ظاهرة الإعجاب..

مرحبا الساع

الصراحة انا استغرب من اللي يصير الحين البنات بنقول هالسن فيه شوية حركات وللاسف بايخة لاني صادفت مرة انة بنت تخبرني ان وحدة تبي تتعرف علي لكني سويت طاف لاني اكره هالحركات والظاهرة هذي منتشرة في مدرستنا (الاعدادية) بشكل غامض
لكن الطامة الكبيرة اللي طالعة هم ( الشباب ) الله يستر عليهم يقولج مرة طالعة السوق والا اشوف منظر و العياذ بالله مادري حسبالهم تصوير فلم اجنبي

الله يستر اهلهم وين عنهم الصراحة استحيت اشوفهم على العموم الله يهدي الجميع وخاصة اللي في سني و السموحة


يدتكم للابد
مرزوقة

مشـــكورة هلى طرح هالموضوع المهم و الحساس.... انا اشوف وايد هالسالفة منتشرة بين البنات في المدارس و الكليات و الجامعات.... و انا سمعت عن وايد بنات طلقن من وراء هالشيء....احس في وايد عوامل ساعدت على انتشار هالظاهرة و طبعا اولها ضعف الوازع الديني ...... و بعدين البنت في فترة المراهقة ما تعرف توجه مشاعرها فبدل ما توجهه في حب اسرتها و اهلها تحب ربيعتها...بعدين الاهل ما يلاحظون على البنت تمسكها بربيعتها لانهم واثقين يعني ربيعتها ما بتضرها.... و طبعا ما ننسى التلفزون و الانترنت اللي لهم دور في نشر هالظاهرة .....

الفراغ العاطفي اهم الاسباب


المراهقه تتمنى تنجذب لشخص

تتمنى تذوق الحب

ولو كانت الطريقه غلط

الله يخلي التلفزبونات

مسلسلات واغاني ووووووووو

البنت يحليلها تتمنى تسوي شي

بس كيف

تتجه للوسيله هذي

لاحووول ولا قوة الابالله

الله المستعان الظاهرة هذي انتشارت بشكل كبير عندنااا وفي المجتمع يمكن يكون بس ضعف الوزاع الديني ..

مشكورة اختى على المووضوع

ولى عووووودة

يوم كنت في المتوسط كانوا كل زميلاتي لازم عندهم احد يعجبون فيه
قلت وانا مني اقل عنهم
واعجبت في وحده من المدرسات يعني اعجاب ماوصل لحدود الشذوذ والعياذ بالله
لكن صرت ارهق نفسي بس عسى هالمعلمة تشوفني بعين الرضى ومرت الايام واجتمعنا ذاك اليوم في جمعة في اخر الفصل كانت المعلمة غايبة وقامت كل وحده تسولف عن الابلة او البنت الي تحبها
لاحظت وحدة من زميلاتي تتكلم عن المعلمة الي تحبها بحب مو طبيعي
(( بس للصدق والامانة كان مجرد حب)) بس والله مووووووووووو طبيعي
بغيت اغير الموضوع
قمت سألتها من تحبين اكثر هي والا امك؟
ردت عليه انت اول تحبين من اكثر ؟؟ سألتني بطريقة ساخرة قلت لها: امي طبعا
قالت : صدق!!!!
كأنها مستغربه من اجابتي
(((((انا هذا الموقف ما راح انساه في حياتي ابد))))))))
قلت لها : امي الي ربتني وتعبت علي تشبهينها بوحده يمكن حتى مادرت عني وقمت غاضبه من بينهم وبديت اردد عليهن أفضال الام
وقلت : بنبرة حادة لاعاد الاعجاب ولا ايامه ان كان بيخليني افضل اي حد على امي
ومن يومها ودرت شي اسمه اعجاب
والحمد لله ابرك
مشكورة اختي على الموضوع المميز