يحاكيني ظلام الليل والعبرات ماسوره .. (( شله ))

مساكم الطاعة ...


http://www.rayana-uae.com/up/uploads/a590522.mp3
للسماع


يحاكيني ظلام الليل والعبرات مأسوره
يباشرني صباح الغد وقول الله يسّرها

أنا مثل البصير اللي وكن عيناه مجبوره
تناظر ظلمةٍ يا خوي حين الصبح تبصرها

جروح اعوام تسكن في حنايا الروح مستوره
تبكّيني ألم وهموم شوف اللي يجبّرها

أعاني من زمانٍ مر ومر اليوم من جوره
يمسّيني على ذكراه وصبح باكر ذكرها

شموعٍ مهتنيّ بها وفي دنياي منثوره
تناثر نورها ظلمه سواد الليل تغمرها

تخايلني شِباح الخوف كن نرواح مسحوره
تلاحقني على دروبي وحتى الظل يكرّها

تماشيني وفوقي هيه كاللغمام منشوره
يغطي كثرها بدرٍ على أرضي ينورها

حياتي بالشقا تفرح كذا فكتاب مسطوره
يتيمٍ حالي المرهف تعب حيلٍ وسيّرها

طموحي دوم تتكفن تفارقني ومسروره
تهنيني عـ لعزومي حين الناس تخّرها

ألملم قلب متشتّت وجمع باقي كسوره
وداوي روح قد عانة مسافاتٍ وعمّرها

أنا طيرٍ كسير اجناح طاح السهم في زوره
بعد ما كان فوق الأرض بشموخه يناظرها

أنا التاريخ ينعيني فـ باقي العمر فدهوره
يواسيني قبل موتي وحزن اليوم يقبرها


كلمات/ سيف سلطان الكعبي