ويَكبُرُ القَلْب مَع اِرْتِحَالِه فِي الدُنْيَا ..

.
.
كثير أحيان تكون الرواية فيها لمحة بسيطـة من حياة الكاتب .. يعني الرواية مأثر فيها حياة الكاتب .. شيء طبيعي ..
بس ما أدري هل هو طبيعي أن الرواية نفسها تأثر على حياة الكاتب ..
ما أدري بس أحـس أنه عادي ..
سلمكم الله .. أنا كذا صار لي ..! لأ أوووب صار لي .. يصيير لي .. لأنه مسلسل مستمر ...
أمس الخميس .. كنت جالسة أنا وأمي نتقهوى ..
وهي سألت عن أخوي ..
قلتلها أنه جا قبل صلاة الظهر .. قال وين امي قلت له راقدة .. أقهويك .. قال لأ ..
المهم أمي عقب هالسؤال .. مسكت التلفون ودقت ..
أنا على بالي انها بتدق على اخوي .. تقول تعال تقهو معنا ... بس دقت على شخص ثاني ..
أول شيء السلام عليكم ..... وينك ماشفناك ..... أحسبكم ماجيتوا من الرياض ..
اخوي كان دوامه في الرياض .. بس نقل لديره حولنا .. بس سكن في بيته في نفس ديرتنا يعني .. أنا اتوقع مثلا اخوي راح للرياض عنده بعض المشاوير هناك .. قلت عادي في اجازة حنا وعادي يمديه لو يآخذ اسبوع جالس هناك ..
أنا عايشة جـو القصـة .. ههههه على بالي حنا في الصيفية ..
المهم امي اكتشفت بعدين انها تكلم خالي .. خالي دوامه بالرياض .. ويجي عندنا بالاجازات .. والخميس والجمعة ..
عاد من عبارة امي قبل ( احسبكم ماجيتوا من الرياض ) انا استغربت من تفكير امي .. يعني اجازة وهو مدرس يعني طبيعي بيكون في الاجاازة هنا عندنا ..
الحمدلله ماتكلمت ولا كان تقعد تقرا علي ..!!
****
ومرة ثانية كان عندي احد ضايق صدره .. وو افكر وش مضيق صدره ..
كنت بستهبل عليه واسأله : ضايق صدرك على الملك فهد ..!!
بس الحمدلله ماتكلمت بعد ولا كان يتأكد اني مرفوع عني القلم ...
لأني بالرواية التاريخ عندنا 26 / 6 / 1426 هـ ...
***
ومرة من المرات انفلت لساني ... كنت بنادي بزر من بزارينا .. وانا على جهازي اكتب .. طبيعي ننادي بزر باسم بزر ثاني يعني .. بس هالمرة ماناديته باسم بزر ثاني ناديته : شـــــذى ...!!!
بس الحمدلله ماكان عندي الا اختي اللي اكبر مني .. وهي تعرف القصـة ...!
***
وقد مرة من المرات كنت في المدرسـة .. المعلمة .. قالت وهي تكلم وحدة : يعني تعلمينا أنكم رايحين هالخميس والجمعة للقصيم ..
البنت خوالها اعتقد من القصيم .. أو هي بكبرها من القصيم بس عايشين هنا .. ما أدري بس ..
مدري ليه فزيت !!
***
حالتي مستعصية أدري ..!