زواج الاقارب

الاقــــارب عقـــــارب

مشكورة أختيه أم عقصين عالموضوع

بصراحة ما أفضل زواج الأقارب و في نفس الوقت محد يقدر يجبرني عالقريب و لا عالبعيد

بالنسبة لزواج الأقارب يولد المشاكل لا سمح الله اذا ما استمرت الحياة بينهم بسبب الاجبار و النفوس تثقل على بعض و ينفصل الأخ عن أخوه و نفس الشي بالنسبة لعيالهم

و زواج الأقارب يولد الأمراض و يظهرها بعد ما تندفن في منهم بيقولون القريب أأمن، و ردي عليه مب شرط و دليلي على هالكلام أخت ربيعتي تزوجت ولد عمتها و هذي انفصلت بعد ما يابت بنت، وين الأمان في هالحالة؟؟؟ و قال المثل****أقرب لك عقرب لك****

و أزيدكم من الشعر بيت....ربيعتي و باقي خواتها خذو غرب عنهم و منهم من إمارات ثانية و ماشاء مرتاحين و الله يزيدهم ان شاء الله في الراحة


و قضية الاجبار هاي قضية ثانية و مثل ما اتفضلوا بعض الأخوات ما ارد بالموافقة وقت الملجة و خلاص كل شي ينتهي لساني ينطق باللي ابيه و مستقبلي انا ادرى به
محد يقدر يجبرني و كل وحدة اتعرف كيف تقنع أهلها قبل ما توصل السالفه و تستوي الفضيحة وقت الملجة انها ترفض الرد بالموافقة

في بعض الحالات الأهل يعصبون في حال رفض البنت ماله مبرر و الريال لي متقدم ما فيه عيب (في حال كان بعيد أو قريب يعني ماشي تحيز من قبل الأهل)


اهنيه أهمس في أذن كل بنت قبل الرفض لأي شخص سواء قريب أو بعيد وجوب التفكير في المتقدم هل ينطبق عليه الدين و حسن و الخلق و عدم النظر لتوافه الأمور مثل المال و المنصب و البذخ و ما إلى ذلك من الأمور الفانية....


ترا الزوجة ممكن ترفع من مقام زوجها يمكن تاخذه فقير مال و لكنه غني الأخلاق و هي ترفعه من فقير إلى غني و طبعا منو لي بيكسب اجر هي و لا حد غيرها و الله بيسعدها ان شاء الله لأنها ما ردته و هو فقير و الله رزقهم على نياتهم


لكن لي تقبل بالرجل غني المال و فقير الأخلاق صعب العيش معاه و بيي يوم الله بياخذ عن الخير و بيظل فقير المال و الأخلاق


يمكن طلعت شويه عن الموضوع بس حبيت أوضح بعض النقاط لي ممكن إتأثر في القبول أو الرفض للشاب في الوقت الحالي



و السموحة عالإطالة



أختكم



الغاوية

السلااام عليييييييكم


اشحالج غناتى ..


هههههههههههههه انا مبسوطة ماعندى اعيال عم علشان يغصبونى عليهم ..وانا اكبر وحدة في العيالة ...

بس والله حلووو يكون للوحدة ولدعم ياسلااام سلم ..هههههههههههه

تسلمييييييييين يالغلاااا على الموووضوع ..

زواج الاقارب بالاكراه والغصب انا ارفضه
لكن باختيار واتفاق الطرفين 00ماعندي اي
مانع

والا شو رايكم

السلام عليكم

في البدايه احب اشكر اختي ام عقصين على موضوعها الحلو

انا سعوديه حضريه وماعندنا زواج عيال عم او اقارب الا اذا كان الولد هو اللي يبغاها في هذي الحاله تشاور البنت اذا وافقت الله يوفقهم ماوافقت الزواج قسمه ونصيب

لكن لو بتخيل اهلي غصبوني على ولد عمي بكون واقعيه شوي

أولآ أهلي مستحيل يغصبوني على شي فيه شر لي مهما صار ومهما كان انا بنتهم اقرب لهم من اخوهم وولده

يعني ان شاء الله بيكون كويس وبيكونون عارفينه وزياده على كيذا بعد اكيد بيسألون عنه فهذا كفايه اني بكون عارفه اخلاقه

بحاول ابين لهم وجهة نظري بس مو بقول والله انا ما ابيه لاني محيره له او معتبرته مثل اخوي لانهم كذا بيتمسكون فيه اكثر وبيعتبرونك بزر وما تعرفين مصلحة نفسك ولا كان جوابك اكبر من كذا

بستخير وبشووف اذا ما أرتحت بقولهم اني صليت استخاره وما أرتحت وقال تعالى/ (عسى ان تحبو شيئآ وهو شر لكم)

واذا بعد متمسكين في رأيهم بصلي وبدعي ربي وبتوكل على الله لان اهلي يشترون سعادتي بالدنيا كلها كيف عاد بيغصبوني على واحد ما أبيه وفيه شي الا اكيد انه ما فيه شي

وهم بيضحون فيني انا بنتهم له اكيد انه رجال فليه انا بعد ما أضحي عشانهم وأوافق عشان بس اشوف الفرحه في عيونهم مستعده اضحي بالدنيا كلها بس اهم شي يكونون راضيين علي كيف عاد اشوفهم فرحانيين

والكره اللي بقلبي له احاول اعرف عن ولد عمي هذا كل شي عن طريق خواته او اخواني وهذا شي عادي لانه بيكون زوجك فطبيعي بتعرفين عنه

وصدقيني اذا سألتي عنه الناس القريبين منه بتلاقين ان الكره بدا يرووح شوي شوي لانه اصلآ ما جاء من موقف او من شي لا انتي اللي زرعتيه بنفسك وانتي اللي بتشلينه

اما الحب فهذا مو شي أساسي بالحياه اهم شي الالفه والموده ومع العشره ممكن يجي الحب وممكن ما يجي لانه أصلآ مو مهم

لازم ما نتأثر بالقصص اللي نسمعها او حتى نشوفها او نقراها لا المفروض نكون واقيعيين شوي

وبعدين فيه آيه بالقرآن الكريم تقول: ( وجعلنا بينهم مودةً ورحمه) ياماما وياماما حريم متزوجات ما يحبون رجالهم لكنهم مبسوطين وحريم يموتون برجالهم وتعيسين

وانا من وجهة نظري ان الزوجه مالازم أبدآ تحب زوجها وتتعلق فيه لان هذا الشي بيذلها اذا كان هو عادي ما يحبها ويموت فيها بمثل ما هي تحبه

اذا تهاوشت معاه قلبها بياكلها عليه وبتراضيه حتى لو كان هو الغلطان والسبب تحبه

اذا سوا شي المفروض انها تزعل عليه بتمشيها لانها تحبه

اذا أهانها او ذلها بتقول راضيه لاني احبه

فهنا الزوج بيمل وبيحس انها شي من ممتلكاته خلاص كل شي يسويه هي بترضى فيه بيطفش بيروح يدور اللي يحس انها زوجته مو من ممتلكاته او بنته

اعذروني على الاطاله بس حبيت أبين وجهة نظري في هذي السالفه

يؤ يؤ توني اشوف موضوعك الخاطره أولآ ما شاء الله تبارك الرحمن أسلوووبك روووعه

ثانيآ اذا أنتي تحبين واحد ثاني فصدقيني الحب هذا ماراح ينفعك ما كل من نحبه يكون زين ممكن يكون الحب عامي عيونك عن أشياء كثييره موجوده في ولد عمك مو موجوده في اللي تحبينه ولد عمك منك وفيك وعارفته وبيربي عيالك وعياله مثل ما تربيتي انتي وياه لكن اللي تحبينه شلون بيكون معاك ؟؟ يحبك مثل ما أنتي تحبينه ؟؟

ولد عمك هذا تدرين عنه يمكن بعد هو مغصوب عليك مثلك يمكن بعد هو يحب وحده ثانيه ؟؟ بس بيتحمل وبيتزوجك عشان خاطر أهله فليه هو بيبر أهله وأنتي لا ليه تخلينه من البدايه أحسن منك

يمكن مع الايام تبين لك أشياء أنتي الحين غافله عنها وما تعرفينها يكون اللي انتي تحبينه محير وحده من بنات عمه او من قرايبه وبينغصب عليها او برضاه ؟؟ حطي كل الاحتمالات في بالك وأهم ما عليك كرامتك شوفي مين اللي بيحفظها لك ولد الغرب ولا ولد عمك ؟؟

ولد عمك مهما صار بينك وبينه مستحيل يرضى عليك المذله لانك قبل ماتكونين زوجته بنت عمه ومثل اخته بس الحين زوجته وطبيعي اقرب

مستحيل في يوم من الايام يفكر يغلط عليك او يهينك او يذلك او يسوي فيك اي شي لانه بيحط ابوك وابوه وامك وامه في باله قبل اي شي لكن ولد الغرب لا ما يهمه لانه لو لا سمح الله وتطلقتي عادي بيرجع لاهله وانتي لاهلك لكن ولد عمك اهله هم اهلك

فكري زين وحطي في بالك ان الدنيا اخذ وعطاء ومو كل شي نبيه بنحصل عليه عيشي حياتك والدنيا فانيه لا تضيقين خلقك وخلي حياتك تمشي تزوجتي هذا ولا ذاك اللي كاتبه الله بيصير يعني لا تشلين هم لو الله كاتب لك السعاده بتحصلينها ولو الله كاتب لك الشقاء بعد بتحصلينها انتي ادعي ربك يوفقك ويسهل لك امرك وتوكلي على الله منتي اول وحده ولا آخر وحده وهذي الدنيا ماشيه واذا انتي تحبين الغريب بجد ادعي له بالتوفيق بس لاتنتظرينه لانه لو بيتقدم لك كان تقدم من زمان قبل ما يتكلم عمك ولو يحبك كان اقل شي بين لك انه يحبك ويبغاك وتقدم لك الحين حتى بس تتطمنين انه ما يلعب وانه كان جاد

ما في ريال بيرضه يعيش ويا وحده ما تبيه... ما اعتقد ان كرامته تسمح له

ولاني بصراحه وايد جريئه باقول له يا ولد العم انت اخ عزيز وغالي وولد عمي على عيني وراسي بس اسمحلي ما ابي اتزوجك...

السلام عليكم و رحمه الله و بركاته

حبيت بس اقولج يا ام عقصين

اول شي من رايي انه زواج الاقراب مب زين للاسباب

1 - تشابه فالجينات الوراثيه هذا يمكن يسبب امراض او انه العيال ما بياخذون ميزات غير = مثل الذكاء و غيره واايد .

2 - لو كل واحد قال ما بخلي بناتي يعرسن الى من عيال عمهن او حد يقربلهم (( جان الناس ما تعارفت )) و هذا بيسبب مشكله و انطوااء فالعائلات .

3 - ليش ما نخلي العايله تكبر تكبر بزواج من غير الاقارب الناس تتعارف و تتحاب و توسع العائله .

4 - زواج الاقارب فيه انواع عديده من المشاكل مثل انه الريال متعود يشوف بنت عمه فيقول شوها مليت منها و بيختلق اي شي عشان يضارب وياها و يطلقها .

و اخر شي اذا الوالدين مصممين على زواج البنت من حد يقربلها عندي الحل

اول شي تكلمهم بأدب و تقولهم ما اريده و تناقش الموضوع وياهم مافي شي بعصبيه

و اذا الوالدين اصروو على الزواج نصيحتي للبنت انه تبر والديها و طيعهم
و توافق و بعدين هالدنيا الزواج قسمه و نصيب و اذا ما تحبه تغير اسلوبها و تحاول تنسى الاشياء الى ما تحبها فيه و تضحي عشانه و تقوله بصراحه فيك كذا و كذا مثلا صفاته الى ما تحبها و عادي ان شاء الله يتغير للاحسن و تحبه

و شو الفرق بين ولد العم و الغريب ترى كلهم رياييل لو البنت تفكر شوي كلهم نفس الشي ما شي فرق اذا فيه طبع تحاول هيه تغيره للاحسن

ولا تنسون يا ناس انا كتبت مشاكرتي


لانه في شي اساسي فالموضوع

بر الوالدين و طاعتهم

و الله يهدي الجميع ان شاء الله و مع السلامه ^__^

السلام عليكم .. زواج الأقارب
** مرات يكون له تأثير على حياه البنت او الولد لانه عمره ماكان الزاوج بالغصب .. لازم يكون باختيار الزوجين معا لانها حياتهم بالنهايه ومش أهلهم اللي بعيشون ..
بس انا مستحيل انني انغصب على ولد عميه او حد من أهلي لانه كل ماابتعدنا كان أحسن .. لان

** الأقارب عــــــــــــــــقــــــــــــــــــارب**