حصري...تهديد ووعيد ُأيام زمانُُُ~~

مساء الورد

بصراحه أعجبني هالقسم ومواضيعه

لكن أول مره أنزل موضوع فيه...

هالفكره حصريه جدا جدا يعني لا أحد يقول ماخذتها من منتدى ثاني

إلا أذا أحد قد فكر فيها مادري

عموما الفكره من العنوان تهديد ووعيد أيام زمان

طبعا واحنا صغار كنا شياطين أسم الله علينا

وأكيد كنا نخرب على أهلنا ونزعجهم...

المطلوووب



وشهي كلمه التهديد والوعيد من أمك وأبوك اللي يقولونها لو خربت عليهم شي

واذا قالوها حسيت بقرب أجلك..

**


**


**

بما أني صاحبة الموضوع بأبدا أنا..


عن نفسي أذا ازعجت أمي أو خربت عليها حاجه


نظره حاده مع

""الله يغفر ذنبي فيك أن تشوفين""


من أسمعها أتشهد وأسابق الريح لسريرها وأتخبى تحته"مويقولون أقرب من

الخوف تآآمن""

وأجلس فيه فتره وبعدين أطلع وأتحاشى أناظرها عشان لاتتذكر...


ألحين أذا ذكرتها كيف كنا نخاف تضحك وتقول أنا أنسى من تهربون ..


هههههههههه


سامعين من نهرب تنسى ..ياحليلي بس وأنا بالساعات تحت السرير....

*


*

يلا أتمنى فهمتو الموضوع بأنتظار جمل التهديد اللي من تسسمعونها تتشهدون...


جوودي

مسا الخير ،،


مرحبابج الساع وبمشاركاتج ومواضيعج في ميلس التراث ، منوره الميلس ..~


انا جانكم تبون الصدق ما كنت اتروّع بس كنت انضرب خخخخخ ..~


خلاف تعلمت انيه من اشوف نظره في عيون الشيبه ( يعله طوله العمر ) ونظره تخلي بليس يسلم اررربع وانخش تحت الموتر خخخخ ..~


قبل بعد كانوا يروعونّا يوم بنظهر في القايله يقولون : بتاكلكم حماره القايله ..~

واللا يقولون : بتيكم ام الصبيان ..~

وبعد سمعتهم يقولون : بياكلك الدهدوه ..~

وبعد للي بيظهرون في الليل : بتيكم ام السعف والليف ..~


هذا اللي اذكرته وان جانّا اذّكرنا شي بنرد الكم ..~


مشكوره عالمووع الحصري جود ..~


تحياتي

حلوو طرحك خيتو

لجميع من وضع بصمته هنا....


شكري وتقديري نورتو بردودكم


جوودي

السلام عليكم ورحمة الله وبركاته !





أحيدني كنت اتروع من كلمتين :

العصى المحنايه والسناه



سلاامي

.


جوود موضوع حلو ورجعتيناا لايام الطفوله الي ما نسيناهاا

الوالد الله يرحمه عمره ما عصب عليناا كان واايد طيب وحنون

على قد ما كناا شقيات انا وخواتي 2 بس ما كان يقولناا شي

والوالده الله يخليهاا النا ويحفضها يوم تعصب عليناا ضربه خفيفه عالجتف اونه عقاب هههه

وتقولناا لا تسون جيه مره ثانيه , الله يبارك في عمرها ويحفضهاا


جوود
تستاهلين التقيم عالموضوع المميز


سؤال خارج التغطيه

اقتباس:

أحيدني كنت اتروع من كلمتين : العصى المحنايه والسناه

الرومنسي
شو يعني السناه؟


.

صدقتي رجعتلي الماضي بصراخ امي وابوي واي اختي كانت تعمل المشاكل وانا من كثر حبي لها اقول انا الي مسويتها وروح ورى الشمس وانطق وهي تضحك وبعد فتره درت امي اني كذبت عليها وطقتني طق عشان احرم الكذب ههههههه ايام زمان كان اقوى ضربه من امي القرص واي احس بالألم للحين بس اذكرها تقول ماطقتك الي عشان تتعلمين تدافعين عن روحك وما تكذبن....وصراحة استفدت والكذب الحين مستحيل عندي ليش لأني تربيت عليه الله يخليها لي هي والوالد موضوع رائع جدا تشكرين عليه

مشكوورين ماقصرتو

أسعدني مروركم وأعجابكم بالموضوع

شكري......

جوودي

و الله يالجــود هيه نظره وحده لا غيرها و لا سواها.. و لا تشوفيلنا عثمره هههه..~