أصل التراث

ماهو أصل التراث ؟

هي اصل التراث ومنبعه .. هي السبب في وجود التراث ووجودنا

هي قبل التراث هي التراث اللي مالنا غناة عنه

هي الحنونه هي الرحيمه
هي اللي ربتنا على تراثنا وعلمتنا السنع والادب

هي اللي لاضاقت الدنيا دورنا حضنها وارتمينا فيه

هــــي اللي بدونها مانسوى ولا يسوى تراثنا شي

هــــــــــي الام

وآآآآه يامي

آآآه وألف آآآآهااات كل العباد ... ما تسليني فرقاك.. يايمه....
تبدلت دنيتي وصارت لي عناد ... تكدر صفوها لي.. يمه
طعنتني بكل رماحها والأوتاد... مابقى بقلبي غير كلمة ..يمه
عام على فرقاك كله توجاد ... ويا خوفي من الليالي المقبلة .. يمه
مالي اللا القصيد ودمع الفواد .. اشتكي به فرقاك لي .. يمه
ضحكتك تباريني بنومي والقعاد ... ياليتني اقدر أحب راسك .. يمه
ضمة منك هي غايتي والمراد ... وشوفة البسمه بعييينك ... يمه
ابكي ويبكي من مثلي وكاد ... لوعة فراقك ما تنوصف ... يمه






والسمووحه اذا غثيتكم

بس بغيت اذكركم ان الام هي التراث وهي الدنيا بكبرها

الله الله فيها لاتفقدونها وبعدين تتمنون شوفتها ومب حاصل لكم

الله يخلي لكم امهاتكم

تحياتي لكم

يا ه يا وافـــي . ييت عالعووق .. تسلم ياخوووي عالموضووع الرائع والجميل جدا .. ويعطيك العافيه ولا عدمناك

سيد القلب ...

آآه ياخوي أتعبنا العوق اللي في القلب
خلها على الله بس

بيض الله وجهك يالغالي

مشكووووووور ياوافي على المووضووووع
وربي يخلي امي حقي

السلام عليكم
والله انك صدقت يا وافي
ما يقدر يحس بقيمه الام وايد الا اللي يجرب فراقها
والله ما ينلام اللي فقد امه
انا رغم انه الوالده موجوده والله بيطول بعمرها ويجعل يومي قبل يومها بس بعيده عنها واحس بفراقها كل ساعه وكل لحظه
يا ريت كل من طاوعته نفسه ورفع صوته على امه ولا بخل عليها بدقيقه من وقته يفكر في اليوم اللي ما بيقدر يوصلها ويقولها سامحيني
يا ريت كل بنت تقضي وقتها بالتلفون ولا بالسوق تحس بقيمه هالوقت عند والدينها وشو كثر يعنيلهم
يا ريت كل شاب يسهر الليالي عند ربعه ما يي البيت الا نص الليل بقيمه اللقمه اللي امه تباه ياكلها من ايديها وبقيمه اللحظه اللي تتمناها هي انه يي يسولف عندها هي وابوه
السموحه اخوي طلعت وايد عن الموضوع بس الصراحه كلامك خلاني افكر في هالشي وانا اسمع خالاتي وعماتي يشكن من عيالهن انهن ما يشوفنهم وهم توهم ما طلعوا من البيضه وكل واحد ميودلي ربعي وربعي
عنبووووووووووهم الحين صارو ربعهم اهم من شيوبتهم

الله يهدينا جميع ونعرف قيمه هالنعمه
ويرحم الامهات اللي الله سبحانه اختارهن لجواره ويطول باعمار امهاتنا

والسموحه منكم
اختكم مريم

تسلم اخوي


والله يخلي امهاتنا انشالله


تحياتي
.:"^":. بنت البدو .:"^":.

لا خليت منج يا امية

(يغربل عدووك ,, انت كل يووم اتفطسني ضحك واليوم خليتنة اناعر )

مكشوور يا خووية على هالنصيحة ,, يزاك الله عنا الف خير ,,و لا خلين من اميمتك ,,

ام جسووومي

الله يرحمها ويكون مثواها الجنه بأمره سبحانه


مثل ما ذكرتوا ما نحس بقيمة الشي الا بعد أن نفقده

الله يرحم جميع اموات المسلمين ويطول بعمر الحي منهم

بسم الله الرحمن الرحيم

فديت قلوبكم والله على هالتفاعل

اختي جرووح الحب ..
الله يسلمج ويسلم اميمتج يارب
*********************************

اختي مريم ...
تسلميـــــــــــن على الاضافه والكلام الطيب اللي ذكرتيه
وماقصرتي ياختي , وربي يجمعك مع والدينكم
*******************************************

اخوي المستحي ...
ربي يسلمك من كل شر ويحفظك
*************************************

بنت البدو ..

مشكوره والله يحفظج ويخلي لج والدينج .
***************************************

ام جسومي ....

شاقول والا شاخلي .. اسمحي لي ياختي عالمغثه
لكن يعلم ان العبره دوووم في عيني عليها .. وضحكي هذه كله عشان اسبى منها واهرب من الواقع .
الله يخلي لج امج
***************************************

الرومنسي .....
تسلم ياخوي ومثل ماقلت الانسان مايعرف قيمته عدل الا اذا فقدته

ربي يخلي لك شيبانك

والله يرزقنا بر والوالدين ورضاهم


هي العزيزه وما مثلها في الورا ... هي الحنونه في كل كلمه
كيف اهنا وهي متسوده الثرا ... كيف اعيش ومقد انادي يمه
تعبت من شوقي وحالي انبرا ... ياعونة اللي فقد صدر يلمه

واسمحوا لي احس اني غثيتكم

مااصعب فرقا الولايف ولانسان لي تهواه

جيه الدنيا يا خويه وكلنا سايرنه هالدرب وخاطفين عليه

ما أقولك غير ربي ينعم والديك بالينه والفرودس ويرحمهم برحمته سبحانه

ويطول بعمر ابوك وهلك ويبجيك لهم ذخر وفخر

وقصيدك ما فيه حيله امره

بيض الله ويهك