|
|
|
|
|
|
||
| إعلانات منتديات ألم الإمارات |
|
|
|||||||
| مجلس الحوار و المقالات مناقشة القضايا الإنسانية والفكرية و الأحداث الراهنة ، يمنع نشر المشاركات المنقولة . |
 |
|
|
LinkBack | أدوات الموضوع | تقييم الموضوع | طرق العرض |
|
#1
10-30-2004, 09:23 AM
|
|||
|
|||
غلطة بنية
بسم الله الرحمن الرحيم
السلام عليكم ورحمة الله وبركاته شخباركم ؟؟ عساكم بخير وصحة وسلامة ياااااا رب رمـــــــضان كــــــــــريم حبيت نفتح مع بعض حلقة حوار حول الموضوع التالي : كلنا نعرف أنه الانسان بطبع خطاء وهو غير معصوم من الخطأ وخير الخطاؤون عند الله هم التوابون ، مب عيب أنه الانسان يخطأ ، العيب أنه يتمادى في الخطأ الانسان الشجاع هالأيام هو اللي يقدر يواجه نفسه ويحاسبها إذا أخطأت ويكون قوي إذا قدر يصلح هالخطأ ولكن ؟؟؟؟؟؟؟؟؟؟؟؟؟؟؟؟؟؟؟؟ تأتي العقبة الأولى له وهو المجتمع اللي يمكن ما يتقبل منه أي تصحيح للخطأ ويظل يذكره ويتذكره دوم على انه انسان مخطىء ، وهالشي طبعاً يحبط الفرد ويخليه يتراجع في الخطوة السليمة اللي سواها يعني بيرجع لعالم الخطأ والسبب هو عدم تشجيع المجتمع له في تصحيح الخطأ وإعطائه فرصه أخرى ليعوض ما فاته هالمقدمة كلها عشان أوصل للب الموضوع وهي """" غلطة بنية """" البنت هي انسان يعني مب معصومة من الخطأ لكن ؟؟؟؟؟؟؟ لماذا يعتبر خطأ البنت جريمة كبيرة لماذااااااااااااااااا ؟ طبعاً هذا موضوع كبير وواسع وله عدة نواحي لكن أنا أريد أخصص الموضوع بنقطة معينة عشان نقدر نرتب أفكارنا ونرد على الموضوع بطريقة مفيدة وهادفة الخطأ اللي أقصده هنا هو : خدش حياء الفتاة ، أي أنها غلطت في حق شرفها وعرضها وهالشي جدا وااارد في هالزمن اللي نحنا عايشينه ، وطبعا الرجل له دور كبييييير في وقوع البنت في هالمصيدة اللعينة لكن انا تعودت أسمع من أهلي جملة : " الرجل شايل عيبه في جيبه " طيب والبنت ؟؟؟؟؟؟؟؟؟؟؟؟؟؟؟؟؟ ليش تحملونها فوق طاقتها ، شو ذنبها ، هل ذنبها أنها بنت ؟؟؟؟؟؟؟؟؟؟ والسؤال المهم في الموضوع كله : هل تقدرون تتقبلون رجوع بنت لحياتها السابقة بعد أن فعلت فعلتها ولكنها ندمت وتابت إلى الله توبة نصوح صادقة واستغفرته ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أرجو منكم أن تفيدوني بآرائكم وتكلموا بأي أسلوب تحبونه وناقشوا أي نقطة تريدونها أنا عرضت في موضوعي أكثر من نقطة وانتوا اختاروا النقطة اللي تريدون تناقشونها انتظر مشاركاتكم على أحر من الجمر مع تحياتي عاشقة الفيصل |
|
10-30-2004, 09:33 AM
|
#2 | ||||
|
***77***
|
||||
|
10-30-2004, 05:03 PM
|
#3 | ||||
|
اشكرج اختي عاشقة الفيصل على الموضوع الطيب اللي طرحتيه ..
ومثل ما قلتي مافي انسان معصوم من الغلط .. بس البنت بالذات محد يرحمها لو غلطت .. وحتى لو كان هالغلط مب مقصود او كان غصبا عنها .. دايما يكون اللوم على البنت .. علشان جيه .. المفروص البنت تعرف تحافظ على نفسها عدل في وسط هالمصايب والمشاكل اللي نسمع عنها كل يوم .. لأنها لو غلطت في يوم لازم تعرف انه الكل بيحملها اللوم والعتب وبتكون في عين الكل هي الغلطانه .. وبتصير علج في حلوج اللي يسوى واللي ما يسوى .. فليش هي ترضا على عمرها بهالشي .. وليش من البدايه تعطي مجال لحد انه يلعب بعقلها ويقص عليها بكلمتين .. وحتى لو غلطت وتابت .. بتم طول عمرها في نظر اللي حواليها البنت الغلطانه .. مع انه رب العباد بيسامحها اذا كانت توبتها صادقه .. وهذا طبعا اهم شي ... لكن اللي حواليها ما بيتقبلونها ولا بيسامحونها .. والمفروض هي بعد ما تتوب يكون كل همها ربها .. وانها تكفر عن كل ذنوبها الماضيه .. وما تهتم لكلام الناس .. لأنها لو تبعت كلامهم بتموت هم وغم ... السموحه منج اختي الكريمه على الاطاله .. ولج مني كل التقدير والاحترام .. انــــا 
|
||||
|
10-30-2004, 05:46 PM
|
#4 | |||
|
شكرا خواتي على المرور الطيب والتعليق
مع انه Uae _ الدلع قالت : لا تعليق هههههههه مثل ما قلتي أخت انا البنت هيه مصب اهتمام المجتمع اللي لازال متأثر بالعادات والتقاليد القديمة الظالمة للبنت هذا واقعنا المرير اللي صعب نغيره بس مب مستحيل وبعدني أصر أنه البنت مظلومة من هالناحية وليش لازم عليها تخضع وترضى بهذا الواقع المرير تحياتي عاشقة الفيصل |
|||
|
10-30-2004, 05:48 PM
|
#5 | |||
|
غلــــطانه
أخطأت وندمت وعرفت حق الله عليها وعادت عودة صادقة زكية ولكن يا ترى هل يقبل الواقع المرير رجوع امرأة إلى حياتها هكذا في ظل ما أفسدته من شرخ لحيائها 0000000000 نعم أدري وغلطانه وأنا هاليوم ندمانه محد وده يفهمني وأنا يا ناس إنسانه عجيبة وش تبى هالناس في قلب مشغل الهوجاس أجل و شلون لو يصبح وجودي ميت الاحساس حرام أبكي على السيئة وحرام أسترجع النية نعم أدري وقسم أدري مصيبة غلطة بنية نصيحة يا بنات اليوم ترى عمر الخطا ما يدوم وشوفوا وش جنى حظي وتاليها البخت مرحوم تركنا للهوى دروبه ولا ودي أجي صوبه وأنا هاليوم يا ربي دعيتك تقبل التوبه نعم أدري وغلطانه 000000 هالكلمات وصلت اللي أريد أقوله شو رايكم ؟ صح واقعنا يقول انه البنت غلطانه بس مع ذلك لازم يقتنع انه البنت انسان ممكن يخطأ ليش نخضع للواقع لييييييش ؟ ما دام فينا نفس وعايشين لازم نقاوم وندافع عن حقوقنا مع تحياتي عاشقة الفيصل |
|||
|
10-30-2004, 07:15 PM
|
#6 | ||||
|
هذي مصيبة مجتمعنا و افكاره المتحجره ..
الله سبحانه و تعالي ساوا بالثواب و العقاب بين الانثى و الذكر .. و ايون اليون يفرقون !! الله سبحانه و تعالى قبل التوبه و جعل بابها مفتوح للبنت و الولد سواء .. و اهمه فتحوه للولد و سكروه بويه البنت !! مرتديييين عن الإسلام .. و كفاار .. قبلت توبتهم و اصبحوا من رواد التاريخ !! و يأتي هذا المجتمع المريض ليرفض توبه فتاه غلطت غلطه لا تصل لمستوى الكفر أو الرده !! .. و الاهم انها تابت .. يمكن هذا تخفيف من الله سبحانه .. البنت و العقاب اللي تناله من اهلها و المجتمع لغلطتها .. يمكن ربي يعتبره لها عقاب دنيوي يشيل عنها كثير من عقاب الآخره .. و الولد المجتمع قاعد يغفر له و يشجعه على الغلط أكثر .. يعني ماكو له عقاب مادي دنيوي .. مسكين وراه عذاب اشد بالآخره .. ربي سبحانه ما يظلم مثقال ذره .. و كل شي عنده بحساب و مكتوب .. و كل شي يشوفه انسان بالدنيا بيشيل عن عذاب الآخره .. ربي كريم و رحمته وسعت كل شي .. و له حكمه في كل شي .. و ابد مو ظالم .. فلو ظلمها مجتمعها اليوم ووأد توبتها بينصفها ربي باجر يوم اللي لا ينفع فيه مال و لا بنون و لا محتمع و لا عادات و لا "شايل عيبه بجيبه" .. خل ينفعه الجيب عاد يوم يكون بالتراب بمترين بمتر ..
|
||||
|
10-30-2004, 07:46 PM
|
#7 | |||
|
مشكورة أختي الكويتية على المرور الطيب والتعليق
الصراحة رايج أثلج صدري وكلامج خفف النار اللي في قلبي على هالبنات المظلومات حبيت أنوه لنقطة وهيه انه ممكن البنت تفقد شرفها بإرادتها وفي هاي الحاله ممكن نلومها بس في حالات اغتصاب كثيرة تصير والعياذ بالله ومع ذلك يلومون البنت ويتركون الولد الوحش المجرم اللي سوى بها هالجريمة البشعة الصراحة الذئاب البشرية منتشرة وايد هالزمن وموجودين بكل شكل ولون اريد اسأل منو يقدر يلوم البنت أنها ما قدرت الطيب من الخبيث دام انه مجتمعاتنا حاكرة البنت في دارها ما تطلع وما تقابل الناس كيف تبونها تميز الانسان الطيب من الخبيث وتظل حلقة الحوار مفتودة 0000000 مع تحياتي عاشقة الفيصل |
|||
|
10-30-2004, 09:11 PM
|
#8 | ||||
|
 غلطة بنِّية ما ادري هل ها شريط محاضرة ولا خانتني الذاكره ؟؟؟ الممـــــ AvIp ــــيــز 
|
||||
|
10-30-2004, 09:43 PM
|
#9 | ||||
|
اشكرك اخت عاشقة الفيصل
فعلا هالموضوع كان شاغلني وودي اطرحه واعرف اراء الناس انا ودي اعرف وش سر هالنظرة الضيقة لغلطة البنت وغلطة الولد ما يعرفون انه صحيح البنت ممكن تخاف على نفسها من اقل شئ وتحسب لخطوتها الف حساب عشان ما يجيها هي واهلها الكلام لكنهم كذا يشجعون بطريق غير مباشر الولد على انه يغلط ويسوي اللي هو يبيه طالما ان ذنبه راح يصفح عنه وان هالغلطة بتعتبر ماضي لاغبار عليه طالما هو ولد.........!!!!
|
||||
|
10-30-2004, 10:58 PM
|
#10 | ||||
|
اختي عاشقه الفيصل....
تسلمين على الموضوع الطيب واللي يطول الكلام فيه بس بختصر رايي في هالأسطر... البنت والولد إذا غلطوا المفروض ما توقف الحياة عندهم بمجرد انهم ارتكبوا خطأ يمكن يكونون السبب فيه أو خارج عن إرادتهم... يعني اللي ابا اقوله ان الخطأ ليس في ارتكابه... بل الاستمرار والتمادي فيه إذا الواحد يلس يقول انا غلطت وخلاااااص الناس بتشوفني بنظرة اني مخطي طول عمري... عمره مابيعيش مثل الناس... راح يتقوقع على نفسه ولا بيعرف يواجه العالم من حوله الدنيا محطات... وتجارب واغلب التجارب تكون قاسيه او فاشله بمعنى ثاني لازم نكون قاسيين مع الدنيا يوم بتقسى علينا ( يوم ينواجه فيها مشكلة أو نتعرض لغلط) ... ولازم ما نستسلم... لانه اذا استسلمنا معناته انه انطحنّا و اندمرنا وكلام الناس بيلعببنا وانتي تعرفين كلام الناس عمره ما يرحم... الناس تدور على سالفة يتكلمون عنها وخاصة الفضايح او اغلاط الناس.... فاللي يخاف من قول هذا وذاك عمره ما بيتحرك خطوه لجدام ولا راح يحاول يصلح الغلط.....العمر يخلص و كلام الناس عمره ما يخلص.. ومن ناحيه ثانيه,,,,, البنت هب ملاك من سما منزّل... لا هي بشر تغلط مثل ما يغلط الريال ,,, ولا تنظرون على ان البنت جوهرة اذا انخدشت هالجوهره يعني خلاص ماشي امل على انها ترد لحياتها الطبيعيه و تصلح الخطأ بخطوات تكون لصالحها البنت مثل الريال.... تغلط.. و تصلح الغلط بهالطريقه اذا حسسنا البنت انها خلاااااااص انتهت حياتها بانتهاء هالموقف اللي سوته صدقوني راح تلجأ لأساليب ثانية,, يعني بتحاول تصلح الغلط بغلط وهذا اللي صار مع وحده اعرفها للأسف.... همها كلام الناس ان البنت خلاص من تغلط او ترتكب جريمه في حق نفسها لا يمكن انها تراجع نفسها ولا يمكنها معالجة الموقف ... فالبنت والولد في الغلط يمكن يكونون مختلفين وفي نظرة الناس لهم يمكن... لكن هالشي ما يمنع الاثنين انهم يصلحون الغلط بنفس الطريقة... او ما يمنعهم يبادرون به ولا يبالون بكلام الناس
|
||||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
