موقف من مواقف الحياه (( الطلاق)) موضوع نقاش ؟؟؟؟؟

المشاركة الأصلية كتبت بواسطة Wolf Tear

شكرا لج اختي شجون الامارات على المواضيع الرائعة



ففي رأيكم ما هي الاسباب التي تؤدي الى الطلاق ...؟؟؟؟؟؟؟؟

سوووء التفااهم بين الزوجين او انه الزوج كان مغصوب انه ياخذ البنت او العكس


ومن هم الاطراف الذين يسعون الى المشاكل المستمره في الحياة الزوجه والتي تؤدي الى هلاك اسره بأكملها ؟؟؟؟

اظني كل الاهل يلبعون دور في المشاكل او حل المشاااكل بس ام الزوجه و الزوج

لهم دوور رئيسي





شكرا لج مره ثاانية يا شجون على الطرح الرائع


تحياتي لج

المشاركة الأصلية كتبت بواسطة وّد

وعليكم السلام ورحمته الله وبركاته

الف شكر لج اختي شجون الامارات علىموضوعج الراقي جدا وبارك الله فيج اختي وعساج علىقوه دوم ..

بالنسبة للموضوع المطروح للنقاش ...

الطلاق للاسف .. كلمه وايد صغيره بس معناها وايد كبير ونتائجها وايد معقده ..

1. للاسف بعض الاباء لا يهتمون بمصير الابناء للاسف يعني ما يضحون عشان اولادهم يكونون انانين في كل شي بس يبون يخلصون هذه الحياة الي جمعتهم بالحلوه والمره ويتناسون ان الطلاق كلمه وايد لها تاثيرات في المستقبل على حياة الابناء .


2. بنظري ان الاثننن مخطيئين ..

أ) من واجب الزوجه او الام ان عشان ما يصير مشاكل بينها وبين ريلها يكون في :

1. احترام بيهم
2. حب صادق
3. ان تعامل ريلها مثل رفيجتها يعني ما تخش عنه اي شي بس مب كل شي بس انها تكون كتاب مفتوح لريلها
4. التنازل ما اقولج تلغي شخصيتها بس لازم تتنازل عشان المركب يمشي والحياة تمشي


ب) الزوج :

1. ان تكون زوجته اهي امه وحبيته وعشيقته واخته وحياته كلها
( عشيقته ) اقصد فيها ان بس اهي الي تكون في حياته مع يروح يتعرف على غيرها واهي زوجه وفي وحده ثانيه كنزوه .

2. الاحترام وطبعا التنازل

لان وراء كل رجل عظيم امرأة وبجانب كل امراة ناجحة رجل اعظم


ج) المشاكل الزوجيه

مهما كانت حجم المشكلة بنظري المفروض ما تتطلع ابدا برغ بيت الزوجيه مهما كانت لان اي مشكله عرفها اكثر من 3 خلاص على الدنيا السلام مثل ما نقول السر ان عرفه اكثر من 3 ما صار سر فليش تروح الزوجه او الزوج يشتكليون حتى لو اهلهم الحياة الزوجيه مثل القفص لازم ما في احد يعرف عنها شي غير الزوج والزوجه ويحاولون يحلون مشاكلهم بكل بساطه عشان ما توصل حق الاهل وتكبر المشكلة او تنتهى للطلاق .


د)النصيحة مني طبعا لازم ملقوفه من القلب

اعتقد ان اي مشكلة بين الطرفين ما تنحل بنفس الوقت لازم ياخذون فتره راحة وتفكير عشان النتيجة تكون صائبة وسليمه


عسى ربي يوفقك الجميع بما يرضى الله ويبعد عن كل اسرة عربية مسلمة كلمة الطلاق ويوفقك الجميع بكل خير وسعاده وبركة ان شاء الله