطلع برا عقده الطفل القبل الاخير..ادخل بعقده نظرة الحريم..الحريم عندنا ..فعايلتنا نكته متحركه..لو اقول لكم القصص اللي تصير بيشيب شعركم...فقررت مااقول هههههههه... بس تقريبا كلها نسخ متكرره..هاي زوحها راعي حريم..كله يتزوج ويطلق..هاي زوجها يحب وحده..وللاسف..راحت اخطبتها له فاطردوها بحجه التكافؤ..الثالثه زوجها يحبها وكل شي..بس للاسف مب متهنيه..ليش مادري.كله دمعتها على خدها ومتحمله العزر>>لمعلوماتكم ماعرف شمعنى هالكلمة مجرد ترديد اعمى... يعني اشياء تسد نفسج للزواج....شجاب هالسيره الحيين؟؟...بقولكم..امي جابتني وهي عمرها 24 سنه..وجابت اختي الصغيره وهي في عمري الحين..و...وقفت عقب ثلاث عمليات قيصريه ..طبعا الحريم كلها تعرف هالموضوع..فتقول لي يمه امج سكرت عن اليهال وههي في عمرج؟؟؟؟ زين انا شسوي؟؟..امي ابوها زوحها وهي بنت 14!!!...انا للحين ماعرست !!... عاد اللي يموت ضحك صج اخوي الكبير الله يطول فعمره..يقول اتذكر امي دايما تلعب جمباز وانا صغير..<<مسكينه امي كان حلمها تكون بطله اوليمبيه فالجمباز بس جدي للاسف حطم حلمها وزوجها لابوي... برب برجع لكم..اكمل..الحين بروح اشوف السحور..
|
||||
|
08-31-2010, 04:57 AM
|
#6 | ||||||
|
باك~..
اكتشفت ان في اخطاء املائية وانه بدل حرف الجــيم حطيت حرف الحاء..اعذروني الصاله كانت لمبتها ضعيفه وانا عيوني خلقه الا بنظاره والنظاره فالغرفه..و,,,بس!.. المهم شكنا نسولف فيه؟؟..اي ماماتي فديتها..والله يطول بعمرها..لا لحظة..كنا نسولف بعقده نظرة الحريم..العقده الثانية من عقدي..المفروض مااسمي اليوميات فلم هندي..المفروض فلم عقدي !! بسولف لكم شوي عن حياه ابوي واجدادي..طبعا حياتهم كانت شي خيالي..مافيها العقد اللي عندنا الحين>>كلش ماتقصد اخوانها وجيرانهم وجماعتهم وخداماتهم هههههه. ابوي كان رايح فتره السبيعينات الكويت..وهناك التقى بامي العزيزة وعقدوا قرانهم وتزوجوا..امي كانت من طقه سعاد العبدالله وحياه الفهد في رقيه وسبيكه<<بتذبحها امها ههههه.. الزبده ..كانت تحب القصير والتسريحات المدري شلون وحافظه كل اغاني عبدالحليم ومابتصدقوني يوم شفت فستان عرسها كان قصير وفيه شريطه حمرا تخيلوواااا!!... وطبعا ابوي كان دون جوان عصره..وهو ابن خاله جدتي..وابوي الله يرحمه تشهد له صوره في جماله وجاذبيته وعيونه العسليه في هذاك الوقت..وطبعا تذكرون الموضه مالت الزلف والبنطلون الي واسع من تحت ماعرف شسمه..و الفولكس فيجن>>سيارته امي للخين تذكرها.. تقريبا حسين فهمي في حافيه على جسر الذهب.. الحين الزبده..اللي يشوف امي اليوم مايصدق انها بنت امس..اليوم امي ماترضى نلبس عاري ماترضى نلبس قصير واذا لبسنا لازم تحته لقنز طبعا ماترضى بالبنطلونات او اي شي يبين الجسم..والحمدالله وابوي الله يرحمه..ماكان يرضى اخواني ينجرون ويا الشباب في اي شي ..اي موضه كان شديد عليهم فالدراسه والدين..للحين اذكره يوم اكون سهرانه عالنت لين 3 الفجر اكتب قصه او ادور فمنتدى اروح اقعده على صلاه الفجر ويشوفني شابكه الكمبيوتر..يقول يبه قولي لي شنو فايده هالنت والله لو له 1 بالميه فايده كان ماكلمتج بس اشوفج تسهرين بالساعات ومضيعه وقتج..فهذاك الوقت ماكنت اروح الجامعه كنت فالبيت كله عالنت واقرا فالكتب.. تقريبا مصروفي يضيع عالكتب تقريبا ..والحمدلله كان لها فايده اني ماصديت فعليا بسبه القعده والكسل.. ودي لو ابوي يرجع للحياه واقول له يبه بنتك حققت حلمك وادخلت الجامعه وادرست ..وهي الحين تذكرك في كل لحظة..تذكر دمعتك اللي نزلت في يوم وانت تطالع لها وتقول لها حرام الحين لازم مثلج مثل رفيجاتج فالجامعه وتضمنين مستقبلج بدل هالانتظار.. >>اقول لكم فلم هندي..ارجع الحين على ايام اول..لو قعدت مع الحريم الكبار اقعد اجرجر فيهم سوالف قبل..ماتصدقون شلون كانوا عايشين حياتهم بنظافه..طبعا مااتكلم عن جيل امي مع ان امي تزوجت صغيره 14 سنه..اتكلم عن حريم كبااااااااااااااااااااار فال60 وال70 وال80 بقول لكم قصه من ايام قبل ..تقول لي الحرمه:ان قبل اذا واحد عشق وحده..كل الناس يدرون مافي تخشش..وماكان في خرابيط وتلفونات..وطبعا ماكانوا يتغطون قبل عن بعض..مثل الحين.. واذا وحده عشقت واحد..نفس الشي امها تدري والعرب كلهم يدرون..طبعا ماكان عندهم اشوفه ويشوفني واكلمه ويكلمني ولا اطلع معاه..العشق انه من نظرة عين خلاص طاحت فقلبه..<<ذكروني بتوايلات لما جايكوب يقول لبيلا نفس هالكلام<<بكون نذله واحرق عليكم القصه واقول جايكوب بيحب بنت بيلا بعدين احم نرجع للسالفه..انا بنظري الحب عيب لكنه مب حرام والله لايبلانا ونجرب العشق..بقول لكم سالفتين عن العشق.وحقيقيات وفعلا حدثوا|.. الاولى:ان في وحده اعشقت واحد..كان عندهم ضيف..وماتكلمت لين راح..جاوا عرب اخطبوها لكنها قالت لامها يمه انا اعشق فلان..امها اضربتها وجهزتها انه يزفونها لعرب اللي تقدموا لها. على ذمة الراوي ..كل ماجاو يركبونها الفرس تقط (تعق عمرها) عنه..فيجون اهلها يضربوننها ويركبونها الفرس فتعق عمرها مره ثانيه فيرجعون يضربونها بوحشيه ويركبونها الفرس فترمي نفسها مره ثالثه عنه وهكذا ..لين اختها عورها قلبها وقالت خلاص لاتزوجونها انا اروح بدالها عروس ..(اختها انصدمت وماحبت يزيدونها على اختها..واركبت وبجهاز اختها زفوها) طبعا..البنت العاشقه اهلها اكروهها..واربطوها مكان الحصان لين تغير رايها وترضى باللي يجونها من العرسان..وتهون عن سالفه عشق..وتمت ايام مربوطه..لين جا ضيفهم طبعا ضيفهم مادرى عن هوى دارها ولايعرفها ولايحبها مثل ماتحبه..بس تقدم لخطبتها..اهلها انصدموا..وطبعا ماحبوا انهم يغصبون الرجال على بنتهم..فحطوا شروط تعجيزيه انه مهر مجزي وفرسين ويرضى يزوج ثنتين من خواته لعيالهم..والضيف وافق..الناس استغربوا ليش يافلان شيحدك على هالشي؟؟.. رد عليهم فلان:والله شايفين كل هذا اللي طلبوه؟؟يرخص لعينها ويكفيني فخر انهم يطرونها ويقولون عشيقه فلان.. طبعا..هو قدر تضيحيتها واذلالها بس لانها عشقته..رغم ان المشاعر غير متبادله..للاسف انقرض هذا النوع من الرجال...!!..بس هذا ك زمن مات..وحنا بزمن النت والشات!!... القصة الثانية: هو احد قرايب جدتي..جدتي تقول انه كل يوم يقعد في بيت رفيجه بس لانه يطل على بيت المره اللي عشقها.. (بيوت الشعر اللي قبل)وانتوا تعرفوا حياه العرب قبل ..تروح للغدير تجيب ماي ..فالرجال كل يوم يترصدها وهي رايحه النبع الغدير مادري شسمه (ترجمه تانكي الماي هههه بس على شكل نبع) فيقول له رفيجه شتشوف فيها ؟؟سوده ويابسه ومافيها ملامح من الزين..)فيرد الرجال والله اتمنى اعطيك عيوني تشوف فيها وتشوف شلون اشوف احلى من الغزلان................... هالقصه احب اسمعها وايد..هذا اللي يسمونه الحب الحقيقي..اللي يتعدى ملامح ولون واشكال..عشق روح لروح... الزبده طولت ادري...زمان قبل كانت الناس بالها وسيع..كانت نظيفه التفكير..مب هالزمن ..الكل يلبس قناع...الذئاب تلبس اقنعه الحملان..والاشرار تلبس اقتعه الخير والخبثاء يرتدون قناع الطيبه... ادري اخذتكم يمين ويسار وفوق وتحت..تحملوني...فيني حجي كثيييييييييييير ... واقدر اقول..جابوا طاريك و...سجـــــــــــــــــــــــــــيت.... اقتباس:
اقتباس:
التعديل الأخير كان بواسطة : فرحة قلب بتاريخ 08-31-2010 الساعة 11:15 AM |
||||||
|
09-01-2010, 04:42 AM
|
#7 | ||||||
|
اقتباس:
 امي دايما تقول اسمه بس عمري ماحفظته ولابظن احفظه..على قوله اخوي دام الشي مايخصكم ولايمت لكم بصله حاقرينه..>>حكم تسلمين حبيبتي عالتقييم..والبراءه..اتمنى هههه ...فرحت بوجودج ومتابعتج..  اقتباس:
 خبرج انا اهلي كلهم كويتين تقريبا ماعدا بيت او بيتين من اهل قطر..ان شاء الله نجتمع في يوم اسعدني تقييمج وكلماتج حفظج الرحمن ونور دربج..اليوم ..مادري بس اليوم شلون مر..الصبح تعبت من معدتي وايد..والحين لازلت تعبانه...واليوم اخوي كان يبينا نروح السوق<<عاد صار لي اسبوع ازن واحن بس مارحت معاه فراح مع اختي وولده..شسوي بحظي يعني؟؟دايما اذا بيطلعون يكون عندي شي ..اليوم تعبانه ومافيني ..سخونه وترجيع الله يعزكم..وكل مره ياامتحان يا واجب او مشروع...ودي مره يأجلون لليوم الثاني عشان اروح معاهم..بس ماحب اطلب.. الله كريم... فنرجع لليوم اليوم كان بدون احداث تقريبا..تقريبا ..احيان حياة الواحد تكون بسيطه جدا ويقعد يقول ملل ولا زهق ويتم يتذمر .. انزين ماتشوفون انه نعمه ان الواحد يكون ملان؟؟انا اشوفها نعمه واشوفها نقمه..يوم دخلت الجامعه انضغطت بشكل كبير..احيان كنت اشتاق للملل...اي لاتنصدمون..اشتاق اكون ملانه..من كثر المسؤوليات على راسي ..بس احيانا افكر ان ماعندنا سالفه..شنو يعني ملان؟؟يعني انك اخترت تقعد ساعات بدون انجاز اي شي .. شنو يعني زهقان؟؟يعني انك مالك خلق تسوي شي..وبنفس الوقت ..تبي تسوي شي<<تعريفاتي العبقريه.. صديقة اختي وهي بنت عميد احدى الكليات في احدى الجامعات تستغرب لما نتكلم عن التلفزيون والمسلسلات والافلام..تقول معقوله بتقضون وقتكم هالشكل؟.. نستغرب ونسألها ليش؟؟ تقول:انا مابشوف هالاشياء واخر اهتماماتي..بابا عودنا من كنا صغار على انا نشغل وقتنا باشياء مفيده ومانقعد فاضيين... السؤال اللي في قلبي تم لليوم ..مثل شنو..بس الاحراج انا ابدا ماجربنا نشغل وقتنا بعمل مفيد..ملينا قعدنا عالنت عالتي في رحنا السينما..<<ترا انا اكبر فان للتي في والافلام لي صديقه ...مايمر يوم الا وهي منجزة شي في حياتها..وماتتخيلون شنو طموحهاا..طموحها تحفظ القرآن الكريم..يالله ليش مانطمح لحفظ القرآن.؟؟؟ صديقتي هذي يوم نناديها تقعد معانا تقول بروح عندي شغله..وتحتفي..يوم اختلي فيها تقول ماحب قعدتهم بس اضيع وقت عالفاضي..صج وناسه وكل شي..بس ماحب..الله يحفظها لاهلها..هي مب ملتزمه التزام متزمت هي طالبه عاديه..لها اخطاءها ولها زلاتها..تكتب قصص واشعاروخواطر...وكل يوم الصبح تحفظ جزء من القرآن..ومسجله بتحفيظ القرآن ومخليته جزء من حياتها..والاحلى انها تكتب انجازاتها اليوميه ..الجزء اللي حفظته الواجبات الابحاث الافعال..حتى اذا كانت تبي تكلم بنت او تعتذر من بنت تكتب هالشي في كتيب صغير..وتكتب عبارات تساعدها..او تذكرها ..حتى التلفزيون تطالع مسلسلات وكل شي بس لوقت محدد ساعه..اوساعتين وقنواتها المفضله قناة الرساله وكل قناه فيها حديث عن التطوير الذاتي.. مره قالت لي انها احيان لما تحفظ شي من القرآن تحس ان يومها مبروك..ووقتها مبروك..تسوي اشياء كثير فهذاك اليوم...وانها ماتحب النوم متأخر..لان اليوم يعدي بسرعه بدون ماتسوي شي..وان قعده الصبح احلى ..ومبروكه سبحان الله..تسوين اشياء كثير..وماتقولين كم الوقت.. الله يحفظها لاهلها عندها اراده وطموح.. ممممممممممممممم...خل نتكلم شنو الاشياء اللي ممكن انسويها لو ملينا..مثلا: اول شي نصكر التلفزيون.. ثاني شي ..شور سريع وتجديد للنشاط.. وبعدين: 1-تقدرين تروحين لاخوانج او اهلج فالصاله وانتي ماسكه كتاب قاريته من قبل وعاجبج..وتبين تقرينه من جديد..ولما يسألونج اخوانج..تكلمي عن الكتاب ..وافيديهم بمعرفتج.. 2-لي صديقه احبها وايد..ايام المدرسه فاالعطله كل عطله تتعلم شي جديد..مره تعلمت الجبس وتشكيل الجبس مره الطين الصلصال..مره الطبخ والفطاير والحلويات..مره الخياطه وتركيب الاكسسوارات عالملابس والتصميم.البنت فديتها لليوم هي كل فتره بريك او راحه تسوي شي مفييد..تتعلم اشياء حلوة..تقدرون...تروحون المكتبه تاخذون كتاب تعليم للطبخ الماكياج الشعر الحرفيات..يعني او كمبيوتر وفوتوشوب...التعلم لذه..لايعرفها الجاهلون.. 3-سوي جرد لكبتج(خزانتج..) شيلي الاشياء اللي ماتبينها واللي تبين تودينها للجمعيات الخيريه خلي الخدامه تنظفهم وتبخرهم وتحطهم في اكياس لاتقولين جمعيه خيريه بس مايعني مافي احترام وتقدير .. 4- شيلي عباتج وشيلتج وسوي زياره لاهلكم..صله الرحم مطلوبه..روحي لاخوج لخالتج لجدتج..ويحبذ تاخذين في يدج شي من عمل ايدينج حلى قهوة او فطاير او دونت... 5-اتصلي بصديقاتج..شوفي اخبارهم ..جددي العلاقه.. 6- سوي بدي كير ومني كيور..مب لازم تحطين اصباغ اظافر ..بردي اطافرج وشيلي الجلد الزايد والطبقه الميته..(اشتري ادوات البدي كير والاملاح مالت الرجول ..) 7- تدربي على تسريحات الشعر..او سوي حمام زيت للشعر..يعني عطيه وجه..وفيشال بعد للبشره.. 8-قلبي في ذكرياتج..اوراقج ..دفاترج..الصور..تذكري بعض الاشياء اللي نسيتيها..تذكري بعض الوجوه..بتلاقين نفسج غرقانه فالذكريات ومبتسمه..(هالنقطه تذكرني في مسلسل مادري فلم..البطله تتكلم عن السقيفه (العليه) انها مبهدله وغير نظيفه وتنظيفها ياخذ وقت..لكن تقول لها الثانيه ان مب التنظيف ياخذ وقت..لا الذكريات..)صح هالنقطه احيانا لما اسوي جرد لغرفتي اخذ وقت طووووووووووووووووووويييل ...اشوف اوراقي ودفاتري وكتبي واقرى كل كلمه بحذر وادور السوالف الجانبيه اللي بالدفاتر..اتذكر سوالف واقعد اقولها لاختي...هالذكريات احسها تسقي الروح..ترجع لي لحظات حلوة..او لحظات حزينه..اللي يبعد عنكم الحزن..بس احيان مادري شنو الفايده لها لكن بالنسبه لي ..كانها دفعه امل او لمسه حب..واحيان كثير هالذكريات ماتحسسج ان حياتج خاليه وممله.. 9-سوي جرد لكمبيوترج رتبي الصور احذفي الي مالها داعي الملفات القديمه روحي الانترنت اكسبلور وامسحي الهستوري والكوكيز والفايلز ..او رتبي الفيفرت عندج ..خبركم نعبي بالفيفرت مواقع للاستخدام المؤقت وتم هناك سنين ..تجين بعد فتره تلاقين الموقع توقف (خصوصا المنتديات ههههه وتطلع لج رساله ان صاحب الموقع مادفع فلوس ايجار مدري ايش ..مادري ليش يحطون هالتحذير )في اشياء كثيير...بس انا ركزت على هذي تذكير لي ..احيانا صج امل ومايكون عندي شغل... الحين بتركم ..بروح اشرب ماي قبل لايأذن..وبعدين اصلي ... دمتم في خــير.. sMs to: مجرد حلم شكـرا عزيزتي واتمنى اني ماازعجج.. sMs To: امون صديقتي.. حبيبتي عساني مانحرم منج.. sMs To: كل المسلمين فرح الله بالكم وافرج عنكم همومكم وتقبل صيامكم فالشهر الفضيل
|
||||||
|
09-06-2010, 12:12 PM
|
#8 | ||||||
|
اقتباس:
اقتباس:
اليوم اخترت اتكلم عنج....اشتقت لج..وااحبك واايد...ربي لايحرمني منك.. صبــــا.. كنت احلم دائما بأن اجد من تشاطرني مشاعري واسراري..من تتحمل همومي واتحمل همومها..من اشكو اليها وتشكو الي..صديقه بعيده عني كي لااؤذيها بفظاظتي...وقريبه جدا حيث تسمع دقات قلبي...والحمدالله..وجدتهااااـــ.... التقينا صدفه عبر بحر النت..قبل وقت ليس بقصيييير..جمعنا صديق مشترك قال لي اريد ان اعرفك بهذه الصديقه..وانا اقسم انكما ستحبان بعضكما...مالمشترك بيننا؟؟كان هذا سؤالي.. لحظة..صديقي هذا..شاب طموح ثائر وطني..من بلاد مصر الحبيبه..التقينا عبر احد المنتديات..وجمعنا حب الكتب والكتاب والادباء..هو اصغر مني بكثيير..ودائما ماكان يناديني اختي الكبيره..والحمدالله اني ارى طموحه يتحقق دائما..ذات يوم اخبرني عن روح اخرى..تشبه روحي الى حد ما..ومن خلاله ..تعرفت الى صبا.. تعرفت الى فتاه..وجدت بين حنااياها الكثير من الالم..ووجدت بين حناياي الكثير من الانكسارات.... عرفنا بعض..تعاملنا بحذر مع بعضنا البعض..كنا نتكلم عن كل شي..كل شي لاتشمل ماكنا نتحدث فيه.. جمعتنا ليالي من المحادثات ليالي من النقاشات...تبادلنا ارقام هواتفنا..وبدأنا في الانغماس اكثر في حياه بعضنا.. لم نكلم بعضنا هاتفيا سوى مره اومرتان..لكن كم حرفا تبادلنا؟؟كم كلمه ؟؟كم الماً؟؟ اعرفها كما اعرف نفسي.. يكفيني سعاده انه حين تسد الابواب في وجههي..رساله واحده..اسكب مافي قلبي داخلها..واارسلها..يكفيني انها تقرأها وتهتم ياااااه ترف كم كنت احلم به... اني في اقوى انكسارتي..واثناء ارتداءي لقناع السعاده..وجدتها تتنازل من اجلي..وتقول كلاما لم تصدق عيناي انها من كتبته...فهذه ليست بشخصيتها..انها تحاول التخفيف عني ..عرفتها عندما ارتدت ذلك القناع..كانت تكتم الامها وقوتها وتحاول ان تطبب علي.. اني احبك فعلاا...واكثر مااحبه..انها رغم قوة علاقتنا الاان هناك حدودا بيننا..تمنحنا حريه التفكير... لااعرف اي حظ جلبك الي..لكن حظي كان سعيدا عندما وجدتك ذات مساء.. دمتِ في حفظ الله...
|
||||||
|
09-06-2010, 12:49 PM
|
#9 | ||||
|
مممم..الفلم الهندي اليوم ماقلته...تقريبا امس..مب اليوم بس ماعلينا...
امس الصبح قمت انا واختي وقررنا نروح فيلاجيو مع اخوي..خبركم العيد علاابواب واخوي يقول لي ماحب روحه المجمعات فالليل...امرنا لله..طلعت لنا زوجة اخوي الثاني عندها موعد حمل فالعمادي ..<عاد العمادي وين وفيلاجيو وين.. طلعنا الساعه 9 الصبح المهم وصلنا زوجه اخوي وبعدين قبل لانطلع من المنطقه اختي قالت له نبي نروح الجامعه..<<اختي تسجيلها مسكر ماتدري شالسالفه..عاد اختي منسدحه عالكرسي الي ورا ونايمه واخوي هني عصب وين الجامعه وفيلاجيو وين عاد طلعنا للجامعه<<ماصدق بس اشتقت للجامعه من 18-6 عنها ..اووف.. طبعا دخلنا الجامعه ولقيتهم مخربين الشوارع عاد مامداهم عدلوها علشان يخربونها المهم وصلنا مبنى العلوم ورحت النشاط..ليش؟؟لاني التفت اكلم اختي لقيتها نايمه فنزلت بدونها ورحت النشاط هالمشوار حسسسني اني عيوز 80 سنه من الرباده والكسل ماكو لياقه.. المهم رحت ولقيت ورقه على باب الخزينه ان في نشاط البنين..<<حسيت بصيح.. رجعت لاخوي فالسياره..وقلت له يوديني جامعه البنين..والله انا عارفه حظي قبل لااروح قلت ليش ماروح البنين اسرع واضمن بس ماحبيت اقول لاخوي يفتكرني مفتله!<<مادري شمعناتها عااااد..طول الطريق افكر اقول لاخوي ينزل وماانزل..لكن بالاخير قلت دامني بنقابي اروح انا عندي حساب اختي ورقمها..والخ.. المهم وصلنا ونزلت وبعد مارحت وشلنا الهولد عن سجل اختي<<جريمه مب جامعه... رحنا فيلاجيو..اخوي راح يقعد بكافيه ..وانا واختي قعدنا ندووور...طبعا اخوي عنده نظريه السوق الصبح مافيه مغازلجي ولامشكلجي ولاصياع..الناس صايمه واللي في السوق بس الناس اللي تقضى شغلها المهم بعد لف ودواره للاسف مالقينا الا شيئين من مئات الاشياء..ليش؟؟ لان المحلات منزله كوليكشن الخريف<<اشياء شنويه..مادري محد قال لهم انا قاعدين بقطر مب بلتدن؟؟توووخلف ياااجماااعه.. المهم ردينا البيت الساعه 2وبعد السلام قالت لنا زوجه اخوي ان اخوي عازمنا على فطور فمطعم.. حسيت جسمي متكسر..اول شي المشاوير في عز القايله..ثاني شي من الصبح انا واختي قايمين عالتسجيل ومانمنا الا من بعد صلاه الفجر<<نقص نووم غمضنا عيوننا ونمنا انا واختي..وقعدتنا زوجه اخوي الساعه 4 ونص.. كرهت شعور الالف سكينه متغللله جسمج وتبي تكملين حلمج وتناااااااااااامين ...قمت ولبسنا وصلينا وطلعنا..اخوي الله يطول بعمره خذنا لمطعم الاعظميه اللي في سوق واقف.. كان الجو غير...والاجواء حلوة..والاكل عراقي..ماشاء الله وايد حلو..بعد الاكل شربنا جاي بالهيل والزعفران..عجيب يصك فالراس على طول.. وبعدها رجعنا البيت علشان نلحق عالصلاه.. اكثر اشياء ضحكتني..<عيال اخواني زعلانين من بعض لان حمود الصغير ذبح كتكوته وفهد الكبير مناصر عالم الحيوان انهار نفسيا على موت الكتكوت واعلن الحداد 3 ايام... اخوي اللي خذانا الصبح على اساس فيلاجيو<لقى نفسه فالمطار وفالدفنه بعدين العزيزيه ههههههه مسكين مالوم يوم يكره طلعه الحريم نمت تقريبا الساعه 9 وشي بعد ماشفنا مأساه زواره الخميس..وطلبت من اختي تقومني عال12 ..بس للاسف النوم سلطان ماقمت الا الفجر..  وبس ..تقريبا كان يوم زحمه...بس الحمدالله عدى على خير..  اي تذكرت,,,شالوا معتز..افراااااااج ..والله انه دكتور روعه..وشرحه رائع...بس امتخاناته موت..للحين مااعلنو عن الدكتور الجديد...؛الله يستر
التعديل الأخير كان بواسطة : سهر الليالي 84 بتاريخ 09-06-2010 الساعة 01:01 PM |
||||
|
09-14-2010, 11:10 AM
|
#10 | ||||
|
صباح الخيــر...
اول شي عبدكم مبارك وكل عام وانتم بخيــر,, ككل عيد نفس الجمله..بأي حال عدت ياعيد.. بالنسبه لي هالعيد كان مأساه نفسيه..بالنسبه لي بس..الحمدالله كل شي حولي اوكي وبخيــر..والله لايغير علينا لكن هالعيد كان بالنسبه لي ..غريب..اول مره مااكون انا... هالعيد اكتشفت اشياء كثير.. اكتشفت ان انا لهم كتاب مفتوح..وهم.. للاسف .. قررت اني خلاص ..ابتعد..مابي هالعنى مابي هالالم..تعبت .. كل عيد كنت احلم بلقاك..وهالعيد..ابي بس انساك.... اسمحوا لي نفسيتي ماتسمح لي.. كل عام وانا وانتم..اقوى من طعونهم!
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
