|
|
|
|
|
|
||
| إعلانات منتديات ألم الإمارات |
|
|
|||||||
| مجلس الحوار و المقالات مناقشة القضايا الإنسانية والفكرية و الأحداث الراهنة ، يمنع نشر المشاركات المنقولة . |
 |
|
|
LinkBack | أدوات الموضوع | تقييم الموضوع | طرق العرض |
11-25-2004, 01:51 AM
|
#41 | ||||
|
مساء الخير ..
اكيد الشهاده مهمه خصوصا بمجتمعاتنا ..  لكن اذا الرجل ناجح بعمله ومثقف (والثقافه مالها علاقه بدرجه التعليم على فكره ) واخلاقه طيبه ورزين ومايعاني من اي عقده نقص لانه ما انهى دراسته الجامعيه .. وشاريني مثل مايقولون .. ليش لا !! ما اعتبر ان طموحي نزل حزتها .. لان ببساطه طموحي مو شهاده زوجي .. شالفايده منها اذا الاخ بايع الدنيا بقشره بصله ولا هامه لا دين ولا مذهب ولايحزنون ؟؟ ماتنفعني شهادته حزتها .. صح ولا لاء ؟ وبعدين مافي وحده تنكر انها تبي زوج له مكانه اجتماعيه .. او منصب وظيفي ممتاز واكيد الغالبيه حاط بباله انه هالمكانه ماتتم الا بوجود شهاده .. ليش يعني؟ شمعنى !! ياما ناس بدوا من الصفر .. بدون شهادات ولا رأس مال يعتمد عليه .. تثقفوا بنفسهم وتعلموا من تجاربهم وصاروا اصحاب ثروات بعد (اوضح وجهه نظري للبنات الماديات واللي خايفين يحوشهم الفقر اذا خذوا صاحب شهاده ثانويه ) ... ما احتاجوا اوراق مختومه يثبتون ذكائهم وقدرتهم على النجاح .. لا ن كل عاقل بيشهد لهم على نجاحهم وتفوقهم .. على العموم .. ماعتقد ان الان صار في احد يكتفي بشهاده الثانويه بس .. صار الحصول على اكبر قدر من التعليم غايه الكل (الحمدالله يعني  ) ..فلا تحاتون يابنات ..  انشالله كل وحده منكم بيتقدم لها دكتور جامعي مو بس جامعي 
|
||||
|
11-25-2004, 02:04 AM
|
#42 | |||
|
السلام عليكم
=== ((شو خليت حق الأجانب يوم يقولون عنا أنتوا العرب متخلفين )) هذا كلامج جبل الهموم هههههههههه انا ما قلت العرب لاحظي اوكي و دققي فالكلام اول شي ثاني شي منو قالج انهم ما قالو متخلفين قالوها تعرفين لــــيـــــش ناااس تموت و ناس تشتت و ناس مب محصله لقمه تاكل وناس تنطرد و تدهدم بيوتهم و ناس يتغصب عرضها و يهان شرفها و غيره وغيره و غيره و بتعب من الكلام و كل هذا و احنى شو نسوي ؟؟؟؟ نراكض ورا البنات و اللعب ؟؟؟ صح ولا كلامي هالمره ما عيبج بعد من حقهم والله يقولون متخلفين حتى فأصغر شي مثل العرس ما تقدرون تفكرون مسوين من العرس قصه في اماكن الناس تعرس بكل سهوله و يعرسون اربع مب حرمه وحده بس هذا كله من منو ؟؟؟ حسبيها فالاول بعدين تعالي قولي كلام ما تعرفين شو معناه ويالله بس حبيت اذكركم انه في ناس بعدها تموت و انتو يالسين تلعبون وتروغون البنات ما همكم غير الفلوس واللعب لو الشهاده ما اظهر الراتب لو ما درستو (( هالكلام للبعض ما اطري الكل شوفي عدل عشان تقولين احنى و احنى )) ويالله السموحه منكم مع السلامه |
|||
|
11-25-2004, 06:44 PM
|
#43 | |||
|
السلام عليكم جميعاااا...
اخوي envy, اختي جبل الهموم.. احب اشارك واجول ان الموضوع ما يستاهل النقاش الحاد اللي انتوا امسوينه.... مب حلوة منكم الصراحة انكم تتختلفون جدام اعضاء المنتدى وتدخلون في نقاشات حادة انتم في غنى عنها... لانه في الأخير هذا الموضوع انطرح للمناقشة من كل الطرفين حتى يتناقشون فيه بكل عقلانية وروية ... اتمنى منكم ان تتقبلوا رايي واتهدون النفوس والله ايسرلكم اموركم.. مع احترامي: عاشقة الإمارات |
|||
|
11-25-2004, 07:19 PM
|
#44 | ||||
|
الســــلام عليكـــم .. بصراحــة موضوع حساس وايد..
بس انا ما باخذ واحد مب جامعي .. حتى لو انا ما كملت دراستي .. لانه ريال و وراه اسرة و مسؤوليات .. و الحينه الجامعي مب محصل وظيفة فما بالكم بواحد عنده ثانوية ؟؟ مستحيل يكون راتبه اكثر عن 7000 و السبعة ما تسوي شي الحينه .. و السموحة 
|
||||
|
11-25-2004, 10:05 PM
|
#45 | |||
|
كلام معقول جدا اختي رهف.. أتفق وياج
أخوي الجوكر.. من ناحية الشاب إذا تقدم لخطبة فاة ورفضته.. يمكن هالشي يخليه إيفكر بالمغازل.. بس مو كل الشباب يغازلون عسب والله البنت ما رضت به.. هم يغازلون لأنهم يبون يغازلون.. يعني اتعودوا على هالشي.. من ناحيتي لو ياني جذي ريال.. يعني ما عنده شهادة جامعية أو ثانويه.. المهم إنه ريال على خلق ودين و يشتغل شغله نظيفه يحصل عليها راتب يعيشنا، برضى بالريال.. وبشجعه إنه يكمل دراسته.. بأسلوب حلو.. إذا رضى خير و بركه.. مإذا ما رضى على راحته.. المهم إنه معاشه تماام.. وبصراحه أنا أفضل تفكير البنت الجامعية.. لأنها شافت الدنيا أكثر واتعرف الحياه.. يعني بتعرف تتعامل ويا الريال أحسن من اللي عندها ثانويه.. بس مو معنى هالشي انها اتخق عليه.. أصلا لة اهي تحبه ما بترضى انها تحسسه انها أعلى منه.. ممم.. فيه بنات تفكيرهم شوي معقد (آسفه ما أقصد الاهانه)  .. بس يحلمون بفارس أحلام مو موجود إلا ف أحلامهن.. يعني بيتريون لين ما يعنسون.. هم اكو شباب ما يبون إلا البنية الجامعيه .. واللي ما عندهن شهادات جامعية وين يروحن؟؟ .. الحال من بعضه بالنسبة للبنات أو الشباب.. |
|||
|
11-25-2004, 10:27 PM
|
#46 | |||
|
السلام عليكم
اشكرج اختي العاشقه بس ما حصل شي حوار عادي هههههههههههه حتى شوفي اضحك والله عادي روحي ادور حد اناقشه بس المشكله يوم الطرف الثاني يقول كلام ما يعرف معناه عسبت جذي يمكن كتبت اكثر عن موضوع و رديت عليها مب معناه انه انا معصب ولا شي ولا نقاش حاد لا عادي هذا حوار طبيعي هههههههههههه و اشكرج على مشاركتج بس حبيت اقولج كلمه انتي و جبل الهموم ممكن تعبرولي عن الي يصير شوفو الرد الى فوقي في بنيه كاتبه اونه راتب الريال 7000 ماضني يعيش اسرة شو ارد عليها هاي ؟؟؟ والله في ناس ما تقرى ما يهمها الموضوع بس تبا تكتب رايها و خلاص لا هاي قضيه حساسه انا اعرف ناس راتبها 5250 و فوق هذا عندهم الخير كله مب انه ماعنده شهاده خلاص يعني ماعنده تجاره ولا غيره و بعدين شفتو كيف تفكيرها مب شهاده لا تقول لو جامعي راتبه ما يوصل 7000 شو يعني هذا ؟؟؟ مب مهمه الشهاده ولا الريال ولا دينه ولا شي المهم فلوسه و راتبه و كيف بيعيشها هذا همهم شفتي جبل الهموم ههههههههههه عشان تقولين والله المتعلمين مب متخلفين ويالله السموحه هههههههههههه وتسلمين عالرد اختي عاشقه ولا يروح بالج بعيد ترى موضوع عادي و نقاش عادي لا تسوينها قصه بعد ((cnn)) هههههههههه مع السلامه والله يهديكم ان شاء الله |
|||
|
11-25-2004, 11:53 PM
|
#47 | |||
|
السلام عليكم
اشكرك اخوي على ردك لي ... واسمحلي على السوء التفاهم اللي صار والله الصراحة انا من ناحيتي كطالبة جامعية اذا ياني واحد وخطبني ما بلتفت لأموره المادية اذا كان غني ولا لا... وما بسال كم يقبض معاش في اخر كل شهر ...لانه ياما شباب غير متعلمين اتزوجوا وكونوا اسرة وهم في الأصل ما عندهم غير القليل اللي ينذكر.... وانا بالنسبة لي ما اهتم في هال الأشياء...لانها أمور دينياوية وانا الريال ما اتزوجه عسب بيزاته .. انا بتزوجه لذاته لاني طالبة الستر والزواج...و كبنت مواطنة من عايلة محترمة اول شي بسيوه اني بسال عنه هو نفسه.. هل هو مصلي وخايف ربه؟؟؟؟ هل هو بار بوالديه و لا لا ؟؟؟ واذا حسيت بعمري مترددة.. فبصلي صلاة الإستخارة لانها بتريحني وبتيسرلي اموري... صح ولا انا غلطانة... وفي الأخير ايتم هذا راي في الموضع لا غير... ردوا علي ارجوكم.... مع احترامي: عاشقة الإمارات |
|||
|
11-26-2004, 05:31 PM
|
#48 | ||||
|
بسم الله الرحمن الرحيم
اخ عيناوي مشكور على طرح الموضوع اللي يعاني منه اكثر بنات المجتمع الجامعيات.. فعلا البنت الجامعية يوم يتقدملها شخص مو مكمل تعليمه وهي ما عندها مانع من هالشي الا انه يظل في داخلها خوف من كيفية تعامله معها.. وخوفها انه في يوم من الايام بيحس بالنقص تجاهها وتكون عنده ردة فعل مخيفة.. يعني البنت في البداية مستحيل تعرف طريقة تفكير الرجل اللي متقدملها.. وهذا السبب هو اللي يخلي البنت العاقلة تخاف من اقدامها على الموافقة..  اما البنت اللي ماهمها الا ان اللي متقدملها يكون بنفس مؤهلها او اكثر عشان تقدر تتفاهم معه.. فهي اكيد غلطانة مية بالمية.. كثير رجال وصلوا لدرجة الدكتوراة وعقلياتهم متحجرة وما يقدرون يتفاهمون الا مع انفسهم.. وكثير بعد الرجال اللي تعليمهم اقل لكن رجال بمعنى الكلمة.. رجاء لا تظلمون الجامعيات يوم يرفضون الغير جامعيين بعضهن لهن اسبابهن اللي ذكرتها.. (الخوف فقط لا غير)..  ممكن توافق لكن بيظل الخوف ملازمها الين ما تتأكد من طريقة تفكير زوج المستقبل.. عاد متى تتأكد فالله اعلم.. صدقوني هالكلام اقوله من واقع تجربة شخصية.. اخوي الجوكر انا بصراحة ابدا ما أأيدك بسالفة علاقة العقل بالجامعة... بسألك هالحين هل طريقة تفكير الجامعية هي نفسها طريقة تفكير الامية؟؟؟؟؟؟ الاختلاف واضح... ياخي اذا خطبت لاتخطب وحدة جامعية ماتعرف شي بالمطبخ... لان يا كثر الجامعيات الطباخات ولا امية حتى ما تعرف تكتب اسمها هذي تفكيرها بيكون على قدها وما بتتعامل معك الا مثل ما تعاملت جدتي مع جدي يعني ماخذتك عشان تخدمك وتجيبلك عيال وبس.....  الوسط مطلوووووووووووووب ياعاااااااااااالم  سوري لاني طولت بالحكي 
|
||||
|
11-26-2004, 07:32 PM
|
#49 | |||
|
السلام عليكم و رحمه الله و بركاته
عاشقه الامارات كل كلمه قلتيها احلى كلام سمعته و عين الصواب صح كلامج صح و اتمنى يا رب اتمنى بس كل بنيه تفكر شراتج جان بتنحل قضية العنوسه بس الشباب بعد الله يهديهم يلعب يعلب و يلعب و يرمس بنات و يغازل ويقص عليهن اونه بزوج و غيره من هالكلام المعسل لاحظوو يا بنات فأخر شي شو يسوي شو يقول لا حظووو يا بنات يروح عند امه و يقولها دورلي على بنت ناس متلزمه و تصلي و تخاف ربها ولا تضيع فرض و اباها بنت ناس لا تطلع ولا هالسوالف ملتزمه ههههههههههههههههه صح كلامي ولا لا ههههههههههههه الله يهديهم يا رب بعد اللعب و الكلام و الجذب على البنات يقول دورولي على بنت ملتزمه ههههههههه و صدقوني انه واحد بالميه يحصل بس اكثرهم كما تدين تدان يطيح على بنيه شراته يوم يت تعرس تبا واحد ملتزم ^__^ شو رايكم كلامي مضبوط ولا فيه عيب ليش ما نكون من البدايه ملتزمين و نكون سمعه حلوه كل العرب تطريها ويضربون فيك الامثال فكرو بس اطلب منكم التفكير فالكلام والله يهدي الجميع ان شاء الله و عاشقه لا تترين حد يقولج هذا صح ولا غلط كلامج مضبوط 100% و السموحه منكم مع السلامه ربي يحفظكم ^__^ |
|||
|
11-26-2004, 08:31 PM
|
#50 | |||
|
انا ماشوف فيها اي شيء ,
لانه الرجل باخلاقه ومع العلم لو كان مكمل دراسته افضل بس لوماكان متوفق بدراسته وتوفق بدينه واخلاقه وعقله00لانه هالشيء المهم بس بالزمن ذا الواحد يفكر برجل عنده شهاده جامعيه علشان يمكل المظهر الخرجي بس لانه في اسر ترفض تزويج بنتهم الا لمايكون جامعي وبكذا ابارك للبنات بزياده نسبة العنوسة لى رجعه ثانية تحياتى لكم |
|||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
