|
|
|
|
|
|
||
| إعلانات منتديات ألم الإمارات |
|
|
|||||||
| مجلس المقابلات المواضيع المطروحة عبارة عن مقابلات ، يتم اختيار الضيف من قبل إدارة المنتدى بعد تنسيق مسبق قبل طرح الموضوع |
 |
|
|
LinkBack | أدوات الموضوع | تقييم الموضوع | طرق العرض |
09-08-2005, 08:53 PM
|
#1771 | |||||
|
***
حلو .. بقراها على ضمانتج .. بس مب الحين .. لازم اخلص مجموعة القصص اللي مطلوبه مني اخلصهم .. وان شاءالله بتفرغ للقصص على الانترنت .. ***
|
|||||
|
09-08-2005, 10:06 PM
|
#1772 | ||||
|
هالمره جايتك بأسئله والله يعينك على الاجوبه ..!!
--- * لماذا اخترت منتدى ألم امارات وكيف سمعت به ؟ *هل انت متابع لردود قراء معينين ؟ وتحب تقرى نقدهم او ارائهم على القصص ؟ واذا تقدر تذكرلنا اساميهم مافي مانع .. * هل تعتقد الرومانسيه ضروره لانجاح القصه ؟ * ماهو احلى ردّ كتبه هيمان ؟ * هل تهتم بالتقييم ؟ وهل حدث ان قيمك احدهم تقييم سيئ ؟ وما هو اجمل تقييم وصلك ؟ *" الماضي .. هذه الكلمه تؤرق بعض الناس او تؤنبهم لان الماضي عندهم فتره زمنيه يبون يمحونها من الحياه .. والبعض يشتاق لها يود لو ان ترجع به الحياه للوراء لكي يتمتع بكل لحظه .. انت من اي الصنفين ؟ وماهو الماضي بالنسبه لك ؟ " *" المـوت .. ومفارقه الاحبه وعدم رئيتهم لأبد الابدين .. شنو يأثر بنفسك لي سمعت هالكلمه ؟ تخاف منها تستعد لها ؟؟ " *" جاك شخص من الناس المتفتحين حيل .. وقالك والله الامارات شعب متخلف تسأله يقولك التمسك بالعادات والتقاليد هذي شغله منذ الزمن الجاهلي .. ويقعد عاد يشرح لك عن التطور ومواكبه عجله التطور ومن هالكلام شراح اترد عليه ؟ ؟" *"شراح اتسوي اذا ضاع تلفونك وبوكك بواحد من هالمجمعات وانك توك ماخذ اول معاشك مستانس فيه وجاي تتشرى ومطلع اهلك .. وتلفونك توك شاريه جديد وبوكاميره فيه صوور شراح اتسوي ؟ " *تعرف شهرزاد الامارات تقرى لها ؟ * تصميم عجبك ودك انت اللي صممته ..!! * منو تتمنى يكون ضيف الحوار ؟ * شي ماتقدر تشتغني عنه ؟ * اسباب اغلاق القصص وهل انت مع ام ضد ؟.. ( ودي اعرف رايك ) *حكمه انت ماتطبقها .. ودك تطبقها ؟ * شمعنى اخترت اسم هيمان ؟ * من خلال ردود احس ان خواتك بعد يحبون القصص .. منو اللي حبب الثاني انه يقرى ؟ * ضاقت عليك من كل الجهات .. ودك شخص تفضفض له منو هالشخص ؟ * وصلت لك رساله من مجهول اول شخص يطري علىبالك منو ؟ * احلى نكـ نيم مر عليك بالمنتدى ؟ * عضو ودك تغير نكه ؟ وعضو ودك تعرف معنى نكه ؟ اسئله متعبه صح ؟ لكن وين بتروح منا .. وراك وراك .. باجي يومين لازم نستغلك ..  * شنو كانت بدايتك بالنت ؟ يعني شاللي اجذبك له ؟ * الكويت دوله .. ( يعني قايله شي ؟ ) اقصد هل زرتها بيوم ؟ وشنو انطباعك عنها ؟ وهل انت مقتنع ان المسلسلات تقدم صورة واقعيه عن الشعب نفسه ؟؟ * امنيه ماتحققت ؟ وامنيه ودك تحققها ؟ * الوداع كلمه من حروفها تعور القلب .. انت شنو انطباعك عنها ؟ * دايما يقولون لاتحكم على الشخص من اول نظره .. لكن ساعات تعرف نوعيه الانسان من شكله ؟ هل انت مع عدم الحكم من الانطباع الاول ؟ وان الانسان ماينعرف الا بالعشره ؟ * مارأيك في دموع الرجل .. أمام من يـُحب ؟ *هناك مقولة تقول ( اللهم اكفني شر اصدقائي اما أعدائي فأنا كفيل بهم ) ماهو تعليقك عليها ؟ *ماهو الحد الفاصل بين الخيال والواقع ؟ *اذكر لنا عشراعضاء تركوا بصمه بمنتديات الم امارات ؟ شكلها الصفحه بتعلق .. بنزل الرد احسن ..!! انين
|
||||
|
09-08-2005, 10:06 PM
|
#1773 | ||||
|
السلام عليكم ورحمة الله وبركاته
" هيمان 15 " متواجد دائما ولكن خلف الستار <<<<<< انا بعد نفس الحالة <<<<< وانتي شو دخلج فالسالفة  الصراحة ما هان عليه يتسكر الموضوع و مالي رد فيه .. انا عندي كم سؤال <<<< بس لا تخاف ما بثقل عليك وايد  First >>>> هل انته من النوع اللي يحكم عالاشخاص من أول موقف يتعامل فيه معاهم ؟؟ Sec >>>> شو اللي خلاك تتجه لقراية القصص [ بالعادة الشباب ما يميلون لهالسوالف ] ؟؟ The last>>>> شو اللي خلاك تفكر فالهندسة ؟؟ وقرار دخولك الهندسة هل هو صادر من نفسك ولا في حد اقنعك فيها ؟؟ وشو رايك في دراسة البنات للهندسة بشكل عام ؟؟ هذا كل ما في " جعبتي " <<<< ذكرتني بالرسوم " في جعبتي حكايا " ل وووووووووو ل  امممممم بعد سؤال دام طرينا الرسوم .. شو الروم اللي كنت تحبهم وانته صغير ؟؟؟ أخيرا لك مني أطيب التحيات وتمنياتي لك بالتوفيق الدائم ودامني يالسة قبل شوي أطالع مباراة الوحدة .. حبيت أعرف إنته أي فريق تشجع ؟؟ <<<<<<<<<< سؤال داش عرض  ختك كبووووووووووووووووووووووووووووشة
|
||||
|
09-09-2005, 06:12 PM
|
#1774 | |||||
|
[QUOTE]
انين [/QUOTE] كشخه الاسئله .. بحاول اني اجاوب على كل شي ..  *** * لماذا اخترت منتدى ألم امارات وكيف سمعت به ؟ ج :- كنت مسجل في منتدى عسبت قصه .. واللي تنزل القصه .. كانت تنزلها جزئين جزئين .. وتتأخر وحالتها حاله .. عاد هيمان الله يعطيه العافيه .. طرش رساله لها .. وبكلمتين حلوين .. عرفت من وين تيبها .. وكان الم الامارات .. اول مادخلت انصدمت من القصص الموجوده .. وااااايد .. يمكن تميت 3 شهور .. اقرا بدون اشتراك .. لين ماسجلت وشوفت عينج .. *** *هل انت متابع لردود قراء معينين ؟ وتحب تقرى نقدهم او ارائهم على القصص ؟ واذا تقدر تذكرلنا اساميهم مافي مانع .. ج :- اول كنت اتابع بشكل مستمر .. لكن الحين ناس وناس .. بشكل مختصر .. موجودين فقصة بلا اتجاه .. الاخت اندلسيه .. سماء القلم .. حلم يقظه .. انين الصمت .. تدرين .. اليوم شفت رد مسكت بجد .. عجيب .. رد حلم يقظه في نفس القصه .. لو حابه .. روحي شوفيه .. قريته مره ومرتين وثلاث .. عقب قريت رد الاخ انا راحل عليها .. وتقريبا اقتنعت بكلامه .. لكن بعدني اشوف ردها الاحسن .. *** * هل تعتقد الرومانسيه ضروره لانجاح القصه ؟ ج :- اكيد لا .. ومب ضروري .. و بصراحه انا اشوف القصص اللي تنكتب على اساس انها رومنسيه .. تكون فاشله .. (( من وجهت نظري )) *** * ماهو احلى ردّ كتبه هيمان ؟ ج:-  مادري والله .. ردودي كلها بسيطه .. ومافيها زود .. 169 مشاركه من غير اللي اكتبها !! *** * هل تهتم بالتقييم ؟ وهل حدث ان قيمك احدهم تقييم سيئ ؟ وما هو اجمل تقييم وصلك ؟ ج :- مب وايد .. والحمدلله .. محد قيمني تقيم سيئ .. واجمل تقييم كان على توقيع انا حاطه .. شعر عن الام .. ماعرف منو قيمني .. تعليقه كان بيت من الشعر المكتوب فتوقيعي .. *** *" الماضي .. هذه الكلمه تؤرق بعض الناس او تؤنبهم لان الماضي عندهم فتره زمنيه يبون يمحونها من الحياه .. والبعض يشتاق لها يود لو ان ترجع به الحياه للوراء لكي يتمتع بكل لحظه .. انت من اي الصنفين ؟ وماهو الماضي بالنسبه لك ؟ " ج :- في ماضي حلو .. وماضي مر .. اكيد الناس تبي تتخلص وتفتك من المر .. وتحاول تتذكر الحلو .. عن نفسي .. الماضي فتره حلوه عدت .. استمتع بس بذكراها .. واعرف عمري .. لو بحاول اني اعيدها .. بتفقد طعمها .. ويمكن اكرها .. بعطيج مثال بسيط .. اول ايام الكمبيوتر .. الفملي والسيجا والنينتندو .. الحين يوم نتذكرها نشوف انها احلى العاب .. ولو فكرنا نرجع نلعبهم مره ثانيه .. بننصدم بالفرق الكبير اللي بينها وبين البلي ستيشن .. او الاكس بوكس .. (( ها شي من الاشياء )) .. *** *" المـوت .. ومفارقه الاحبه وعدم رئيتهم لأبد الابدين .. شنو يأثر بنفسك لي سمعت هالكلمه ؟ تخاف منها تستعد لها ؟؟ " ج :- يعورني قلبي على ناس ماتوا وانا ماعرفهم .. شو تتوقعين من اعز الناس والاحباب .. بصراحه .. اذا بفكر من جي .. اتمنى اموت وماعيش هاللحظات .. لكن يوم افكر فالحساب اعرف اني ببقى مقصر .. اغاني .. وحش فالخلق .. ووقت ضايع على اشياء ماتستاهل .. *** *" جاك شخص من الناس المتفتحين حيل .. وقالك والله الامارات شعب متخلف تسأله يقولك التمسك بالعادات والتقاليد هذي شغله منذ الزمن الجاهلي .. ويقعد عاد يشرح لك عن التطور ومواكبه عجله التطور ومن هالكلام شراح اترد عليه ؟ ؟" ج :- هذا الكلام مايفيد معاه .. مابينفع معاه الا العصا  .. بمسكه وبجلده جلد لا صار ولا استوا .. (( تخيلي )) بشكل جدي .. هذا الكلام ماينفع معاه .. بمسكه وبمشيه فالاماكن التراثيه اللي عندنا .. بحاول احببه فيها ..يوم بوديه معاريس .. ويوم بوديه البر .. ويوم متاحف ... ويوم بحر .. بقد ماقدر بخليه يتعرف على كل شي .. وعقب ببدأ احاول اني اخليه يتقبل هالشي بدون مابين له انه كان متعصب ومخالف هالشي .. طبعا بعد هذا كله .. بخليه يشوف احنا لين وين وصلنا .. بعد ماحسسته بالماضي .. يا دور التطور .. يعني ان شاءالله بقنعه انه الفكره اللي ماخذها غلط .. *** *"شراح اتسوي اذا ضاع تلفونك وبوكك بواحد من هالمجمعات وانك توك ماخذ اول معاشك مستانس فيه وجاي تتشرى ومطلع اهلك .. وتلفونك توك شاريه جديد وبوكاميره فيه صوور شراح اتسوي ؟ " ج :- اما هذي صدق مصيبه ..اول الشهر وطار البوك ..  .. بعق عمري فالارض وبصيح وبرافس بريولي .. تدرين .. ماقد نزلت بكامل فلوسي فمكان .. دايما احط فالبوك 100 درهم .. والباقي فطفاية السجاير ..لأني اعرف عمري .. مابحتاج اكثر .. والتلفونات دايما تكون فيدي .. اذا حصل وضاع .. اتصل على رقمي .. اذا مغلق عليه العوض .. واذا طلع الريال نشمي .. بيرد لي التلفون .. *** *تعرف شهرزاد الامارات تقرى لها ؟ ج :- هيه اعرفها .. لكن ماقد قريت لها .. *** * تصميم عجبك ودك انت اللي صممته ..!! ج :- تصاميم وايد عيبتني .. قبل فتره كان العضو ساهر للأبد مثبت موضوع يتكلم فيه عن فكرة التصميم .. وكان داعم الموضوع بتصاميم خيال .. خزنت اللي عيبني .. ومسئلت ودي .. زين يطلع مني شي عدل .. دايما شغلي مخبوص ومرقع >.< *** * منو تتمنى يكون ضيف الحوار ؟ ج :- مافي حد معين في بالي .. اسف *** * شي ماتقدر تشتغني عنه ؟ ج :- كنت اقول التلفون .. لكن الحين اقول مفتاح السياره *** * اسباب اغلاق القصص وهل انت مع ام ضد ؟.. ( ودي اعرف رايك ) ج :- اكيد مع .. لكن تغلق القصه على سبب يستاهل .. اسمحيلي انين .. في قصص اقل شي يقال عنها (( .... )) ولين الحين اشوفها موجوده .. وفي قصه كنت اتابعها تم حذفها بدون سبب .. يعني يا يطبق القرار على الكل .. او يلغى من الاساس .. *** تركت لج اختيار الكلمه المناسبه لتضعيها بين قوسين .. *** *** * شمعنى اخترت اسم هيمان ؟ ج :- مادري .. ولي نك ثاني بعد .. أسير .. (( بس مب فالمنتدى )) *** * من خلال ردود احس ان خواتك بعد يحبون القصص .. منو اللي حبب الثاني انه يقرى ؟ ج :- مالهم خص فالقصص .. توهم قبل فتره بس .. *** * ضاقت عليك من كل الجهات .. ودك شخص تفضفض له منو هالشخص ؟ ج :- اقرب الناس لي .. ربيعي *** * وصلت لك رساله من مجهول اول شخص يطري علىبالك منو ؟ ج :- أتم محتار .. لأني صدق هالفتره في حد يطرش لي بطاقات وايميلات .. رديت عليه بأيميل اقوله من انت .. يقولي كيف ماتعرفني .. وانا الحين صديقك بالمراسله ومع الايام بتعرفني .. !!!! *** * احلى نكـ نيم مر عليك بالمنتدى ؟ ج :- في نكات حلوه مثل .. شجون الغربه .. سلوة الخاطر .. رعشة جفن *** * عضو ودك تغير نكه ؟ وعضو ودك تعرف معنى نكه ؟ ج :- نك كأنه حقير المحبه .. والنك اللي ودي اعرف معنى نكه كان سنقباسي *** اسئله متعبه صح ؟ لا مب صح .. *** * شنو كانت بدايتك بالنت ؟ يعني شاللي اجذبك له ؟ ج :- ماذكر متى بالضبط .. بس قبل مايكون لي كمبيوتر خاص فيني .. كان عندي ايميل وربع فالماسنجر .. يوم اسير عند ربعي اللي عنده نت ادخل واجيك على الايميل واشوف الماسنجر .. عقب يبت لي كمبيوتر وبدا يزيد اهتمامي .. منتديات .. انمي .. جات .. العاب .. *** ---->
|
|||||
|
09-09-2005, 06:14 PM
|
#1775 | |||||
|
الصفحه ماشلت الرد كامل .. *** * الكويت دوله .. ( يعني قايله شي ؟ ) اقصد هل زرتها بيوم ؟ وشنو انطباعك عنها ؟ وهل انت مقتنع ان المسلسلات تقدم صورة واقعيه عن الشعب نفسه ؟؟ ج :- اذا قلت لج عندي اهل فالكويت بتصدقين ؟؟ لكن لا تقولين لي من وين لأني ماعرف .. واتمنى بصدق اني ازور الكويت .. اممم على المسلسلات تقريبا مقتنع بس مب كل الاقتناع.. احس انه احوال الشعب تتدهور .. *** * امنيه ماتحققت ؟ وامنيه ودك تحققها ؟ ج :- اني اكمل دراسه برا .. وودي اخلص دراستي بنجاح .. *** * الوداع كلمه من حروفها تعور القلب .. انت شنو انطباعك عنها ؟ ج :- ماحب اودع حد .. ودايما اقول فنفسي الايام جمعتنا الحين .. وان شاءالله بتتكفل بالياي .. *** * دايما يقولون لاتحكم على الشخص من اول نظره .. لكن ساعات تعرف نوعيه الانسان من شكله ؟ هل انت مع عدم الحكم من الانطباع الاول ؟ وان الانسان ماينعرف الا بالعشره ؟ ج :- بالنسبه لي .. الانطباع الاول هو الدائم .. الا اذا الشخص نفسه حاول يحسن من صورته (( اذا كان الانطباع الاول سلبي )) *** * مارأيك في دموع الرجل .. أمام من يـُحب ؟ ج :- امممم سؤال محرج ويمكن تقولين ها مغرور .. لكن بجاوب .. (( اذا تقصديم بكاء الاحبه )) المفروض انه الريال ماتنزل دمعته .. *** *هناك مقولة تقول ( اللهم اكفني شر اصدقائي اما أعدائي فأنا كفيل بهم ) ماهو تعليقك عليها ؟ ج :- لا ياختي .. انا ربيعي سندي وعوني .. اخوي اللي مايابته امي .. *** *ماهو الحد الفاصل بين الخيال والواقع ؟ ج :- ممكن تصيغين السؤال بصيغه ثانيه !! .. فهمته ومافهمته .. *** *اذكر لنا عشراعضاء تركوا بصمه بمنتديات الم امارات ؟ ج :- اممم .. تواجدي دايما فمجلس القصص والتصميم .. ومرات اكون فالانمي بس مارد .. اسمحيلي احط اكثر من عشره .. بحط اللي يحضرني من الاسامي .. 1 :- شوق بوظبي 2 :- احبك انت 3 :- العيناويه 4 :- ظنون (( اول اربعه انقطعوا عن المنتدى .. عسب جي بديت فيهم )) 5 :- حارس الارواح 6 :- جرح الامارات 7 :- aNeeNalsmT 8 :- ريح الخزاما 9 :- جنيه ان ذا قوطي 10 :- الحلوه دوما 11 :- الفيلسوف 12 :- الجريح 13 :- بقايا خفوق 14 :- ولد امه 15 :- قاصد 16 :- نونو 17 :- الساهر للأبد *** شفتي ماتركت شي ..
|
|||||
|
09-09-2005, 06:32 PM
|
#1776 | ||||||
|
اقتباس:
كيف انتي شو دخلج فالسالفه .. انتي الكل فالكل ..  تسلمين اختي .. من ذوقج وطيب اصلج .. وعلى الاسئله .. على راحتج .. اذا لين ماتحسين انه مافي اسئله .. *** First >>>> هل انته من النوع اللي يحكم عالاشخاص من أول موقف يتعامل فيه معاهم ؟؟ ج :- هيه نعم .. الانطباع الاول هو الدائم .. *** Sec >>>> شو اللي خلاك تتجه لقراية القصص [ بالعادة الشباب ما يميلون لهالسوالف ] ؟؟ ج :- لأني احب القراءه .. واعتبر القصص الطويله مثل التلفزيون .. *** The last>>>> شو اللي خلاك تفكر فالهندسة ؟؟ وقرار دخولك الهندسة هل هو صادر من نفسك ولا في حد اقنعك فيها ؟؟ وشو رايك في دراسة البنات للهندسة بشكل عام ؟؟ ج :- شهادة الهندسه قويه .. وبحصل لي وظيفه قويه وبسرعه .. وقرار دخولي كان نابع من نفسي .. البنات ماشاءالله عليهم .. كل شي تفوقوا فيه .. تتوقعين بيقفون على الهندسه ؟؟ (( صاروا مثل الجراد .. كل شي قضوا عليه  .. وباجر بتشوفين الشباب يخمون ويطبخون ..  )) ... *** بعد سؤال دام طرينا الرسوم .. شو الروم اللي كنت تحبهم وانته صغير ؟؟؟ ج :- وايد .. توم سوير .. فلونه .. جازورا .. كبماروا .. رانزي الساحره .. رحلة عنابه .. سندباد .. رعد العملاق .. (( طلعت الفضايح  )) .. *** ودامني يالسة قبل شوي أطالع مباراة الوحدة .. حبيت أعرف إنته أي فريق تشجع ؟؟ يوم كنت اتابع الدوري الاماراتي كنت اشجع الوحده .. لكن تركت الكوره العربيه .. وصرت اتابع البطولات الاوربيه .. بس الحين رديت اتابع الدوري الاماراتي .. واشجع بني ياس .. *** اشكرج على حضورج .. لج مني كل الود ..
|
||||||
|
09-11-2005, 05:58 AM
|
#1777 | ||||
|
سبحان الله شلون الايام تمر وينقضي الوقت برمشه عين ..!!
طاف اسبوع مثل البرق .. وانتهى موعدنـا مع أخونـا هيمـان .. وكم يسعدنا ويشرفنا هاللقاء .. بالفعـّل كان ممتع .. وتعرفنا على هيمـان بصورة مبسطه .. واحب اشكره لانه ماقصـر ولبى دعوتنا وخذا من وقته وعطانا .. وجاوب على اسئلتنا بإجابات وافيه .. ويمكن في نقاط ذكرها احنا كمراقبين خذيناها بعين الاعتبار .. وفي كلمه يمكن الكل حاب يقولها لهيمــان ..!! اطلع من بوتقه الصمت والسايلنت اللي حاطها لنا بالمنتدى هاهاي وشاركنـا .. ولو احنـا نستاهل ترى .. <<-- موغصب ترى ..**!! وان شاء الله نشوف مشاركاتك .. وانا اطمح اني اشوف اسمك مشترك معانا بالمسابقه المحضرّه حاليا .. وشكرا لك .. وسامحنـا على القصـور .. واذا حاب تقول كلمه اخيره يلا ترى الميكروفون معاك .. تقبل مني اطيب وارق تحيه اختك/ انين
|
||||
|
09-11-2005, 12:42 PM
|
#1778 | |||||
|
... السلام عليكم ورحمة الله وبركاته .. شحالكم .. ان شاءالله الكل مرتاح .. .. كملنا اسبوع مثل العسل .. والله ماحسيت فيه من حلاته .. و شرفني أن أكون ضيف هالأسبـوع .. حبيــت أشكر جزيل الشكـــر للإخت أنيــن الصمــت .. على الإستضافه الطيبــه .. استمتعت كثيرا .. أستمتعت . . بتواجدكم .. بحضوركــم .. بأسئلتـــكم .. أتمنى هالحوار لاقــى إستحسانــكم .. واني كنت عند حسن الظن .. فـالأخيــره حاب اقول : شكرا يا مراقبين مجلس القصص .. جزيل الشكر مع باقات ورد لكل من شرفني بحضوره .. .. أشكركم كلكــــــــم ..همسه اخيره : إختي / أنين .. تسلميــن وماقصــرتي .. الله يعطيج العافيه .. وعسـاج على القـوه إن شــاءالله .. إسمحيلي على التقصــيـــر .. *** السموحه منكم كلكم .. اخوكم الصغير .. هيمان ..  ..
|
|||||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
