|
|
|
|
|
|
||
02-03-2012, 02:59 AM
|
#301 | ||||
|
مرحبا الساع ،، سلام عليكم ورحمة الله ..~ عساف كفو عليك وليتّن وليه بالتنظيف يستاهلن كم نظفنا نحن قبلهن !!!  احم يا هالربع اشّيه نشيده يا عامل النظافه !!! انا احيد نشيده جونقر والرجل الحديدي >تخيلوا انها نشيده وخطفوها لا هنتوا خخخخ ..~ شجره الحور وهمس الزوايا خواتيه ترا حتى انا بعد كنت اكثر واحد انظف الصف هب اللا انتن !!  احيد ان صفنا كان انظف صف في المدرسه بكبرها لدرجه انه الصف الوحيد لي من اول السنه حطيناله مخفي 100% عالدرايش ونقولهم للزينه وبعد اول صف في المدرسه غيرنا ليتاته ومال الكرهب لي يشغل الليتات !!! واول صف نغير فيه قفل الباب واول صف نصبغه بعد واول صف (كرمتوا) نيبله زباله يديده واول صف نيبله مكتبه للكتب بدال اللي كانت ماجوده فيه !!!>فيس فارق شعره على ينب ومسكّر العقمه اللي فوق خخخ ..~ >لو سمحتوا خلونا ربع ولاحد ينشدنيه ليش هذا كله  تراه ما كان عقاب صدقونيه خخخخ !!!هيه صح بعد اول صف نجلد فيه الطاولات مشان الزينه اوين !!!! وثاني يوم تمينا نشل اللزق والجلاد ونسويبه صواريخ من اللي يطيرن باللاستيك !!!!  والله انهم اكّلونا اياها صح هذاك اليوم !!!!  خلّونا نركب قفل للباب لانّا كم مره كسرناه وخلاف ركبنا قفل يديد وقفلنا على عمارنا الباب وفرينا المفتاح مالدريشه ويوم يانا الاستاذ يبى يدخل قلناله الباب مقفول والمفتاح عند فالان ظهر وقفل علينا !!!!>واحيد اللي عقيناها على راسه كان غايب هذاك اليوم ههههههه ..~وكنّا الاذكيا قاطعين كيبل الكرهب لي يشغّل الليتات مشان يوم ايينا الاستاد نقوله ظلاااام ماااانشوف وخلاف ما ندرس !!! عاده هم ما خطّفولنا اياها وولونا وليه وتمينا نركّب الوايرات ونوصّل الكرهب يلييين ما اشتغلن الليتات غصبا عنّا !! >تراني ما اتحمل مسؤوليه اي حد يتهور ويقلدنا تراها ايام شطانه وولت !!!! بس كنت هادي هادي في المدرسه صدقونيه ..~ يا هالربع انا ابى افهم شي !! ليش يومكنّا في المدرسه ونشرد مالحصص نحس انّا سوينا شي كبير وطلعنا من الصف وشردنا ولاحد درابنا !!! هالحين في الكليّه حدرنا واللا ظهرنا ولا يدروبنا وغدينا ما نداني الشرده ليش !!!! يعني لان في المدرسه كانت الشرده ممنوعه كنّا نستانس ولانها في الجامعه عاديّه غدينا ما ندانيها لان كل محظور مرغوب !!! واللا لانّا كبرنا هالحين وعقلنا ؟؟ انزين ابى حد يفهمنيه ليش كل محظور مرغوب !!! وبعد ليش وايد اشيا بين البارحه واليوم تغيرت نظرتنا الها ؟؟؟ يعني اشيا كنّا نشوفّا مهمه واليوم نشوفّا تافهه واشيا كنّا نشوفّا تافهه واليوم نشوفّا مهمه ؟؟؟!!! ملاحظين هالشي انتوا بعد واللا انا بس لي ملاحظ !!!! يله يا هالربع بريبينه صغيره وراجعين باذن الله ..~ خالفتنا العافيه ..~
|
||||
|
|
02-05-2012, 01:57 AM
|
#302 | ||||
|
هههههههههههههههههههههههههه ماشاء الله بن عبيد كل هذا وهادي ؟ ههههههههههههههههه متأكده انا بانه عقاب ولا ماكان شليتوا اللزق من ثاني يوم  !اقتباس:
اعتقد لانه قبل كنّا نعرف بانّا لو نغيب في احد بيسأل عنّا ولو هربنا ولا شيء بيفقدونّا وبيتمون يدورونا لين يحصلونا ، أما هاللحين والله مادروا فيك انت حاضر ولا غايب  من ناحية سؤالك عن ليش كل محظور مرغوب كلنا ملاحظينه بس والله مدري اظنه والله اعلم ان هالشيء في نفس كل بني آدم شيء فطري الكل يحب يستطلع أي شيء ممنوع ويرغبه لنفسه ولا شو تقول  هلا بك وبانتظار عودتك 
|
||||
|
|
|
02-05-2012, 04:51 AM
|
#303 | ||||
|
السلام عليكم .. فكرة الموضوع حلوة .. خاصة بالنسبة لي كوني صعب اكون علاقات بالمنتدى .. و ان شاء الله هالديوانية تقربنا من بعض و نفيد و نستفيد .. اختكم / كويـتية 
|
||||
|
|
|
02-06-2012, 10:22 PM
|
#304 | ||||
|
هلاوات كويتية الله يحيك...أبد في الأم الإمارات أهل لو أول مرة تدخلين...
|
||||
|
|
|
02-07-2012, 03:55 AM
|
#305 | |||||
|
اقتباس:
ما قصرتي عالترحيب .. و هالشي اشوفه بألم من اول ما دخلت له .. لكن المشكلة فيني مو بـ ألم ..  و ان شاء الله راح تنتهي من هني يعني من هالديوانية .. بس لاحظي من تكلمت محد تكلم لجم يوم .. احبطت من البداية و لكن اصراري راح يحقق لي رغبتي .. و شرف لي التعرف عليكم .. 
|
|||||
|
|
|
02-07-2012, 04:11 PM
|
#306 | ||||
|
مرحبا الساع ،،
ختيه كويتية عليج السلام ورحمه الله وبركاته // مرحبابج في الم وفي الديوانية وانتي راعيه مكان طال عمرج مشا الله عليج يوم شفت تاريخ تسجيلج قبليه ب5 سنوات مشا الله يعني انتي لي لازم ترحبيبيه خخخخخخ :s_055:>اسولف ..~ هالديوانيه اشوفّا ما تنشط اللا يوم المعزب هنيه يا غير يمكن ماخذتنّه رقده ونسي الديوانيه وعربها هههه !!! عساف تعال اقولّك وجابل العرب واللا بطرش لك ام المعطف ترش عليك ما باااااارد في براد ايرلندا وتنسا الرقاد ههههه ..~ .. بريبينه وبنرد الكم باذن الله ..~
|
||||
|
|
|
02-07-2012, 08:27 PM
|
#307 | ||||
|
والله جد الديوانية تنام سنة وتقوم يوم..<< أبالغ لا تزعلون
خلينا نطرح مواضيع تحرك الجو شوي...والله أنا هاليومين خاطري متكدر..وما غير أمسك دميعاتي لا تطيح... يا جماعة...الأمر بالمعروف والنهي عن المنكر عندنا تحت الصفر..المنكرات تمشي من تحت خشومنا..واحنا جالسين ساكتين...نشوف ونسمع وما نتكلم...والله يقول:"كنتم خير أمة أخرجت للناس تأمرون بالمعروف وتنهون عن المنكر" بهذا فضلنا على الأمم...وهذا الشي اللي آخر ما نفكر فيه...والرسول صلى الله عليه وسلم يقول:"من رأى منكم منكراً فلغيره بيده فإن لم يستطع فبلسانه فإن لم يستطع فبقلبه وذلك أضعف الإيمان" يعني عجزنا حتى نتكلم بالكلمة نلقيها لعل الله يهدي بها والرسول يقول:"لأن يهدي الله بك رجلاً واحداً خير لك من حمر النعم" والمصيبة الأدهى والأمر..حتى ما صرنا ننكرها في قلوبنا...اعتدناها ومشينا معها...في الشارع نسمع الأغاني ما نفكر حتى نأشر بأيدينا...أو نلقي كلمة على السريع...نشوف الحجاب يلمع وكله زينة...واللثمة طاقة...أو حتى طايحة...والوجه مكشوف...ومكياج كااامل...والعطر يشمه آخر واحد في الشارع أو السوق...ما نتجرأ نتكلم أو ننصح أو نذكر... والمصيبة لا صار أبوها أو أخوها أو زوجها يمشي جنبها...ويوزع ابتسامات زي الأهبل...يالرخمة...ما عندك مرجلة تصلب طولك وتمسك أهلك وتنصحهم...وتوقف في وجيههم...بالكلمة الطيبة...والحزم مرة..واللين مرة أخرى والمصيبة الأعظم...يمشي جنبها وهو يغمز..ويرقم...ويغازل...يا رجاااال "كما تدين تدان"..و"دقة بدقة"...و"العرض دين" بكرة تشوفها في أختك..وزوجتك...وحتى أمك... ولا أذن المؤذن...جلس على الكراسي وجلس يطقطق عالبلاك بيري أو الآي فون..أو أي مصيبة ثانية.. لا يا رجاااال....!!!...النداء مو لك...لغيرك...ياااااا مسلم.... نرجع للحريم...صاروا هم اللي يرمون أنفسهم عالرجال...الرجال يشردوا وهم وراهم...ياااااا مسلمة...الرخيص رخيص والمكشوف كلن يعافه...وإذا إنتي قيمتك ما تتجاوز ليلة..مجاااااناً...فإنتي قيمي نفسك يا أخوان وأخوات...والله صار الإسلام عندنا اسم بس...ما عاد صرنا نعرف الحلال من الحرام...كله واحد ويااا أخوك ربك غفور رحيم..... ربي غفور رحيم إي نعم...لكن الموت ما يعرف كبير وصغير وما أضمن ألحق الرحمة والمغفرة بتوبتي... وبعد كل هذا...إذا قلت يااا ناس الأمر بالمعروف والنهي عن المنكر...قالوا يا بنت الحلال اللحين ما أحد يسمع... يا شيخة...الله قال...كنتم خير أمة للناس تأمرون بالمعروف فيسمع لكم..؟؟!!!!! الله ما حدد قابلية المستمع ولا تجاوبه..إنت عليك البلاغ... والله تعالى يقول:" وإذ قالت أمة منهم لم تعظون قوما الله مهلكهم أو معذبهم عذابا شديدا قالوا معذرة إلى ربكم ولعلهم يتقون" وأيضاً قصة القرية التي أمر الله أحد الملائكة بإنزال العذاب بها فقال الملك:"يالله إن فيها عبدك الصالح فلان"..فيقول الله:"فبه فابدأ" لأنه ما كان يأمر بمعروف ولا ينهى عن منكر ومعلومة أخيرة حبيتها أقولها لكم ترى المجاهرين بالمعصية والمدافعين عنها قليييييل جداً جرب إنصح....يا يقول أو تقول جزاك الله خير...أو إن شاء الله...أو إذا مرة مرة...بتسألك..:"إيش فيه حجابي..أو لبسي..؟؟" تردين أي رد.."يشف...يصف..مزين....ريحة عطرك ظاهرة" راح تقول على طول:"طيب مشكورة..." أو أي شيء من هذا القبيل...وحتى لو رفع صوته أو صوتها ورادك في الكلام أو تلفظ عليك...إنت الأجر واصلك واصلك...خلك وخليك معتزة بدينك...إيه أنا نصحتها أو نصحته ورفض...فيها شي..؟؟ الفشيلة في حقه مو في حقك....وعلى فكرة رافض النصيحة يخشى عليه من الكفر...فإذا وجهت إليك نصيحة...إياك إياك أن ترفضها أو تجادل فيها...اشكر...ولعل الله يهديك كلمة أخيرة لأخواني الشباب والرجال خاصة...أنتم تنشغلون بأعمالكم هواياتكم..أصحابكم وجمعاتكم.. ما فكرتوا يوم تراقبوا أخواتكم وبناتكم وزوجاتكم...؟؟..تشوفوا حجابهم كيف...؟؟..في السوق وتعاملها مع الرجال كيف..؟؟..مكالماتها..؟؟..عالمها في النت..؟؟. ما يخالف واثق فيها..مستحيل تجي منها الزلة...بس ترا الشيطان شاطر ويجري من ابن آدم مجرى الدم..والمرأة ضعيفة والكلام الحلو يأثر فيها...تابعها اجلس معها اسمع منها...أعطيها من عاطفتك..تراها محتاجة لكل عاطفة على حدة.. عاطفتك كأخ...كأب...كزوج...انتبهوا...لا تفتحوا بيوتكم للحرام موضوع يدور في خاطري من زمن أبغى أراءكم تجاوبكم أسبابكم...وخطوة مهمة نخطوها لنغير هذه السلبية..
التعديل الأخير كان بواسطة : همس الزوايا بتاريخ 02-07-2012 الساعة 08:30 PM |
||||
|
|
|
02-07-2012, 08:39 PM
|
#308 | ||||
|
رجاء الموضوع ما يتقفل برد أو ردين أعطوه حقه من النقاش...لأنه مهم جدا جدا في روتين حياتنا....
|
||||
|
|
|
02-08-2012, 12:55 AM
|
#309 | ||||||
|
اقتباس:
مرحبا الساع // ختيه همس الزوايا صادقه وهذي مصيبه والله !!! نشوف ونشوف يا غير انّا ان رمسنا نعرف الرد !!! لا والله نشوف وننكر بقلوبنا ومرات بلسانّا > هذاك اليوم ريت وحده مظهره ثلثت ارباع شعرها !! قلتلها : عدلي شيلتج واللا عقّيها احسنلج !!! تمت تشوفنيه بنظره تتحراني بغازلها !!!! يا حرمه انتي شكلج ارّوحه معصيه يعني ان ما غازلتي بتكونين عمل حسن !!!! حزززن !!!! والله بن عروه اعطي هالاشكال ويه يا غير قلنا بنسوي خير وبنحاول ننصحّا يا غير ماشي فايده !!!! اقتباس:
وهذيل اللي يغازلون عدّال حريمهن انا عن عمريه كل ما اشوف واحد اسير عندهم واقول للحرمه : تراه يالس يغازل قبضيه عدل >واسير عنهم !!!! يعني اييبها في شكل انّي اسويبه مثل المقلب واوهقه فيا حرمته يا غير النيّه مطيّه اللي اباه انه يقبض عمره عن المغازل !!!! اعرف ان الاسلوب هب ذاك الزود يا غير هذيل ماتنفع الهم الطريقه المباشره !!!! وقت الاذان كلن يعرف ان صلاه المغرب 3 ركعات والعشا 4 ركعات والمسيد مفتوح للكل مانروم نغصب حد على الصلاه كلن يعرف اان يوم القيامه حق وعاده هوه وضميره ..~ والبنت لي تعق عمرها علشباب ما تسوى (كرمتوا) ماطا النعال الخايس ..~ الاسلام اذا بيرسخونه الهل في عيالهم من صغرهم بيعرفونه عدل وبيعرفون الدين وبيعرفون الله ..~ انزين اذا الله غفور رحيم تراه شديد العقاب في نفس الوقت !!!! توب/ي وخلاف قول ان الله غفور رحيم يا غير انك تعصيه وتقول الله غفور رحيم !!! صح هوه غفور رحيم لانه خلّاك ولا خسفبك وانته تعصيه وامهلك مشان اتّوب لكنه ما اهملك !!! ختيه خلينا صريحين ! اللي بسير وبنصحه بيقوليه انته ما يخصك انا وديني وربي وكيفي !!!!!! يعني هذيل بشّوه ارد عليهم !!! الله يهدي اليميع بس ..~ لا طال عمرج الريال اللي ما يغلط يعرف ان هله مستحيل يغلطون اللا ان غلط ،، وعلى فكره الريال لي ما يغلط هوه لي تشوفونه جريب من هله >قريب روحاً وليس جسدا ..~ واسباب كل لي قلناه هوه الاهل اول شي والصحبه ثاني شي والبيئه ثالث شي ..~ ان صلحن هال3 اشيا صلحنا وان خربن خربنا ..~ الحلول !!! مااعرف ..~ بشوف الحلول لي بيحطونها الاعضا ويعلنا نستفيد ..~ يعلج سالمه ختيه همس على طرح مثل هالمواضيع لي مناقشتّا مهمه ..~
|
||||||
|
|
|
02-08-2012, 06:14 AM
|
#310 | ||||||
|
اقتباس:
هلا فيك أخوي .. ما تقصر على الترحيب .. شجعتني الصراحة تسلم .. بس لازم نخليها نشيطة يومياً .. مو قصوراً " بالمعزب " على قولتك .. و لكن اهي مكان التقاء الاعضاء .. يعني اللي يدش المنتدى لازم انه يمر هني قبل لا يطلع منه .. و يسلم او يكتب الشي اللي حاب يتكلم عنه .. و بجذي بتكون دايماً نشيطة .. -------------------------------- اقتباس:
الله يوسع صدرج و يخفف عنج ضيقتج يا رب .. و اللي تشوفينه كلنا نشوفه .. و موجود بكل ديرة .. و لكن .. لو كان المجتمع هذي طبيعته من انوجد .. شنو اللي بيدج تسوينه .. ؟ راح يكون تصرفنا أضعف الايمان مثل ما قال النبي صلى الله عليه و سلم .. بالقلب .. يعني بالدعاء .. و مثل ما ندعي للي نشوف تصرفهم غلط .. نحتاج أحد يدعيلنا بنفس الوقت .. طبيعة المجتمع احيانا تصعب هالامور على الشخص و يكون الوعي و النصح بالإعلام بس من خلال البرامج الدينية او من خلال الندوات الدينية العامة في الاسواق و المجمعات مثل اللي يسويها الشيخ نبيل العوضي او محمد العوضي او الحملات التوعوية .. و غالبا ما تكون هالندوات عن الحياة الاجتماعية او الصلاة او بر الوالدين او الحجاب .. الخ ، يعني مواضيع دينية عامة و تكون باسلوب النصح و الارشاد مو باسلوب الامر و النهي .. الامر بالمعروف و النهي عن المنكر .. شي حلو يكون بالمجتمع و لكن لا يصلح لكل مجتمع و لا كل مجتمع يتقبل النصح .. خاصة المجتمعات المنفتحة او المجتمعات اللي القيود تكون جداً محدودة فيه .. الله يكتب لنا اللي فيه الخير و الصالح يا رب ..
|
||||||
|
|
 |
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
