.:*:.ســاعدونــــــي الله يخليــــكم.:*:.

.:*الســـــــــلام عليـــــــــكم ورحمــــة اللّـــــــــه وبركاتــــــــــه*:.



شحالكم خواني وخواتي أعضاء المنتدى.. عساكم بصحه وعافيه

عندي سالفه وودي تساعدوني فيها..

بقولكم القصه ومافيها وأتمنى من اللي عنده حل يساعدني لأني أحبه وايد وما أبغيه يضيع......

اخوي الأصغر مني.. يدرس في مدرسه خاصه من يوم ماكان في الروضه وهو ألحين صف ثاني ثانوي آخر سنه له (لأن ماعندهم ثانويه عامه)..
عمره 15 سنه (مراهق).. تعود في المدرسه انه عادي يكون عنده زميلات دراسه.. هو مايخبر حد.. بس أنا كنت أعرف وظنيت ان الموضوع عادي.. يعني مجرد زماله مب أكثر ولا أقل.. بس من فتره و والله من غير قصد مسكت موبايله ويلست أطالع الصور واللي صدمني اني شفته في وحده من الصور يالس عدال وحده أعتقد ألمانيه وحاط ايده على جتفها وسرت عند المكالمات وشفته كان مرمسنها الساعه 12.. ونفس الشي ربيعه الثاني.. والله كان عندي امتحان منتصف بس ماقدرت أدرس زين من كثر ماكنت متظايجه من اللي شفته.. لا تقولولي ان الموضوع عادي,, لا والله مب عادي.. ابوي لو يدري بيذبحه.. وأنا مابغيت أكلمه وأنا منفعله عشان ما أخسره.. انتوا أكيد تعرفون تصرفات المراهقين وخاصة الشباب.. خفت انه مايتقبل نصيحتي له.. هذا اللي أنا شفته.. الله يستر من اللي ماأعرفه.. والله اني وايد أفكر فيه ومب عارفه شو أسوي.. ابوي ماقصر في تربيته ولا حتى امي.. بس هم غلطوا يوم دلعوه وعطوه كل اللي يبغيه.. هلي ماقصروا ويانا كلنا.. بس الحمدلله ماحد منا سوّا اللي هوه يسويه.. أنا خايفه عليه من الشله الفاسده اللي معاه.. كلهم أجانب.. خاطري يطلع سنع وريال مثل ابوي واخوي الكبير.. بس ليت لو بايدي شي أسويه.. أدري كل انسان يغلط ومحد معصوم.. وكلنا غلطنا بس الحمدلله صلحنا أخطاءنا عشان خاطر والدينا اللي ماقصروا معانا بشي وأكيد خوف من الله.. وأتمنى ان اخوي يكون عنده نفس الشعور..

أدري غثيتكم برمستي.. بس والله كله من خوفي على اخوي..
أتمنى ان حد يساعدني ويقوللي شو ممكن أسويله وكيف ممكن أساعده.. خاصةً انه مراهق يعني بعده ياهل وفي بداية تكون شخصيته..

وبكون شاكره لكم جميــــع

تحياتي الخالصه

مع السلامـــــــــــه

اختكم
.:*:.همس الأمس.:*:.

اذا تبين رايي لا تترددي وخبري ابوج او اخوج الكبير
اللي تشوفينه اقرب لج ويتفهم الامور بسرعه

اختي انتي تقولين انه
انا افضل هذا الحل
ليش

صح يمكن يكوون العقاب رادع ولكن في نفس الوقت بيكون اكيد انه ابوج بيهتم فيه اكثر
وخاصه انه عرف سوالفه

وبعدين السرعه في القرار ضرورية قبل لايصير اي شي غلط


بالمختصر بلغي احد عليه ولو كان القرار صعب
ولكنه الافضل لانه بيرده عن هالاشياء مره ثانيه وحتى لو حاول او فكر بيكون متردد
لانه انكشف في المره الاولى وخذ عقابه
وهاي المره الثانيه فما اتوقع انه بيفكر يعيدها

اذا فعلا ابوج من النوع الشديد فاتوقع انه احسن تخبرينه بينضرب اخوج صح
ولكن ما بيفكر يرجع لها الشي مره ثانيه اتوقع

والله المستعان

الله يوفقج اختي والله كان بودي يكون عندي حد يحاتيني مثل جي
لا تتخلين عن اخوج
والله يوفقج اختي

الممـــــ AvIp ــــيــز

أخت همس الأمس مني أنا نصيحة لج ...
إذا كنت قريبة من أخوج وايد نصحيه .. وإذا جان عندج أخوان أكبر عنج و يخاف منهم قوليلهم أحسن منج...وإذا ما عندج كلميه وإذا ماسمع منج هدديه بأبوج فيمكن يخاف و يبتعد عن هالدرب...
و نصيحة مني لا سكتي . لأنج أن سكتي بضيع اخوج و بعدين بتعيشين بندم وذنب هالسكوت .... و إذا أنتي ما بتتكلمي عمره أخوج ما بيعرف خطاه ...
أختج عيوز الحارة

سلامـيـ ـ ـ ـ ـ

الله يعينك يا همس الأمـس

ويهدي اخوك ويصلحــه ..

وفي نظري بأن الحل يجب أن لا يكون بتدخلك المباشــر

فالأفضـل أنك تخبرين الأقرب الى أخوك الأصغر منك سواء كان أخوك الكبير أو أبوك

وهو يتصرف بطريقتــه ..

فالتعامل قد يكون صعب بينك وبينه خصوصاً بأنه يمر في مرحلة المراهقه

والموضوع ما تطرّق لأسباب الوضع الذي هو فيه بل الحل ..

ولو عرف السبب بطل العجب !

فالوضع اللي عايشه أخوك طبيعي نظراً للحرية الكبيرة التي أعطاها له أبوك


فأرجع وأقولك أن الحل يجب أن لا يكون بتدخل مباشر منك أنتِ

كلمي الأقرب له أخوك أو أبوك وهو يتصـرف



والله يكتب اللي فيه الخيــر ,,


تحياتي

الله يعينج يالغاليه ..

وانا من رايي انج في البدايه .. تتكلمين معاه وترمسينه بينج وبينه .. وبدون ما احد يعرف .. وتحاولين تبينين له انه اللي يسويه غلط .. وانه لازم يصلح اخطاءه ..

واذا شفتيي انه ما اهتم بكلامج .. وما سمعلج

المفروض انج تخبرين حد ثاني له سلطه عليه .. يعني اخوج العود او ابوج .. واكيد هم بيعرفون يتصرفون معاه ..
اكيد بيزعل منج في البدايه بس بعدين بعرف انه اللي سويتيه علشان مصلحته ..

لج مني كل التقدير والاحترام ..

انـــا

والسموحه ..

انا رايي بعد تطوير الموضوع وتدخل الوالدين مباشرة
اولا انا مااعرف طبيعة علاقتك معاه
بس المهم هوالبحث عن شخص في نظر اخوك قدوة او مصدر امان له
لانه بيسمعه اكثر من الباقين
والتصادم بينكم بيجيب نتيجة عكسية
حل الموضوع بشكل ودي ومكاشفة كاملة مع بعضكم بيحل المشكلة بهدوء
تحياتي لكم

وش دعوه لايكون اخوك سارق وانا ماندري الي سواه اخوك شي عادي

ممكن اي شاب يسويه انتي قلتي اخوك في سن المراهقه يعني مو شي

غريب شاب في مدرسه خاصه ومعى بنات صراحه راح يسوي اكثر حبيتي

تقولين لخوك او ابوك او امك مراح يتغر شي اي شاب مراهق وفي مدرسه خاصه

مجبور يسوي مثل ماسوى اخوك يعني لاتنصدمين في اخوك ترى شي عادي

مرحله وراح تعدي وارجو من الجميع يحترم رائي لانه مجرد رائي

أنا أقولج ...النصيحة بس بطريقة حلوووة ...يمكن تفيد ...

أول شي حاولي تنصحينه ..

وإذا ما فاد خبري أهلج ..

.. إنسانة حساسة ..