كرهت شي اسمه زواج ... اتمنى اني اعرف آرائكم

السلام عليكم

بقولكم قصه بسيطه عن ابتسام

ابتسام طفله بريئه طيبه حبوبه مرحه

تبلغ من العمر عشر سنوات

بعد مارجعت من المدرسه وتغدت راحت البقاله تشتري حلويات

راعي البقاله استغل الوقت والهدوء الموجود بالفريج

وهجم على البنت وبدون رحمه

اغتصبها

بدون رحمه

وهي خائفه

لا تعلم ماذا تصنع

لا تعلم ماذا يجري

رجعت الى بيتها وهي تبكي وتسأل نفسها

ماذا حدث ؟

لم تخبر أحد بالموضوع

هذه الحادثه حدثت من 14 سنه

وتبلغ ابتسام الآن 24 سنه

وتملك من الجمال مايسلب العقول والأنظار

ولكن ....!

اصابتها عقده نفسيه

اصبحت تكره الرجال

لا تريد الزواج

لسببين

الخوف من ان يكشفها زوجها بأنها ليست بعذراء

والسبب الثاني والاهم كرهها للرجل بسبب ماقد حدث لها بالسابق

...

اخواني وأخواتي

هل ياترى نسبة الفتيات المغتصبات وهم صغار كبيره أم صغيره ؟

ماذا ردة فعل المجتمع عندما يعلم عن هذه البنت ؟

أخي الشاب

مارأيك بهذه البنت وهل من الممكن ان تقبلها وبكل صراحه زوجة لك ؟

وفي رأيكم شو هو الحل بأن تباشر هالبنت حياتها الطبيعيه ....!

انتظر ردكم

الصراحة الموضوع جرئ ..

انا بعتقادي ابتساااااااااااام مالها اي ذنب بلي صار هي بريئة ...

الله يعين المجتمع الاسلامي من هالحوادث..

تسلمين ختيه.

السلام عليكم...

مشكورة لطرحج مثل هاي القصه...
الصراحه الإغتصاب مب شي هين ..
والله يستر على كل بنات المسلمين..
والإخت ابتسام لازم ما ترمس في هذا الموضوع..
يعني أهلها يمكن أبوها وأمها يدرون...بس المعرس لا...
ليش.......؟؟أنا بقولكم...
في حديث لرسول...ما حافظتنه بس بقولكم ..
يا الرسول ريال ...وقاله إنه يبا يزوج بنته ...لكنها مغتصبينها يوم كانت صغيره..
يخبر الريال إلي يا يتقدملها ولا لاء..؟..قالها الرسول إذا الله كان ساتر على بنتك..
وما عرفوا الناس لا تقوله....الله يستر الناس بس الناس هيه إلي تفظح عمرها..
والله تمم هذي الزيجه على خير..

بس المهم في حاله ابتسام تكون مستعده نفسييا.....( وانتوا فاهمين علي...)
الإستعداد النفسي مطلوب أكثر...


والسموحه :
شجووووووونوووو

صح اختي شجون القلب المفروض ابتسام ما تقول لاحدحتى لزوجها وزي ماستر عليها الله تستر على عمرهما ويمكن ماصاب البنت اي شئ ( والله على كل شئ قدير )

اشكرج اختي الكريمه على طرحج لهالمشكله اللي تواجه كثير من مجتمعاتنا في الوقت الحالي ..

وانا من رايي ان البنت مالها اي ذنب في هالحاله . لأن كل اللي صار غصبن عنها .. وشي طبيعي انها تنعزل عن اللي حواليها وتكره الرياييل بعد اللي صارلها .. لأن هالشي مب هين بالنسبه لأي بنت ..
ونظرة المجتمع بتكون وااايد سلبيه لها .. لأن البعض او يمكن الكثيرين بيحملونها المسؤوليه .. وبيعتبرونها غلطانه .. وهذا اللي يخليها خايفه من انها تواجه نفسها وتواجه غيرها باللي صارلها ..

والمفروض لو تقدم لها انسان للزواج .. لازم يعرف الحقيقه .. ولو كان صدق رجل صالح .. بيوافق على انه يستر عليها ويحافظ على سمعتها ..

لج مني كل التقدير والاحترام ..

انـــا

والسموحه

السلام عليكم

تبغون تعرفون شو راي انا...

انا بقولكم.....

ابتسام مالها ذنب و لازم ريلها (زوجها) يعرف علشان ما ينصدم ليلة الدخلة...

وعقب يطلقها...

بس اذا عرف انها مغتصبة راح يعالمها بكل احترام وتقدير علشان بيعرف انها اوريدي تكره الرياييل...

ولا انتوا شو رايكم...

حتماً سأقبل بها في حال كان ذلك الامر بيني وبين أهلها
دون علم الأخرين حتى لا يتفشى أمرها وتصبح الأمور أكثر تعقيداً .

مشكور على هذا الموضوع إختي
وهذ الموضوع حساس مره
وكان يجب على العائلة أو البنت من أول الامر
إخبار احد المشائخ لكي يحاول يحل المشكلة
ومانقول إلا حسبنا الله ونعم الوكيل

اشكرج اختي لتناولج هالموضوع المهم جدا
اكيد الكل يسمع بحالات الاغتصاب اللي تستوي عنا
واكيد كلنا نتفق ان عدد هالجرايم يزداد وطبعا لاسباب كبيره
بس اللي حابه اني اوضحه
نظره المجتمع لهاي الانسانه هيه مالها ذنب بكل اللي استوى معاها
بس المجتمع ما يرحم يطلع الف عله وعله في البنت
في ناس بتتعاطف معاها بس الاغلب بيفسر هالشي بتفكير سلبي
انا اشوف ان لو الكل تجنب هالبنت وما فكر في الزواج منها
بيكون حالها سيء جدا وبتكون مظلومه
يعني هذا قضاء الله وقدره ومب هيه اللي جنت على عمرها
والحل في ان البنت تباشر حياتها بشكل طبيعي انها تحس باللي حواليها
انها مب مسويه شي غلط ومب الغلطه عليها
احساسها بانها مب المذنبه في هالموضوع يمكن يساعد في انها تعيش حياتها
بشكل طبيعي ..