نقاش أرجو الدخول من الجميع &&مهم&&

اممممممممممممم صراحه موضوع حلو ويبيله قعده ..

انا اشوف ان تميز المنتدى نفسه يكون راجع لتميز الاعضاء نفسهم..لان اللي يبني المنتدى هو افكار الاعضاء ومواضيعهم البناءه...

لكن على كثرة المنتديات نادر ماتلقى منتدى ناجح..صج في منتديات مشهوره..لكن لما تدشها وتفتر

في ((ربوعها))<<<< حلوه ربوعها.. ما تحصل غير اضمحلال فكري يعني تلاقي بعض المجالس

اللي تكون فيه اهتمامات الشباب قمة الاضمحلال ..اي لا فائده ترجى منه..
فاهمين علي انتوا طبعا

بالنسبه حق رغبات الاعضاء..اكيد توفر المجالس اللي تلبي رغبتهم..لكن قبل لانضيف لهم هاذي

المجالس لازم ندرس اهم الفوائد اللي ممكن تعود على العضو من جراء وضع هاذي المجالس..

هاذي وجهة نظري واتمنى ان ماطولت عليكم..

كلمه اخيره: مــــا في احســــن من منتدى الـــم الامـــارات

صراحه موضوع عجيييييييييييييييييييب اخويwslat.net

مرحبا.. wslat.net موضوع ممتاز تشكر عليه ويعطيك الف عافيه


وانا راح اجاوبك على سؤالك



المنتدى هو بيتك الثاني وفية اصدقائك واخوانك يشاركون معك في المعرفة وفي المزح ويزعلون لزعلك ويفرحون لفرحك

وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصداقائه بهذا الشئ

فكيفك نجعل منتدانا هو الأفضل ؟؟

الحل بسيط

(( تشجيع الأعضاء الجدد ))
هذي هي البداية وأنت أكيد تتذكر أول يوم جيت فية للمنتدى وكتبت موضوع وكم تمنيت يرد علية الكل ،، والعضو الي دايم يكون الأول في الترحيب ،، حبيب وقلبه طيب


(( قبل أن تكتب أي موضوع في أي قسم معين يجب أن ترد على موضوعين اوثلاث او اكثر ))

وهذا شئ مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الأبداع أكثر فاكثر وأنت أذا رديت على موضيعهم الكل بيرد على موضوعك إذا كان يستحق .
والعضو الي دايم يرد على المواضيع يسمى ،، محبوب الكل


(( تشجيع المواضيع التي يكتبها اصحابها ))

أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات ،، أكتب فكره أو معلومه أو انقل من كتاب او مجلة مايستحق النشر
والعضو الي دايم يكتب مواضيعه بنفسه ،، هذا نشيط ومتميز


(( الكلمة السحرية ))

وهي أن تكتب كلمة ( شكرا على هذا الموضوع ) كلمات قليله مراح تتعبك او تنقص من قدرك او كبريائك المزيف ،، كثير مانشوف مواضيع عدد قرائها فوق السبعين او الثمانين ومن هولاء فقد يرد على صاحب الموضوع واحد او ثنين وأكثر الأحيان تجد الموضوع خالي من أي رد ..!!
يعني أنت تبي الكل يرد على موضوعك وأنت يابعدي ماتكلف على عمرك وتجامل صاحب الموضوع ..
ويسمى العضو الي دايم يشارك ويحث الاعضاء على المشاركه ،، ياحبنيلك


(( محاربة الشليلة ))

وهذا أكبر خطر يهدد أي منتدى وكثير من المنتديات هرب منها اعضائه لهذا السبب ،، وشليلة هي أن يتفق الأعضاء ويقولون ( احنا والله شله ارتحنا لبعض ومانبي واحد جديد يخش بينا ،، والاتفاق هو ترد على موضوعي ارد على موضوعك ) ويروح فيها الضعيف ( العضو الجديد ) مايعطونه وجه لين يمل وينسحب من المنتدى ،، لا ومن زين الطبايع بعدها بفتره يقلبون على بعض ويصير كل واحد يكتب موضوع ولا يرد على الثاني ،، وخلاص انتهاء المنتدى وصار ممل والاصرف انه يتقفل


(( التواصل بين الأعضاء ))

التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض او مسافر حتى أهلك مادروا عنك ،، وتجي للمنتدى ولكل مشتاقين لك ويسألون عنك ،، أكيد بتشقق من الفرحه ومحد قدك )
ويسمى العضو الي دايم يسأل عن الاعضاء ،، ياطيب القلب وينك



(( التقليل من المشاكل وحوادث السيارات ))

يعني ثنين من الاعضاء تهاوشوا وقلبوا المنتدى فوق حدر ونقسم المنتدى الى حزبين وكل واحد معه عجرا وجيب الفزعه
( ياخي بينك وبين اي عضو مشكله او رده ماعجبك او لك ملاحظة ،، ارسله على الخاص وتفاهم أنت وياه بدون مايدرون الأعضاء )


(( خل كل كلامك ذوق))

يجي عضو ويتعب ويكتب موضوع جاد ومهم ويتوقع ان بيرد علية ويناقشة الكل ثمن يجيك ذك العضو الي مايدري وين الله حذفه ويرد رد بايخ،، الموضوع في شمال في العليا وهو يرد شرق في الصمان ،، ويخرب الموضوع او يقلبه تشات
( المواضيع الجاده والمهمه تحتاج الى رد جاد وبعكسها المواضيع الساخره او المصرقعه يرد عليها برد ساخر )




المنتدى ليس بعدد اعضائه ،، بل بترابط اعضائه كلأسرة الواحده وكما قال رسول الله علية افضل الصلاة وسلام (( مثل المؤمنين في توادهم وتراحمهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى )) وقولة علية السلام (( المؤمن للمؤمن كالبنيان يشد بعضه بعضا ))

تحياتي

(( تشجيع الأعضاء الجدد ))
هذي هي البداية وأنت أكيد تتذكر أول يوم جيت فية للمنتدى وكتبت موضوع وكم تمنيت يرد علية الكل ،، والعضو الي دايم يكون الأول في الترحيب ،، حبيب وقلبه طيب


اتوقع التشجيع أهم حاجة

تسلم أخوي على الموضوع الحلو
ابرايي إن ناجح المنتدى هو بالآراء والأفكار إلي يطرحها وأهم شيء المواضيع إلي الكل يقدر يعبر فيها عن رايه .

مشكور اخوي على الموضوع الحلو .... و انا ما بازيد على اللي قالوا الاعضاء و انا مع Crazy For You في اللي قاله... وصح المنتدى يتميز بتميز اعضائه.... و كل ما الواحد كان اهتمام في منتدى واحد كان مبدع اكثر.... بس في ناس يشتركون في منتدين او ثلاث او اربع هذا يشتتهم و تكون مواضيعهم عادية لانها تكون في معظم المنتديات...

اما عن كثرة المنتديات والله اني شفت العجب لدرجة اني ادخل لمنتدى معين يقول
عدد المواضيع 2
اجل ليه موضوع هالمنتدى من الاساس

ولم احاول ان اشترك في اي منتدى حتى وجدت منتديات الم
(( وتراني عضوة جديدة واحاج للتشجيع الله الله فيه))
واما عن طرق التشجيع فما اضني اقدر ازيد شي على الذي
قاله الاخCrazy For You
وموضوع جميل تشكر علية يا اخي

.. اول شي سبب نجاح المنتدى الأعضاء ..

.. 2) المواضيع اللي تعرض فالمنتدى ..

.. 3) منتدى ما يعارض الاسلام واحلى شي اني للحين هني ولله الحمد ما شفت موضوع عن الأغاني !!! او شي يتعلق به !!! وبالي ارتااااااااح .. هذا اهم شي عندي .. ان المنتدى ما يكون فيه مواضيغ اغاني ومواضيع ما منها فايده ..

.. ويزاكم الله خير ..

.. اتريووني في منتداي والا اقول امزح وياكم .. هذا اذا الله راد واذا فكرت ..

.. مشجور اخويه ..

الحقيقة كثرت المنتديات خربت النت صار الواحد يحس إن الدعوه زحمه على الفاضي ..

يعني في كل منتدى تلقى نفس الأقسام .. فكر مكرر .. ما في تخصص إلا ما ندر ..

هذا الشي خلى المنتديات بدورن قيمة وفقدت الجاذبية كل واحد يفتح له منتدى ويجمع فيه أعضاء وهو عارف إن منتداه ما جى بشي جديد يعني أضاعت مجهود .. لا و زاد الطين بلة إنه أنصرف الكثير من الأعضاء عن المنتديات الكبرى بمنتديات فرعيه فصارت المشاركة في كل المنتديات تقريباً باااااااااااااارده إلا ما ندر ..

أنا أتكلم من واقع تجربة شفتها من أول ما دخلت النت بالسعودية .. هذا إذا سمحتوا لي إني أدلي بدلوي ..

كثرت المنتديات وأكثرها مملة واللي زاد وغطى الشات السخيف اللي في بعض المنتديات ، أنا أحس أن بعض المنتديات صارت خطرة على البنات بسبب الشات الصوتي ، يارب تحفظ البنات والشباب من فتن الشات الصوتي ،أنا بالنسبة لي المنتدى الناجح هو المنتدى اللي يكون فيه مواضيع إسلامية وايد ، ومواضيع خاصة بالأسرة والمجتمع والتكنولوجيا والتقنية الحديثة وكل شيء مفيد ، وأهم شيء مايكون فيه قسم للأغاني لأن الأغاني حرام ومدخل من مداخل الشيطان .وياريت يكون أعضاء المنتدى مثل الأسرة الوحدة مثلاً يكون المشرف العام هو أبو الجميع حتى لو كان صغير بالعمر لأن المهم الواحد يكون كبير بعقله مب بعمره .

هذي وجهة نظري وياريت محد يزعل مني