الموبايل...والاطفال...

السلام عليكم ورحمة الله وبركاته....


اخواني واخواتي اعضاء وزوار منتدى الم الامارات...

عندي موضوع شاقلني لابعد درجه...وكل يوم يزيد اهتمامي فيه واللي حبيت اسمع رايكم..وردت فعلكم...


ليش صارو الناس يعطون عيالهم اللي بعدهم اطفال في الابتدائيه..

موبايلات...؟؟؟؟

مادري شوه صار في الدنيا...

قبل محد من الريايل كان عنده تيلفونات..واللي اعرفه ان خواني ماخذو تيلفونات لين ماوصلو الاعداديه وحد منهم الثانويه...

الحين كل ياهل..يتخقق برقمه..وبتيلفونه..وشوه اللي عنده وشوه اللي ماعنده...

الموبايل خطر على الكبار...اللي لين اليوم ما يعرفون يستخدمونه الاستخدام الصحيح....

فكيف نولي عيالنا تيلفونات وهم يهال...

ادري بتقولن لي الزمن تغير...انا معاكم...بس الشي الصح صح..والشي الغلط غلط...


الموبايل وسيله يخدم الانسان في الاشياء الايجابيه...

بس عيب علينا انا نستخدمها في اشياء سلبيه...

اتمنى اسمع رايكم في الموضوع...

والسمحوه على الازعاااااااج...

بس جد انا وايد معصبه ومنقهرة من هالنقطه بالذااااااااات...

السلام عليكم ورحمة الله وبركاته :



وياكم احمد ،،،،،،،،،،،،،،،،،،،،،،،،،،،،،،،،،


الحمد الله الذي لا يحمد سواه إني أكون واحد أشاركك في الموضوع الطيب والشيق
شكرا لك

الرد التالي :

هذه الفئة من الناس اللي تعطي أولاد أو عيالها موبايل يما من ناحية الترف أو البطر والعياذ بالله أو إنه من ناحية المباهاة أو من ناحية الحاجة !!

التفسير كالتالي :

ناحية الترف والبطر :

هو إنه يوري الناس كلها إنه ما عليه شيء حتى عياله اللي في المدرسة إبتدائية عنده ويمكن بعد هذا اللي في حضن إمه ما يعرف يتكلم عنده !!

ناحية الكبر :

تشابه اللي قبلها بس هنا يعطيه إياه بس بحذر بس وين الحذر وحطيت الزيت قدام النار

ناحية الحاجة :

يمكن العيال يحتاجونه يمكن يسيرون مدارس ما فيها باصات أو دريولية فيتصلون على أبائهم


------------------------------

وكل هذول مخطئين إذا إنت كان عندك في الإعدادية كانوا يعطوهم موبايلات نحن على زماننا كنا ناخذ الموبايل ونلمس لما نعدي الثانوية بس سبحان الله مغير أحوال

والسموحة على إطالة

يالله حياكم الله :::::::::::::::::::::::::::::

أحمد آل الماس

Almaass@hotmail.com

السلام عليكم

في وقتنا الحالي كل شي صار متوفر بين ايد الصغايره.. من الموبايل إلى الانترنت..
والاهل هالايام مايرفضون طلب لعيالهم ويقولون ان عيالهم مب احسن عن عيال فلان وعلان!!
بالدرجه الأولى سبب وجود الموبايلات عند الأطفال المظاهر وليس للحاجه او الضروره.. ولو الطفل ظهر من البيت من غير شخص كبير مرافق له وانعطى الموبايل بحجة الاطمئنان عليه بتكون مافي مسؤوليه من قبل الاهل من الاساس!!
وانا ماشفت الموبايل إلا قبل ماتخرج من الجامعه بسنه!! واليوم الياهل ينولد وفي ايده موبايل!!!

يا كثر العوائل المستهترة بين عيالها وتوفرلهم الزين والشين ..

مع عدم مراعاة الدين ..والخلق الحنيف..

فلاحول ولا قوة الا بالله العظيم

السلام عليكم ورحمه الله و بركاته ..

أشكرج على طرح هالظاهرة المنتشرة بكثرة هالايام

أعتقد السبب الرئيس لها حب المظاهـــر
حتى لو الاهل مب راضين تلاقين العيال أي واحد يشووف في ايد ربيعه موبايل يركض لأبوه و امه أريد موبايل انا بعد و ليش ولد فلان احسن مني ووو... الخ فيضطر الاهل تحت الحاح الابناء انهم ينفذون طلباتهم

والله ما ادري شوو بيكون نهاية هالجيـل الي كل شي يبغيه يلقاه بايده
انا الموبايل ما خذته إلا لما وصلت سنة ثانية جامعــه لأني كنت محتاجتنه لما ادق للاهــل و خاطري اغيره الحين و محد معطني سالفة .. و هالبزارين كل ما يطيح موبايل جديد يشترونـه ..

الله يعينــا على جيــل اليوم ..


مع تحيتي
أختكم في الله
نــــارا

السلام عليكم ورحمة الله وبركاته

اعتقد ان السبب في ذلك هو فعلا حب المظاهر
يعني طفل كل اللي حواليه معاهم موبايلات..كل اللي في عمره
سواء من العايله او بررا العايله..اصدقاءه في المدرسه ..وكل اللي حوله يتباهو ويتفاخرون فيه ...بتضطرين انتي تجيبين له واحد..عشان مايحس بالنقص..

(هذا اهو عذر الأمها هالأيام..لي سألتيهن ليه جايبين لأطفالكم جواويل وهم صغار عليهم)

السبب الأوول والأخير ..المظاااااااااااااااهر

لاتقولون لي..علشان يروح المدرسه وهو راجع وهو طالع وهو داخل
عشان كم سنه قبل عيالنا مامعاهم جووالات ..الناس ماعرفوها اللا تالي يعني قريب

كننا عايشين.عادي ..مافيه اي مشاكل ..صح انها تسههلت علينا الحين اشياء كثيره ..بس حتى ولو
ماكننا نحتاجها ..مامتنا ..هذانا عايشين لوول

واشكرك اختي على هالموضوع اللي طرحتي فيه المشكله اللي كل مجتمع خليجي يعاني منها

المظاااااااااااااااااااااااهر!!

تحياتي..حلا نجد

تسلمين اختي على الموضوع اللي طرحتيه ...

وانا من رايي ان السبب الرئيسي مثل ما قال اخوي الماس هو الترف والخقه والبطره ...
الناس صار كل همهم المظاهر .. وصاروا ما يفكرون في العواقب السلبيه للشي اللي يسوونه ..

لج مني كل التقدير والاحترام ...

انــــا

مشكورة اختى على موضوعج ..

بس بالنسبة حق ان حنا نعطي اليهالوا موبايلات ,,

يعني مثلا بعمر 9 ولا 10

بهل عمر الطفل يكون مميز نوعا ما للغلط من الصح

بس اهو اذا جاف غيره يستخدم الموبايل بطريقه غلط ,,

اهو بعد بيسوي نفس الشي ..

والوسط الي اهو عايش فيه >>مجتمعه<< له اثر

واثر كبير كبير وايد .. حتى طريقه التربية له دور ,,

مثلا لو كان الولد محروم من اشياء وايده اول ما بيحصل الموبايل ,,

بحاول يسوي اي شي عشان يعوش ولو حزء بسيط مما انحرم منه

فانا برايي اقول .. حتى لو انعطى الولد موبايل ..

نعلمه ,, نفهمه ,, ونقوله له

هذا صح وهذا غلط ..

والحين بعد شركات التصنيع ما خلت شي

الا ليزر والا بلو توث ,,

لكن من المفروض نستخدم هذا الشي لصالحنا ,,

مو لاشياء سئية ..

السموووحة اذا طولت

واشكرج مرة ثانية اختي ..

الظاهره وايد منتشره فالبلاد

لا وازيدكم من الشعر بيت

هذاك اليوم بزران ربع اخوي في المدرسة يايين بيتنا عنده كل واحد يتخقق انه موبايله احسن

واغلى

واحد منهم شاري موبايل ب3000 درهم

شو هالحاله

والسموحه

والله شونقوووول غير انهم ما يعرفون وين ايودون فلوسهم ....