كيف تتعامل مع اختك ..... سوال خاص للشباب؟؟؟

مشكوره إختي على موضوعج الحلو

أناااااااا علاقتي ابأخوي علا قه سطحيه واااايد والصراحه بعض الأحيان ما أحسه إنه أخوي من كثر ما معاملته جافه لي يرد علي ابشكل رسمي ساعات والله خاطري أصيح أشوف اربيعاتي كل وحده تفتخر ابأخوها واتقول أخوي سوالي جي والثانيه اتقول أخوي يسمعني يوم اتكون عندي مشكله وأناااااااااا الوحيده إلي ما أقول شي عن أخوي ( مع إنه أخوي الوحيد وأخواتي الثنتين أصغر مني وايد وأنا سني امقارب لسنه ) يعني المفروض يكون متفهم ويسمعني على الأقل بس لا فوق معاملته الجافه عقب ما عرس قام يطنز علي جدام مرته عسب تضحك ويعلق علي واااايد حتى قمت أتضايج منه وما أيلس في المكان إلي اييلس فيه مع إني وايد أحترمه ولا مره قلتله كلمه تجرحه بالعكس أحترمه لأن أخوي إلي أكبر مني بس شو أقووووووووول الله يهديه ويسامحه

اختي

:: غيوم الصمت ::


انا عندي نوعين من الاخوان..


واحد منهم ما يعرف غير الصراخ وروحي وتعالي.. مشغلني شغاله عنده..

والثاني.. فديته الثاني.. يعاملني برقه وحنان.. يدللني وكأني بنته.. ينصحني وكأني صديقه..

دووم يقول لي انتي وردتي.. اللي احب اسقيها حب وحنان.. عشان دووم اشوفها متفتحه وحلوة.. هو الاخو وهو الاب وهو الحبيب وهو الصديق..


تسلمين اختي على الموضوع الحلو


تحياتي

تسلم يمنـــــاج الشيـــــــــــــــــــخه على الموضو ع الروووووعه


بما أني ((آخر العنقود )) وعندي أخوان أكبار يمكن أني أرتبك أشويه من أخويه الكبير

لأنه بمثابة الدنيا لي ولازم أحترمه ..أما عن الباقي فأنا دلوعتهم كل شئ أبغيه أحصله

والحمد لله كل واحد يحترم الثاني وعلاقتنا مبنيه على التفاهم وعمرهم ما مدوا إيدهم عليه

ويوم احتاجيتهم وقفوا ويايه ..

يوم كنت اصغيره .. وبحكم أني العنقود كنت وااااااااايد اتضارب ويا أخويه وهو أكبر مني ب(7) سنوات أكثر الأوقات لأني أغار منه ولين الحيه يلعوزني ولكن دوم انحاتي بعض ..ويوم كنت أعوره أو ينيرح ..أتم أباغم ..وكسر خاطره مره ثانيه !!!!!

وفنهايه ..انتم أخوان ونحب بعض ..

تحياتي يتيمة دار زايد

السلام عليكم ورحمة الله ..

أنا عن نفسي الوحيــده البنت من بعد ما عرسوا خواتي الهنتين ..

عنـــدي أربع أخوان أكبر عني .. صحيح اني ما أشوفهم الا بالويك اند لكــن تدرين أحسهــم يعتمدون علي وايد مع إني اصغر عنهم ..
والحمــد لله يحترموني .. لأن الشخص يقدر يفرض احترامه بنفسه سواء كان كبير أو صغير ..
وأخواني لازم حتى لو الخدامه موجوده يحبوني أنا أرتب لهم أغراضهم عسب ما يتلخبط شي ..

والرابع امبينهم وااايد حنووووون وما يقصر فديت روحه مع انه مسافر هو الاقرب ..

مشكوووره الغلا ع الموضوع

مشكورة على الموضوع المهم والمفيد
انا عندي سبع اخوة اثنين صغار وخمسة شباب وتعاملي مع كل واحد فيهم بختلف عن التاني بصراحة حد بفضله على حد لانه كل واحد شخصيته غير عن التاني اللي عصبي واللي بدو مصلحته و الى اخره......

شكرا اختي على هذا الموضوع الجميل
يمكن تستغربي من جوابي
انا بالنسبة لي اعامل أختي كصديقة مخلصه في زمن انقرض فيه الأصدقاء الأوفياء ...
فأبوح لها ببعض أسراري وهمومي واستشيرها في بعض الأمور
وفي المقابل فهي ايضا تعاملني بنفس الأسلوب وتستشيرني وتأخذ بنصيحتي وكلامي

السلام عليكم
انا عندي اخوين واحد اصعر مني و واحد اكبر مني
اللي اصغر مني دايم معاي العب معاه اسولف معاه مع انه صغير وايد يعني عمره 3 سنوات تقريبا بس عليه لسان طويل
يعني احاول ان علاقتي باخوي الصغير تكون علاقة اقوى من علاقتي باخوي الكبير
علاقتي مع اخوي الكبير اللي هو اكبر مني بكم سنة بس المفروض تكون العلاقة قوية بيني و بينه و لكن العلاقة مب قوية يعني ما نتيمع الا على الوجبات الرئيسية او اوامر او بيسألني عن شي مثلا المدرسة
و هالشي مب عايبني انا ابي اخوي تكون علاقته معاي اقوى من جذي يعني كصديق يكون لي و كاخ مثلا لو صار لي الله لا يقوله مشكلة و محتاجة الى ريال يحلها لي ما اقدر كبنت احلها من بيحلها لي و علاقته معاي مهزوزة
من ناحية الثقة الثقة موجودة و لله الحمد و التربية الله يخلي امي الغالية و ابوي الغالي ....
اشكرج اختي على هالمضوع الحلو و اللي صج مهم و كثير منا يعاني منه ...

تحياتي