خدمة النخل

وااافي

بسم الله الرحمن الرحيم

كلنا نعرف مدى أهمية شجر النخيل لاهل الخليج ومدى ارتباطهم وحرصهم الشديد في زراعة النخيل .
ولايقتصر اهمية النخيل من الناحيه التراثيه فقط بل في ديننا الحنيف قد ضرب أفضل الامثله لشجرة النخيل حيث ورد ذكرها في القرآن الكريم
وفي السنه النبويه .

واسمحوا لي ان اذكر لكم انواع من خدمة النخيل والاعتناء به

التلقيح : وهو تلقيح النخل عندما يظهر طلعها , حيث يستخدم طلع فحال النخل للتقيح .

الخراف : وهو جني الرطب بالحبه يعني وحده وحده (واذا ماتشوف زين بيلعب بك الشوك وبيقطع صبوعك , انشدوا مجرب).

الصرام : وهو طع عذق الرطب كامل .

التحويف : وهو قص الخوص وتنظيف حواف الشجره من الزوائد وهذا يكون بعد انتهاء موسم الرطب .


الشايب الله يطول بعمره يحب النخل ويوم بنينا اساس بيوتنا على طول حفر عين وزرع فسايل نخل في البيت وعددها تقريبا الخمسين
وجلبناها من الامارات والسعوديه وقطر .

المهم وانا ادور في حوش البيت والا يلفت نظري عذق رطب
وجان اصوره



غريب شوي .. صح
طبعا هالعذق بعضه صالح للأكل وبعضه مخترب
اريد أعرف شو تسمون العذق لاصار جيه ..يعني حماله أخترب وصار مثل العنب وماعاد ينوكل .( الله ييهدي المزارع مالقح النخل عل)
هو له تسميتين

ممكن تفيدونا ؟

والسموحه لاني الموضوع توني كاتبنه ومن بنان افكاري , وياريت حد يعدل او يضيف .

سلام

عنيدة

اشكرك يالغالي عالمشاركة الرائعة

جرودي_العين

السلام عليكم والرحمه

ماشاءالله عليك يالوافي ،،، امره ما فيك حيله

صراحه عني وحده استمتع يوم اني اقرأ مواضيعك

تحس جنه فيهن نكهه " شكلي يوعانه"

عن سؤالك ترى الا اعرفه ان اليذع ينقاله "مشّرص"

مدري أذ نفس التسميه عندكم ولا تختلف؟؟؟

جرودي_العين

صدق الوافي

لو ما عليك عضيلة

لو سمحت مره ثانيه يوم انك تكتب جيك ع الأسبلنج

الله يهديك عيونا احولن

نص كلمات مكتوبات غلط

المها

اممممممم والله ما عرف شيسمونه

بس الصوره غريبه ^__^

و تسلم على الموضوع الحلوو . .

أمة الله

السلام عليكم

مشكور على الموضوع يالوااافي ولا عدمناك دايما تحط صور من تطبيق الواقع المحيط فيك..

دايما نتريا يديدك


السموحه

غدير الظامي

تسلم يالوافي على الموضوع الحلو والمعلومات

تــ فارس ـويمة

السلام عليكم

تسلم يالواااااافى ع هذا الموضوع

بس بيداركم من نبت الصرم زين, خله المره اليايه يكثر النبات



وتسلم

جرووح_الحب

تسلم اخوي واافي على المموووضوووع الشيق والمفيد

وبصرااحه ماعرفت شوو يسموووووونه

وااافي

بسم الله الرحمن الرحيم

يالله حيهم باغلا المنتدى

عنيده ..
هلا بج وانا اشكرج على التعليق ياختي

جرودي العين ...
هههههه هاي من فرحتي وعجلتي اخربط في الكلام وهدا دليل انه فرششش ههههه

تسلمين .. وانا بعد افرح ادا رديتي على مواضيعي وحطيتي بصمتك فيها
وخصوصا اللي بالاحمر

مشاركه متميزه

اما بخصوص ال مشّرص هاي معلومه يديه واول مره اسمعها وباخبركم شو نسميه


هلا اختي المها .. اللي ماتزورنا الا في النه حسنه

تسلمين على المرور


امة اله .. وعليكم السلام

مشكوره ياختي وانا الله يسلمج دخولي للمنتديات للستفاده والفايده
وماحب انزل موضوع منقول او بايت
تسلمين


غدير الضامي .. سلمج ربي من كل شر


قارس تويمه .. هلا بج ياراعية النخل

وانتي صادقه البيدار يديد والمره اليايه بنخليه يزيد النبات
بس على فكره لو يحط وايد بعد يحترق الرطب


جروووح الحب

الله يسلمج ويحفظج يالغاليه




الحين باخبركم شوو نسميه

نحن نسمي الرطب ادا اخترب ((( فراي))) او (( فراج)))
وفيه بعضهم يسميه (((خلال)))

والله أعلم

وجرودي العين اضافة لنا اسم جديد (((مشّرص)))

ومشكورين على التفاعل


سلام