مسلسل فجر السعيد(دنيا القوي)

هلا اخوي الباندا

أنا بعطيك رايي في الأشيا الثلاث اللي ذكرتها

أولا: ترا عيون المراهقين متفتحه على أشيا أفضع من جيه بوايد و نحن ما

نقدر نبعدهم عنها كلها .. و ما شي حل حق مثل هالمشاكل غير انه

انخلي الطفل أو المراهق ينتقد الأشيا اللي يشوفها نقد بناء و عشان جيه

أنا أخلي خواتي يشوفون هالمسلسلات (للعلم انه وحده في الإبتدائي

و وحده مراهقه) و أتكلم وياهم عن اللي عيبنا واللي ما عيبنا

فالمسلسل بس بعض الأحيان أمنع اختي الصغيره انها اتشوف بعض

الأشيا لما أحس انها اتعدت الحدود بس ما أسوي جيه مع اختي

المراهقه ... يعني بالمختصر المفيد التربيه الها دور كبير و اذا عرفنا

انربيهم بحيث انه انخليهم ايكونون قيمهم بمساعدتنا ما بيتأثرون بأي شي

يشوفونه مهما كان سيئ... و بعدين حتى لو منعناهم من انهم يشوفون

هالمسلسلات أو حثينا الرقابه انها ترفض عرض أي مسلسل يحتوي

على هالأفكار ما بنقدر انسوي نفس الشي فالقنوات الأجنبيه مثلا... و

فيه حد فالبيت ما يشوف مسلسلات أجنبيه ولا أفلام و لا أغاني بعد!!! و

تراهم أفضع بواااااااااااايد من اللي نشوفه في هالمساسلات


و جان يت على اسلوب الصغير فالمسلسل فأعتقد انه اليهال نفسهم

ايعرفون انه هالشي غلط و أقل مثال على جيه انه اختي الصغيره لما

اتشوفه اتقول "حرام الله بيوديه النار لأنه ما يحترم ابوه..صح؟"


و عن النقطه الثالثه اللي ذكرتها أنا وياك و ما عيبني هالشي

مووووول..لأنهم ما قدروا ايصورون صورة الإنسان الملتزم بصوره صحيحه

و دايما ايخلونه فالمسلسلات على انه انسان متزمت و معقد ويصورون

الإسلام على انه دين عسر مب يسر ... يعني لو صار هالشي في

مسلسل واحد بنقول ما عليه لأنه أصلا في وايد ملتزمين بس متشددين

زياده عن اللزوم ..أكثر من اللي الله أمر فيه بس الله يهديهم أبدا ما

صوروا الإنسان الملتزم بالصوره الصح في واحد من المسلسلات اللي

شفتهم كلها!!!

و مشكور يالباندا على هالموضوع و تفهمك لجميع الأراء و هالشي ما ينوجد في أي حد