شوابنا ...

السلام عليكم ورحمه ...


شخباركم ...


واليوم بتكلم عن بعض المفرداات.. الي يمكن البعض ما يفهما من عياال اليوم ،،

ويضحكون يوم يسمعون شوابنا يوم يقولونها ، او اذا قلناها نحن ،،

وبنشوف هاي الكلماات ومن وين يت وشوو اصلهاا ومعناتهاا

ياللــــــــــه .... نبــــدأ ..

1) اسبيـتـــــــال او اسبيتاااار :

وهااي الكلمه كان يطلقها شوابنا على المستشفــى .. فكانوا

يقولون (( اليوم مب صااحي وسرت السبيتااال وعالجوني )) فكلمه اسبيتال

او اسبيتاار .. تعني مستشفــى .....

ولكن من وين يت هااي الكلمـــــه ؟؟؟

لو تدققون في هااي الكلمه بتلقون انها مشاابهه لكلمه HOSPITAL .....

((هوسبيتاال )) اي مستشفى شفتوا من وين يت معنى هذا الكلام

ان شوابنا يعرفون او بالاحرى عرفوا اللغه الانجليزيه وكانت منتشرة عندهم

ولكن طريقه التلفظ او اخراج منطوق هذه الكلمه ليس بصحيح ..

لانه يصعب عليهم نطق هوسبيتال مرة وحده فتدارجوها باسبيتااال .....

2) دختـــــــر/دختـــور

اطلق شوابنا كلمه دختــــر على المستشفى كذالك ،، لان يوجد به الدكتور

الي هو (( دختور)) ، وبمعنى اخر ان شوابنا اطلقوا كلمه دختر على الطبيب

الي يعاالج اي مرض .. حتى اتذكر مرة واحد من الشوااب ولده يااب الدكتوراه

قاال هيه هيه ولدي استوى دختر عوود يعني دكتوور ....

ونلاحظ ان كلمه دختر او دختوور مطابقه في اللفظ لكلمه Dictor دكتــور ..

...... ياا سلام ياا سلام عليكم والله... اتعلمتوا الانجليزي بدوون معلم

3) موتر
وهاي الكلمه اطلقها الشواب على السياارة ، فلنقى يقولون (( اليوم سرت

الوكااله وخذت هذاك الموتر الابيض ))،، البعض يضحك هنيه ويقول شوو موتر ؟

شو هااي الكلمه ،، قول سياارة لكني اقوول لهم والله انك انته الي مب فاهم

اي شيء لان كلمه موتر كلمه صحيحه 100 % ،، لان كلمه موتر Motors تعني سياارة

فلو شفتوا وكاالات السياارات في الدوله بتلقون كلمه موتورز بعد اسم الوكيل

فمثلا ... الفطيم موتورز ... الطاير موتورز ... كلداري موتوورز

فيعني انته الي تضحك ومسوي عمرك استاايلش .... الشوااب طلعوا برستيج

ويرمسون انجليزي وانته اونك مثقف

4) البالنس أو امبالنس ..

وهااي الكلمه سمعتها من البعض مب من الكل ،، حيث اطلقها الشواب

وخااصه هاي الكلمه امبلانس او بلانس على سياارة الاسعااف فلو شفنا

ان كلمه اسعااف بالانجليزي هي امبيولانــس Ampulance .....

لكن تدرون شوابنا عندهم وااسطااات ومزااياا ومن هااي المزاايا انهم

يختصرون في الكلماات

هااه .... اتشوفون عااد شوابنا يرطنون انجليزي من متى .. وما ساروا مدرسه

ولا شيء .. حليلهم يكدون على حمير الله يعز السامعين ،، ويحشون الثماام

ويحطبون .. لا شهاايد ولا قرااطيس ..

منقول ..

سلمت يمناج غناتي

تسلمين يالغالية عالمعلومات اليديدة

موضوع ومشاركة طيبة ورائعه
بارك الله فيج اخيتى نهر الامل
وبانتظار المزيد من هالمعلومات الطيبة

لاخلينا من شوابنا..
ماشاء الله عليهم ذكائهم حاد..ومثقفين بدون شهايد
مب احنا مانهقي على الله ناخذ شهاده وبمستوى عدل


تسلمين اختي على الموضوع الفنااااااان وماقصرتي



اختج الصغيرونه

مشكوووورة الغالية..

نهر الأمل


شكوره خويتي على الموضوع الطيب