البطالة و ما الحل؟؟؟؟

السلام عليكم و رحمة الله و بركاته..
اليوم عندي موضوع نقلته من الجريدة .. و يتكلم عن البطالة و يقول:

البطالة
الكاتب: سعيد عبد الله اليماحي/ الفجيرة.

في هذه الدولة المعطاءة الخيرة التي أعطت كل سبل الراحة و كل الطرق التي تؤدي إلى النجاح لكل فرد من أفرادها تحرص الحكومة على التعليم كعامل أساسي للوعي و الصواب للحياة الطبية.

و كل شاب أو فتاه يحلم بعد تخرجه بوظيفة تعينه على لقمة العيش و تحقيق أمانيه بعدما قضى عمره في المدرسة ثم الجامعة أو التقنية أو المعاهد، لكن و مع الأسف الشديد كثير من الشباب حالياً يعاني من عدم البطالة فتسود الدنيا في وجهه حزناً على سنين العمر التي أضاعها في التعليم، و هذه القضية من أخطر القضايا.

ماذا تريدون من المواطن أن يفعل إذا لم يحصل على وظيفة أين يذهب؟ و كيف يلبس؟ و كيف يبني و يتزوج؟ لماذا أصبحت كلمة بطالة في الدولة كلمة عادية و الكل يكتب عنها لكن دون العمل على حلها؟ ألا تعلمون أن هناك دولاً أدت فيها البطالة إلى عواقب وخيمة! لماذا لا نجد حلاً لهذه القضية و نقوم بتوظيف أبناء الوطن؟

نناشد المسؤولين في جهات الاختصاص العمل على حل هذه الأزمة بوجه السرعة و ألا يتهاونوا فيها.




السؤال هو: ما هو العمل لحل مشكلة البطالة و عواقبها الوخيمة؟

أختكم ^o^
منقول من الجريدة

وين الردود.. ما أشوف شي..

انا واحد من البطالين حقيقة ولكني في السعودية ساكن
والحين داخل السنة الثانية من البطالة والتلفلف في الشوارع والهواش داخل البيت والاذية
لدرجة ما اقدر اوصفها لكم والله انها خلتني أكره الدولة وحتى حكامها وشعبها بعد وحتى اهلي والبيت

على أي اساس يتوظف اجنبي وهنا سعودي او اماراتي بطال ؟؟؟؟
والي يبط كبدي زود انهم يدخلون الكفار من العلوج الامريكان
علشان ياخذ الواحد منهم راتب يعتبر راتب ثلاث سعوديين عندنا اذا ماكان اكثر
ياخي خزينة دولتنا
اموال الدولة صارت لعبة في يد جماعة بوش
غير هذا
اهالي الديانات الثانية من الهندوس الهنود والبوذ والنصارى وغيرهم
كيف
هذولي صاروا احسن من مسلم؟؟؟؟؟؟؟؟؟
خلنا من مسلم طيب وخل نعتبر ايمانكم ضعيف

مواطن من نفس الجنسية كيف تفضل عليه الغريب !!!!

أشكرك عالرد.. تسلم.. الله يعينك..
أنا من رايي.. انهم يشلون الأجانب و الهنود.. و يحطون بدالهم المواطنين.. مثلاً : في بعض الشركات الراقية.. حاطين الأجانب و الهنود.. و المواطنين.. محد.. اختفوا..
بس على فكرة.. إذا شلوا الأجانب و الهنود المواطنين بيحتلون شغلهم.. يعني.. بيشتغل في الدكاكين و في محلات الثياب و المخازن و راعي الزبالة.و البواليع... و غيره من الأشغال اللي ما نحبها....!!
الله يعينا عالأجانب و ان شاء الله الكل بيحصل شغل.. الصبر مفتاح الفرج..

و أنتظر ردودكم في الموضوع...

السلاااااااام عليكم,,,

اما بعد انا اقووووول مشكله البطاله صارت كبيره عدنا في الامارات ودول الخليج والسبب

كله فينا احنا مب في غيرنا واحنا نقدر نحل الاسباب مب غيرنا لييش اي واحد عاطل عن العمل

ما يحاول يشتغل اي وظيفه يلقاها انا امس قريت في الجريده في الامارات صار اكثر من 33000

مواطن ومواطنه عاطلين عن العمل وفي خبر ثاني خمس بنات مواطنات ساروا واشتغلو

بقطاع الفندقه,,, وانا ابى اعرف ليييييش عدنا اهنيه في الامارات الحين لو شافو مواطن او مواطنه

تشتغل بالقطاع الخاص يلسوا يطلعو عليهم الف عيب ساس المشكله الي عدنا (( الغرور

والكبرياء)) اذا الشباب ما تخلصوا عن الغرور والكبرياء عمرهم ما بيتوفقوا ...

كلهم يبون يشتغلو مدراء ومسؤولين اقوووووول يا معشر الشباب لا تكون عله على اهاليكم

تراهم طفرانين منكم بس شو يقولو امرهم لله والله الله يكون في عونهم ...

وثاني شي ليش ما تشتغلو يا شباب وشابات المستقبل في القطاع الخاص والقطاع الخاص على

فكره فيه مميزات وااااايد...

لا يغير الله ما في قوم حتى يغيروا ما في انفسهم والله يهدي الجميع

سادتي،البطالة عندنا صناعة محلية مائة بالمائة كما أعتقد أنا شخصيا ...سأخبركم كيف ...سبب البطالة هو بعض المدراء في الدوائر المحلية فهم ضعفي الشخصية يبحبون المدح والرياء الزائف (يحبون دهان سير) وخير من يقوم به الوافدون وخاصة الهنود ....!!..فمثل هؤلاء لايريدون مواطنين يحطون راسهم برأسه ولا يجاملونه(أي المواطنين) ولايمدحونه ...!!!!...وأمام هذا الضعف الشخصي وعقدة النقص التي يعيشها بعض المدراء الكبار تظهر ظاهرة االبطالة ...فكيف مثل هؤلاء سوف يحلون مشكلة البطالة التي تفاقمت وتنامت والجميع نائم على اذنيه لايعي شيئا الا الهذرة والكلام الاجوف الذي لايصاحبه عمل الا التصريحات الجوفاء ....

السلام عليكم
أبو هيونة و طالب الأشكناني أشكركم عالرد المميز.. لا تحرمونا من تواصلكم و مشاركاتكم..
موضوع البطالة ... منتشر وايد.. مب بس في الامارات .. في أماكن وايدة من الوطن العربي..
و ان شاء الله نقضي عالبطالة..
شكراً
أختكم ^o^

البطالة تتوقعوا من المسؤؤؤؤؤؤل عنها انا ماراح اقول حنا شبابنا متكبر ومغرور ومايبي إلا الوظيفة السنعة ما ينلام لأن الدوووووووولة عازة غيرنا وموظفة الجانب في ارقى الوظايف ولو كانت دولتنا حتى البناااااااي من هلنا ماراح الشاب يتشرط على الوظيفة راح يقتنع بلي عنده لأن كل اهل الدولة تشتغل جميع الشغلات والمهنات هي الي تقوم بها يعني تتوقعواااا من المسؤول عن سبب البطالة ؟ الحكومة ام الشعب؟

أشكرج عالرد يا أصغر فناة .. الصراحة سبب البطالة من الحكومة و الشعب....
و الأسباب أعتقد الكل يعرفنا.. أخاف أقول شي و تستوي سوالف.. و مشاكل في المنتدى..
بس أتمنى من الحكومة أنها تحاول توضف البطالية اللي في البلاد.. و الشعب ما يتعايزون.. و ما ييأسون.. يحاولون..
ليش الشغل بيي منه و الدرب؟؟